Þá höfum við það - Móses var dópisti

Var að lesa eftirfarandi á www.eyjan.is:

Móses var ekki bara hátt upp á Sinaí fjalli þegar hann heyrði Guð þylja upp  boðorðin 10, hann var líka hátt uppi vegna neyslu ofskynjunarlyfja. Þetta er a.m.k.  niðurstöður rannsókna sem Benny Shannon, prófessor í geðvísindum við Hebrew University í Jerúsalem, birti í heimspekiritinu Time and Mind í vikunni.

Hér er hægt að sjá restina af þessari frétt

 

Þetta skýrir nú ýmislegt

Ekki skrítið að Omega er alltaf að betla peninga!

Rakst á þessa mynd hér á netinu. Þetta er víst bifreið Eiríks omegastjóra sem þarna er lagt í stæði fyrir fatlaða. Ekki nóg með það heldur er þetta jeppi upp á kannski 3 til 4 milljónir. Svo voga þessir menn þarna hjá Omega að koma fram og bera það á borð fyrir okkur að þeir séu nánast í sjálfboðaliðsstarfi. Þeir hafa nú á síðustu árum keypt jörð fyrir austan heilan skóla og alles.

Held að fólk ætti að athuga í hvað það er að gefa þegar það sendir þeim peninga.

Jólahugvekja Magga B

Ég er og hef verið síðustu áratugina. Og með því að fylgjast með um ræðu um trú þessa dag hef ég algjörlega samfærst um að leið mín og kristinnar trúar á ekki saman. Þetta á reyndar við um flest og í raun öll trúarbrögð sem ég þekki eða hef heyrt af.

Mér er það lífsins ómögulegt að skilja nokkur megin atriði í kristinni trú:

1. Guð er almáttugur: Og hann skapaði heiminn og manninn í sinni mynd. Og hefur síðan með einni undantekningu horft upp á allar þær hörmungar sem hafa dunið yfir manninum. Jafnt trúuðum sem þeim sem trúa ekki á Guð. Hann sendi son sinn til jarðar til að boða manninum kærleik og taka á sig syndir manna. En mér finnst það lélegur árangur því að heimurinn hefur andskotans ekkert batnað síðan að Jesús var og hét.
2. Allar þær túlkanir sem hafa verið á því hvað Guð og Jesú eiga að hafa sagt og meint. Þannig byggjum við hér á landi á túlkunum Lúters frá því á 15 öld. Kaþólikkar byggja á trú sem hefur í veigamiklum atriðum breyst á síðustu öldum.
3. Fjöldi kirkjudeilda hver með sína skýringu á biblíunni.
4. Gamlatextamennið sem flestir sagnfræðingar eru sammála um að séu að stórumhluta saman safn flökku - og þjóðsagna sem er raðað saman til að mynda eina heild.
5. Furðulegt hversu Guð hin almáttugi skipti gjörsamlega um skoðun þarna fyrir 2007 árum og umturnaði öllu sem hann hafði áður sagt.
6. Furðulegt að kristnir líta á Ísrael sem fyrirheitnalandið sem lifir af heimsendi sem allir bíða eftir. EN það er bara alls ekki kristið land. Og hagar sé bara alls ekki sem slíkt.
7. Þá finnst mér furðulegt miðað við að Guð sé almáttugur að hann skuli drita kraftaverkum svona hér og þar en lætur síðan  foreldra deyja frá ungum börnum og ung börn veikjast og kveljast og jafnvel deyja.
8. Held að trúarbrögð sé tæki fólks sem getur ekki sætt sig við að við fæðumst lifum og deyjum og síðan ekki meira.
9. Sé ekki að trúarbrögð skili fólki betri heilsu, meira langlífi, betra lifi en þeirra trúlausu.
10. Ég til að menn sem eru á sæmilegum launum frá ríkinu og rukka svo aukalega fyrir alla þjónustu við fólk auk þess sem þeir eru menntaðir í skóla með styrkum frá ríkinu, geti ekki verið þeir fulltrúar Guðs sem lýst er í Biblíunni.

Þetta eru bara nokkur atrið sem eru að veltast fyrir mér. Nú ber þess þó að geta að ég hef ekki sagt mig úr þjóðkirkjunni, börnin mín eru skírð og dóttir mín er fermd og hin gerir það líklega líka. Því ég vill ekki taka ákvörðun fyrir þær. Þær geta síðan sagt sig úr kirkjunni síðar. Ég kem til með að gera það þegar ég finn gjöldum mínum betri farveg. T.d. ef þau mundu ganga til hjáparstarfs. Vill ekki borga til HÍ sérstaklega.

Jam þetta var Jólahugvekja mín.

Gleðileg Jól

Var Jesú hommi?

Hef verið að velta þessu fyrir mér í dag. Það sem ég man eftir að hafa lesið biblíuna í um hann í gamladaga finnst mér eins og hafi snúist um að hann safnaði í kring um sig mönnum (Postulunum) og konur voru aðeins til að lauga fætur hans og bera á hann ilmjurtir og smyrsl. Og hreyfingin sem óx frá þeim tíma Kaþólska kirkjan krefst þess að prestar og Páfar séu ógiftir (og "skírlífir)". Því velti ég fyrir mér hvort að þetta geti hafa verið, að Jesú væri hommi?

Gunnar í Krossinum fær góða kveðju

Var að lesa grein í Fréttablaðinu í dag eftir Einar Sigurbjörnsson þar sem hann svarar Gunnari í Krossinum varðandi bilbíu þýðingunna hina nýju. Skil ekki hvernig menn geta rifsit svo yfir riti sem sannanlega er safnrit flökkusagna sem safnað var á einn stað. T.d. hefur mér verið sagt að Mósebækurnar séu rit sem eru ekki í réttri tímaröð miðað við hvenær þær urðu til. Þá er mér sagt að dæmisögur Jesú séu margar hverja gamalar flökkusögur sem eigi uppruna sinn hundruð eða þúsund ár fyrir þann tíma þegar hann var uppi.

En semsagt að Gunnar telur sig umkominn að segja að þeir sem valdir hafa verið til þess að fara yfir íslensku þýðingunna séu bara að gera vitleysur.  En þessi grein er skemmtileg

 

Fréttablaðið, 20. apr. 2007 16:54

Ég snýti mér í foragt!

Ég snýti mér í foragt!
Einhver bóndi austur í sveitum hafði þetta að orðtaki þegar honum var ofboðið og geri ég það að mínu andspænis ummælum Gunnars Þorsteinssonar, sem kenndur er við Krossinn, um hina nýju Biblíuþýðingu í Fréttablaðinu mánudaginn 16. apríl síðastliðinn: Ég snýti mér í foragt! Athugasemd Kurts heitins Vonnegut um einhvern gapuxa fyrir nokkrum árum á líka vel við: What a searching mind! Aldrei hefur Gunnar þessi haft fyrir því að snúa sér til þýðingarnefnda Biblíunnar eða ritnefndarinnar, hvað þá sent formlegar athugasemdir. Í stað þess hefur hann staðið og haft uppi stór orð og blandin lygi um að þýðingin sé „ekkert annað en árás á menningu okkar og bókmenntir og ekki síst sjálfan kristindóminn". Innblásni textinn er Biblían 1981! En áður en Gunnar Þorsteinsson reytir af sér allt skegg og stendur alblóðugur frammi fyrir alþjóð í ákafa sínum fyrir innblásnum texta langar mig til að segja honum og öðrum frjálsum forstöðumönnum einn brandara: Biblían 1981 sem Gunnar kaupir nú í kassavís handa sauðum sínum er að stofni til sú Biblía sem kærð var til Englands árið 1908 af mönnum sem töldu að sú þýðing væri árás á kristindóminn og að þýðendurnir væru hættulegir falsarar! Ef Gunnar Þorsteinsson vill græða á því að selja þann texta sem hinn innblásna texta Biblíunnar þá hann um það. En ég snýti mér í foragt!

Fermingar - Skrípaleikur sem kirkjan tekur þátt í af líf og sál.

Var að lesa eftirfarandi á blogginu hans Steingríms Sævarrs og er nóg boðið. Afhverju er kirkjan ekki löngu búin að bregðast við þessu? T.d. að halda fermingu að kvöldi dags á virkum degi og gera þessar veislur og peningaplokk erfiðara.

Frekja fermingarbarna

Denni 2. apríl 2007

Það nýjasta í fermingum er að senda út boðskort þar sem “gjafir undir 8.000 krónum eru afþakkaðar”.

Með þessu er svo sendur listi með “þóknanlegum” verslunum þar sem þeim sem ætla að gefa gjafir er bent á að versla í…fyrir meira en 8.000 krónur.

Hvað næst? Lokað útboð?

Man ekki alveg hverning þetta var en fór ekki byltingarmaðurinn Jesú inn í musterin og ruddi út sölumönnum og básum. Er ekki orðið makalaust að kirkjan stendur fyrir nær öllum þeim tækifærum ársins þar sem að fólk og verslunarmenn sleppa sér í kaupæði. Jólin, fermingar, brúðkaup, Páskar og fleira. Þannig að verslunarmenn og krikjan virðiast vera komin í gott samstarf.

Trúarbrögð eru orðin eitt af stærstu vandamálum mannkyns.

Sammála þessu hjá Jónasi Kristjánssyni:

04.01.2007
Trúin er skæð
Stríðið milli Eþiópíu og Sómalíu er stríð milli kristinna og múslima. Flest stríð í heiminum hafa runnið í þann farveg síðasta hálfan annan áratug. Balkanstríðin fyrir áratug voru stríð orþódoksa, kaþólikka og múslima. Borgarastríðin í Líbanon hafa verið milli kristinna og múslima. Stríðið gegn Írak og Afganistan eru krossferðir kristins Bandaríkjaforseta gegn múslimum. Um leið og deilur heimsins komast í klær hinna trúuðu, er voðinn vís. Trúarbrögð eru orðin eitt af stærstu vandamálum mannkyns. Undir skikkju þeirra eru mestu voðaverkin framin.

Guð er góður?

Alveg finnst mér svona fréttir sem vatn á millu okkar sem trúum ekki!

• Hvernig að prestar og kirkjuleiðtogar haga sér, hvernig að trúarhreyfingar haga sér
• hvernig að ríkisstjórnir haga sér gagnvart öðrum kirkjudeildum 
• hvernig kirkjudeildir haga sér gegn stjórnvöldum.
• Og svo hvernig trúarbrögðum er beitt til að kúga fólk og ráðast á það.

Finnst þetta allt bera þess merki að trú sé sköpuð af mönnum til að vekja þá von að það taki eitthvað betra við þegar við verðum að ormafæðu og áburði.

Enda virðast allir sem komast til valda innan trúarbragða leitast við að maka krókinn. T.d. finnst mér það í engu samræmi við það sem ég las í Biblíunni forðum að prestar skuli vera í kjarabaráttu og þyggja vænar summur fyrir að framkvæma kirkjulegar athafnir.

Mér finnst alveg furðulegt að einstaklingar getir hver á eftir öðrum stofnað kirkjur og söfnuði um sína túlkun á bibliunni og mér finnst að ef þetta er Guðs orð þá sé hann allt of óskýr og láti allt of margt liggja á milli hluta sem og að hann leyfir sér að skipta nær algjörlega um skoðun fyrir 2000 árum. Var hann þá að gera mistök allann tíman sem Gamla textamenntið nær yfrir.

Forsetinn fyrirskipaði íkveikju til að kenna kirkjuleiðtogum lexíu

Enn verð ég að benda á síðunna hans Jónasar K

Mér finnst þetta alveg stórskemmtilegt lesefni. Hann skefur ekki af hlutunum nú þegar hann skrifar bara í eigin nafni. Og nú um stundir eru það hinir trúuðu (frelsuðu) sem verða fyrir barðinu á honum. Sbr.

 

18.11.2006
Endir á morgun
Trú á yfirvofandi heimsendi dreifist hratt. Fjórðungur Bandaríkjamanna hefur tekið þá trú, sem stíft er boðuð hér á landi af Krossinum og Omega og fleiri innheimtustofnunum tíundar. Heimsendir hefst með stríði á mærum Ísraels, þar sem rammkristnir menn flykkjast til stuðnings við hina útvöldu þjóð. Heimurinn mun farast í syndum sínum, en sannkristnir verða dregnir upp í himnaríki. Þessi rammpólitíska trú knýr bandarískan stuðning við Ísrael og áhugaleysi bandarískra stjórnvalda á vistkerfi jarðar. Það er víst óþarft vegna aðvífandi ragnaraka.

Kristið fólk lætur ekki að sér hæða

Þetta er nú alveg dæmigert fyrir Bandaríkin. Þarna er fólk sem virkilega trúir þessu. Og fyrir okkur er ekki gott að vita af því að sumar af þessum hetjum fá að láta dæluna ganga á Omega og eru fyrirmyndir þeirra um margt.

Tekið af www.jonas.is

 

16.11.2006
Rammkristin fræði
Rammkristin fræði Rammkristnir menn í Bandaríkjunum opna senn kristinfræðisafn um sögu mannsins frá því er guð skapaði heiminn fyrir um það bil sexþúsund árum að mati safnsins. Safnið er við Cincinnati og kostar hálfan annan milljarð króna. Stephen Bates við Guardian skoðaði safnið og sá þar eftirlíkingar af risaeðlum, sem safnið telur hafa verið uppi skömmu fyrir píramídanna við Cairo. Hægt er að heyra á bandi, hvernig tvö eintök af öllum dýrum jarðarinnar komust fyrir í örkinni hans Nóa. Það eina, sem vantar í safnið, er sönnun þess, að jörðin sé flöt og að um hana snúist sólin.

Bendi síðan á greinina sem Jónas er að vitna í hún er ótrúleg.