Þjóðréttarlegar skuldbindingar okkar vegna yfirlýsinga tendar Icesave

Fyrir þá sem misstu af fréttum klukkan 19:00 er rétt að benda á þennan kafla sem hér er tengil á að neðan. Þar kemur m.a. fram að hefð er fyrir því í heiminum að yfirlýsingar ríkisstjórna eru taldar bindandi fyrir ríki. Sem og að vegna þess að við höfnuðum á sínum tíma lögsögu Alþjóðadómsstólsins í Haag og EFTA dómsstólsins þegar við gegnum í EES þá komum við ekki málum fyrir þá dómssóla nema að mótaðilar samþykki það. En hér er fréttin Og hér er tengill á Spegilinn þar sem fjallað er ýtarlegar um þetta mál. Athuga að þetta mál er í síðasta þriðjung þáttarins.

Athugasemdir

[Jón G. (IP-tala skráð) 26.1.2010 kl. 22:06]

Rugl rök frá valdhöfum.

Á síðustu öld var hefð fyrir því að forseti íslenska lýðveldisins staðfesti lög upp á punt. Nú er öldin önnur og ný hefð að myndast.

[Magnús Helgi Björgvinsson, 26.1.2010 kl. 23:30]

Þetta eru nú ekki rök frá valdhöfum! Heldur er þetta þjóðréttarleg skoðun. Annars væri aldrei hægt að semja milli landa. Það væri til dæmis ekki hægt að semja um frið milli ríkja þar sem að yfirlýsingar og undirritanir ráðamanna væru ekki marktækar. Það væri ekki hægt að semja um gagnkvæma viðskiptasamniga, ekki hægt að semja um lán, ekki hægt að treysta neinu sem stjórnvöld semdum um því það væri ekkert að marka þau.

[Hólmfríður Bjarnadóttir, 27.1.2010 kl. 00:07]

Sæll Magnús. Þakkir fyrir að benda okkur á þessa fréttabúta. Þarna er sérfræðingur í þjóðarrétti að útskýra ástæður þess að krafa Breta og Hollendinga hefur við rök að styðjast og einnig hvernig því er fyrirkomið með þá dómstóla sem svo mikið er vitnað til.

Ég vissu að það mundu koma færslur um heimsku, áróður, bull og annað í þeim dúr. Þær dæma sig sjálfar og þarf ekki að svara.

[Hans Haraldsson (IP-tala skráð) 27.1.2010 kl. 00:20]

Það þarf að senda Þórdísi Ingadóttur til Bandaríkjanna til þess að segja þeim að öldungadeildin eigi bara að staðfesta UNCLOS. (og START II, CTBT og allt hitt) Ríkisstjórnin er búin að undirrita og það sé óumdeilt og viðurkennt að yfirlýsingar ráðamanna séu skuldbindandi burtséð frá umboði þeirra skv. stjórnarskrá viðkomandi ríkis!!

Að gamni slepptu þá mæli ég með því að þú lesir þessa grein eftir Sigurð Líndal, sérstaklega hluta nr. 5. Það hefur legið fyrir frá upphafi hversu langt umboð framkvæmdavaldisns á Íslandi nær - það gerir samninga en feli þeir í sér fjárskuldbindingar eru fyrirheit þess alltaf sjálfkrafa með fyrirvara um að fjárveiting verði veitt með lögum frá Alþingi - rétt eins og forseti Bandaríkjanna gerir milliríkjasamninga en alltaf með þeim sjálfkrafa fyrirvara að þeir þurfa að hljóta staðfestingu öldungadeildarinnar áður en þeir verða skuldbindandi. 

Annars gæti Ísland ekki farið með kröfumál Breta og Hollendinga fyrir fjölþjóðlegan dóm jafnvel þótt slíkur dómstóll hefði lögsögu hér vegna þess að það eru Bretar og Hollendingar sem gera kröfuna og þurfa að höfða málið.