Er stjórnlagaþing það sem bjargar hér öllu?

Hef síðustu daga verið að velta fyrir mér ummælum allra þeirra snillinga sem kallaðir eru líka álitsgjafar á góðum stundum. Í síðustu viku voru allir að tala um leyndarhyggju. Nú eru allir að tala um stjórnlagaþing. Og fólk lætur mata sig á því að slíkt þing reddi bara öllu. En ég spyr hvernig á þetta þing að leysa vandamálin sem við stöndum frami fyrir í dag.

Ég veit að þessi stjórnarskrá okkar er meingölluð:

• Í henni er viðhaldið mismunun varðandi kosningar þar sem að atkvæði hafa mismunandi vægi eftir því hvaða landshluta er um að ræða.
• Ég veit að það þarf að endurskoða kafla um forsetan
• Það þarf að setja inn ákvæði um eign þjóðarinnar á auðlindum.

En ég sé ekki hvaða ákvæði í henni koma til með að stuðla að friði hér milli hópa. Ég sé ekki hvaða ákvæði í nýrri stjórnarskrá leysir úr skuldavanda heimila, lækkar þjóðarskuldir eða þessháttar.

Auðvita vantar líka í stjórnarskrá skýrari ákvæði um ábyrgð fólks (t.d. ráðherra) og sitthvað en ég sé ekki hvaða brýna vanda ný stjórnarskrá leysir.

Eins sé ég ekki hvernig á að velja á þetta stjórnlagaþing? T.d. handahófsval úr þjóðskrá myndi þýða að þar veldust kannski fólk þar sem meirihlutinn hefur ekkert velt þessu fyrir sér. Og reynsla mín af hópstarfi er að þeir sem hafa áhuga móta allar tillögur sem svo þeir í hópnum sem ekki  hafa áhuga samþykkja. Er það besta leiðin.

 

Eins er að angra mig umræða um styrki og dauðalista Hreyfingarinnar sem m.a. varaþingmaður þeirra leiðir vinnu við að hrinda í framkvæmd sbr þetta hér.

Á lista þeirra eru þingmenn sem hafa þegið styrki yfir ákveðinni upphæð árið 2006. En af hverju eru allir þingmenn sem þegið hafa styrki í prófkjör frá fyrirtækjum tilgreindir. Er einhver sem getur dæmt um hvort að 500 þúsund kr. hafi haft áhrif á störf þingmanns frekar enn annars sem fékk 2 milljónir? Fer það ekki eftir því hverju fólk eyddi í prófkjörið og hvernig fjárhagsstaða þeirra er hugsanlega? 

Í framhaldi af því að allir þingmenn sem hafa fengið styrki til prófkjara myndu segja af sér hvaða þingmenn yrðu eftir? Og myndum við treysta þeim til að leysa þau brýnu vandamál sem þarf að vinna næstu mánuði?  Og ef við bætum við þeim sem hafa hlotið dóma fyrir að taka sér opinbert fé, stórskuldugum útgerðamönnum, þingmönnum sem verið hafa ráðherrar síðustu 6 árin og svo framvegis. Þá verður því miður ekki mjög gáfulegt líð eftir að mínu mati. Og það myndi skipta um nærri helming þingmanna. Og flestir þeirra þyrftu að læra inn á þingstörfin og ekkert myndi gerast næstu mánuði. Og hvaða fólk er að koma í staðinn? T.d. Sigurður Kári, Óli Björn eru það skárri kostur?

Væri ekki betra að einbeita sér að því að koma á þessu stjórnlagaþingi og semja nýja Stjórnarskrá, taka á brýnustu málunum næstu misseri og boða svo til kosninga eftir t.d. ár. Jú sennilega þarf hvort eð er að kjósa eftir 2 ár vegna ESB samninga.

Eða ætla menn að einbeita sér að því að því að finna einhverja patent lausn eins og Stjórnlagaþing, afsagnir, brotrekstur embættismanna, að allir á Alþingi verði vinir, afnám leyndiarhyggju og svo framvegis leysi málin? Þetta eru allt góð mál en leysa ekki vandamálin núna eða á næstunni.

Athugasemdir

[JR (IP-tala skráð) 26.4.2010 kl. 23:30]

Það þarf bara nýtt blóð og það fæst með nýju fólki !

Þið flokkshestarnir eruð búnir með ykkar tækifæri !

Það þarf að hreinsa út öllu fólki, sem hefur komið nálægt íslenskri pólitík síðustu fimmtíu árin !

Það þarf nýjan hugsunarhátt !

[Magnús Helgi Björgvinsson, 26.4.2010 kl. 23:40]

Sorry JR finnst þetta svo ódýrt að ég veit ekki hvernig ég á að svara þessu. Til að byrja með hef ég ekkert starfað í pólitík. Ef þú heldur að það sé engin vandi þá ert þú ekki búinn að hugsa þetta neitt. Held að fólk líti ekki raunhæft á þessi mál. Heldur fólk að þetta sé bara ekkert mál að móta lög og reglur og stýra málefnum 320 þúsund manna landi? Og það sé ekkert mál að hoppa bara svona inn í málið?

Held að fólk verði að átta sig á því að Nýtt Ísland er ekki eitthvað sem er hægt að hrista fram úr erminni á nokkrum vikum eða mánuðum. Þetta er eitthvða sem tekur ár eða nokkur ár. Og síðan nokkur ár þar sem þarf að slípa þetta til.