Vantar aðeins i þessa frétt eins og venjulega

Ég hlustaði á þetta viðtala og þessi setning í fréttinni er nú efnislega slitin úr samhengi:

Þegar utanríkisráðherra var spurður hvort hann ætlaði að taka málið upp á fundi með forstetanum svaraði hann svo: „Ég er nú bara ráðherraræfill á plani... Mér fannst þetta ósanngjarnt gagnrýnt Steingrími.“

Því það vantar að Össur sagði að hann hefði reynt að ná sambandi við Ólaf strax í gærkvöldi og reiknaði með að heyra í honum i dag. Þar sem Össur vildi ræða við hann ummæli Ólafs. Sem eru svo gjörsamlega yfir strikið að það hálfa væri nóg. Stjórnarskrá gengur út á að Ríkisstjórn er falið af forseta að fara með stjórn landsins og um leið er forsetinn ábyrgðarlaus af framkvæmd þess. Sbr Konunga annarstaðar. Þegar forseti sem hefur ekkert umboð til þess er farinn að ráðast að einstökum ráðherrum er hann gjörsamlega kominn út fyrir valdsvið sitt.  Og tilfefni orða hans er jú nær ekkert. Steingrímur í höfuðatriðum talaði um að of snemmt væri að fagna sigri fyrr en ESA hefur lokið málinu. Sem og að ef að eignir Landsbankans dyggðu fyrir Icesave þá væru öll þess læti síðustu ár frekar tilgangslítil. Og eins hvernig að Ólafur talar um Evrópusambandið þar sem hans persónulega andúð skín í geng er gjörsamlega óþolandi. Hann lætur eins og við séum ekki Evrópuríki og helst að við ættum að flytja landið til Indlands eða nálægt því.

Ólafur er náttúrulega að nýta sér óvinsældir Ríkisstjórnar til að fá byr í seglin varðandi framboð sitt næsta kjörtímabil. Hann treystir á málflutningur sinn verði til þess að fólk þyrpist til að hvetja hann til þess að bjóða sig aftur fram.

Stórskotaliðsárásir forseta

Athugasemdir

[Teitur Haraldsson, 13.9.2011 kl. 09:06]

Þetta er al-rangt hjá þér.
Óli veit að þetta er mjög óvinsælt.

Mig grunar frekar að hann ætli út með hvelli.
Og fyrir mitt leiti er ég mjög ánægður með forseta sem er ekki nákvæmlega sama um allt nema hríslur.

[Ingibjörg Guðrún Magnúsdóttir, 13.9.2011 kl. 09:17]

Já ég segi það sama Teitur ég er ánægð með Forseta vor...

Það er þó einhver að hugsa um hag Þjóðarinnar, það er ekki hægt að segja það sama um Ríkisstjórn Jóhönnu Sigurðardóttir...

[Tómas Árni (IP-tala skráð) 13.9.2011 kl. 10:16]

Það er nú meira hvað forsetanum var annt um þjóðina fyrir hrun.. Þegar hann fór í auglýsingaherferðir fyrir víking og einkavæðingu Íslands fyrir bankamennina..

Þetta er eitthvað sem þarf nauðsynlega að rifja upp fyrir fólki í aðdraganda næstu forsetakosninga.

[Teitur Haraldsson, 13.9.2011 kl. 10:48]

Ég endurtek.

"Það var engin á móti Icesave þá, ENGIN.

Það bara er ekki hægt að dæma manninn fyrir mistök sem allir gerðu einfaldlega vegna þess að sá sem dæmir er líka sekur af sama "glæp"."

Mig langar líka að bæta við, ef þú vilt refsa forsetanum fyrir embættisglöp, þá hlýturðu að vilja refsa þeim flokkum sem komu að stjórn landsins þegar þetta var í gangi.
Eini flokkurinn sem hefur ekki verið sekur er VG og það er vegna þess að þeir voru aldrei í stjórn.

Viltu þá eins flokks kommastjórn?

[Tómas Árni (IP-tala skráð) 13.9.2011 kl. 11:22]

Það að vera "ekki á móti IceSave" er ekki það sama og að vera "með IceSave".

Ástæðan fyrir því hversu fáir voru á móti IceSave var að það var búið að eyðileggja eftirlit og kæfa niður þær mótbárur gegn IceSave á sínum tíma. Háttsettir embættismenn áttu margir hverjir sinn þátt í því og að knýja áfram útrásina.

Forsetinn fór, í nafni embættis síns, víða um og lýsti því yfir hvað viðskiptavit útrásarvíkinga okkar væri frábært. Nú hlýtur forsetinn að vera aðhlátursefni annarra þjóða. Æðsti þjóðhöfðingi (sem er ekki æðstur, en útlendingar halda það flestir) sem vissi ekki einusinni korteri í hrun hvað var í gangi heima hjá sér?

Er það forsetaleg hegðun? Hefði hann ekki átt að láta viðskiptamennina sjálfa um kynningarnar og halda sig sjálfur við smáhjal í kokteilboðum.

Ég myndi vilja refsa ákveðnum formönnum ákveðinna flokka meira. Ég skil t.d. ekkert í því að Bjarni Ben fái að brýna raust sína á þingi.

Ég myndi bara vilja að flokkarnir öxluðu ábyrgð, geta gert það með því að skipta út fólki í efstu sætum, og halda svo áfram vinnunni sinni.

Það þýðir ekki að ég vilji bara einn flokk í stjórn.

[Teitur Haraldsson, 13.9.2011 kl. 14:39]

Bankar fóru á hausinn mjög víða í hinum vestræna heimi.
  Eftirlit var eyðilagt alstaðar í heiminum, þetta var hin nýja efnahags hugsun. Þú skalt ekki halda að Ísland hafi verið að leiða einhverja byltingu, við eltum aðra.

Það hlær engin að forsetanum erlendis, einfaldlega vegna þess að allir eru búnir að átta sig á að þeir vissu ekkert meira en hann.

Óli gerði nákvæmlega það sem hann á að gera, halda kjafti og vera auglýsing fyrir land og þjóð (þar með fyrirtækin). 
Það væri óskandi að hann væri núna að vakna og sjá að hann er gagnrýndur fyrir að gera þegjandi það sem hann á að gera (eins og hann gerði), og hann er gagnrýndur fyrir að gera tala gegn því sem honum finnst rangt (eins og hann gerir núna).

[Tómas Árni (IP-tala skráð) 13.9.2011 kl. 15:58]

Frekar slöpp afsökun. Eða er ríkisvaldið allt undir vestrænan markað sett? En forsetinn á ekki að vera auglýsing fyrir land og þjóð - stendur það í stjórnarskránni? Hann fer með löggjafarvald ásamt Alþingi og gerir samninga við önnur lönd, svo eitthvað sé nefnt.

Ólafur viðurkenndi líka sjálfur í kjölfar hrunsins að hafa farið of geyst í að mæra útrás íslensku bankanna.

Well... ég stend enn fastur á mínu. Hann hefði mátt standa sig betur, og viðurkenndi það sjálfur. Hann fær ekki mitt atkvæði í næstu kosningum, ef hann býður sig fram (ekki að hann hafi fengið atkvæði mitt áður)

[Sigurður (IP-tala skráð) 13.9.2011 kl. 16:30]

Tómas Árni.

Fyrir hrun voru íslensku bankarnir með fullt hús stiga hjá þessum blessuðu matsfyrirtækjum sem enn í dag eru talin boða hinn heilaga sannleik.

Fyrir hrun voru íslensku bankarnir með yfirburðarlánstraust hjá öllum helstu fjármálafyrirtækjum og bönkum heims.

Forsetinn er ekki sekur um neitt annað en að trúa þeim sérfræðingum sem áttu að hafa eftirlit með bönkunum og meta styrk þeirra.

Það er nú allt og sumt.

Þegar hins vegar skíturinn fór að fljóta út, og það varð ljóst að bankarnir voru ekkert annað en hrein og klár skipulögð glæpasamtök þá snérist Forsetinn til varnar fyrir almenning í landinu, Alþingi hins vegar stendur enn við hlið glæpamannana og hefur slegið um þá trygga skjaldborg.

Það er munurinn á Forsetanum, og spillingarhundunum á Alþingi að hann er hættur að styðja við glæpamennina á meðan skríllinn í fjórflokknum heldur sinni tryggð við þá.