Svona til þeirra sem hlakka yfir erfiðleikum ESB og Evrunar um þessar mundir!

• Munið það að ef við gefum ráð fyrir að ESB myndi lognast út af vegna þessara erfiðleika þá myndu:
  • EES samningurinn náttúrulega renna sitt skeið um leið. Sem þýðir að aftur koma tollar í útflutningvörur okkar sem þýðir að fella verður krónuna enn frekar svo að útflutningur okkar verði áfram samkeppnirhæfur
  • Það kæki tollur á allar innfluttar vörur og því myndi verðlag hér hækka gríðarlega.
  • Mikið af vísindarannsóknum hér sem unnar eru í samstarfi við ESB myndu leggjast af og því fullt af vísindamönnum hér sem myndu missa vinnuna.
• Ef að ESB klofnar upp í Evruríki og svo önnur ríki. Þá:
  • Missum við sennilega möguleikan í áratug raunverulegan möguleika á að taka upp aðra mynt þar við fengjum stuðning og skjól frá Seðlabanka Evrópu
  • Gerir allt samstarf innan EES miklu flóknara.
  • Yrðum samt að taka upp miklu strangari reglur varðandi fjármagn og fjármálastarfsemi skv. EES.

Held því að fólk ætti að láta gleðilæti sín aðeins bíða. Því að fall ESB eða evrunar yrði okkur gríðarlega dýrkeypt. Sem og allir heimbyggðinni. Sennilega yrðum við í gríðarlegum vandræðum vegna lækkandi útflutningverðmæta, hárra skulda okkar og mikilla erfiðleika við að taka lán.  Held að svo sé um flestar þjóðir Evrópu og því muni þetta aldrei gerast.

Ræði áhrif breytinga í ESB á aðildarumsóknina

Athugasemdir

[Ólafur Björn Ólafsson, 9.12.2011 kl. 17:41]

Sæll vertu,

hef ekki séð neinn sem virkilega hlakkar yfir raunum ESB. Það er nú svo að þrátt fyrir réttmæta andstöðu mína gagnvart umsókn um fullveldisafsal til Brussel þá get ég ekki hlakkað mikið yfir raunum þeim sem ganga yfir ESB.

Það sem bíður okkar ef ESB liðast í sundur er líklega verra en það sem þú lýsir hér að ofan, en hver akkur manna væri að hlakka yfir slíku er óþektur.

Hvað sem öðru líður þá er ekki ennþá of seint að hætta við fullveldisafsalið og draga umsóknina til baka.

Með kveðju

Kaldi

[Helga Kristjánsdóttir, 9.12.2011 kl. 18:31]

  Tek undir með Ólafi,skárri væri það nú,við höfum alltaf átt mjög góð viðskipti við þjóðirnar í Evrópu.  Þessar þjóðir horfðu á okkur engjast árið2008,mér er ekki grunlaust um að eihverjum hafi þótt við fá makleg málagjöld,eftir gorgeirinn. En það finnast alltaf einhverjir,sem minna vilja á ;Sagði ég ekki;     

[Guðmundur Ásgeirsson, 9.12.2011 kl. 18:32]

Sem þýðir að aftur koma tollar í útflutningvörur okkar sem þýðir að fella verður krónuna enn frekar svo að útflutningur okkar verði áfram samkeppnirhæfur

Eða að þá verður hagkvæmt að hefja aftur landvinnslu hér heima og útflutning fullunnina sjávarafurða. Við yrðum þá ekki lengur eins og þriðja heims ríki sem flytur út hráefni óunnið heldur náum fram virðisauka á því hér innanlands, sem skapar atvinnu og eykur útflutningsverðmæti. Þannig myndu ýmis vandamál sem við glímum við leysast af sjálfu sér.

tollur á allar innfluttar vörur og því myndi verðlag hér hækka

Það mun ekki gerast sjálkrafa. Án EES hefðu íslensk stjórnvöld frjálsar hendur um álagningu tolla. Hún væri þá ekki lengur sjálfvirk afleiðing milliríkjasamninga heldur ákvarðana íslenskra stjórnvalda.

Þau stjórnvöld sem nú sitja myndu án efa nota það tækifæri til að "hækka tolla og verðlag". En þú getur hinsvegar ekki fullyrt að það myndi vera stefna yfirvalda eftir að núverandi stjórn rennur sitt skeið (fljótlega!).

Persónulega myndi ég til dæmis vilja að hið flókna og órökrétta tollakerfi sem við búum við nú þegar undir EES, yrði afnumið í heild sinni.

Mikið af vísindarannsóknum hér sem unnar eru í samstarfi við ESB myndu leggjast af og því fullt af vísindamönnum hér sem myndu missa vinnuna.

Myndum við þá losna við alla Evrópusinnuðu fræðimennina sem búið er að planta inn í menntakerfið og heilu "mennta"stofnanirnar sem fjármagnaðar eru af af ESB? Frábært, það væri til mikilla bóta! Þá myndum við líka losna við allskonar aðila sem þiggja mútur frá ESB fyrir að dreifa áróðri og boða ranghugmyndir um meint ágæti ESB og evrunnar. Ranghugmyndir á borð við þær sem eru viðraðar í þessari færslu.

Missum við sennilega möguleikan í áratug raunverulegan möguleika á að taka upp aðra mynt

Leiðrétting: Við getum tekið upp aðra mynt strax eftir áramót ef það yrði ákveðið af stjórnvöldum. Það var meðal annars gert 1981 þegar gömlu krónunni var skipt út fyrir nýja sem er 100 sinnum verðmætari. En af því að ég veit að þið evrusinnarnir haldið að það sé aðeins einn gjaldmiðill í heiminum fyrir utan krónuna, þá get ég bent á að það er alveg sama hvað gerist í Evrópu, til þess að taka upp evru þyrfti Ísland sjálft að uppfylla allskonar skilyrði sem það mun ekki ná að gera næsta áratuginn eða lengur, alveg sama hvað gerist varðandi Evrópusambandið.

þar við fengjum stuðning og skjól frá Seðlabanka Evrópu

Leiðrétting: Slíkt væri brot á stofnsáttmálum ESB, sem er einmitt það sem leiðtogar ESB deila nú um og er að valda klofningnum. Auk þess værum við þá að þiggja ölmusu frá borgurum annara Evrópuríkja. Þjóðfélag sem byggir á ölmusu er ekki sjálfbært, það hrynur um leið og ölmusan hættir að streyma inn, sem gerir styrkveitandann þannig að örlagavaldi. Og hvernig á myntsvæði sem er gjaldþrota að fara að því að veita öðrum ölmusu? Ég bíð enn eftir að sýnt sé fram á að það sé raunhæft, hvað þá skynsamlegt.

Gerir allt samstarf innan EES miklu flóknara.

Hmmm.... vegna þess að það hefur hingað til verið svo einfalt að leysa mál innan EES á borð við IceSave o.fl.? Allt skynsamt fólk hlýtur að sjá að samstarfið innan EES sáttmálans hefur alltaf verið flókið. Það mun ekki breytast þó ESB klofni, heldur þarf einfaldlega að endurnýja samningana, alveg eins og ESB þarf nú sjálft að endurnýja sína sáttmála.

Yrðum samt að taka upp miklu strangari reglur varðandi fjármagn og fjármálastarfsemi skv. EES.

Leiðrétting: Við þurfum allt öðruvísi reglur um fjármálastarfsemi heldur en gilda innan EES og líklega strangari ef eitthvað er. Það er eitthvað sem þarf að gerast innanlands og hefur ekkert með örlög ESB eða EES að gera. Við erum til dæmis ennþá með gjaldþrota bankakerfi. Það lögum við ekki með því að gerast aðilar að enn stærra gjaldþrota kerfi.

Held því að fólk ætti að láta gleðilæti sín aðeins bíða.

Það er rétt, því enn er ekki útséð með hvort hinnum sjálfskipuðu fasistum sem ráða Evrópu núna tekst að "redda" þessu einhvernveginn fyrir horn og halda áfram eins og ekkert hafi í skorist að sameina álfuna í skuldabandalag. Það er ekki ástæða til að gleðjast fyrir hönd Evrópuríkja fyrr en þau eru laus við afskipti frá umboðslausu fólki eins og Merkel, Sarkozy, Rompuy, Barroso og fleiri sem aldrei hafa hlotið atkvæði kjósenda annara ríkja en sinna eigin, eða super Mario bræður og Papademos sem hafa aldrei fengið atkvæði neins nema Goldman Sachs og Rockefeller.

Því að fall ESB eða evrunar yrði okkur gríðarlega dýrkeypt.

Greining þín er að þessu leyti á öndverðum meiði við yfirlýsingar Más seðlabankastjóra ykkar vinstrimanna, sem segir gjaldeyrishöftin verja okkur fyrir áhrifunum að mestu. Hvort viltu meina að hann sé að plata eða þá að hann viti einfaldlega ekki betur en snillingurinn þú?

Sennilega yrðum við í gríðarlegum vandræðum vegna lækkandi útflutningverðmæta, hárra skulda okkar og mikilla erfiðleika við að taka lán.

Leiðrétting: Þegar evran hrynur verður krónan mun verðmætari í samanburði. Sem þýðir að sami útflutningur mun skila okkur mun meira verðmæti í krónum talið og erlendar skuldir okkar í evrum verða mun ódýrari en áðursvo það verður auðveldara að ráða við þær, ekki erfiðara. Flestir alvöru vísindamenn þekkja þau einföldu sannindi að þegar mælikvarðinn sjálfur skreppur saman, þá stækkar allt sem er mælt með honum.

Við þurfum kannski ekki að bíða þess lengi að við getum fengið evrur hingað til lands í skipsförmum, ef við bjóðumst til að farga þessum gagnlausu pappírsmiðum og málmskífum fyrir hin Evrópuríkin. Við gætum endurunnið pappírinn í skeini og brætt málskífurnar í hráefni fyrir vélsmiðjur landsins og önnur iðnfyrirtæki, gott hráefni fyrir slikk. Ég sé viðskiptafæri hérna!

[Sleggjan og Hvellurinn, 9.12.2011 kl. 21:30]

Mér persónlega finnst mjög gaman að sjá þegar nokkur rök eru brotin niður og fólk skítur niður hvert rök fyrir sig. Ég greip oft til þess braðg þegar það mátti kommenta á eyjan.is

En Guðmundur er algjrölega búinn að klúðra þessari tækni. Það stendur ekki steinn yfir steini hjá hans rökum og þau eru með öllu óskiljanleg. Algjör þvættingur.

Ranghugmyndirnar eru svo svakalegegar og þetta er einmitt ástæðan fyrir þvi að Evrópustofan er þarfaþing hér á Íslandi... svo ekki nema bara það að leiðrétta þvæluna í fólki.

[Guðmundur Ásgeirsson, 11.12.2011 kl. 00:20]

Sleggjan, það væri gagnlegra ef þú myndir útskýra hvað það er sem þú átt svona erfitt með að skilja. ;)