Er Sigurðu Ingi uppvís að lygum?

Úr frétt á ruv.is um þessar alvarlegu athugasemdir sem 2 sveitarfélög áttu að hafa komið með:

Í Morgunútvarpinu á Rás tvö kom fram að Sigurður Ingi Jóhannsson, umhverfis- og auðlindarráðherra, hafi frestað friðlýsingu Þjórsárvera. Hann sagði alvarlegar athugasemdir hafa komið frá tveimur sveitarfélögum ásamt Landsvirkjun. Sveitarfélögin eru Rangárþing Ytra og Skagafjörður.

Guðmundur Ingi Gunnlaugsson, oddviti Ragnárþings Ytra segist hins vegar ekki hafa gert athugasemdir við friðlýsinguna. „Nei, ég get ekki útskýrt það, ekki nema ráðherrann eigi við örlitlar ábendingar sem sveitarstjóri okkar sendi til hans,“ sagði Guðmundur.

Þær ábendingar snerust um að sveitarstjórnin tæki enga afstöðu til Norðlingaölduveitu en friðlýsing hefði þýtt að þær fyrirætlanir væru úr sögunni. Guðmundi Inga þykir ekki gott að talað sé um þessa litlu ábendingu sem athugasemd við friðlýsinguna, og segir að það byggist líklega á því að hún hafi misskilist.

Í fundargerð sveitarstjórnar Skagafjarðar frá því í maí kemur fram að stækkun Þjórsárvera og friðlýsingarskilmálar hafi verið samþykktir með níu atkvæðum sveitarstjórnarmeðlima. Bjarni Jónsson oddviti segir að einu ábendingarnar sem sveitarstjórn Skagafjarðar hafi sent ráðuneytinu lúti að ferlinu sjálfu en breyti ekki afstöðu sveitarfélagsins til friðlýsingar svæðisins. 

Athugasemdir

[Sveinn R. Pálsson, 22.6.2013 kl. 19:49]

Djöfull er maðurinn ómerkilegur, það stenst ekkert af því sem hann segir nánari skoðun. Reyndar á það sama við um Sigmund Davíð.

[Jón Ingi Cæsarsson, 22.6.2013 kl. 21:01]

Því miður sýnst manni að eitthvað hafi hann hallað réttu máli.

[Ómar Bjarki Kristjánsson, 22.6.2013 kl. 22:52]

Kæmi ekki á óvart.

Almennt um efnið, aðþá er farið að verða svoldið áberandi hve Sigurður er að verða mikill forsprakki framsóknarflokksinns. Fólk fer að halda að hann sé formaður framsóknar og forsætisráðherra.

Sigmundur er mestanpart bara erlendis, að því er virðist, og svo í einhverjum léttum málum innanlands ef svo ber undir.

[K.H.S., 23.6.2013 kl. 03:48]