Leita í fréttum mbl.is

Nei takk! Þetta fólk á ekki að taka ákvörðun fyrir mig.

Með fullri virðingu þá eru Vigdís Hauksdóttir og Páll Vilhjálmsson ekki fólk sem ég treysti til að ákveða hluti fyrir mig! Og þarna gleypir Vigdís eins og venjulega upp eitthvað sem fyrirspyrjandi nefndi á fundinum og svo gerir hún orð hans að sínum og veit ekkert um vinnu bak við skýrsluna.

Skýrslar styrkir okkur sem viljum klára viðræður og sjá hvaða samningum er hægt að ná. Enda með fullrivirðingu þá vita helstu andstæðingar viðræðna við ESB í raun ekkert um hvað þau eru að tala!  Ég er ekki að halda því fram að ég viti meira en ég vill sjá samning á borðinnu því að eg er búinn að fá nóg af reglulegum hrunum hér á 10 ára fresti. Ég er þreyttur á háum vöxtum, verðbólgu og reglulegum verðbólguskotum. Ég er þreyttur á skorti á samkeppni, fákeppni og einokun sem hefur verið haldið hér við til að mylja undir nokkrar ættir hér. Ég er þreyttur á því að hér séu tollar á vörum sem við flytjum inn og innflutninghöft. Ég er þreyttur á að það sé tollur á fullunnum matvörum sem við seljum erlendis sem koma í veg fyrir að hér sé hægt að skapa fleiri störf.  Því vill ég sá samning við ESB og hvort að hann gæti  samrýmst markmiðum og skapað hér nýja framtíðarsýn. Ekki aftur 2006 eins og Heimssýn og ríkistjórnin stefnir nú á með gervigengi á krónu og svo að viðbættum höftum. 


mbl.is Skýrsla óþekkta embættismannsins
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Samtök um rannsóknir á ESB ...

Það blasir við af orðum Vigdísar, að hún er búin að kynna sér skýrsluna, Magnús, en ekki hann þú.

JVJ.

PS. Viltu fá Kýpurvexti hér?

Samtök um rannsóknir á ESB ..., 7.4.2014 kl. 18:16

2 identicon

Hvílík vanmetakennd sem kemur fram í þessu svari JVJ. Ísland er ca. í 15. sæti hjá oecd en Kýpur væri í grennd við það 25., væri landið þar með. Hvers vegna andstæðingar ESB vilja bera Ísland saman við botninn í ESB er mér hulin ráðgáta. Við myndum fá svipaða vexti og þau lönd sem við berum okkur helst saman við - og fengjum þá að afloknum samningum. Spurningin er svo hvort þjóðin myndi segja já ...

Matthías (IP-tala skráð) 7.4.2014 kl. 20:20

3 Smámynd: Rafn Guðmundsson

algjörlega sammála þér Magnús

Rafn Guðmundsson, 7.4.2014 kl. 22:14

4 Smámynd: Jón Valur Jensson

Matthías, dæmi Kýpur sýnir, að það er ekkert sjálfkrafa furðuverk sem lætur evrulönd hafa lága vexti. Það er ekkert sjálfgengi í dæminu, og bankarnir geta þess vegna haldið áfram að okra, eins og þeir gera hér og hirða tugi milljarða króna í hagnað árlega.

Svo eru sumir að atast út í sjávarútveginn vegna hagnaðar þar, en þegja um bankana og Framtakssjóð Íslands, sem frá 2009 hefur hirt hátt á 3. tug milljarða í hagnað!

Einn útvarpsmaður var að röfla yfir 2,7 milljarða hagnaði stærsta útgerðarfélagsins hérlendis, HB Granda, og sagði að hluthafarnir ættu að borga fólki betri laun! En meðal-árslaun fyrir hvert fullt starf þar voru 11 milljónir á síðasta ári. Og eftir rúml. 4 milljarða skatta og veiðigjöld HB Granda vegna ársins 2013 guldu hluthfarnir svo 540 millj. kr. fjármagnstekjuskatt af arðinum.

Farið nú, evrókratar, að reyna að beina gagnrýni ykkar að bönkunum, sem skapa hér engan gjaldeyri, ólíkt útgerðinni, og vogið ykkur ekki að segja, að háir vextir hér leiði okkur nauðsynlega inn í evrópska stórveldið, á meðan þið opnið aldrei munn og takið aldrei upp penna til að gagnrýna bankana hér jafn-harðlega og þeir eiga skilið. Meðan allir þegja, halda bankarnir bara áfram að okra á okkur. En að þið viljið þá kalla á Stóru-Mömmu í Brussel, er kannski bara eitthvað sem liggur í krataeðlinu.

Jón Valur Jensson, 7.4.2014 kl. 22:40

5 Smámynd: Ívar Pálsson

Magnús, þú nefnir yfirleitt Evruna vegna stöðugleika, lítillar verðbólgu og lágra vaxta. Skoðaðu þetta línurit vegna vaxtanna:

http://upload.wikimedia.org/wikipedia/commons/e/ea/Long-term_interest_rates_of_eurozone_countries_since_1993.png

Þau lönd sem voru með háa vexti (10 ára skuldabréf) fyrir Evruna sprungu út aftur eftir 2008, þegar falsið bakvið Evrukerfið opinberaðist: Fasteignabólan á Spáni osfrv.

Stöðugleikinn er í stöðnuninni, vöxtur er nákvæmlega núll. Verðhjöðnun (mínus verðbólgan) líka.

En þú nefnir vísvitandi ekki atvinnuleysið, í nokkrum helstu löndunum, Ítalíu og Spáni er unga fólkið sem Samfylkingin þykist heilla með um 50% atvinnuleysi, en atvinnustig er einmitt breytileykinn sem tekur við ef gengið er fast. Af hverju auglýsir þið ekki bara, við viljum engan vöxt, ofurhátt atvinnuleysi ungs fólks og stöðuga ánauð?

Ívar Pálsson, 7.4.2014 kl. 23:18

6 Smámynd: Helga Kristjánsdóttir

þreyttur Magnús er ég á óvönduðum aðferðum Samfylkingarinnar frá fyrstu tíð. Við viljum fá að búa í okkar landi,laus við friðspilla sem virðast ganga fyrir Mill &Millj. og er ekkert heilagt nema þessi Brusselelíta.

Helga Kristjánsdóttir, 7.4.2014 kl. 23:24

7 Smámynd: Ívar Pálsson

Magnús, tollar á vörum og innflutningshöft eru algerlega í okkar höndum. Af hverju losaði Samfylkingin um það til að gleðja þig? Tollar á útflutning eru litlir vegna EES og myndi lítið breytast við inngöngu í ESB.

Ívar Pálsson, 7.4.2014 kl. 23:40

8 Smámynd: Ívar Pálsson

Þetta átti að vera: Af hverju losaði Samfylkingin EKKI um það til að gleðja þig? (þegar hún gat það)

Ívar Pálsson, 7.4.2014 kl. 23:42

9 Smámynd: Ómar Bjarki Kristjánsson

Andstæðingar Evrópusambandsins eru miður sín vegna þess að Alþjóðastofnun hefur hafnað öllum þeirra málflutningi í vandaðri skýrslu.

Með vexti í Kýpur sérstaklega - þá eru þeir í raun mjög lágir. Ef haft er í huga bankavesinið fyrir rúmlega ári.

Sérstaklega lágir td. í samhengi við Ísland og bankahrunið þar. Hvað fóru vextir í hér? Um 20% eða meira!

Þetta eru í raun bara lágir vextir í Kýpur.

Ómar Bjarki Kristjánsson, 8.4.2014 kl. 01:01

10 Smámynd: Snorri Hansson


Magnús Helgi

Aðalástæða þess að þetta góða fólk tekur ákvarðanir fyrir þig er sú að

Samfylkingin skíttapaði í síðust kosningum til þings.

 Of margir (en þó ekki nógu) vildu ekki sjá þann flokk á Alþingi.

Líklega vegna þess að flokkurinn stundaði rógburð gegn

þeim atvinnuvegum sem við lifum að mestu á. Það fer ekki vel í sumt

fólk en gleður auðvitað aðra t.d. þig.


Snorri Hansson, 8.4.2014 kl. 04:41

11 identicon

Auðvitað eigum við að klára þetta mál, það er hrein fásinna að vilja ekki klára viðræður.
Það er góður möguleiki á að þarna leynist mesta kjarabót sem möguleg er fyrir almenning; Ekki smuga á að maður hlusti á og láti málin ráðast af bullinu í Vigdísi,JVJ og öðrum af þeirra sauðahúsi. Það er alveg augljóst að þeirra tal keyrist allt fram af púra hatri og rugli.
Ef þessir andstæðingar eru svo vissir í sinni sök, þá ættu þau að vera óð í að klára viðræður í stað þess að vera eins og naut í flagi og reyna að stoppa þetta með öllum ráðum/óráðum.

DoctorE (IP-tala skráð) 8.4.2014 kl. 08:53

12 identicon

Rétt hjá Doctornum.  Málið er að nei sinnar eru skít hræddir við að klára viðræðurnar því það er bara góðar líkur fyrir því að við fáum góðan samning.

brynjar (IP-tala skráð) 8.4.2014 kl. 13:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband