Leita í fréttum mbl.is

Um leið og ríkisstjórnin vélar um lög á verkfall BHM og hjúkrunarfræðingar er vert að velta fyrir eftirfarandi!

Er ekki kominn timi til að þjóðin fari að velta fyrir sér mati á störfum hér:

Hér má sjá launaseðil hjúkrunarfræðings. Halda menn að sjúrahús væri almennilega rekin án þeirra eða vildi fólk leggjast inn á sjúkra hús þar sem þeir væru ekki til staðar. Halda menn að fólk álmennt leggi á sig 4 til 5 ára hjúkrunarnám fyrir mánaðarlaun upp á 342 þúsund eins og þarna kemur fram. Sér í lagi þar sem verið var að semja um að lágmarkslaun í landinu yrðu 300 þúsund eftir hvað 3 ár.

 

Geislafræðingar og lifefnafræðingar eru með enn lægri mánaðrlaun. Vildu menn vera á sjúkrahúsum þar þeir væru ekki til staðar eða sætta sig við að engar rannsóknir færu fram á sýnum úr blóði þeirra ef þeir yrðu veikir.  Halda menn að fólk komi til með að þyrpast í nám sem borgar undir 300 þúsund í grunnlaun?

Eins er rétt að spurja með allar aðrar stéttir sem nú er verið að taka verkfallsréttinn af. Eins er hægt að segja að ríkið hefur verið í samningaviðræðum við margar stéttir BHM lengur en aðilar almenna markaðsins og fram á síðustu vikur var ríið að bjóða hæst 3,5% hækkun. Og ekkert reynt til að ná samkomulagi. Á meðan hefur ríkið kerfisbundið eytt peningum í annað, lækkað skatta og afsalað sér tekjum og segist nú ekki hafa neitt svigrúm til að ganga til samninga.  Er þetta gáfulegt!

Ég spái því að hjúkrunarfræðingar fari að segja upp í hópum enda bjóðast þeim mánaðarlaun sín með því að vinna í 10 daga í Noregi + ferðir + fæði og uppihald. Um 20 til 30 geislafræðingar eru búnir að segja upp og held að aðrir hópar geri það líka.

Held stundum þegar fólk talar um afætunar sem séu opinberir starfmenn þá viti þeir ekki um hverja þeir eru að tala.  Rakst á þetta á facebook:

Opinberir starfsmenn taka á móti okkur í heiminn, skrá nafnið okkar, fylgjast með heilsufarinu og gæta okkar í hvívetna. Þeir passa okkur, kenna okkur, annast okkur í veikindum eða þegar erfiðleikar steðja að, fylgjast með veðrinu, hafa gætur á náttúrunni og varðveita sameiginlegan arf okkar á hverju því formi sem tjáir að nefna. Þeir hafa svæft okkur, vakið okkur, gegnumlýst, rannsakað, þjálfað, nært, staðið vörð um lög og rétt. Kennt okkur að lesa ljóð, spila á hljóðfæri, fara eftir umferðarreglum, sýnt okkur leikrit, spilað tónlist. Passað upp á gögn, haldið skikk á tölum, talið fiskana í sjónum og grösin á heiðum, reiknað laun,innheimt skatta, borgað laun. Þeir stuðla að því að við séum öll virkir þjóðfélagsþegnar,eflum andlegt og líkamlegt atgervi og fótum okkur í lífsins ólgusjó. Þeir styðja okkur frá vöggu til grafar. Hvað er hægt að biðja um meira? Mér dettur eitt í hug. Það er hægt að biðja um að framlag þeirra sé metið að verðleikum. Menntun þeirra sé viðurkennd og metin til launa.Tryggja þarf mönnun opinberrar þjónustu til framtíðar! ‪


mbl.is Hjúkrunarfræðingar íhuga að fara
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þorsteinn Siglaugsson

Spurningin er nú kannski fyrst sú hvers vegna í ósköpunum verið sé að senda fólk í 4-5 ára nám til að undirbúa sig fyrir starf sem fyrst og fremst felst í að gefa fólki pillur eftir forskrift lækna. Að stórum hluta mætti hafa sjálfsala sem sæju um þá vinnu sem hjúkrunarfræðingar vinna nú.

Þorsteinn Siglaugsson, 11.6.2015 kl. 23:27

2 identicon

Þorsteinn, takk fyrir að líkja ævistarfi mínu við starfsemi sjálfsala. Mjög málefnalegt. Heyrist þú hafa minnstu hugmynd hvað felst í starfi hjúkrunarfræðinga. Álíka gáfulegt væri að spyrja:

Til hvers þurfum við að mennta hagfræðinga þegar við lærum flest á Excel í framhaldsskóla?

Til hvers þurfum við að mennta lækna þegar það eru til tölvuforrit sem geta greint sjúkdóma út frá einkennum?

Til hvers þurfum við að mennta kennara þegar hægt er að googla allan fjanda?

Anna Tómasdóttir (IP-tala skráð) 12.6.2015 kl. 01:04

3 Smámynd: Anna Lísa Baldursdóttir

Hvort hlær maður eða grætur að slíkri fáfræði?

Þorsteinn Siglaugsson! Ég er svo aldeilis hlessa. Að þú skulir þora að opinbera vanþekkingu þína á svo sorglegan máta og það opinberlega! Það held ég að fólkið þitt skammast sín fyrir þig núna, úff púff. Aumingja þú. Vonandi þarftu aldrei á hjúkrunarfræðingi að halda....

Anna Lísa Baldursdóttir, 12.6.2015 kl. 01:08

4 identicon

Kæri Þorsteinn Siglaugsson

Hvernig sjálfsali myndi hent alvarlega veiku fólki í öndunarvél sem liggur á gjörgæsludeild og þarf stanslaust eftirlit og inngrip byggð á þekkingu? En fólki sem gengst undir skurðaðgerð og vill helst ekkert vita af sér á meðan en samt ekki deyja? Hvernig sjálfsala væri best að senda heim til deyjandi krabbameinssjúklinga til að meta þörf þeirra fyrir sterk verkjalyf og gefa þau í hæfilegum skömmtum? Hvernig sjálfsali myndi svo henta til að annast um fyrirburana á vökudeildinni og svo mætti lengi telja.

Það er sorglegt þegar vel menntað fólk opinberar fáfræði sína með þeim hætti sem hér er gert.

. (IP-tala skráð) 12.6.2015 kl. 01:33

5 Smámynd: Jóhann Kristinsson

Þetta er allt of há laun hjá hjúkrunarfræðingum ef þeir eru bara í pillu gjöfum, erum vIð ekki að reyna að fá alla á sömu laun?

300 þúsund á alla hjúkrunarfræðinga.

Af hverju þarf lögfræðing til að stimpla þinglýsingar  vottorð? Það eru eyðublöð sem þarf að fylla inn i eyðurnar sem hver og einn gagnfræðiskólanemandi getur gert, prenta og stimpla.

Hvernig væri að hætta þessari hámenntunar dýrkun og lækka kostnað á Rikisþjonustu.

Kveðja frá Houston

Jóhann Kristinsson, 12.6.2015 kl. 01:40

6 Smámynd: Halldór Egill Guðnason

Ef ekki væru til ómenntaðir aular, sem aldrei luku langskólanámi, væri engin þörf á ríkisstarfsmönnum, til að passa þá, stimpla pappírana þeirra, eða annað sem þarf í rekstur eins stykkis þjóðfélags. Þegar ákveðnir aðilar telja sig æðri eða mikilvægari öðrum í samfélaginu, sökum menntunar, er okkur vandi á höndum.

Góðar stundir, með kveðju að sunnan.

Halldór Egill Guðnason, 12.6.2015 kl. 03:54

7 Smámynd: Halldór Egill Guðnason

Einn af þessum aulum er ég.

Halldór Egill Guðnason, 12.6.2015 kl. 03:55

8 Smámynd: Jón Páll Garðarsson

Það er tími til fyrir sjálfstæðisflokkinn að huga að sparnaði og skipta út stjórnmálaskóla sínum með tölvu illa þjáðri af vírus,það tæki enginn eftir breytingunni.

Jón Páll Garðarsson, 12.6.2015 kl. 12:54

9 Smámynd: Magnús Helgi Björgvinsson

Ágætu þið! Ef þið eruð ekki menntuð og finnst það frekja að fólk vilji fá menntun sína metna, þá þið um það! En það er ljóst að ef við umbunum ekki fólki fyrir menntun þá fer fólk ekki að mennta sig til að vinna í svona álgs og vaktavinnustörfum. Það er engin að leika sér að skuldsetja sig í námslánum ef að ljóst er að þessum árum í námi var í raun eytt í ekkert. Og nú er t.d.s staðan sú að um 30 til 40% af Hjúkrunarfræðingum eru komin á seinnihluta starfsævinar og unga fólkið kemur ekki til starfa í þeim mæli sem þarf. Það lætur ekki bjóða sér 100% vaktavinnu á yngri árum þegar það er að ala upp fjölskyldu heldur leitar eitthvað annað. Og t..d í Noregi og fleiri löndum eru þessar stéttir mun betur launaðar hlutfallslega en hér. Hér hafa kvennastéttir almennt sigið niður eða aldrei náð þeirri stöðu sem aðrar þjóðir setja þær í. Og því  erum við að lenda í því að fá ekki hjúkrunarfræðinga til að starfa á sjúkrahúsum, við erum ekki að fá leikskólakennara í nægu mæli, við erum ekki að fá Grunnskólakennara ekki geislafærðinga og svo framvegis. Fólk fer heldur í viðskiptafræði, tölvunarfræði, verkfræði og þessháttar því þessu fólki má borga mannsæmandi laun! Af hverju að leggja á sig 4 ára þungt háskólanám ef það þýðir um 50 þúsund meira í mánaðrkaup en maður fengi t.d. á Bensínstöð.

Magnús Helgi Björgvinsson, 12.6.2015 kl. 13:18

10 Smámynd: Þorsteinn Siglaugsson

Það á ekki aðeins við um hjúkrunarfræðinga heldur fjölda annarra starfa, að tæknivæðing og alþjóðavæðing veldur því að þau eru að sífellt meira leyti unnin af lágt launuðu fólki í fjarlægum löndum eða sjálfvirknivædd. Stór hluti af starfi lögmanna felst til dæmis í rútínubundinni skjalagerð sem auðvelt er að fá lítt menntað fólk í eða nýta tölvutækni í. Stór hluti af starfi lækna er líka þannig, rétt eins og með hjúkrunarfræðinga. Þetta merkir auðvitað ekki að öll viðfangsefni þessara stétta séu þannig, en sífellt fleiri þeirra eru það. Anna spyr hér að ofan hvers vegna þurfi hagfræðinga, lækna og kennara þegar við getum notað excel, flett upp sjúkdómseinkennum og gúglað. Þessar spurningar eiga fullan rétt á sér og það á að vera hægt að ræða þær af yfirvegun, æsingslaust.

Þorsteinn Siglaugsson, 12.6.2015 kl. 15:16

11 Smámynd: Magnús Helgi Björgvinsson

Æi finnst þetta barnaleg viðhorf. Þetta er svona svipuð rök og "snákaolíu" sölumenn bjóða til að selja fólki lausn á öllum þeirra vandamálum.  Það er nú bara þannig að heilbrigðiskerfið vinnur þannig að þetta er hópur fólks sem vinnur saman. Læknar greina og leggja til meðferðir, hjúkrunarfólk framkvæmir þær, taka stöðu á sjúklingum og sá um meðferð þeirra. Geislafræðinga framkvæma og svo lifefnafræðingar sem framkvæma greiningar á sýnum og það þarf sérhæft nám fyrir þetta allt. Varðandi skjalagerð þá held ég að dómsmál síni okkur að það er nú bara ekki sama hvernig þau skjöl eru útbúin enda þarf oft að styðja þau og bera saman við ýmis lög.

Ég persónulega vild ekki að einhver ómenntaður setti upp nálar hjá mér ef ég lendi á sjúkrahúsi, ekki einhver ómenntaður taki við sjúkdómslýsingum hjá mér og beri þau til læknis. Ekki vildi ég að einhver ómenntaður tæki af mér röntgen myndir og að brot eða eitthvað kæmi því ekki fram. Ég mundi ekki vilja að einhver ómenntaður ákvæði meðferð mína út frá einhverri góðri grein sem einhver hafði skrifað á netið.  Nú eða vera skorinn upp eða eitthvað þaðan af verra án þess að réttar rannsóknir eða niðurstöður væru þar á bakvið. Og til þess fer fólk í nám. Og það ekkert smá nám. Ég fór einn vetur í læknadeild og ef menn halda að mannslíkaminn sé bara einföld vél og ekkert mál að skilja hann þá vaða þeir villur vega. Eins vildi ég ekki vera í aðgerð þar sem læknar hafa ekki sérhæfða hjúkruanfræðinga með sér. Og ekki vildi ég vera á gjörgæslu aftur ef að þar væru ekki hjúkrunarfræðingar á vöktum. Ef að við hefðum hjúkrunafræðinga þyrftum við helmingi fleiri lækna. Því allir sem hafa verið á sjúkrahúsum vita að læknar hafa ekki tíma nema til líta rétt við hjá sjúklingum til að athuga stöðu þeirra,það eru hjúkrunarfræðingar seum upplýsa um stöðu þeirra.

Magnús Helgi Björgvinsson, 12.6.2015 kl. 15:56

12 Smámynd: Þorsteinn Siglaugsson

Þetta snýst ekki um viðhorf. Þetta snýst einfaldlega um blákaldan raunveruleikann: Rétt eins og störf færðust frá handverksmönnum yfir í verksmiðjur í iðnbyltingunni eru störf nú að færast frá meira menntuðu fólki í ríkari löndum yfir til fátækari landa og að hluta einnig að vélvæðast. Þú getur kalla þessa þróun "barnaleg viðhorf" en það breytir engu um að hún er að eiga sér stað. Það þarf ekki að leita langt til að finna fjölda dæma um það og þeim fjölgar með hverjum deginum. Hvað það hefur með snákaolíu að gera eða að leysa öll vandamál fólks er mér nú fyrirmunað að skilja. Þvert á móti er þetta áhyggjuefni fyrir okkur sem þurfum nú að takast á við nýjar aðstæður.

Þorsteinn Siglaugsson, 12.6.2015 kl. 16:05

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband