Norðmenn vara Breta við að ganga úr ESB !

Norski forsætisráðherran vara Breta við að þeir verði í sömu ömurlegu aðstöðu eins og Noregur ef þeir ganga úr ESB.

Af eyjan.is

Erna Solberg, forsætisráðherra Noregs, segir að Bretum muni ekki líka að standa utan við ESB ef þeir kjósa að yfirgefa Evrópusambandið. Hún segir að reynsla Norðmanna af EES-samningnum sé að Norðmenn standi áhrifalausir utan við ESB og neyðist til að samþykkja löggjöf sambandsins. Það sé því ekki vænlegur kostur fyrir Breta að standa utan ESB og ætla að njóta sömu stöðu og Noregur og önnur EES-ríki gera. Hún segir að Noregur sé eiginlega eins og þrýstihópur sem reyni að hafa áhrif eftir óbeinum leiðum í Brussel.

Norðmenn hafa, eins og Íslendingar, aðgang að nær öllum innri markaði ESB í gegnum ESB-samninginn. Á móti kemur að EES-ríkin verða að taka upp stóran hluta af löggjöf ESB án þess að hafa nokkur áhrif á stefnumótun eða samþykkt laganna. Einnig greiða EES-ríkin til ESB.

ESB hefur haft áhrif á ýmislegt í Noregi án þess að Norðmenn hafi haft nokkuð um það að segja, má þar nefna heilsufarsviðvaranir á sígarettupökkum og að Pólverjar eru orðnir stærsti minnihlutahópurinn í landinu. í umfjöllun Politico kemur fram að þetta hafi þó ekki orðið til þess að mikill áhugi sé að þriðju þjóðaratkvæðagreiðslunni um aðild að ESB en aðeins 18 prósent Norðmanna styðja hugmyndir um þjóðaratkvæðagreiðslu.

Í samtali við Politico sagði Erna Solberg að Norðmenn hafi lítinn áhuga á aðild að ESB eins og stendur því ESB glími við mörg vandamál og sé ekki mjög aðlaðandi kostur nú um stundir.

Í Bretlandi telja sumir að samband Noregs við ESB geti orðið fyrirmynd að framtíðarsambandi Bretlands við ESB en Norðmenn sjá margt neikvætt við samband á þeim grunni. Lítil sem engin áhrif í Brussel, taka ekki þátt í stefnumótun um varnarmál, verða að taka upp löggjöf ESB til að hafa aðgang að mörkuðum sambandsins.

Slíkt samband verður erfitt fyrir Bretland því þá mun Brussel ráða án þess að Bretar geti tekið þátt í ákvörðunarferlinu.

Norskir embættismenn sækja oft fundi sérfræðingahópa þar sem hugmyndir framkvæmdastjórnar ESB eru ræddar og útfærðar. Norskum ráðherrum er einnig stundum boðið til funda hjá ESB en það er aðeins þegar hagsmunir tengjast, eins og til dæmis í orkumálum. En Norðmenn hafa engan atkvæðarétt í öllu þessu ferli. (frétt af eyjan.is)

Solberg sagði að þessi staða Noregs neyði Noreg til að hegða sér eins og þrýstihópur í Brussel.

 

Verði að huga að framtíð ESB

Athugasemdir

[Jóhann Kristinsson, 21.6.2016 kl. 05:05]

Magnús Helgi,

Þú misskilur þetta eitthvað. Ástæðan fyrir að Bretar eru að ganga úr ESB spillinguni er af því að þeir ráða engu og efnahagsstaðan hjá ESB hefur staðnað og er að kæfa ESB löndin.

Kveðja frá Houston

[Ásmundur (IP-tala skráð) 21.6.2016 kl. 08:26]

EES hentar ekki Bretum. Þeir vilja hafa fulla stjórn á sínum landamærum. EES-samningur breytir engu í því sambandi.

Auk þess er ljóst, eins og norðmenn benda á, að EES samningi fylgir meira fullveldisafsal en ESB-aðild.

Ef Bretar ganga úr ESB er það vegna uppgangs hægri öfgamanna en andstaða þeirra gegn ESB er vel kunn. Það er því full ástæða til að óttast afleiðingarnar. 

[Örn Johnson ´43 (IP-tala skráð) 21.6.2016 kl. 12:30]

Er e-ð að marka álit þessarar konu, svona ef okkar ástfangna ESB Jóhanna Sig yrði spurð. Nær 3/4 norðmanna vilja ekki í ESB en auðvitað er þessi litli meirihluti hávær.

[Eirikur Arnarson (IP-tala skráð) 21.6.2016 kl. 16:17]

Það er leiðum að lýkjast...

hafa menn ekki misskilið umælin sem augljóslega eru sögð í kaldhæðni...

[Ásmundur (IP-tala skráð) 21.6.2016 kl. 16:55]

Forsætisráðherra Noregs er að sjálfsögðu ekki að tala í kaldhæðni þó að það hljómi öfugsnúið að vara Breta við því að ganga úr ESB sem Norðmenn vilja ekki vera í.

Aðalástæðan fyrir því að hún varar Breta við er væntanlega sú að það kemur sér illa fyrir Noreg að Bretar fari úr ESB eins og það mun koma sér illa fyrir okkur.

Ástæðurnar sem hún telur upp eru samt hárréttar. EES-þjóðir utan ESB taka við löggjöf sem þær hafa engin áhrif á. ESB-þjóðirnar setja þessa löggjöf og geta allar beitt sér með eða á móti.

Þess vegna segja Norðmenn að meira fullveldisafsal fylgi EES-samningnum en ESB-aðild.    

[Ómar Bjarki Kristjánsson, 21.6.2016 kl. 19:17]

Málið er að framboðsrekstur andstæðinga Evrópusambandsins í Bretlandi hefur verið óheiðarlegur.  (Rétt eins og málarekstur andsinna hér).

Vissulega mismunandi mikið óheiðarlegur.  Einstaka punktar hjá þeim geta alveg verið relevant.

En stóra myndin, aðalefnin, sem andstæðingar Sambandsins halda á lofti úti í Englandi, - það er bara mestanpart einhver þvæla bara og afgangurinn haugalygi.

Það hefur verið soldið átak fyrir aðildarsinna að koma réttum skilaboðum á framfæri.

[Jóhann Kristinsson, 22.6.2016 kl. 02:04]

Ættli að það sé einhver bjalla sem hringir á tölvu Ásmundar atvinnupenna ESB?

Næri því í hvert einasta skipti sem ESB er skrifað í pistli eða athugasemd þá er atvinnupenni ESB mættur.

Kveðja frá Houston

[Ásmundur (IP-tala skráð) 22.6.2016 kl. 09:55]

Aumingja Jóhann!

Í hvert skipti sem hann tjáir sig um ESB sýnir einhver fram á að hann hefur rangt fyrir sér.

Er nema von að honum sárni og vænisýkin láti á sér kræla?

[Jóhann Kristinsson, 24.6.2016 kl. 21:05]

Það voru rúm 17 milljónir Breta sem eru sammála mér Ásmundur ESB atvinnupenni.

En auðvitað kallar þú Bretana kjána, bjána og jafnvel rasista, það er stimpillinn sem ESB atvinnupennar nota á þá sem sjá að ESB eins og það er orðið, algjör della.

Frakkland, Holland, Spánn, kanski Danmörk og Svíþjóð líka. Finnar verða ekki langt á eftir. Ég yrði ekkert hissa á að það væri Þýskaland og gömlu austantjaldslöndin sem verða eftir og auðvitað Belgía sem er íerfiðleikum að hafa Ríkistjórn gangandi undan farinn ár. 

Kveðja frá Houston

[Ásmundur (IP-tala skráð) 25.6.2016 kl. 08:47]

Athyglisvert að rýna í niðurstöður Brexit.

Eldra fólk vill fara úr ESB, yngra fólk vill vera þar áfram. Þeir sem eru betur menntaðir vilja vera áfram. Þeir sem hafa minnsta skólagöngu vilja úr ESB.

Úrsögn úr ESB tengist greinilega uppgangi hægri öfgaafla. Eldra fólk er verr upplýst en yngra fólk og þess vegna fordómafyllra. Það er því auðveldari bráð fyrir hægri öfgaáróðri.

Sama má segja um þá sem hafa minnsta skólagöngu. Þeir hafa síður bakgrunn til að verjast hægri öfgaaróðri en hinir sem hafa meiri menntun.

Svona er lýðræðið. Þeir sem eru komnir að lífslokum hafa sama rétt til að ráða framtíð þeirra sem eiga allt lífið framundan og þeir sjálfir.

Ekki síst þess vegna getur lýðræðisleg niðurstaða verið afleit fyrir allan almenning.

[Jóhann Kristinsson, 28.6.2016 kl. 01:37]

Ertu á móti lýðræði Össur Skarpheðinsson aka Ásmundur ESB atvinnupenni?

Furðuleg skýring, það er allt öfga þetta og öfgva hitt, ef eitthvað fer ekki eins og þér líkar um Þitt heilaga ESB.

Það verður gaman að sjá Frakkana gera það sama næsta sumar.

Kveðja frá Houston