Gatnamót Miklu- og Kringlumýrarbrautar verða alltaf vandamál- Nema

Það er alveg dæmt til þess að þessi gatnamót Miklubrautar og Kringlumýrabrautar verða alltaf vandamál nema að samhliða séu gatnamót Miklubrautar og Háaleitisbrautar, Miklubrautar - Háleitisbrautar og Miklubrautar - Grensásvegar séu líka löguð um leið. Það er til lítils að hafa stöðugt flæði um ein gatnamót ef að við taka önnur sem hafa takmarkaða flutnings getu. Eins þá yrðu gatnamót Kringlumýrarbrautar og Laugarvegar sem og gatnamótin þar fyrir ofan. Einnig gatnamótin við Borgartún og Sæbraut. Það er nokkuð ljóst að ef að farin verður þessi leið við Kringlumýrarbraut/Miklubraut þá tekur við nokkra ára framkvæmdir með alveg ógurlegri umferðateppu vegna bráðabirgða hjáleiða. 

Þetta er náttúrulega eitt af því sem bæjarfélög þurfa að huga að við ný skipulögð kerfi að umferðamannvirki séu strax hönnuð fyrir væntanlegt umferðamagn, þannig að fólk þurfi ekki að búa við það ár eftir ár að komast varla um hverfið þar sem að stöðugt er verið að vinna í að stækka umferðamannvirki með tilheyrandi þrengingum og ófærum. 

Íbúasamtök gagnrýna hugmyndir um gatnamót við Kringlumýrarbraut

Athugasemdir

[Guðmundur Ólafsson (IP-tala skráð) 27.2.2008 kl. 11:05]

Hugsaðu nú aðeins...

 Þetta er nú ekki flókið. Þegar þú ert með meðalstóra götu (Háaleitisbraut) sem mætist stórri götu (Mikklubraut) geta umferðarljós kanski dugað, auðvitað er græna ljósið lengstan tíma á stóru götunni og styttra á meðalstóru götunni. Ekki þarf að hafa beyjuljós á meðalstóru götinni. Þegar þú ert með stóra götu sem mætir stórri götu þarf tíminn á græna ljósinu að vera álíka langur fyrir báðar göturnar, þar þarf líka að vera beyjuljós á báðar göturnar.

Það er einfaldlega mun meiri umferð um gatnamót Kringlumýrarbrautar og Miklubrautar. Þessvegna er mum meiri þörf á mislægum gatnamótum þar en á öðrum gatnamótum í kring.

Ég hef heldur aldrei skilið afhverju gatnamót Kringlumýrarbraut - Mikklabraut verða að vera þau seinustu í röðinni á eftir öllum öðrum gatnamótum á svæðinu. Þegar framkvæmdum verður lokið verða engin ljósastýrð gatnamót í suður fyrr en í Garðarbæ, næstu ljósastýrðu gatnamót í vestur verða við umferðarmiðstöðina. 

[Magnús Helgi Björgvinsson, 27.2.2008 kl. 11:17]

Jú það eru ljósastýrð gatnamót við Kringluna. En skv. því sem ég upplifi þegar ég keyrir Miklubraut þá sé ekki nema að það mundu koma teppur við öll þessi gatnamót á álagstíma. Þú verður að hugsa um það að við það að umferð stoppar ekkert við gatna mót Kring/miklubrautar þá mundu ljós annarstaðar einmitt skapa teppu. Þetta sést t.d. á morgnana þegar maður kemur niður á kringlumýrarbraut á móts við lágmúla og þar.  Held að þetta mundi versna til muna við mislæg gatnamót á einum stað.

[kristinn (IP-tala skráð) 27.2.2008 kl. 11:46]

Þú gleymir gatnamótunum Miklabraut/Langahlíð. Ef að þau verða ekki löguð eða hreinlega aflögð munu umbætur á gatnamótum Miklubrautar/Kringlumýrarbrautar ekki skila neinu því að mjög stór hluti umferðar um þau fer í gegnum Miklabraut/Langahlíð.

Alveg frá því að fyrst var talað um að mislæg gatnamót um Kringlumýrarbraut/Miklubraut væru málið hefur kaldur sviti runnið niður bak mitt. Og það endurtekur sig í hvert skipti sem að Gísli Marteinn opnar munninn varðandi þetta málefni. Það virðist nefnilega vera sem að borgaryfirvöld (og borgarverkfræðingur) séu svo skammsýn að halda að þetta breyti einhverju. Það mun ekki gera það, eins og þú bendir á sjálfur, því að hnútarnir munu bara flytjast yfir á nærliggjandi gatnamót.

Skref í rétta átt er að vinna fyrst á litlu gatnamótunum sem munu verða hnútarnir eftir að búið er að höggva á þennan hnút. 

[Magnús Helgi Björgvinsson, 27.2.2008 kl. 11:54]

Alveg rétt hjá þér Kristinn gleymdi þessum gatnamótum þó ég hafi einmitt verið a hugsa um þau þegar ég byrjaði þessa færslu. Eins þá vil ég benda á að ef allar þessar framkvæmdi við öll þessi gatnamót yrðu sett á áætlun þá mundu margir sem nú keyra vera komnir á elliheimili þegar allt þetta yrði komið til framkvæmda. Legg til að í stað einhverja þessara framkvæmda verði farið að huga að öðrum leiðum. T.d. lestarsamgögnum. Göngum undir Öskjuhlíð til að beina umferð af þessum gatnamótum. Þ.e. umferð frá Kópavogi og Hafnarfirði. Sundabraut og stækkun á Sæbraut. Mundi líka létta þarna á álagi.

[Guðmundur Ólafsson (IP-tala skráð) 27.2.2008 kl. 12:57]

Tillögurnar gera ráð fyrir stokk á báðum stöðum. Um að gera að skoða þær fyrst, ekki vera bara sjálfkrafa á móti af gömlum vana.

[Magnús Helgi Björgvinsson, 27.2.2008 kl. 14:27]

Ég hef lesið það. En það er ríkið sem borgar og ég er ansi hræddur um að stokkarnir svona langir eins og þeir eru hugsaðir komi ekki starx. Og hvar á umferðin að fara í þau 2 ár sem tekur að gera þetta?

[Magnús Helgi Björgvinsson, 27.2.2008 kl. 14:29]

Ég ítreka að það væri kannski nær að minnka þann umferðarþunga sem liggu þarna um. Það er óháð því hvort að mislæg gatnamót koma þarna og stokkar. Bendi t.d. á að ef 20 þúsund manna byggð og atvinnu húsnæði kemur í Vatnsmýri þá þarf að tryggja greiðan aðgang þangað og því bendi ég en á Öskjuhlíðargöng.