Leita í fréttum mbl.is

Jæja nú þarf bara að finna þá sem brutu hurðir og glugga á Hverfisgötu?

Ekki er ég sáttur við að þurfa að greiða þessar skemmdir af mínum sköttum. Minni á að þjóðin á þetta hús og þarf að greiða allar skemmdir á því. Hélt að fólk væri að mótmæla því að við þyrftum að borga fyrir aðra óráðsíumenn 

Finnst út í hött hjá fólki að kvarta yfir framgöngu lögreglu. Þegar að fólk hefur brotið hurð og ryðst inn í Lögreglustöð er ósköp eðlilegt að lögregla bregðist við.

Og það að foreldrar séu þar með 16 ára unglinga í fremstu röð er náttúrulega út í hött.

Síðan þau rök að allt hefði verið í þessu fína ef að lögreglan hefði komið út og rætt við fólkið. Kjaftæði. Þeir lögreglumenn hefðu verið í stórhættu. Fólk sem brýtur hurðir og glugga hefði ekki verið treystandi til að henda ekki gjóti eða öðru í lögregluna. Fólk verður að athuga að hér er réttarríki og ef fólki finnst á sér brotið þá kærir það. Barn sem er komið inn í anddyr lögreglustöðvar með óðum skríl það á það á hættu að verða fyrir piparúða. Og má kannski þakka fyrir að hafa ekki orðið fyrir reiðum skrílnum og og eða grjót, eða höggum.

Svona mótmæli eru fólkinu sem tók þátt í því til skammar.


mbl.is Var ekki látinn vita
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Kjósandi

Yfirlýsing Innheimtumiðstöð sekta er röng

Lögregla fór offari og ber ábyrgðin, bauð upp á þetta.

Allt bendir til að hún hafi misnotað vald sitt.

Ragnar Aðalsteinsson löglærður stjórnarandstæðingur hefur rétt fyrir sér í þessu máli sem nær öllum öðrum málum. 

 Yfirlýsing sem Innheimtumiðstöð sekta sendi út er röng eða í besta falli mjög villandi. 

Hún tekur ekki fram 71. grein laga nr. 49/2005  en sú grein á við í þessu tilfelli

Hún er þannig

 71. gr. Vararefsing.
Nú telur lögreglustjóri að innheimtuaðgerðir séu þýðingarlausar eða fullreyndar og skal hann þá ákveða að vararefsingu verði beitt. Að höfðu samráði við fangelsismálastofnun skal sektarþola send tilkynning um fyrirhugaða afplánun vararefsingar. Tilkynningu skal senda með sannanlegum hætti.

 Samkvæmt tilkynningunni hefur ekki verið fullreynt samkv. 71. gr lagana hvort innheimtuaðgerðir séu þýðingarlausar með því að hafa samband við manninn.

Þá hefur honum ekki verið send tilkynning með sannarlegum hætti samanber sömu grein.

Niðurstaðan er því að lögregla og yfirvöld hafa farið offari í þessu máli og ekki hefur verið sýnt fram á að það hafi ekki verið gert með ráðnum hug gagnvart þessum pilti. Nefnd dagsetning á tilkynningunni er ósönnuð og líklega diktuð til að afvegaleiða almenning. 

Kjósandi, 23.11.2008 kl. 18:41

2 Smámynd: Páll Ingi Pálsson

Ég er bara kominn með leið á þessum hippafíflum sem spranga um bæinn og taka athyglina frá málstað okkar hinna. Geir H og félagar hlægja sig máttlausa meðan þessir hippar gera sjálfa sig að fíflum og taka alla athyglina frá annars góðum mótmælum þar sem ein mesta þrumuræða þessara aldar var haldin.

Menn keppast við að verja dæmdan skuldara sem var í fyllerísferð þegar hann var handtekinn. Gleymið þessum aumingjum, hendið athyglina á GEIR og CO.

Páll Ingi Pálsson, 23.11.2008 kl. 18:54

3 identicon

Lögregla bauð ekki uppá þetta!

Sjá þennan skríl hippa og aðra iðjuleysingja fyrir utan lögreglustöðina að bjarga glæpamanni, atvinnumótmælanda og bjána, skammarlegt.

Að móðirin dirfst að kvarta, lögreglan i fullum rétti að meisa dótturina.  Réttast væri að rannsaka aðstæður barnsins, óábyrgt að fara með barn í svona glæpsamlegar aðgerðir.  Félagsmálayfirvöld eiga að kanna aðstæður.

Þessi Haukur er athyglissjúklingur, fígúra, hippi sem heldur að hann sé eitthvað.  Fjarri lagi, hann ætti að skammast sín og finna sér eitthvað þarfara að gera. 

Baldur (IP-tala skráð) 23.11.2008 kl. 18:57

4 identicon

Baldur, nákvæmlega það sem ég ætlaði að segja.

Ágúst (IP-tala skráð) 23.11.2008 kl. 19:50

5 identicon

Ég virkilega þoli ekki sumt fólk,  ég var einmitt að skrifa um á síðunni minni um hvað ég þoli ekki fólk sem fer með krakka í mótmæli,  sérstaklega mótmæli einsog þessi sem var nokkuð augljóst að það yrði gerður aðsúgur að lögreglunni.

Þetta er svo týpiskt "sympathy card" útspil hjá þessari kellingu,  "ónei krakkinn minn varð fyrir piparúða þegar hann réðist inní lögreglustöð" ,  og bara af því að krakkinn var ekki orðinn 18 ára þá á þetta að vera skammarlegt af Lögreglunni og hún á að vera í rétti??  Hvað er að fólki.

Kannski er 16 ára einstaklingur ekki beint "krakki",  og ef hann fór þangað af sjálfsdáðum þá var einfaldlega honum sjálfum að kenna að hafa verið fremstur í flokki þeirra sem brutust þangað inn.   Ef Kellingin sjálf fór með honum þangað,  er það þá ekki henni sjálfri að kenna?,  er hún ekki forráðamaður viðkomandi og á að sjá til þess að hann lendi ekki í vandræðum og koma honum úr hættu? .. Ég tel að brjótast inní lögreglustöð flokkist undir vandræði,  og nokkuð augljóst að það er hættulegt þegar Lögreglumennirnir verja sig.

Jóhannes H. Laxdal (IP-tala skráð) 23.11.2008 kl. 20:30

6 identicon

Ekki ber að gleyma öllum kostnaðinum við að þrífa alþingishúsið vikulega,  og núna þarf að þrífa lögreglustöðina við Hverfisgötu,  laga nokkrar rúður og skipta um hurð??....

Gefum þessu nokkrar vikur og við þurfum að taka annað lán frá IMF til þess að borga fyrir þrifin og viðgerðirnar

Jóhannes H. Laxdal (IP-tala skráð) 23.11.2008 kl. 20:42

7 identicon

Það er bara til of mikið af hyski hér á landi sem vill sínar 15 mínútur af frægð og nýtir sér ástandið núna.  Þjóðin þarf ekki á þessu fólki að halda og skil ég persónulega ekki af hverju svona pakk eins og Haukur flytji ekki búferlum t.d til Svíþjóðar og fari á socialinn.

Sá þennan bónusfána gjörning í sjónvarpinu og þessi drengur hefur enga samúð hjá mér, lögreglan á að taka hart á svona glæpahyski sem enga virðingu ber fyrir lögum og reglum samfélagsins.

Baldur (IP-tala skráð) 23.11.2008 kl. 21:13

8 identicon

Mikið helvíti ertu heimskur, Herra laxdal

Björgvin M. (IP-tala skráð) 23.11.2008 kl. 21:59

9 Smámynd: Magnús Helgi Björgvinsson

Ég verð bara að bæta við út af þeim sem talar um að boðunarnefnd hafi ekki haft leyfi til að boða þennan dreng aftur í afplánun. Ef að ekki var rétt að þessu staðið þá kærir hann það. Það er ekki ætlast til að fólk ráðist inn á lögreglustöð og afgreiði málið sjálft. Og sérstakleg ekki fólk sem ekkert hefur með málið að gera.

Magnús Helgi Björgvinsson, 23.11.2008 kl. 22:00

10 identicon

En þú ert samt ekki nærri því eins heimskur og herra Baldur, ef það er einhver sárabót...

Björgvin M. (IP-tala skráð) 23.11.2008 kl. 22:01

11 identicon

>"Mikið helvíti ertu heimskur, Herra laxdal"

Var þetta það eina sem þér datt í hug að segja?  þú sleppir fyrsta skrefinu þar sem þú útlistar ástæður þínar fyrir að kalla mig heimskan og af hverju þú ert það ekki og ferð beint á seinna skrefið og ræðst á persónu mína.  Með þetta attitude þá áttu eftir að komast langt í lífinu.

Jóhannes H. Laxdal (IP-tala skráð) 23.11.2008 kl. 23:18

12 Smámynd: Viðar Freyr Guðmundsson

Björgvin M. meinti örugglega margt með því að segja 'þú ert heimskur' .. alveg heilmargt. Þetta var meiraðsegja mjög málefnalegt þegar hann var að velta þessu fyrir sér. En svo bara kom þetta svona út. :)

Hann ætti kannski að skrifa þetta á skilti og fara með það niður á Austurvöll, til þess að það sé tekið mark á honum.

Viðar Freyr Guðmundsson, 24.11.2008 kl. 00:57

13 Smámynd: Guðmundur Ásgeirsson

Það tjá sig margir um þetta með afgerandi hætti, en voruð þið á staðnum?

"Ekki er ég sáttur við að þurfa að greiða þessar skemmdir af mínum sköttum."

Ekki er ég heldur sáttur við að þurfa að greiða fyrir pólitískar handtökur af mínum sköttum. Né heldur björgunaraðgerðir fyrir vonlaust peningakerfi sem eru fyrirfram dæmdar til að mistakast.

"Hélt að fólk væri að mótmæla því að við þyrftum að borga fyrir aðra óráðsíumenn"

Á Hverfisgötunni var verið að mótmæla pólitískri handtöku andófsmanns, sem hafði það eitt á samviskunni að hafa einmitt verið að mótmæla óráðsíu og óráðsíumönnum. Lýðræði er ekki ókeypis eins og sumir virðast halda, stundum þarf að berjast fyrir því en nokkrar rúður og tvær hurðir eru lítill kostnaður í samanburði við þær blóðsúthellingar sem lýðræðisbarátta hefur kostað ýmsar aðrar þjóðir. Þó að við búum við þann lúxus að hafa lengst af lifað í friðsömu þjóðfélagi, þámegum við ekki láta það villa okkur sýn á meðan verið er að gjaldfella mannréttindi okkar.

"ef að lögreglan hefði komið út og rætt við fólkið. Kjaftæði. Þeir lögreglumenn hefðu verið í stórhættu."

Kjaftæði? Mótmælin höfðu farið fram í um klukkustund með friðsömum hætti áður en leikar æstust. Hefði lögreglan sýnt af sér þann manndóm að koma til dyra og svara kröfum mótmælenda með einhverjum hætti, þá hefði dæmið snúið allt öðruvísi. Þeir ákváðu hinsvegar að skella í lás og slökkva ljósin, eins og skræfurnar sem þeir eru, stilltu sér svo upp vopnaðir og brynjaðir á bak við læstar dyr á móti óvopnuðum mannfjöldanum.

"Fólk sem brýtur hurðir og glugga hefði ekki verið treystandi til að henda ekki gjóti eða öðru í lögregluna."

Ekki það nei? Þá vil ég benda á að lögreglan var grýtt, með matvælum en ekki grjóti eða neinu hörðu, og það var eftir gasárásina sem fór þó illa fyrir brjóstið á mörgum. Enginn úr liði lögreglunnar varð fyrir líkamstjóni, annað en sumir úr hópi mótmælenda. Tilgangurinn var að ná fram réttlæti, og þó að dauðir hlutir hafi orðið fyrir barðinu á reiði fólks þá beindist hún ekki persónulega gegn þeim einstaklingum sem gegna almennum löggæslustörfum.

Ef einhver hefði hinsvegar verið staðráðinn í að meiða lögregluþjóna þá gafst kjörið tækifæri til þess sem enginn kaus þó að nýta sér, sem hlýtur að bera vott um nokkra yfirvegun þrátt fyrir almenna reiði. 1 stk. Molotov hefði t.d. vel dugað til að steikja allar löggurnar sem stilltu sér upp í andyrinu í einum hnapp! Svoleiðis var samt látið ógert, sem betur fer sennilega.

"Og má kannski þakka fyrir að hafa ekki orðið fyrir reiðum skrílnum og eða grjót, eða höggum."

Mótmælendur voru reyndar afar samstilltir í aðgerðum sínum þrátt fyrir að þær hafi engan veginn verið skipulagðar fyrirfram. Eins og áður sagði þá varð enginn fyrir neinum meiðslum nema þeir sem fengu piparúða lögreglunnar í augun, sem vel að merkja var úðað úr launsátri án nokkurrar viðvörunar. Fólk var ekki að safnast þarna saman til að slást við hvort annað heldur var samstaðan sterk í hópnum, því er fráleitt að gefa sér að mótmælendum hafi stafað einhver sérstök hætta af hvorum öðrum.

"Yfirlýsing sem Innheimtumiðstöð sekta sendi út er röng eða í besta falli mjög villandi."

Og ekki bæta ummæli Geirs Jóns Þórissonar í Fréttablaðinu í dag úr skák, en þar heldur hann því fram að lögregluþjónn hafi komið út á tröppurnar og "rætt" við mótmælendur með gjallahorni.Þeir sem voru á staðnum vita sem er, að þessi fráleita nauðvörn fyrir vonlausan málstað lögreglunnar er hreinn og klár uppspuni frá rótum.

"Ekki finnst mér það í lagi að barnið mitt geri aðsúg að yfirvöldum, ef það vill mótmæla og láta í sér heyra, þarf að gera það málefnalega og af yfirvegun.  Svona ofbeldi mun ekki líðast hvorki frá börnum né foreldrum þeirra."

Ekki finnst mér heldur í lagi að yfirvöld geri aðsúg að börnum!

Skúli, þú skalt endilega mæta fyrir utan löggustöð og mótmæla friðsamlega þegar þín eigin börn verða tekin sem pólitískir fangar. Vittu hvort það ber ekki árangur gegn yfirvöldum sem sýna það sífellt betur að þau ætla ekki að hlusta á háværar raddir mikils fjölda mótmælenda. Hver á svo að mótmæla þegar síðasti mótmælandinn verður handtekinn?

"Ég er bara kominn með leið á þessum hippafíflum"

Óskaplega er þetta fordómafull afstaða, þá mætti allt eins segja að allir sem eru í ríkisstjórninni séu fasistar (þeir eru það sumir). Eru kannski allir hippar sjálfkrafa fífl, eða er einhvernveginn sjálfgefið að allir þeir sem mótmæla af hörku hljóti að vera hippar eða kommúnistar? Nú er ég viss um að margir anarkistar verði móðgaðir ef sá stimpill verður af þeim tekinn... ;) (Sjálfur er ég hægrisinnaður.)

Bent skal á að þarna var allskyns fólk, karlar, konur, börn og jafnvel ellilífeyrisþegar. Þeir sem komu með trjádrumbinn til að brjóta upp dyrnar voru meira að segja rígfullorðnir menn, ekki "óþekkir unglingar" eins og stundum er reynt að gefa í skyn í umræðunni.

"glæpamanni, atvinnumótmælanda og bjána"

Er hægt að hafa atvinnu af því að mótmæla? Hvar sækir maður um? Mér veitti sko ekki af aukatekjum mitt í öllu atvinnuleysinu! ;) Reyndar er það eina sem "glæpamaðurinn stórhættulegi" hefur gerst sekur um, að mótmæla með friðsömum hætti án nokkurs tjóns hvorki á mannvirkjum, tækjum né einstaklingum. Ef einhverjum finnst það bjánalegt þá hefur viðkomandi auðvitað rétt á þeirri skoðun, en er þá ekki að sama skapi bjánalegt að alvöru glæpamenn skuli vera látnir ganga lausir? Það var ekki Haukur sem skuldsetti þjóðina upp fyrir haus og kollsteypti efnahagslífinu og það var ekki hann sem svaf á vaktinni meðan bankarnir fóru offari, því hlýtur fangelsun hans að teljast í besta falli ósanngjörn. Í stjórnarskránni er að finna svokallaða jafnræðisreglu sem ætlað er að verja fólk fyrir hverskonar mismunun af hálfu yfirvalda.

"Og sérstakleg ekki fólk sem ekkert hefur með málið að gera."

Rétturinn til að mótmæla án þess að þurfa að sitja undir ofsóknum yfirvalda er hagsmunamál allra. Þeir sem telja sig hafa "ekkert með það að gera" mega bara flytja til Bandaríkjanna eða einhvers annars fasistaríkis og láta kúga sig þar. Ekki á Íslandi, nei takk!Þegar lögreglan virðir sjálf ekki lög, hver á þá að standa vörð um þau?

"Gleymið þessum aumingjum, hendið athyglina á GEIR og CO"

Sammála, þá er það bara Háahlíð næst og svo Granaskjólið...

 

Hið illa fær best þrifist þegar gott fólk stendur hjá og aðhefst ekkert. Með illu skal illt út reka!

Guðmundur Ásgeirsson, 24.11.2008 kl. 14:37

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband