Gunnar bara skilur þetta ekki!

Gunnar talar um að dóttir hans eigi ekki að líða fyrir það að vera dóttir hans. Fyrir utan að greiðslur eru vafasamar þá er bara með öllu óeðlilegt að fyrirtæki dóttur bæjarstjóra og áður forseta bæjarstórnar sé að fá verk án útboðs.

Það er bara því miður að ættingjar verða að líða fyrir tengsl við bæjarstjóra. Öll viðskipti verða háð gagnrýni. En Gunnar lítur held ég á Kópavog sem verktakafyrirtæki sem hann sem bæjarstjóri getur farið með að vild. Og eðlilegt að hann ráðstafi bæjar málum eftir sínum duttlungum

En það voru athyglisverð viðbrögð Ómars Stefánssonar forseta bæjarstjórnar. Það er eins og hann sé að undirbúa stjórnar slit:

„Þetta eru ekki vinnubrögð sem við framsóknarmenn kærum okkur um að séu stunduð í Kópavogsbæ,“ segir Ómar.

og einnig

„Hvernig er með bókhaldið gagnvart öðrum fyrirtækjum? Er víða pottur brotinn eða er þetta bara um þetta eina fyrirtæki,“ spyr Ómar þegar hann er spurður út í það hvað þetta þýði fyrir bæjarstjórnarsamstarf Framsóknarflokksins og Sjálfstæðisflokksins í Kópavogi.

Ómar segir að boðað verði til fulltrúaráðsfundar eins fljótt og hægt er  og þar verði staðan rædd. Þá hefur hann ekki náð að ræða málið við Gunnar I. Birgisson, bæjarstjóra Kópavogs vegna málsins.

Sé ekki hvað ég hef gert rangt

Athugasemdir

[Askur (IP-tala skráð) 9.6.2009 kl. 17:11]

Því miður eru innherjaviðskipti eins og þetta bara business as usual hérna á Íslandi. Líklegast afþví við þekkjumst öll í gegnum bara nokkrar gráður af fólki og allir eru skildir öllum í 6 ætliði.

Enginn getur gert neitt án þess að ráðfæra sig við Bjössa bróður og Fiffa Frænda því enginn vill vera sínum eigin verstur. Og einhvernvegin höfum við liðið þetta nógu lengi til þess að það er til fólk sem einfaldlega skilur ekki hvernig svona háttsemi getur talist óeðlileg.

Ef ég hefði einhvern áhuga á að færa rök fyrir ESB aðild við ókunnuga myndi ég benda á þetta. Það eru allir pólitíkusar fávitar, og þeir eru margir spilltir. En í Evrópu telst það ekki 'Business as Usual', ekki einusinni hjá þeim spilltu.

[Páll Geir Bjarnason, 9.6.2009 kl. 17:36]

Mér finnst þetta ekki business as usual þrátt fyrir skyldleika allra Íslendinga. Þetta er ekkert 6. ættliður heldur viðskipti föður við dóttir, og það án útboða. Það sem gerir þetta en svæsnara er að Kópavogsbær er langstærsti viðskiptavinur þessa fyrirtækis og því má í raun segja að Kópavogsbær hafi haldið uppi dóttur og tengdasyni bæjarstjórans á mjög hæpnum siðferðislegum forsendum bæði viðskiptalega og pólitískt.

[Magnús Helgi Björgvinsson, 9.6.2009 kl. 17:42]

Já ég hef heyrt grín um að þau númer sem vantaði inni númeraröð reikninga frá Frjálsri Miðlun séu reikningar sem sendir voru á Lánasjóð Námsmanna þar sem Gunnar var flormaður stjórnarar frá 1991 fram í febrúar s.l. 

[ThoR-E, 9.6.2009 kl. 17:57]

Einnig fékk fyrirtækið Klæðning ótal verkefna fyrir Kópavogsbæ í bæjarstjóratíð Gunnar .. en Gunnar átti Klæðningu á sínum tíma en "seldi" fyrirtækið.. eftir það hélt fyrirtækið áfram að fá hundruð milljóna verkefni fyrir bæinn.

Komið hefur í ljós að "leynihlutur" var í fyrirtækinu Klæðningu.

Hver ætli hafi átt hann?

Þegar ég vann hjá Klæðningu (eftir að Gunnar "seldi" fyrirtækið" var hann alltaf að mæta á verkstaði. Ekki alveg eðlilegt fyrir mann sem var búinn að selja fyrirtækið að vera í svona miklum tengslum við það.

Spillingarlyktin er stæk. 

[zappa (IP-tala skráð) 10.6.2009 kl. 02:45]

ætli eigi ekki að fara að skýra "barnið"(sem Ingvi Hrafn talaði alltaf um)...