Mikil ábyrgð þeirra sem eru að fara í kring um gjaldeysishöftin!

Eftir lestur þessa viðtals við Baldur Pétursson ætti öllum að vera ljóst að það koma fótum undir krónuna er það mikilvægasta sem við getum tekið okkur fyrir hendur. Og á sama tíma erum við sífellt að fá fréttir af m.a. útgerðamönnum sem að í stað þess að koma með gjaldeyrir hingað heim, eru að kaupa ódýrar krónur erlendis og flytja hingað heim. Og þetta viðheldur lágu gengi krónunnar.  Nú og svo er að koma í ljós að braskið á þessum útgerðarmönnum eru búnir að koma fiskinum okkar í hættu á að komast í eign erlendra aðila. Sem er jú skrýtið miðað við hvað LÍÚ berst á móti ESB til að útlendingar komist ekki að gjafakvótanum þeirra.

Athyglisvert að skoða það t.d. að ef að krónan mundi styrkjast um 30% mundu heildarskuldir okkar vegna IceSave mundur lækka úr nú um tæplega 800 milljörðum niður í rúmlega 500 milljarðar. Gengisbundin íbúðarlán mundu lækka um 30% þ.e. 30 milljóna lán færi niður í 20 milljónir.

Og þá er nauðsynlegt fyrir fólk að huga að eftirfarandi úr þessu  viðtali.

Eini möguleikinn við lausn þessa risavaxna gjaldmiðilsvanda er að auka trúverðugleika krónunnar og styrkja hana að jafnvægisgengi með samstarfi og samningum við Seðlabanka Evrópu og ESB um fjármála- og gjaldmiðilsstöðugleika, sem fyrst, á grunni EES-samningsins og umsóknar um aðild að ESB, eins og stefnt er að, vegna þeirra neyðarstöðu sem hér er. Eftir það mætti minnka eða afnema gjaldeyrishöftin. Í þessu sambandi skiptir afar miklu að Ísland hefur þegar sótt um aðild að ESB.

Og

Starfhæf króna

„EINA varanlega lausn gjaldeyrisvandans er samstarf við ESB og Seðlabanka Evrópu, á grunni neyðarréttar innan EES-samningsins og umsóknar um aðild að ESB, til að gera krónuna að starfhæfum gjaldmiðli, sem allra fyrst þar til evra yrði tekin upp, og aflétta höftum á gjaldeyrismarkaði, þar sem kerfisáhætta krónunnar er of mikil,“ segir Baldur. „Styrkja þarf gengi krónunnar um a.m.k. 30% til að ná langtíma jafnvægisgengi, sem einnig væri æskileg staða við skiptingu yfir í evru þegar hún yrði tekin upp innan 2ja til 3ja ára. Sé slíkt mögulegt myndi það lækka erlendar skuldir um 1.000 milljarða og innlendar skuldir einnig eitthvað, vegna lækkunar verðlags.“

Hlutfallslega stærsta áfallið

BALDUR segir að þrátt fyrir að stjórnvöld á Íslandi hafi unnið mikið afrek í björgunaraðgerðum á ýmsum sviðum, s.s. að halda bönkum gangandi, umsókn um aðild að ESB og afgreiðslu Icesave við afar erfiðar aðstæður, séu gríðarlega mikilvægar aðgerðir í gjaldmiðlamálum framundan.

 

„Þetta stafar af því að áfallið sem Ísland varð fyrir er hlutfallslega langstærsta gjaldeyris- og fjármálakreppa sem nokkurt land hefur nokkru sinni lent í á friðartímum. Af þessum ástæðum er verið að glíma við vanda af stærðargráðu og flækjustigi sem engin þjóð hefur glímt við áður.“

Þetta væri fólki holt að hafa í huga þegar verið er að gagnrýna ríkisstjórnina

Erlendar skuldir 30% of háar

Athugasemdir

[Fannar frá Rifi, 21.9.2009 kl. 10:21]

gjaldeyrishöftin virka ekki til að styrkja gengið. gjaldeyrishöftin kosta okkur hundruð milljarða. gjaldeyrishöftin halda vöxtum háum vegna jöklabréfa eigenda. gjaldeyrishöftin eru veruleikafirra stjórnamálamanna sem eru heiglar.

[Ívar Pálsson, 21.9.2009 kl. 10:37]

Hárrétt hjá Fannari. Blekkingin í sambandi við plat- sterkt gengi krónunnar er ein af heilagri tálþrenningu Jóhönnu: hinar eru að ESB- aðild og Icesave gangi upp. Loksins sjá flestir nema innvígðir S-menn þetta, sem sést í skoðanakönnunum.

[Magnús Helgi Björgvinsson, 21.9.2009 kl. 10:50]

Ef að gjaldeyrishöftin virkuðu þá myndu þau virka til stuðnings krónunni þar sem að þau kæmu í veg fyrir að gjaldeyri vegna viðskipta við útlönd mundi skila sér hingað heim.

Og þessi hugmyndi er ekki frá Jóhönnu komin heldur m.a. frá sérfræðingum m.a. AGS og var m.a. ákveðin af ráðherrum sjálfstæðisflokksins eftir ráðleggingar frá innlendum og erlendum sérfræðingum.  Baldur tekur undir þetta. Hann hefur nú ögn meiri þekkingu á þessu en við hér á blogginu. M.a. vegna stöðu sinnar sem aðstoðarframkvæmdastjóri Endurreisnar- og þróunarbanka Evrópu (EBRD) í London

[Ómar Bjarki Kristjánsson, 21.9.2009 kl. 10:54]

Auðvitað voru  gjaldeyrishöftin sett á til að gengið hryndi ekki niður úr gólfinu.

Ástæða þess að ekki er um styrkingu að ræða er að farið er í kringum þau og útflutningsfyrirtæki, td. líú sjéffar, skipta ekki nema nauðsynlegum parti í krónur og liggja með hitt á gjaldeyrisreikningum.  Þ.e. eru í rauninni þegar búnir að skipta yfir í evru.  Í rauninni.

Fleira kemur þó inní þetta og málið flókið og á margar hliðar.

[Fannar frá Rifi, 21.9.2009 kl. 12:58]

þau virka ekki útaf því að þau eru þarna. útaf því að við þurfum á gríðarlegum höftum á að halda til styrkja gengið þá hefur engin trú á því að gengið sé rétt skráð og telja að það sé miklu minna. hvernig er gengi krónunar skráð á mörkuðum erlendis? það er raungengið. allt annað er lýgi.

AGS þjónar eigendum sínum. hverjir eiga AGS? hvernig hefur farið fyrir löndum sem lent hafa undir stjórn AGS? allt farið á verri veg en var áður en að AGS rétti fram "hjálpar hönd". 

þú ert góður í smjörklíppunni Maggi. mér alveg sama þó að það voru sjálfstæðismenn sem tóku þátt í þessu. það gerir þessa vitleysu ekki að einhverju góðu. handstýring á gengi virkar ekki og hefur aldrei virkað. öll lönd sem reyna það tapa á því miklu meir á endan heldur en þau græða á því. 

handstýrt gengi sem er skráð of hátt er til þjónusta fjármagns eigendur. vaxtastigið í dag er til þess að þóknast jöklabréfaeigendum. gjaldeyrisvaraforðin er til þess að jöklabréfa eigendur geti komist úr landi með verðmæti sín á eins háu gengi og mögulegt er. reikningurinn mun síðan verða sendur til almennings í þessu landi. 

burt með AGS úr landi. þessu stofnun er nútíma nýlendu kúgun og henni fylgir ekkert nema hörmungar og hungursneyð.

[Fannar frá Rifi, 21.9.2009 kl. 12:59]

og gengið mun hrynja á endanum niður í sitt rétta gengi. eftir það mun það styrkjast aftur vegna útflutningstekkna. höftin halda okkur endalaust í niðursveiflu á genginu og það mun aldrei styrkjast fyrr en höftin hafa verið afnuminn. nema með handstýringu á kostnað skattborgara til handa fjármagnseigenda.