Leita í fréttum mbl.is

Bloggfærslur mánaðarins, febrúar 2007

Illa gengur að manna framboð hægri grænna.

Var að lesa þetta á hjá Agli Helgasyni

 

Samkvæmt heimildum gengur erfiðlega að manna framboð hægri grænna. Það er dálítið stór ákvörðun að gefa kost á sér í alþingiskosningum. Margir eru hræddir við það. Hræddir við að það eyðileggi starfsferil sinn. Hræddir við að ná ekki kjöri - og kannski líka hræddir við að ná kjöri. Sumir óttast að lækka í launum - þingmannskaupið er ekki sérlega samkeppnishæft. Margir hafa hugsjónina, en reiða sig á að einhverjir aðrir taki slaginn.

Það átti víst að vera búið að kynna framboðið - en það hefur ekki gerst vegna þess hve fólk er tvístígandi að taka sæti á lista. Samfylkingin krækti í nokkuð stóran bita þegar hún fékk Reyni Harðarson, stjórnarmann í Framtíðarlandinu, til að setjast á lista hjá sér. Þar er líka Sólveig Arnarsdóttir sem hefur verið starfsmaður Framtíðarlandsins.

Hverjir eru þá eftir til að skipa lista hægri grænna? Ómar Ragnarsson? Margrét Sverrisdóttir sem engan rekur minni til að hafi haft sérlega sterkar skoðanir á umhverfismálum? Jakob Frímann Magnússon, nýgenginn úr Samfylkingunni? Jón Baldvin Hannibalsson?


Þetta er glæsilegt

Samkvæmt því sem ég best veit þá eiga að mestu viðskiptavinir Sparisjóðina. Þó eru einhverjir stofnfjáreigendur sem hafa fengið hluti í þessum bönkum. Nú hér á SV landi er verið að pranga með þessa hluti og menn eru að sækja í sjóði bankana sem hafa gildnað gegnum árin. En þarna er fólkið á staðnum viðskiptavinirnir látnir njóta hagnaðrins svon um munar.

Frétt af mbl.is

  Sparisjóður Svarfdæla kostar byggingu menningarhúss á Dalvík
Innlent | mbl.is | 27.2.2007 | 12:31
Tölvuteikning af nýja menningarhúsinu á Dalvík Í ljósi góðrar afkomu Sparisjóðs Svarfdæla á árinu 2006 hefur stjórn hans samþykkt að leggja til við aðalfund að sparisjóðurinn kosti byggingu menningarhúss á Dalvík. Áformað er að húsið komist í gagnið fyrir mitt ár 2008. Áætlaður byggingarkostnaður, og þar með andvirði þessarar gjafar til íbúa í Dalvíkurbyggð, er um 200 milljónir


mbl.is Sparisjóður Svarfdæla kostar byggingu menningarhúss á Dalvík
Tilkynna um óviðeigandi tengingu við frétt

Lánshæfi banka hækkar vegna óbeinna ábyrgða frá ríkinu

Mér er það þvert um geð þessar nýjustu mataðferði Moodys. Þeir hækka lánshæfismat bankana hér á landi því þeir telja líkur á því að Íslenska ríkið kæmi til með að hlaupa undir bagga ef að bankarnir lentu í alvarlegum erfiðleikum. Mér er ekkert um þetta. Þetta gerðist í Noregi fyrir hva 10 - 15 árum að einhverjir bankar rúlluðu og ríkið hljóp undir til að bjarga inneignum viðskiptavina bankana og um leið þá eignaðist ríkið þessa banka. Mér finnst að þar sem við höfum lækkað verulega skatta á þessa banka og þeir gera margt til að losna við að greiða suma skatta með því að stofna fyrirtæki í skattaparadísum þá eigi þetta bara ekkert að koma til greina. Bankarnir haf nú ekki verið að flýta sér að láta okkur njóta þess að þeir fái lán á bestu kjörum.

En svo er reiknað með að við leysum úr vandræðum sem þeir kunna að koma sér í með einhverjum ofurfjárfestingum eða lánum.

Úr fréttinni

Sérfræðingur í greiningardeild franska bankans Societe Generale í Lundúnum, mælir með því að fjárfestar kaupi skuldabréf íslensku bankanna, „ekki hafa áhyggjur þar sem ríkisstjórnin mun losa bankana úr vandræðum," sagði Suki Mann, sérfræðingur Societe Generale í gær.

Að sögn Suki Mann að með hækkun lánshæfismats íslensku bankanna sé Moody's búið að kasta trúverðugleikanum fyrir róða. Mann segir að þetta veki upp spurningar um hvort þörf sé á starfsemi matsfyrirtækja.

Nigel Myer, sérfræðingur hjá Dresdner Kleinwort í Lundúnum, segir að hækkun lánshæfismats íslensku bankanna veki upp spurningar í huga hans um hvers virði lánshæfismat Moody´s sé. Segir hann að þetta geti dregið úr trúverðugleika Moody's og hvort mark sé takandi á mati frá fyrirtækinu. Ungverska blaðið Budapest Business Journal greinir frá þessu á vef sínum.

Frétt af mbl.is

  Greiningardeildir erlendra banka gagnrýna lánshæfismat Moody's
Viðskipti | mbl.is | 27.2.2007 | 12:13
Mynd 300009 Greiningardeildir Royal Bank of Scotland, Dresdner Kleinwort og Societe Generale gagnrýna þá ákvörðun Moody's að hækka lánshæfismat íslensku viðskiptabankanna á föstudag. Er lánshæfismat íslensku bankanna nú hærra heldur en banka eins og ABN Amro.


mbl.is Greiningardeildir erlendra banka gagnrýna lánshæfismat Moody's
Tilkynna um óviðeigandi tengingu við frétt

Anskotans ég er kominn með ofnæmi fyrir Jessicu en ekki pizzum

Ég verð að segja að ég er bara komin með ofnæmi fyrir fréttum af þessari stúlku. Finnst hún ekki hafa margt til bruns að bera. Hún er reyndar falleg en samkvæmt þessu þáttum sem voru sýndir um hana síðasta vetur er hún vitgrönn og hæfileikalaus og þessi frægð hennar með afbrigðum.

Vildi samt að ég hefði ofnæmi fyrir pizzum það kæmi sér vel fyrir mig og holdafarið.

Frétt af mbl.is

  Andlit pítsukeðju með ofnæmi fyrir pítsum
Veröld/Fólk | mbl.is | 27.2.2007 | 9:29
 Jessica Simpson. Bandaríska söngkonan Jessica Simpson er andlit flatbökukeðjunnar Pizza Hut og kemur fram í auglýsingum fyrirtækisins. En nú er komið í ljós að Simpson hefur ofnæmi fyrir hráefnunum í pítsum.


mbl.is Andlit pítsukeðju með ofnæmi fyrir pítsum
Tilkynna um óviðeigandi tengingu við frétt

Atvinnumiðlun Framsóknar

Var að sjá að það er verið að útvega Hjálmar Árnasyni starf. Þetta er náttúrulega sárabætur frá framsókn fyrir að hann komst ekki í það sæti sem hann óskaði sér sem og hann hefur unnið vel fyrir flokkinn:

Af www.jonas.is  

27.02.2007
Æstur sendiherra
Mér brá, þegar ég sá, að ráðgert væri að ráða Hjálmar Árnason sem konsúl í Kanada, undanfara sendiherraembættis. Ég held, að Halldór Ásgrímsson og Davíð Oddsson hafi nóg gert, þótt landsþekktum æsingamanni sé ekki bætt við stétt sendiherra. Nú þarf að staldra við og spyrja, hvað við höfum að gera við fjölmenna sveit sendiherra. Hafa þeir stutt útrás atvinnulífsins? Hafa helztu kóngar útrásarinnar leitað sér aðstoðar í sendiráðum? Svarið er stutt, nei. Viðskipti Íslands í útlöndum eru óháð sendiherrum öðrum en þeim, sem starfa hjá fjölþjóðastofnunum í Bruxelles og New York.


Frábær síða talsmanns neytenda

Vildi benda fólki á síðu talsmanns neytenda www.tn.is . Hann Gísli Tryggvason er auðsjáanlega kominn á skrið og ýtir við fyrirtækjum alveg villt og galið. M.a. í dag er hann að leggja út af pisli sem hann skrifaði í fyrradag um:

logoÍ pistlinum í talhorninu fjallar talsmaður neytenda, Gísli Tryggvason, um það vandamál þegar hljóm- eða mynddiskar eyðileggjast - ekki síst diskar með barnaefni. Bent er á að þetta sé ekki bara vandamál neytenda enda er „varan“ sem maður kaupir ekki bara diskurinn; hann er bara eins konar fylgihlutur til þess að njóta megi tónlistarinnar eða myndarinnar. Diskurinn er í raun umbúðir og ekki réttmætir hagsmunir fyrirtækja að geta selt nýjan og nýjan disk fyrir þá sem skemmast enda væri þá búið að margborga fyrir afnotaréttinn að sama innihaldinu.

Þarna er hann m.a. að vísa til þess að mest af verðu disks sem maður kaupir er höfundaréttur og afnotaréttur en diskurinn sjálfur og umbúiðir minnsti kosnaður. Og afnotarétturinn sem maður greiðir fyrir er til ótakmarkaðs tíma. Og því leggur hann til að maður geti skilað ónýtum diskum og fengið annann.

Síðan 23. febrúar er hann að kynna beiðni til símafyrirtækja um rökstuðuning fyrir útskriftargjaldi sem legst við öll verð hjá þeim en þar segir Gísli:

23. feb. 2007

Síminn og Vodafone beðin um rökstuðning fyrir útskriftargjaldi


 

Í bréfi til stærstu símafyrirtækja landsins, Símans og Vodafone, er þeim boðið að upplýsa um raunkostnað við útsendingu reikninga í ljósi þess að neytendur eiga rétt á fullri sundurliðun fjarskiptareikninga - endurgjaldslaust.

Í tengslum við meðferð samgöngunefndar Alþingis á frumvarpi til laga um breytingu á lögum um fjarskipti hefur talsmaður neytenda, Gísli Tryggvason, í umsögn til samgöngunefndar ítrekað tillögu í fyrri umsögn til samgönguráðuneytis um drög að sama frumvarpi.

Eins og fram kom í frétt á heimasíðunni í fyrradag felur tillagan í sér að sett verði mörk við kostnaði sem heimilt verði að krefja neytendur um. Er það gert í ljósi þess að neytendur eiga lögum samkvæmt rétt á endurgjaldslausri sundurliðun reikninga frá fjarskiptafyrirtækjum og eftir samþykkt umrædds frumvarps á sú sundurliðun að ná til allra símanúmera og annarrar þjónustu.

Í bréfum til Símans og Vodafone er þeim gefinn rúmlega viku frestur til þess að gera athugasemd við upplýsingar talsmanns neytenda um hver raunkostnaður við útsendingu reikninga er, þ.e. alls að hámarki 105 kr. og er þar rúmt reiknað að mati talsmanns neytenda. Einnig er spurt um raunkostnað fyrirtækjanna sjálfra „við útsendingu reikninga“ og þau gjöld sem fyrirtækin leggja á neytendur vegna sundurliðunar og útsendingar reikninga.

Hvet fólk til að skoða síðunna hans. Tel að þarna fari opinber starfsmaður sem er að vinna vinnunna sína.


Hægrigrænt framboð!!

Var að lesa eftirfarandi inn á www.mannlif.is . (Reynir Trausta auðsjáanlega farinn að vinna og henda inn fréttum)

Grænt skjallbandalag

26 feb. 2007

Flest bendir til þess að Jakob Frímann Magnússon, burtfloginn Samfylkingarmaður, og Margrét Sverrisdóttir, sem yfirgaf Frjálslynda í fússi, taki höndum saman og bjóði fram einshverskonar grænan lista í vor. Sést hefur til Margrétar og Jakobs Frímanns á plottfundum í miðborg Reykjavíkur. Þá þykir vera stutt í Jón Baldvin Hannibalsson, fyrrverandi ráðherra, sem er náinn samherji Jakobs. Enn eitt hjólið undir kosningavagninn er síðan Ómar Ragnarsson sem þykir bera þess öll einkenni að vilja komast í framboð. Innbyrðis hefur þetta fólk hælt hvert öðru á bloggsíðum. Stjórnmálaskýrendur mannlif.is eru sammála um að allt stefni í grænt framboð þar sem Jón Baldvin fái jafnvel talsvert vægi. Það þykir reyndar dálítið skondið þar sem Jón Baldvin er maðurinn sem lyfti Davíð Oddssyni, fyrrverandi forsætisráðherra, hæsta stall en vill nú bæta ýmis mein samfélagsins sem hlotist hafi af langvarandi setu Sjálfstæðisflokksins í landsstjórninni ...


Alveg gáttaður á hverning fréttamenn í Íslandi í dag spyrja.

Ég hlustaði á Ísland í dag áðan. Þar var Ingólfur forstjóri Kaupþings að svara til um mun á kjörum á lánum bankans hér og svo erlendis.

  • Hann lét manninn komast upp með að fullyrða að hér værum við jafnvel að fá betri kjör en almenningur fær í Svíþjóð. Hann sleppti honum að mestu þegar rætt var um raunvexti og það væri bara engin munur. Þegar ljóst er að með verðbótum er fólk að borga um 12% raunvexti í dag miðað við verðbólgu. Hann slapp við að skýra það út þegar hann ræddi um að álag þeirra á það fjármagn sem þeir lána sé nánast ekki neitt. En nú vitum við að bankinn fær fjármagn til að lána á sömum kjörum hér og erlendis. En hann þarf ekki að borga verðtryggingu af sínu fé þannig að bankinn er að græða mismuninn að mestu.
  • Hann fékk að fullyrða að kosnaður sem greiddur er hér á landi sé innifalinn í vaxtamun í Svíþjóð. Það finnst mér ótrúlegt.
  • Hann fékk að sleppa mjög vel frá spurningu um uppgreiðslugjaldið hér. Hann sagði að það þyrfti að verja fé það sem bankinn þyrfti að taka að láni til að endurlána. En þarf bankinn ekki að gera það í Svíþjóð?

Miðað við hversu vel Ísland í dag og Kompás hafa staðið sig í að upplýsa mál, þá finnst mér að þegar kemur að því að spyrja fólk í beinni útsendingu þá þurfi þau að vera betur undirbúin og fá helst einhverja sem hafa góða innsýn í að spyrja eða uppfræða fréttamennina.

Þetta finnst mér líka koma reglulega fyrir í Kastljósi. Þetta þurfa báðar stöðvarnar að bæta. Það er ljóður á annars góðum þáttum.


Kurteisi og góð mannleg samskipti hafa ekki verið hans sterkustu hliðar hingað til

Það hefur heldur betur vaðið á Gunnari sérstaklega þegar einhver gagnrýnir hann. Ég hef fjallað um það áður þegar hann sagði um oddvita samfylkingar í Kópavogi:

Gunnar I. Birgisson, bæjarstjóri í Kópavogi, segist vísa fullyrðingum Guðríðar um að gögnum hafi verið leynt algerlega á bug. "Til hvers ættum við að vera að því?" spyr bæjarstjórinn og bætir við: "Það mætti halda að hún væri að vinna fyrir Garðabæ en ekki Kópavog þessi manneskja. Hún verður að fara aftur í frumbernskuna og læra að segja satt áður en hún fer að taka þátt í pólitík."

En þetta er það sem fólk í Kópavogi kaus yfir sig aftur. Vitandi um hvernig hann er og hvernig hann hefur unnið síðust 12 ár. Mulið undir fyrirtækið klæðningu og heilu hverfunum verið úthlutað án þess að nokkuð almennilegt skipulag sé á bænum. Það er t.d. enginn fallegur og mannvænn miðbær í Kópavogi næst stærsta bæ landsins.

Frétt af mbl.is

  Kópavogsbær kann að leita réttar síns í Heiðmerkurdeilunni
Innlent | mbl.is | 26.2.2007 | 19:32
Gunnar I. Birgisson, bæjarstjóri Kópavogs, lýsir allri ábyrgð á Heiðmerkurdeilunni á hendur Reykjavíkurborg. Kópavogsbær íhugar að leita réttar síns gagnvart borginni, fái hann ekki að hefja framkvæmdir að nýju í Heiðmörk á næstu dögum. Frá þessu greinir Ríkisútvarpið.

 


mbl.is Kópavogsbær kann að leita réttar síns í Heiðmerkurdeilunni
Tilkynna um óviðeigandi tengingu við frétt

Ég er frjálslyndur vinstrimaður.

Ég gerði eins og margir hér á blogginu að fara hér inn og taka þetta próf. Þannig að nú legg ég spilin á borðið og hér sést hvar ég raðast í stjórnmálaskoðunum mínum.

Ég er frjálslyndur vinstrimaður.

draw


« Fyrri síða | Næsta síða »

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband