Gleðilegt ár!!!! Megi það verða þér auðveldara en þú reiknaðir með!

Ég stór efast um að þessir krakkar hafi kosið hingað til.

Þessir krakkar sem þarna beita sér eru ekki í mínu nafni. Þessir krakkar hafa varla borgað skatta nema í nokkur ár í það mesta og búa flestir heima hjá mömmu. Þeir eru að nota tækifærið að fá útrás fyrir eyðileggingarþörf sína. Því þeir eru orðnir þreyttir á að eyðileggja strætóskýli og ruslafötur. Þetta vekur svo mikla athygli.

Svona skemdarverk skila nákvæmlega engu. Og eins og Ingibjörg sagði tala þessir krakkar ekki fyrir þjóðina. Enda hafa þau litla sem enga reynslu á þeim málum sem þau eru að mótmæla. Þau eru annað hvort í framhaldskóla eða í háskólum á lánum frá okkur. 

Kryddsíld lokið vegna skemmdarverka

Bara að benda andstæðingum ESB aðildarviðræðna á góða grein

Var að lesa þessa grein eftir Jón Sigurðsson fyrrverandi formanns framsóknar. Hann hefur skoðað þessi mál mjög vel. Æi nenni ekki að kubba hana niður heldur fá hana lánaða í heild.:

Markaðurinn, 31. des. 2008 06:00

Jón Sigurðsson, fyrrverandi formaður Framsóknarflokksins: Víðtæk þjóðleg samstaða

Jón Sigurðsson, fyrrverandi formaður Framsóknarflokksins.

Margir andmæla hugmyndum um aðild Íslands að Evrópusambandinu. En þeim fjölgar sem sjá ástæðu til að kanna málið betur og vilja láta reyna á möguleika þjóðarinnar með aðildarviðræðum við ESB. Ef marka má blaðaskrif andmælendanna eru sterkar líkur á víðtækri þjóðlegri samstöðu í aðildarviðræðum.

Andmælendur leggja áherslu á fullveldi íslensku þjóðarinnar. Um þetta munu langflestir stuðningsmenn aðildar Íslands að ESB sammála. 50. gr. nýs aðalsáttmála ESB gerir ráð fyrir fortakslausum einhliða úrsagnarrétti aðildarríkis. Þetta ákvæði mætir fullveldiskröfu þjóðarinnar. Það er allt annað mál að stjórnarskrá geri ráð fyrir möguleika á sértæku skilyrtu valdaframsali í fjölþjóðasamstarfi. Um þetta hefur verið rætt áratugum saman í tengslum við þátttöku okkar í Evrópuráðinu, Norðurlandaráði, Atlantshafsbandalaginu og stofnunum Sameinuðu þjóðanna.
Andmælendur leggja áherslu á að útlendingum verði ekki hleypt til veiða inn í íslenska landhelgi. Væntanlega eru flestir stuðningsmenn aðildar Íslands að ESB sammála þessu, eða a.m.k. að slíkt sé á einhliða valdi Íslendinga í beinum tímabundnum og sértækum samningum. Samkvæmt reglu ESB um stöðug hlutföll koma engir útlendingar til greina við úthlutun fiskveiðiheimilda í landhelgi Íslands.

Andmælendur leggja áherslu á að Íslendingar einir ráði stjórnkerfi fiskveiða á Íslandsmiðum. Þrátt fyrir mjög skiptar skoðanir um kvótakerfið munu mjög margir stuðningsmenn aðildar Íslands að ESB sammála þessu. Samkvæmt nálægðarreglu ESB er tilhögun fiskveiðistjórnunar sérmál hvers aðildarríkis.

Andmælendur leggja áherslu á að útlendingar geti ekki keypt ráðandi hluti í útgerðar- og fiskvinnslufyrirtækjum á Íslandi. Margir stuðningsmenn aðildar Íslands að ESB eru þessu sammála. Ákvæði 299. gr. í aðalsáttmála ESB, sem er 349. gr. í nýjum aðalsáttmála, gera ráð fyrir víðtækri sérstöðu og sjálfræði heimamanna á Madeira, Kanaríeyjum og Azoreyjum í sjávarútvegi og landbúnaði. Ákvæði í aðildarsamningi Möltu og aðildarsamningi Finna vegna Álandseyja hníga í þessa sömu átt. Þarna og víðar eru gildandi fordæmi innan ESB sem skynsamlegt er að nýta í hugsanlegum aðildarsamningi Íslands.

Andmælendur leggja áherslu á óskoruð yfirráð Íslendinga yfir orkuauðlindunum. Áður nefnd ákvæði um Madeira, Kanaríeyjar, Azoreyjar, Möltu og Álandseyjar hafa fullt gildi sem fordæmi í þessu efni einnig. Og þessi ákvæði gera ráð fyrir því að heimilt sé að hindra útlendinga frá því að kaupa eða yfirtaka fyrirtæki í öðrum greinum einnig eða fasteignir, lóðir og landareignir. ESB býður fram margvísleg slík fordæmi sem sjálfsagt er að nýta í aðildarsamningi. Trúlega eru mjög margir stuðningsmenn aðildar Íslands að ESB sammála þessu.

Ofarnefnd ákvæði um eyjasamfélög snerta einnig fæðuöryggi íbúanna. Og ESB hefur lengi lagt áherslu á strangar heilbrigðisreglur um matvælaflutninga. Víðtæk samstaða ætti því að geta náðst um brýnustu hagsmuni landbúnaðarins.

Andmælendur vara við oftrú á tímabundin aðlögunarákvæði eða undanþágur. Væntanlega eru allir Íslendingar sammála um þetta. Þeir málsþættir sem hér hafa verið nefndir benda eindregið til þess að víðtæk þjóðleg samstaða geti náðst í aðildarviðræðum Íslendinga við Evrópusambandið.

 

Umsókn í þjóðaratkvæði?

Jæja nú er fylleríið búið. Næsta ár tökum við út timburmennina.

Nú þegar við erum búin að eyða 3 mánuðum í að kenna öllum öðrum á landinu um er nú komin nefnd til að rannsaka hvað gerðist hér eiginlega!!

• Við höfum jú kennt útrásarvíkingum um! Réttilega
• Við höfum kennt stjórnvöldum um! Réttilega
• Við höfum kennt Bretum um! Réttilega

 

En við höfum forðast að skoða eigin  þátt í þessu.

En ef fólk skoðar breytingar á lífsstíl okkar síðustu 5 árinn þá held ég að fólk átti sig á að stór hluti þjóðarinnar, sérstaklega hér á höfuðborgarsvæðinu tók þátt í þessu af líf og sál.

• Afraksturinn mátti m.a sjá í búiðinni Góða hirðinum þar sem að nýleg húsgögn streymdu inn. 
• Maður sá fólk kaupa hús í grónum hverfum á fullu verði og byrja á því áður en þau fluttu inn að rífa allt út úr húsunum, þó það væri fyllilega nothæft og síðan voru iðnaðarmenn í  marga mánuði að setja allt nýtt í húsin. Og þá þurfti að nota merkjavöru sem kostaði 3x meira en sambærileg vara bara ekki með rétt merki. Lengst gekk þetta í því að fólk hreinlega reif gamla húsið og byggði nýtt.
• Fólk tók í upphafi húsnæðisbólunnar þátt í að yfirbjóða aðra við kaup á húsnæði þótt verðið væri komið langt yfir markaðsverð.
• Fólk keypti nýja bíla í hrönnum. 1 bíl a.m.k. fyrir alla yfir 17 ára aldur. Minni á Range Rover æðið.  Og síðan mótorhjól eða vélsleða eða fjórhjól.
• Fólk var að kaupa fellihýsi, hjólhýsi á stærð við meðal sumarbústað, húsbíla og allir voru til í að losa sig við tjaldvagninn. Enda var það hallærislegt. Og fólk var kaupa sumarbústaði og smá skika fyrir upphæðir sem voru hærri en meðal íbúð í bænum
• Fólk fór til sólarlanda 2 til 3x á ári. Það jafnvel keypti sér hús á Spáni.
• Listinn gæti verið svo miklu lengri. Við gætum talað um sjávarpa, plasmasjónvörp, ipod, iphone, nýjar tölvur fyrir alla fjölskyldumeðlimi, gsm síma fyrir krakka frá 5 ára og fleira og fleira.

 

Og ofangreint hefði verið allt í lagi ef að fólk hefði ekki tekið allt þetta á lánum. 100% lánum!!!

Þarna liggja ófáir milljarðar sem bankarnir skulda núna.  Og ég held að almenningur ætti að athuga það að það var jú bullandi þátttakendur í þessu.  Jú jú það voru ekki allir en það voru samt andskoti margir. 

En nú er svo þægilegt að kenna öðrum um þetta allt.

Gleðilegt kreppuár!!!!

Rannsóknarnefndin fullskipuð

Ég er bara að verða furðu lostinn á þessum rangfærslum

Var að benda á í fyrri færslu þar sem menn rugluðu með danskar og íslenskar krónur. Nú er er verið að tala um lögregluna í Keflavík. Þá að allir viti að hún er fyrir löngu orðin að lögreglu Suðurnesja og Keflavík er aðeins hverfi í Reykjanesbæ. Enda kemur þetta hvergi fram á síðu Björns Bjarnasonar dómsmálaráðherra. Úr fréttinni:

Nýtt skipurit lögregluliðsins í Keflavík var kynnt á fundi Björns Bjarnasonar dómsmálaráðherra ........

Sigríður Björk Guðjónsdóttir tekur við lögreglustjóraembættinu í Keflavík hinn 1. janúar af Ólafi K. Ólafssyni.........

 Þetta kemur ekki fram svona á www.bjorn.is

Nýtt skipurit kynnt í Keflavík

Ekki getur þessi frétt verið rétt?

Ekki getur þetta verið rétt :

Maðurinn var dæmdur í 30 daga fangelsi fyrir brot sitt á síðasta ári en hann varð uppvís af búðarhnupli í Illum versluninni fyrir 4.700 danskar krónur. Brotið var framið í október á síðasta ári en samkvæmt frétt á vef Politiken stal hann húfu, bindi og stuttermabol

Stuttermabolur, bindi og húfa geta varla kostað 4.700 danskar krónur. Er það ekki tæpar 90.000 íslenskar? þetta hlýtur að vera vitlaust. Mundi halda að þetta væri 230 danskar krónur eða 4.700 íslenskar krónur.

Vísað úr landi vegna búðarhnupls

Þeir geyma Palesínu fólk í girðingum til að nota í þessa hluti.

Blessuð konan gleymdi nú alveg að minnast á að það eru að koma kosningar í Ísrael. Og að til að sýna hvað þau eru sterk er sjálfsagt að þeirra mati að slátra nokkrum palestínu börnum, konum og mönnum sem Ísrael heldur í traustum girðingum til að nota í svona skemmtun og upplyftingu fyrir sig svona rétt fyrir kosningar. Þetta hafa þeir nú gert í rúm 60 ár. Byrjuðu á þessu sem hryðjuverkum til að hrekja palesínufólk á flótta. Síðan hafa þeir haldið þessu skipulagt áfram til að ná undir sig öllu landsvæði þarna.

Halda þessir menn virkilega að með því að loka reglulega á allan aðflutning til þessara svæða komist á ró og friður. Þeir ala með kúgunum á hatri fólks gagnvart þeim sem viðheldur svo skærum gegn Ísrael sem þeir nota svo til að ráðast á Gaza og sprengja allt til helvítis.

Livni: Árásir óhjákvæmilegar

Finnst nú helsta fréttin í þessum greinum umsagnir um Davíð Oddsson

Í geinum í Wall Streat journal og í Financial Times eru kaflar sem ekki er hægt að líta fram hjá í þessu samhengi þar er í raun hægt að segja að fall okkar sé persónugert í Davíð Oddssyni

Mr. Oddsson became prime minister in 1991 promising to bring an end to the country's boom-and-bust cycles tied to the fish catch. He blamed the trouble on the state-controlled economy, which put bureaucrats in charge of fishing, the media, even a travel agency.

Within a few years, Iceland had sold off companies worth a combined $2 billion, a big sum for the small economy, says Mr. Gissurarson.

For Mr. Oddsson, what most held Iceland back was government control of banking, which put politicians in the position of determining how capital should be allocated. "The crucial factor," he said in a 2004 speech, "was the iron grip that the Icelandic state had on all business activity through its ownership of the commercial banks."

He sold them all.

Og síðar í greinni

One thing that might have saved Icelandic capitalism was joining the euro. Appealing to national pride, Mr. Oddsson long resisted moves to join the European Union and adopt the common currency. Perhaps most crucially, joining the EU would have meant bureaucrats in Brussels would then regulate Iceland's use of its fishing stocks -- a political third rail in Iceland.

In the October TV interview, Mr. Oddsson was unbowed in his views of the euro. "If we were tied to the euro, for instance, we would just have to succumb to the laws of Germany and France," he said.

Í Financial Times stendur m.a.

There are further lessons. Politicians should not become central bank governors. Mr Oddsson is part of the problem, not of any solution, and should resign immediately. Allowing partial “euroisation” was a recipe for instability. And Iceland was unable or unwilling to arrange early international support, nor did it wish to call in the International Monetary Fund.

Tek loks undir með Sefáni Jóni Hafstein í grein á þar sem hann m.a. segir:

Ræða Davíðs er lengsta ,,ekki-benda-á-mig" ræða Íslandssögunnar. Í henni er Seðlabankinn bara veðurklúbburinn á Dalvík, mælir vindhraða en gerir ekkert í honum; spáir á rósamáli fyrir innvígða en hastar hvorki á veður né vötn. Fjármálaeftirlitið á tunglinu, en samt á Seðlabankinn mann í stjórn. Í Simbabwe er allt komið til fjandans en Mugabe segist ekki fara neitt því án sín fari allt ennþá meira til fjandans

En í þessari grein færir Stefán Jón líkur að því að hrun bankana hafi verið eitthvað sem menn reiknuðu með og héldu að við kæmumst upp með að fella niður allar skuldir bankana erlendis. Góð grein.

 

Evran hefði dregið úr fallinu

Eitthvað bogið við þetta?

Borgaði fólk 27 þúsund fyrir miðan? Held að annað hvort sé þetta frá upphafi tónleikana þ.e. á 9 árum eða 2,75 milljónir.

[ok þeir eru að laga þetta. Það gat ekki verið að tónleikar í Háskólabíó væru að skila 27,5 milljónum eins og stóð þarna.]

Tvær og hálf milljón safnaðist

Talandi um þjófa. Þetta er ógeðslegt pakk! Stálu bíl og jólagjöfum

Uppeldisbróðir minn var var að útrétta á aðfangadag um hádegið og þurfti að skreppa inn í verslunina Kistufell í Brautarholti. Hann skaust inn í búðina og þar sem hann er sendibílstjóri er hann einn af þeim sem á það til að skilja bílinn eftir í gangi. Þar sem hann er að tala við afgreiðslumanninn spyr sá hvort þetta sér ekki bíllinn hans sem sé að keyra þarna í burtu? Og viti menn það var rétt. Bíllinn er ekki enn fundinn og það versta er að allar jólagjafir hans til vina og vandamanna voru í bílnum.

Þannig að ef þið sjái TOYOTA COROLLA...STEINGRÁR....ÁRG.2008....SKRÁNINGARNR.
OF-J05
.DIESEL(D4D MERKI Á SKOTTI.)

þá væri gott að þið hefðuð samband við lögreglu í síma 444-1100 eða þið getið hringt beint í eiganda í síma 8925815.

Bíllinn er nýr og ónotaður. Hann var bara eins og hann segir að viðra hann

Þetta þjófapakk er gjörsamlega siðblint og það að sá alla pakkana í aftursætinu og vita að þetta voru jólagjafir finnst mér alveg keyra um þverbak

Löggan telur jafnvel samkvæmt lýsingu á þjófinum að þarna sé um að ræða einstakling sem hafi nokkrum mínútum áður verið látin laus úr fangelsi.

Þýfi fannst úr sumarbústöðum