Af hverju var þetta ekki gert fyrir löngu?

Af hverju að bíða fram á síðustu klukkustundir. Skapa fólki óþarfa kvíða. Sérstaklega sjúklingum sem bíða eftir aðgerðum.

Þegar standa á að breytingum er alltaf best

• að gefa þeim tíma
• að allir taki þátt í þeim
• að sjónarmið allra séu tekin til greina
• að niðurstaðan verð eitthvað sem allir geta sæst á.

Þetta er algjörlega óþolandi vinnubrögð sem voru viðhöfð í þessu máli. En nú hafa allir tækifæri til að vinna að breytingum á vaktakerfi sem tekur á vinnutímatilskipun. Náttúrulega ljóst að til þess að sátt náist í þessari deilu verður að hækka laun hjúkrunarfræðinga verulega. Með því er komið á móts við styttingu yfirvinnu hjá þeim.

Vaktakerfið dregið til baka

Alveg er þetta dæmigert!

Hvernig er þetta með heilbrigðisráðuneytið og sjúkrahúsið.

Það er nokkuð ljóst að þetta stjórnunar bákn sem orðið er í hring um LSH er náttúrulega úr öllum tengslum við allt sem heitir almennileg breytingarstjórn. Hefði haldið að stjórninni hefði verið í lófa lagið að breyta vaktakerfinu í samráði við viðkomandi starfsfólk. Þetta hefur tekist bærilega hjá öðrum ríkisfyrirtækjum án láta.

Finnst nú að Guðlaugur Þór ætti að fara hugsa arfleið sína sem heilbrigðisráðherra. Það gengur ekki að allt sem hann geri sé helst að skera niður og boða einkaframkvæmd í heilbrigðiskerfinu. Hann verður náttúrulega fyrst og fremst að standa vörð um að þjóðinni hafi ótakmarkaðan aðgang að heilbrigðisþjónustu.

Það er ljóst að það hefur verið stöðug vöntun á hjúkrunarfræðingum svo það vekur furðu að það skuli vera farið í svona deilu við þær og láta hana ganga svo langt. Samráð og samvinna hefði væntanlega getað á aðeins lengri tíma skilað ásættanlegri niðurstöðum fyrir báða aðila. 

Neyðaráætlun með öðrum spítölum

Stopp á öll jarðgöng

Nú er nokkuð ljóst að skera verður niður hjá öllum til að ná tökum strax á þessari verðbólgu. Held að það væri nokkuð snjallt að stoppa allar frekari jarðgangnaframkvæmdir í nokkur ár. Því ég er hræddur um að þetta verði enn ein ástæðan til að fresta Sundabraut og öðrum framkvæmdum hér á Höfuðborgarsvæðinu.

Nú væri líka snjallt að lækka tolla á innflutt matvæli, lækka eitthvað tímabundið á innflutt eldsneyti. þetta síðast nefnda mundi lækka verðbólgu strax. Koma á virkri samkeppni með því að halda uppi markvissum áróðri sem hvetur fólk til að versla þar sem lægsta verðið er. Styrkja einhverja til að halda úti vefsíðum sem birta hagstæðustu verð. Mögulegt að kaupa þessa þjónustu af einhverjum af veffyrirtækjum sem fer nú að vanta verkefni.

Má líka setja tímabundinn skatt á bankana til að fjármagna aðgerðir þar sem þeir fóru jú fremstir í að skapa þessa þenslu með gengdarlegum útlánum til fólks óháð því hvort að greiðslugeta til langs tíma væri könnuð almennilega.

Um að gera að reyna nú að kæfa þessa verðbólgu á sem skemmstum tíma.

Ástæða til að fara yfir forsendur fjárlaga

Nú er kominn tími á aðgerðir Ingibjörg og Geir

Nú er kominn tími á aðgerðir. Ingibjörg nefndi fyrirhugað samrænt átak aðila vinnumarkaðsins, samtaka atvinnulífsins, verslunar og þjónustu, sveitarfélaga og ríkis.

Skil ekki af hverju þetta samráð sé löngu komið í gang og aðgerðir hafnar? Þessi þróun hefur verið lengi öllum ljós. Og í raun var talað um þetta fyrir framkvæmdir við Kárahnjúka og Reyðarál. Menn voru þá að spá verðbólgu nú 2008.

Það er ekki eftir neinu að bíða nú. Af stað með þetta strax!

Verðbólgan „skelfileg"

Óttalega er þetta eitthvað slæmur málstaður hjá þessari konu sem kallar sig A-lista

Held að maður hafi bara aldrei heyrt annað eins röfl og oltið hefur út úr þessari konu.

• Nú er Grímur að benda á að fundur sem hún segir að hafi verið haldinn til að setja ofna í við Grím vegna ummæla hans um Innheimtustofnun var bara alls ekki um það.
• Áður var það að Soffía Vagnsdóttir fékk verk hjá Íslensum aðalverktökum. Sem kemur bæjarstjórn bara alls ekkert við.
• Einnig hefur hún borðið við fjármálum sveitarfélagsins en var sjálf í því að samþykkja fjárhagsáætlun.

Af hverju getur konan ekki sagt bara að hún þoldi ekki að Grímur var of áberandi og duglegur að koma sér í fjölmiðla og berjast fyrir sveitarfélagið og hún þoldi ekki að vera í skugganum og bera svo ekkert sjálf út bítum!

Hún klauf síg víst út úr D lista þegar hún tapaði í prófkjöri.

Segir yfirlýsingu a-lista ótrúlega samsuðu af rangfærslum

Þessi meirihluti getur ekkert gert rétt máttu ekki leyfa breytingar á Hallargarði

Eftirfarndi frétt á www.ruv.is er með hreinum ólíkindum:

Fyrst birt: 26.04.2008 20:41

Síðast uppfært: 26.04.2008 20:46

Borgin samdi um meira en mátti

Reykjavíkurborg hefur ekki heimild til að leyfa breytingar sem ráðgerðar eru á lóð Fríkirkjuvegar 11, að sögn Kristínar Huldar Sigurðardóttur, forstöðumanns Fornleifaverndar ríkisins.

Kristín Huld segir Reykjavíkurborg hafa heimilað, samkvæmt kaupsamningi á Fríkirkjuvegi 11, breytingar sem hún hafi ekki umboð til og að ekkert hafi verið leitað til Fornleifaverndar ríkisins vegna sölunnar. Sala á Fríkirkjuvegi 11 til Novators ehf, í eigu Björgólfs Thors Björgólfssonar var samþykkt í borgarráði í gær. Borgarstjóri bókaði að almenningi skuli tryggt óskert aðgengi að hallagarðinum og allri lóðinni umhverfis húsið.

Rúmlega níu hundruð fermetra eignarlóð og hátt í átta hundruð fermetra leigulóð fylgja húsinu. Í sjöttu grein kaupsamningsins kemur fram að gera megi tilteknar breytingar á lóð og aðkomutorgi við lóðamörk samkvæmt uppdrætti Landslags ehf. Áform eru um að rjúfa steinvegg eða hestagerði austan við húsið og búa til svið. Tillögur eru einnig um breytingar á garðinum sunnan við húsið.
Í minnisblaði sem Guðný Gerður Gunnarsdóttir borgarminjavörður skrifar sviðsstjóra framkvæmdasviðs borgarinnar - kemur skýrt fram að áformaðar framkvæmdir raski fornleifum. Leyfi Fornleifaverndar þurfi.
Samkvæmt tíundu grein þjóðminjalaga má enginn spilla, granda né breyta né heldur hylja fornminjar, laga þær né aflaga né úr stað flytja - nema með leyfi Fornleifavern dar ríkisins.

Þetta er með hreinum ólíkindum. Eins þá hefur maður heyrt að texti og teikningar í þessum samning passi ekki saman.

 

Fríkirkjuvegur 11 ekki seldur?

Ágætur fréttamaður axlar ábyrgð

Held að allir hefðu að athuguðu mál getað fyrirgefið henni þessi einu mistök! En maður hlýtur að virða þetta við hana. Þetta heitir að að axla ábyrgð á gerðum sínum og jafnvel þó þau kunni að hafa verið sögð í hálfkæringi við samstarfsfélaga í útsendingu.

Mér persónulega finnst missir af henni úr fréttalið Stöðvar 2. Hún virtist vera áhugasöm og fylgin sér.

En fleira fólk í þjóðfélaginu mætti taka þessa ákvörðun hennar sér til fyrirmyndar! 

Þetta hafði Egill Helgason um þetta að segja í morgun:

Lára

Það er merkilegt hvað menn eru alltaf tilbúnir að trúa hinu því versta upp á fólk. Eins og hana Láru Ómarsdóttur, duglega og prýðilega fréttakonu. Sjálfur hef ég verið í beinum útsendingum í marga klukkutíma á ævinni – ég hef ekki lengur tölu.

Í kringum beinar útsendingar er ýmislegt látið flakka milli stjórnborðsins og þess sem er í útsendingunni. Það er einhvern veginn eðli þessara samskipta – sem eru oft nokkuð spennuþrungin.

Svo gerast einstöku sinnum slys og það kemur í ljós að kveikt var á hljóðnemanum.

Af margra ára reynslu hef ég enga ástæðu til annars en að trúa Láru þegar hún segist hafa verið að grínast.

 

Hættir sem fréttamaður á Stöð 2

Hverju eru bílstjórarnir að berjast fyrir?

Finnst í þessum látum sem verið hafa í fjölmiðlum þá hafi aldrei komist á hreint hvað bílstjórarnir vilja!

• Jú þeir vilja lækkun á olíugjaldinu
• Þeir vilja breytingar á hvíldartímaákvæði.

En hvað vilja þeir í raun. Mundu þeir t.d. sætta sig við að ríkið lækkaði olíugjaldið um krónu?

Hvað þá með hvíldartíma. Nú í dag verða þeir að hvíla í 45 mínútur á hverjum 4,5 klukkutímum. Þeir meiga soppa t.d. í 3x15 mínútur eða þá taka hvíldina út í einu. Ég hefði haldið að þegar þeir eru að hlaða bílana þá kæmu svona hvíldir að sjálfu sér nema á lengri ferðum.

En þetta hvíldarákvæði er hluti af reglum ESB sem okkur bar að taka upp. Þeir sem fjalla um öryggismál í umferðinni telja þetta algjört lágmark. Þeir vilja meina að hér á landi séu aðstæður þannig að þetta eigi ekki við hér. En aðrir segja að mjóir og erfiðir vegir hér sé einmitt ástæða til að ökumenn séu sem mest vakandi við aksturinn. Jónas Kristjánsson segir um þetta:

Of vægar Evrópureglur
Vöruflutningabílstjórar segja evrópskar reglur um hvíldartíma ekki henta íslenzkum aðstæðum. Vilja fá að keyra linnulaust í ellefu tíma. Ég vildi ekki mæta vörubílstjóra á ellefta tímanum. Evrópsku reglurnar eru ekki of strangar hér á landi, heldur of vægar. Vegirnir eru svo mjóir, að þreyta getur haft alvarlegri áhrif en á hraðbrautum Evrópu. Ég skil ekki, hvernig vörubílar geta mætt hver öðrum. Fráleitt er, að samgönguráðherra taki að sér að vera sendisveinn þeirra, sem vilja rýra öryggi á þjóðvegum landsins. Ríkisstjórnin á hiklaust að hafna þessari undanþágukröfu vörubílstjóra.

Þeir bera við að á veturna þegar þeir fara yfir í slæmri færð eigi þeir erfitt með að fara eftir þessari reglu en mér skilst að við þannig aðstæður sé hægt að taka ökuskífu og skrifa athugasemd við hana eða prenta úr ökurita strimil og skrifa skýringu á þessu og þá sé ekki um sektir að ræða.

Maður skilur samt að einyrkjar eins og þessir menn eru séu ósáttir við að geta ekki náð hámarks tekjum út úr tækinu ef þetta er eins og Sturla talsmaður þeirra segir að þetta séu bílar á kaupleigu. Svona stórir og flottir bílar eins og t.d. hann er á hlýtur að kosta mikið og kaupleigan að vera há.

En mér finnst nú eins og þeir séu bara að mótmæla til að mótmæla og svona talsháttur eins og að þeir haldi áfram þar til að moðhausarnir á Alþingi opni augun og fleira miður fallegt er að skemma svo fyrir þeim.

Þessar aðgerðir sem byrjuðu vel og fólk talaði um að þarna færu loks menn sem beittu almennilegum mótmælum, hafa síðan þróast yfir í eitthvað sem fólk skilur ekki alveg. Hvað vilja þeir? Engin takmörk á hvíldartíma? En hvað þá með menn sem keyra fyrir fyrirtæki eiga þeir ekki að eiga lögbundin hvíldatíma? Geta þá fyrirtæki þá bara þrælað þeim út?

Atvinnubílstjórar hafa afslátt upp á 15 kr. hjá olíufélögum. Það er nokkuð ljóst að það eru þá við almennir bíleigendur sem borgum þann afslátt í hærra verði á okkur.Hvað vilja þeir annað eins hjá ríkinu? Verður því þá ekki velt yfir á okkur almenna bíleigendur?

Nei þeir verða að fara að endurskoða sig og skýra málið betur út fyrir okkur.

Ekki var það að skilja á fundi Geirs Haarde og Gordon Brown,

Eftirfarandi tekið af www.eyjan.is. Þetta er fréttatilkynning frá breska forsætisráðherranum

In their first official meeting both were keen to further develop the UK - Icelandic relationship.

Gordon Brown and Mr Haarde discussed a number of issues including: the current international financial situation; collaboration on renewable technologies to combat climate change and whaling.

The Prime Minister and Mr Haarde also sought agreement for a strategic dialogue between senior officials, in the context of Iceland’s increasingly likely membership of the EU.”

 Sem sagt voru að ræða stöðugt vaxandi líkur á inngöngu okkar í ESB

Aðild að ESB ekki fýsilegur kostur segir forseti Alþingis

Það var ömurlegt að hlusta á talsmann aðgerða flutningabílstjóra í kvöld

Þegar hann sagði að hann þekkti manninn ekki neitt sem réðst á lögreglunna. Mótmælti síðan harðræði löggunar og benti á að maðurinn væri nýkominn úr aðgerð á hné þó hann þekkti hann ekkert.

Nú er þessi árás til á mynd og þar sérst að lögreglan beiti aðeins nauðsynlegri hörku við að koma félaga sínum til bjargar. Sjá hér og hér

Þessi maður er staðinn að alvarlegu broti gegn valdstjórn og verður sennilega dæmdur skv. því og fær að hugsa sitt mál í fangelsi á næstunni.  

Sturla: „Ekki á okkar ábyrgð"