Íslendingar skynsamir

Þjóðin virðist vera meðvituð um að staðan í þjóðfélaginu krefst þess að við völd sé sterk stjórn. Frjálslyndir og Framsókn virðast ekkert græða á ástandinu.

Samfylking	31%
Sjálstæðismenn	33%
Vinstri grænir	22%
Framsókn	8%
Frjálslyndir	5%

Bara 2% milli S flokkanna.

Fylgi stjórnarflokka eykst en fylgi ríkisstjórnar minnkar

Kostar OR tugi milljóna að skipta um forstjóra

Heyrði í viðtölum við Kjartan Magnússon stjórnarformann OR að starfslok Guðmundar kosti orkuveituna ekki milljónir heldur einhverja tugi milljóna. Síðan sagði Kjartan að hann hefði nú ekki nákvæmar tölur en hægt yrði að safna þeim saman ef eftir því væri óskað.

Þið verðið að fyrirgefa en ég held Kjartan hljóti að hafa vitað þessar tölur nákvæmlega. Maðurinn var jú að semja um starfslok við Guðmund og vissi væntanlega undir hvað hann var að skrifa.

Ég vona bara að til þess bærir aðilar spyrji um þetta.

Manni finnst það með ólíkindum að í æðstu stöðum bæði í opinbera- og einkageiranum eru samningar sem ganga út á að ef eigendur eru ekki ánægðir með störf þeirra þurfi að borga þeim milljónir á milljónir ofan þegar þeim er sagt upp. Þetta gildir ekki um aðra. Þeir fá í mesta lagi 3 mánaða uppsagnarfrest.

Guðmundur hættir hjá OR og REY

Þessi frétt er algjörlega á skjön við frétt á visir.is

Fréttin á www.visir.is er bara allt önnur en hún er svona:

Af vettvangi

Andri Ólafsson skrifar:

Íslendingurinn sem varð fyrir árás inn í söluturninn Bobby´s Kiosk í Kaupmannahöfn gær var "út úr heiminum" þegar hann kom þangað inn.

Þetta segir vitni að árásinni. Vitnið sá Ragnar Davíð Bjarnason stunginn sjö sinnum með hníf. Ragnar var einnig barinn með járnstöng.

Vitnið segir að Ragnar og félagi hans hafi komið ofurölvi inn í söluturninn og að þeir hafi verið afar ófriðsamlegir. Þegar þeir hafi svo byrjað að hreyta rasískum ummælum í átt að verslunareigandanum og vini hans hafi upp úr soðið.

Til átaka hafi komið sem enduðu með því að verslunareigandinn tók upp járnstöng en 17 ára vinur hans lagði til Ragnars með hníf með fyrrgreindum afleiðingum.

Athygli vekur að hvorki verslunareigandinn, né vinur hans sem lagði til Ragnars, voru úrskurðaðir í gæsluvarðhald.

Þeir voru þess í stað leystir úr haldi af dómara. Sú ákvörðun var byggð á frásögn vitnissins sem vitnað er til hér að ofan. Dómari sagði að verslunareigandinn og vinur hans hafi beitt hnífnum og járnstönginni í sjálfsvörn.

Athygli vekur að framburður íslendingsins sem var í för með Ragnari fær ekki stoð í eftirlitsmyndavélum verslunarinnar né í framburði annara vitna. Lögreglan í Kaupmannahöfn segist ætla að yfirheyra hann aftur. Þá ætlar lögreglan einnig að taka skýrslu af Ragnari en hann hefur verið of kvalinn í dag til þess að treysta sér í skýrslutöku.

Eins og Vísir greindi frá í dag er Ragnar Davíð ekki alls ókunnugur hnífárásum því hann var árið 2000 dæmdur í þriggja og hálfs árs fangelsi fyrir til raun til manndráps. Ragnar stakk mann tvisvar sinnum í síðuna með veiðihníf með þeim afleiðingum að maðurinn hlaut miklar blæðingar.

Bendi líka á þessa frétt

Ef að þessi drengur er 17 eins og stendur hér í frétt á mbl.is  hefur hann varla verið 18 ára árið 2000.

Spurning hvort að Danir fari ekki að ráðurm Frjálslyndra og biðji um sakavottorð há íslendingum sem vilja koma inn í Danmörk.

Árásarmenn ekki í gæsluvarðhald

Verði frjálslyndum að góðu

Þeir eru sem sagt að lýsa stuðningi við m.a. orð Magnúsar sem gegnu út á að það væri bara besta að senda þessu fólki bara peninga og styðja það til búsetu þar sem þau væru. Þ.e. í eyðimörk þar sem hitinn sveiflast frá því að vera undir frostmarki yfir í hita um og yfir 50 gráður.

En þessu hélt hann fram sem bestu lausn í viðtali við Arnþrúði Karls daginn áður en skoðun hans komst í hámæli. Hann hefur líka haldið fram að koma þessara einstaklinga sé svo mikill baggi á okkur að fólk á Akranesi sem sækist eftir félagslegri þjónustu  frá bænum komi til með að líða fyrir það.

Þessi orð er Miðstjórn Frjálslyndra að styðja.

Veði þeim að góðu!

PS

Hér er ansi skemmtilegt remix sem ég fann á eyjan.is unnið úr pisli sem formaður ungra frjáslyndra flutti á Útvarpi Sögu (sá sem hrópaði: "Það er  verið að berja íslendinga") [Hlusta].

Lýsa stuðningi við Magnús Þór

Hvað er Ólafur að fara með þessum upplýsingum

Ef að hann er að sýna fram á að hann hafi ekki fengið neitt í ferðakostnað þá er það kannski ekki skrýtið. Hann var jú í veikindafríi nær helminginn á þessu tímabili.

Dagur setið í skipulagsráði m.a. sem hefur kostað ýmis ferðalög. Hann var líka borgarstjóri um tíma og í stjórnum ýmsa ráða og nefnda þessi þrjú ár.

Við erum að tala um 110 þúsund manna borg sem kostar náttúrulega ýmis samskipti. Það hefur ekki verið til siðs að fólk í þessari stöðu borgi fyrir síg sjálft. Það er jú þannig að á ferðalögum í opinberum erindagjörðum færi fólk ferðir, uppihald og einhverja dagpeninga greidda.

Sá einhverstaðar að af þessum upplýsingum mætti helst ráða að það séu líkur á að Ólafur sé flughræddur eða þá að hann hafi engan áhuga á að vera fulltrúi Reykvíkinga erlendis. Og til hvers er þá verið að velja hann fulltrúa Reykjavíkur ef að það þurfa aðrir að gegna embættisskildum fyrir hann.

Sá að einhver var að tala  í vanlætingu um að fulltrúar Samfylkingar ættu um 25% af þessum kostnaði. En vill benda á að Samfylkingin er jú með um 25% af borgarfulltrúum og því er þessi kostnaður eðlilegur.

Borg eins og Reykjavík er nauðsynlegt að fulltrúar fari erlendis m.a. til að kynna sér hinar ýmsu lausnir sem mögulegar eru í þróun Borgarinnar. Bendi á að allur ferðakostnaður á síðasta ári er sennilega minni  enn laun Borgarstjóra. á sama tímabili.

Ferðakostnaður borgarfulltrúa 12,2 milljónir í fyrra

Held að hér megi finna hluta skýringar á þessu

Rakst á þetta inn á heimasíðu Magnúsar Þórs. Get ekki skilið að menn átti síg ekki á því að þetta elur á þjóðerishyggju og hættu á Rasisma.

Annað sem kominn er tími til:

Það er að þessu fólki sem hingað til hefur komist upp með að kæfa eðlilega umræðu um innflytjendamál með svívirðingum og upphrópunum um samborgara sína, verði hér eftir svarað fullum hálsi. Málið er nefnilega að þetta fólk er í miklum minnihluta meðal þjóðarinnar. En það fer mikinn víða - oftast undir nafnleynd. Ofbeldið sem það sýnir í allri umræðu með skoðanakúgun og stanslausri vöktun er gersamlega óþolandi. Það er kominn tími til að þessu linni.

Þetta er okkar land - okkar þjóðfélag. Við, almennir borgarar, höfum fullan og stjórnarskrárvarinn rétt til að tjá okkur um það hvernig það þróast inn í framtíðina. Við eigum ekki að þurfa að óttast að mannorð okkar sé dregið í svaðið af kjaftaskúmum Samfylkingar í hvert sinn sem við segjum hug okkar og skoðanir.

 

Þetta sama hefur maður lesið inn á síðum t.d. Ku klux klan. Þeir tala svona um fólk frá Suður Ameríku í USA. Það er að Bandaríkin séu fyrst og fremst fyrir Bandaríkjamenn. Hinir af erlendum uppruna eigi bara að fara til baka til sinna upprunalanda.  

 

Götur miðborgar þaktar áróðri

Undarleg upplifun sumra á Silfri Egils í dag

Var að lesa bloggið hans Magnúsar Þórs Hafsteinssonar sem var jú í Silfrinu í dag. Hann er þar að tala um þáttinn og kemur með furðulegar athugasemdir um það sem þar kom fram og upplifun sína í þættinum:

Hann segir

2. Mér var brugðið þegar ég sá heiftina í augum og viðmóti Amal Tamini, en hún færði samt fréttir sem mér var ekki kunnugt um. Þetta er fólk frá Palestínu sem fór til Írak árið 1948. Það er fyrir 60 árum. Þannig eru þetta í raun Írakar af palestínskum uppruna. Flóttafólk af fjórðu og fimmtu kynslóð - býst ég við.

Ég horfði nú á þáttinn og gat ekki séð þessa heift í augum Amal. Eins þá gleymir hann að geta þess þegar hann talar um Íraka af "Íraka af palestínskum uppruna Flóttafólk af fjórðu og fimmtu kynslóð"þá gleymir hann viljandi að geta þess að þetta fólk hefur ekki réttindi í Írak og má ekki flytja til Palestínu. 

Og svo orðalagið í þessum hluta er náttúrulega ekki boðlegur vara-formanni stjórnmálaflokks:

Og það var alveg makalaust að heyra Kristrúnu Heimisdóttur tala um að við hlytum að geta fundið skólaborð og stóla fyrir börnin til að koma þeim fyrir í kennslustofum.

Þvílíkt og annað eins. Þau skilja ekki orð í íslensku, mér er til efs að þau kunni stafrófið sem við notum hér á landi.....og áfram má lengi telja.

Finnst í þessu mjög niðrandi tónn svo ekki sé meira sagt.

3. Og Kristrún Heimisdóttir aðstoðarkona Ingibjargar Sólrúnar í utanríkisráðuneytinu var ótrúleg þegar hún sagði eitthvað á þá leið að víst gæti Akranes tekið á móti stórum hópi flóttafólks. Veit ekki til að hún hafi nokkru sinni komið til bæjarins, og eitt er víst að stjórnvöld hafa ekki gert neina faglega úttekt á bænum og velferðakerfi hans. Þetta er bara ákveðið í Reykjavík og ákveðið að henda því upp á Skaga.

Ég er nærri viss um að Kristrún hefur komið upp á Akranes og sé reyndar ekki að það skipti máli.

Það væri gaman að velta fyrir sér rökum Magnúsar gegn því að fá þessa flóttamenn upp á Skaga.

• Fyrst sagði hann að það væri miklu betra að senda þessa peningar 180 milljónir bara til flóttamannabúðanna og nota þá þar.
• Þetta væri svo stór hópur. Þetta væri um 1% af íbúa fjölda á Akranesi. Samt hefur það nú verið þannig að í flestum stöðum út á landi þar sem fiskur er unninn að þar hafa verið mun fleiri útlendingar við störf og búið þar miðað við fólksfjölda
• Við erum að tala um að í fyrsta hóp eru áætluð eitthvað um 30 manns. Það gætu því verið 10 til 15 fullorðnar konur og 15 til 20 börn á öllum aldri. Get ekki séð að þetta setji Akranes á hliðina. Þetta fólk verður fyrsta árið í íslensku námi þannig að þau skarast væntanlega ekki strax inn í almenna skólakerfið á fullu.
• Hann ber við að Akranes hafi ekki ráð á að taka við þessu fólki. Nefnir að 25 manns bíði eftir félagslegu húsnæði. Maður spyr nú af hverju hefur hann ekki unnið að lausnum fyrir þetta fólk?
• Síðan leyfir hann sér að halda því fram að tali ekki fyrir bullandi fordómum gegn erlendum einstaklingum sem eiga ekki í nein hús að venda.

Að síðustu verð ég að vera sammála því sem Egill sagði um að 5 ríkasta þjóð í heiminum á ekki að vera í neinum erfiðleikum með að taka á móti þessu fólki. Við höfum gert það áður og ekki verið neitt mál.

Kæri Geir!

Þetta eru nú ekki rök sem halda:

Geir sagði, að ef Ísland væri í Evrópusambandinu hefðu stjórnvöld ekki haft jafn svigrúm til að laga sig að breytingum í alþjóðlegu umhverfi eins og gert hefði verið á síðustu mánuðum. Íslandi væru þá allar bjargir bannaðar við núverandi aðstæður. Þá hefði gengi gjaldmiðilsins verið fast og vextirnir ákveðnir í Seðlabanka Evrópu. Eini vettvangurinn, þar sem svigrúm gæfist, væri á vinnumarkaði, þar sem hægt væri að segja fólki upp og auka þannig atvinnuleysi. „Viljum við það? Ég vil það ekki," sagði Geir.

Held að það sé nokkuð ljós að værum við ESB og með Evru þá hefðum við ekki lent í þessari verðbólgu nú! Og þá má nefna að þetta ástand sem nú er kallar líka fram samdrátt og óþægindi fyrir fólk. Það er að ef að þetta ástand verður viðvarandi þá minnkar kaupmáttur og fólk missir eignir þannig að ástandið hér nú er ekki burðugt með þvær tegundir af krónum gengistryggða kr´nu á flestum lánum en óverðtryggða krónu í launum.

Geir: Ég vil ekki ganga í ESB

En viðeigandi nafn fyrir jarðskjálfta upptök

Þetta er náttúrulega einstakt. Að jarðskjálfti eigi upptök á Skjálfanda. Og mjög viðeigandi.

Jarðskjálfti á Skjálfanda

Magnús taldi að væri bara hægt að senda þessum konum peninga og aðstoð.- Var hann búinn að kynna sér aðstæður

Fór á google og kýkti á nokkrar myndir af þessum búðum. Þær eru þarna í miðri eyðimörk. Magnús Þór vill væntalega að þessar konur verði þar sem lengst.

Fínn staður fyrir börn? Veit ekki!

 

Sé ekki alveg hvernig hægt sé að hjápa fólkinu nema að bjóða því að flytja þarna burtu?

Angelina Jolie hefur heimsótt þessar búðir

Magnús gagnrýnir nýjan meirihluta