Fleiri hættulegir textar

 

Í nótt. (Fræbbblanir)
Ég ætla að ríða að þér í nótt.
Útilokum allt og ríðum burt í nótt.

Í kvöld.
Ég man ég hitti þig á balli
og brjóstin þín störðu á mig pínulítið rangeygð.

Og ég.
Ég ætla að dúndra þér í hvelli.
En greyið mitt þeigiðu.
Mér leiðist svona speki.

Hey þú.
Æ, farðu að koma þér í burtu.
Þú ert ömurleg svona útjöskuð.
Mér fer að verða flökurt.

Í dag.
Ég frétti hún hefði framið sjálfsmorð.
Það er hennar mál. Vandamál.
Einu fífli færra.

Í nótt.
Ég var að ríða þér í nótt.
Við skildum allt eftir og við riðum burt í nótt.

 

Útihátíð

Þið sem komuð hér í kvöld
(vonandi skemitð' ykkur vel)
Ég veit þið höfðuð með ykkur tjöld
(drekkið ykkur ekki í hel)

Þið komuð ekki til að sofa
(í tjaldi verðið ekki ein)
Fjöri skal ég ykkur lofa
(dauður bak við næsta stein)

Upp á palli, inn í tjaldi, út í fljóti,
vonandi skemtið' ykkur
illa drukkin, inn í skógi, hvar er tjaldið?
Vonandi skemtið' ykkur vel

Þetta er söngur til þín og mín
(þú mátt alveg syngja með)
Okkar sem drekkum eins og svín
(svo fljóti út um eyru og nef)

Upp á palli, inn í tjaldi, út í fljóti,
vonandi skemtið' ykkur
illa drukkin, inn í skógi, hvar er tjaldið?
Vonandi skemtið' ykkur vel

þetta er söngur til þín og mín
(þú mátt alveg syngja með)
Okkar sem drekkum eins og svín
(svo fljóti út um eyru og nef)

Upp á palli, inn í tjaldi, út í fljóti,
vonandi skemtið' ykkur
illa drukkin, inn í skógi, hvar er tjaldið?
Vonandi skemtið' ykkur vel

[Hvetur til að plata einhverja til að drekka sig út úr og plata einhvern í sama ástandi inn í tjalið með sér] 

 

 

 Þórsmerkurljóð

Ennþá geymist það mér í minni,
María, María,
hvernig við fundumst í fyrsta sinni,
María, María.
Upphaf þess fundar var í þeim dúr,
að ætluðum bæði í Merkurtúr.
María, María, María, María, María, María.

Margt skeður stundum í Merkurferðum,
María, María,
mest þó ef Bakkus er með í gerðum,
María, María.
Brátt sátu flestir kinn við kinn
og kominn var galsi í mannskapinn.
María, María, María, María, María, María.

Því er nú eitt sinn þannig varið,
María, María,
að árátta kvensamra er kvennafarið,
María, María.
Einhvern veginn svo æxlaðist,
að ég fékk þig í bílnum kysst.
María, María, María, María, María, María.

Ofarlega mér er í sinni,
María, María,
að það var fagurt í Þórsmörkinni.
María, María.
Birkið ilmaði, allt var hljótt,
yfir oss hvelfdist stjörnunótt.
María, María, María, María, María, María.

Ei við eina fjöl er ég felldur,
María, María,
og þú ert víst enginn engill heldur.
María, María.
Okkur mun sambúðin endast vel,
úr því að hæfir kjafti skel.
María, María, María, María, María, María.

Troddu þér nú inn í tjaldið hjá mér,
María, María,
Síðan ætla ég að sofa hjá þér.
María, María.
Svo örkum við saman vorn æviveg
er ekki tilveran dásamleg?
María, María, María, María, María, María.

[Er þetta ekki grófara en hjá Baggalút ]

 

 Einsi hald út Eyjunum

Og [C] austur á fjörðum [G7] eitthvert kvöld

ég álpaðist í [C] töðugjöld.

Ég bjargaði mér fyrir [F] björgin dimm,

því þær [G] báðu mín [G7] einar [C] fimm.

Í Borgarfjörðinn [G7] brá ég mér

á ball, rétt eins og [C] gengur hér.

Þar hópurinn allur [F] horfði á mig

og [G] hver vildi [G7] reyna [C] sig.

[Hvetur til að stökkva fyrir björg = hvetur til sjálfsmorða ]

Meira síðar 

„Texti Baggalúts snýst ekki um eðlilega hegðun"

Held að Ólafur hafi eitthvað misskilið embætti borgarstjóra

Það getur vel verið að Ólafur hafi ráðið hæfan mann til að halda utan um málefni miðbæjarins hvað varðar umgegni. Að minnstakosti hefur hún batnað.

En maður minn ég horfði á Kastljós í kvöld og þar kom Ólafur upp um sig á margan hátt.

• Maðurinn lítur á embætti borgarstjóra sem eitthvað sem gerir menn einvalda. Ekki að hann leiði hóp sem myndar lýðræðislegan meirihluta.
• Maðurinn lítur á að fréttamenn eigi að sýna honum virðingu og ekki ræða neitt af því sem er í umræðunni heldur bara þau "góðu verk" sem hann hefur komið í verk.
• Maðurinn lítur á einhverjar hugmyndir um laugaveg 4 til 6 sem eitthvað stórvirki.
• Maðurinn skilur ekkert í því að fólk sé að velta fyrir sér afhverju hann skiptir um fulltrúa í kring um sig hægri og vinstri.  Og finnst að borgarbúum komi það bara ekki við. Þetta sé allt spurning um að hans skoðun sé ráðandi án gagnrýni.

Skoðið viðtalið hér

Skoðið síðan næsta atriði í Kastljósi þar sem hann sést strunsa út og segja eitthvað við Helga Seljan um leið.

Hér eru viðbrögð Ólafs F á www.visir.is

,,Pólitísk misnotkun Kastljósins er ekki ný fyrir mér. Mér er ekki bara misboðið fyrir mína hönd heldur einnig borgarbúa því Helgi sýndi borgarastjóraembættinu stæka óvirðingu," segir Ólafur sem var gestur Helga Seljans, þáttastjórnanda, í Kastljósi Ríkissjónvarpsins fyrr í kvöld og voru borgarmálin efst á baugi. Ólafur er ekki sáttur við framkomu Helga.

Hann má nú ekki gleyma því að hann er bara tímabundið sem borgarstjóri. Og furðulegt að maður með litla samskiptahæfileika skuli geta orðið borgarstjóri.

„Skýrir hvers vegna síðasti meirihluti sprakk"

Þá veit fólk það!

Það var verið að gera hugsanlegum umsækjendum greiða með því að auglýsa ekki stöðurnar! Því þeir voru búnira að ákveða hverjar fengju þær! Þeir tala um nauðsyn framgagns í starfi hjá Kópavogi og síðan kemur í ljós að manneskjan er búin að vinna í innan við ár hjá Kópavogi.

Framkvæmdarstjóri fræðslusviðs þarf ekki að hafa nám eða þekkingu á menntun/fræðslu. Nóg að hún er menntuð í sambandi við starfsmannastjórn!

Það er því ljóst að einu sem geta sótt um hjá Kópavogi eru ræstitæknar. Þeir vinna sig svo bara upp innan bæjarins og verða kennarar. 

Ekkert verið að leyta að menneskju með heppilega menntun eða reynslu. 

Verið að fjölga konum í yfirstjórn

Fólki sem ofbýður vinnubrögðin í Kópavogi ættu kannski að skoða þátt Framsóknar

Það er nefnilega svo að þeim sem ofbíður þessi vinnubrögð í Kópavogi sem og önnur eins og í skipulagsmálum ættu kannski að hugsa til þess að Gunnar og co starfa vegna þessi að með þeim í stjórn er Framsókn. Þar situr fulltrúinn Ómar Stefánsson og lætur lítið fyrir sér fara. Enda ekki einleikið sú vitleysa sem kemur frá honum.  Hann sést helst horfandi yfir öxlina á Gunnari við opinberara athafnir.

Framsókn bauðst að fara í meirihluta samstarf við Samfylkingu og Vg en höfnuðu því.

 

Smá viðbót:

Eftir að hafa horft á kvöldfréttir sjónvarpsins og hlustað á Ómar og Gunnar þar þeir sögðu  að sú sem var ráðin sviðstjóri fræðslumála og er menntuð Stjónmálafræðingur og með nám í starfsmannastjórnun hefði verið ráðin til bæjarins fyrir ári og staðið sig svo vel að þeir vildu gera vel við hana. Með þessu eru þeir að gefa skít í alla aðra stjórnendur á fræðslusviði. Bæði námi þeirra og reynslu. Sem og að gefa í skin að menntamál í Kópavogi séu svo léttvæg að það þurfi enga þekkingu á þeim til að stjórna þeim málaflokki. Og eins að þessir sviðstjórar a.m.k. 2 væru að fá stöðurnar bara af því að þeir eru kvennkyns. 

Gagnrýna mannaráðningar

Hugmynd fyrir stjórnmálamenn varðandi verðbólgu!

Svona í framhaldi af því að Vg vildi að Alþingi kæmi saman til að ræða (aftur og nýbúið) um stöðu efnahagsmála.

Það er nokkuð ljóst að viðbrögð til að ná niður þessu ójafnvægi í efnahagsmálum er blanda af þvi að auka tekjur okkar af viðskiptum erlendis og því að draga úr neyslu.

Ég viðra hér hugmynd sem gæti verið gott svona skref til að byrja með. En hún gengur út á að hækka virðisauka á allt snobbið. t.d.

• Auka virðisaukaskatt af öllum bílum yfir 5 milljónir sem og öllum eyðslufrekum bílum
• Auka virðisaukaskatt af sjónvörpum yfir 150 þúsundum. Eins fleiri raftæki yfir ákveðnu marki.
• GSM síma yfir 50 þúsundum
• Auka virðisauka af fatnaði sem er yfir 15 þúsundum. t.d buxum
• Auka skatta á sumarhús sem eru yfir 15 miljónum að markaðsvirði
• Auka skatta á fjórhjól, snjósleða, einkaflugvélar og þessháttar.

Má ekki vera að því að telja meira að sinni

Ekki útlit fyrir að þing verði kallað saman

Greiningardeildir búnar að missa allann trúverðuleika!

Nú síðustu misseri hafa þessar greiningardeildir verið með allt niður um sig. Man eftir því í október að þær spáðu því að hlutabréf á síðasta ári ættu þrátt fyrir lækkun að hækka á því ári um 30%. Þær hafa farið flatt á öllum verðubólguspám, gengi krónunar, þróun fasteignaverðs og í raun flestu sem þær spá. Þarna virðist gæta óhóflegrar óskhyggju og bjartsýni í þessum deildum. Verður líka að horfa á það sem frá þeim kemur í því ljósi að það kæmi bönkunum illa ef að svartsýnar spár um gengi, verðbólgu, vexti og fleira kæmi frá þeim.

Spá hámarks verðbólgu í ágúst

Meiri aumu mannleysur eru þetta

Reyna að stela gaskút sem kostar kannski svona 3 til 4 þúsund krónur. Og vinnufatnaði? Þetta er náttúrulega varla að þetta svari kostnaði hjá þeim.

Þjófar á ferð í borginni

Og hvað hafa Vg til málana að leggja - Annað en að tala?

Ekki það að ég geti ekki fallist á að Alþingi komi saman fyrr en venjulega. Algörlega óþarfi þetta langa frí sem upprunalega er víst tilkomið vegna þess að flestir þingmenn þurftu að sinna bústörfum hér áður.

En hvað hafa Vg fram að færa nýtt annað en að halda 10 tíma ræður og vilja svo helst engar breytingar á neinu? 

Vilja að Alþingi verði kallað saman

Þessir menn í stjórnarandstöðunni!

Nú þegar að Geir ræður til starfa sérfræðing sér til aðstoðar við að ná tökum á efnahagsmálum, þá kvarta þeir yfir því. Menn sem í gær voru að kvarta yfir því að ekkert væri gert. Hver á svo að trúa nokkru sem þessir menn segja eftir þetta?

Hvaða lausnir haf þeir bent á? Jú Guðni vill taka stórt lán strax án þess að hugsa út í það að við yrðum þá að greiða mun hærri vexti en ella af því láni. Og auk þess er ekkert talað um hvað á að gera við lánið. Kannski að færa þau bönkunum? Til að bjarga þeim frá óráðsíunni sem þeir hafa komið sér í.

Jú Guðni vill að veiði verði aukin í þorski og fleiri tegunum. Þetta er nú dæmi um mann sem hugsar ekkert til framtíðar. Bara að redda sér núna og vona að við útrýmum ekki fiskinum í sjónum.

Og svo vill Guðni stóriðju. Hann er kannski búinn að gleyma því en stórhluti þennslunar í dag er komin til vegna stærst kosningaloforðs og framkvæmda Íslandssögunar. Það var þegar framsókn stóð fyrir Kárahnjúkum og Álveri í Reyðarfyrði. Þar sem sköpuð voru 400 til 500 störf sem kostuðu um 300 milljónir hvert og skila okkur í raun engu fyrir en eftir 20 til 30 ár þegar við erum búin að borga stofnkostnaðinn.

 

Segir ráðningu efnahagsráðgjafa sýna vandræðagang

Gerum þetta nú ekki að meira máli en þetta er!

Var að hlusta á kvöldfréttir RUV. Þar var fréttamaður að tala við bæði lögreglu og einhvern forsprakka mótmælenda. Fréttamaðurinn var mjög upptekin af því hversu margir lögregluþjónar hefðu verið á staðnum og hvort það hefði verið nóg. Lögregluþjónn sem stjórnaði aðgerðum sagði að þetta hefði verið nægur mannskapur til að taka á málum. þ.e. 12 lögregluþjónar. En þá var fréttamaður upptekinn af því hvort að lögreglan hefði getað kallaðu út mannskap í viðbót. Fréttamaðurinn er að gera í því að fólk fái það á tilfinninguna að þetta sér stórhættulegt fólk og ofbeldisfullt, sem það er ekki.

Síðan þegar hún talaði við talsmann mótmælenda var hún upptekin af því að með því að einn neitaði að gefa upp nafn og láta mynda sig þá væru þau að ögra lögreglunni sem hefð verið svo góð við þau að leyfa þeim að vera á staðnum þennan tíma. Þetta er svona eins og fréttamaðurinn skilji ekki eðli þessara mótmæla.

Mér finnst að fréttamaðurinn hafi unnið úr fréttinni eins og honum(henni) finnist þessir mótmælendur hið mesta óþurftar lið. Hún hefur bara ekki leyfi til þess sem fréttamaður heldur á hún að segja frá á eins hlutlausan hátt og hægt er. Það er síðan okkar sem lesum fréttir að mynda okkur skoðun á þessu.

Einn handtekinn í Helguvík