Svona tala menn ekki Bubbi!

Þó að vissulega sé til fátækt á Íslandi eins og í öllum öðrum löndum þá er það illa gert að hnýta í aðra Kollega fyrir að þeir halda tónleika fyrir að vekja athygli á sínum áhugamálum. Bendi Bubba á að hann hélt tónleika til að vekja umræður um kynþáttahatur hér á landi.

Hann á frekar að fagna því að hér eru fleiri eins og hann sem vilja leggja málum lið. Síðan er óheppilegt að í þessari grein er upplýst að hann hefur jú auðsjáanlega haft dálítið af umframfé sjálfur sem hann fjárfesti í hlutabréfum og tapaði á. Það er nokkuð ljóst að fátækt verður ekki upprætt nema að einhverjir sem hafa meira láti eitthvað frá sér til þeirra sem búa við verri kjör. Því að peningarnir þurfa að koma einhverstaðar frá. T.d. með skattleysismörkum sem þá þýðir að við hin þurfum að borga meira.

Björk ætti frekar að syngja gegn fátækt

FL GROUP - ICELANDIC BUSINESS MIRACLE

Bara varð að setja þetta hér inn. FL group sagan eins og hún leggur sig. Fann þetta á www.eyjan.is

Uppsveifla í evrópskum kauphöllum

Þetta er bara ekki ásættanlegt!

Það er algjörlega óásættanlegt þessi staða í lögreglumálum Höfuðborgarsvæðisins. Það sjá það allir sem sjá vilja að 14 lögregluþjónar fyrir allt höfuðborgarsvæðið er bara ekki næg mönnun. Það er ljóst að lögreglu fer hlutfallslega fækkandi miðað við þróun fólksfjölda hér á svæðinu.

Á meðan fer sífellt meiri peningum í ríkislögregluembættið.

Það er ömurleg þróun eins og er hér í Kópavogi þar sem að nú er lokað hjá lögreglunni hér á kvöldin og um helgar. Gjörsamlega óásættanlegt hér í næst stærsta bæ landsins.

Verst er þegar að yfirmenn lögreglumála koma svo fjölmiðla og verja þetta og tala um að þjónusta þeirra hafi ekki versnað.

Gagnrýna stöðu löggæslumála í Reykjavík

Gunnar veit betur en bæjarbúar hvað þeim er fyrir bestu.

Það var skv. venju þegar maður hlustaði á viðtöl í kvöld við Gunnar. Þegar að borið var undir hann sú skoðun bæjarbúa í Kársnesi að samráð hefði ekki verið nema í mýflugu mynd þá sagði hann það ekki satt og fólk færi ekki með rétt mál. Þetta er skv. venju hjá honum. Hann lætur alltaf eins og hann sé verktaki sem er að reyna að koma í framkvæmd verki sem er umdeilt.  Viðbrögð hans mynna oft á vinnubrögð Landsvirkjunar þegar hún er að reyna að koma á umdeildum virkjunm.

Hann talar fjálglega nú um að stórskipahöfnin í Kársnesi verð lögð af. Það væri gaman að vita hvað mörg hundruð milljónum hann er búinn að eyða í þetta gæluverkefni sitt. En hann dreymdi um að gera þarna stóra höfn sem enginn annar nema hugsanlega Bykó vildi.

Gunnari væri holt að muna að hann er kjörinn bæjarfulltrúi til að framkvæma vilja bæjarbúa. Það er þeirra að ákveða hvernig bæ þeir vilja. Þeir sætta sig ekki til lengdar við að Gunnar sé með allskonar bolabrögðum að koma af stað framkvæmdum sem hennta vinum hans vertökum og fjárfestum sem kaupa lóðir og treysta á að Kópavogur hlaupi til að samþykki alla duttlunag þeirra. T.d. 30 hæða hús, mjög þétta byggð og svo framvegis.

P.s. Hlustaði á útvarp frá fundi bæjarstjórnar. Verð að segja að ég held að Ómar Stefánsson ætti að gera sjálfum sér greiða og hætta sjálfviljugur í pólitík.

Samþykkt að auglýsa nýtt Kársnesskipulag

Ætli áherslunar verði ekki á að hækka laun forstjórana?

Svona skv. reynslu þá verður starfsfólki fækkað og laun forstjóra og fríðindi aukin að sama skapi.

Ekki viss um að forstjórar í dag kunni að bregðast við þessu ástandi. Þeir margir voru ekki til síðast þegar almennileg kreppa var hér á landi. Það hefur jú verið áhersla síðustu ára að ráða unga menn í þessar stöður ný útskrifaða úr skólum. Sem hafa megnið af sinni þekkingu af bókum ekki reynslu af erfiðum tímum. 

Fyrirtæki hagræða í rekstri

Vandaðri fréttamennsku takk!

Flosi Eiríksson var í 4 sæti á lista Samfylkingar og er ekki oddviti. Hún heitir Guðríður Arnardóttir sem er oddviti Samfylkingarinnar í Kópavogi

Það á ekki að sleppa Gunnari svona auðveldlega með að að jarðvegsdýpt hafi verið meiri en þeir reiknuðu með. Menn áttu að vita þetta þar sem búið er að byggja þarna áður. Þetta er fyrrverandi mýri og mátti öllum vera ljóst að það var langt niður á fast. Og þetta skýrir varla þennan auka kostnað.

Ekki þar fyrir að þetta er glæsileg stúka en það að menn geti bara hafið framkvæmdir án mikils undirbúnings og sagt að þetta kosti 300 milljónir en bæta síðan við svona bara til að monta sig hinu og þessu upp á tæpar 600 milljónir sýnir að það er ekki lagi með ákvarðanatökur í Kópavogi. 

Stúkan fór úr 300 milljónum í 870

Hvernig væri nú að menn færu að gera eitthvað til að fá botn í þetta mál?

Af hverju er verið að setja þetta í nefnd sem auðsjáanlega er gert að vinna þetta eins hægt og hún getur. Þ.e. ESB/evru?

• Mér dettur t.d. í hug að fengið yrði eitthvað virt erlent fyrirtæki eða þá að um samvinnu innlendra aðila og erlendra yrði að ræða. Þeim væri gert að koma fram með upplýsingar á mannamáli sem almenningur skilur um kosti þess og galla að sækja um ESB eða ekki. Um að taka upp evru eða ekki. Og loks að leggja á það mat hvort að Íslensku þjóðinni yrði betur komið innan eða utan ESB.
• Þessum aðilum yrði kannski gefnir svona um 3 til 4 mánuðir til að koma með gögn sem hægt er að leggja fyrir þjóðina. 
• Þessi gögn á mannamáli væri hægt að vinna upp sem sjónvarpsþætti þar sem að fjallað yrði um málið frá öllum hliðum. Öll sjónarmið fengju að komast að og á heimasíðu samhliða gæti fólk komið fram með skoðanir og spurningar.
• Þannig að eftir kannski 6 til 10 mánuði yrði þjóðin mun upplýstari um hvaða ákvarðanir henni fyndist að leggja ætti áherslu á varðandi ESB/evru.

• Ef að þjóðin vildi að kannað yrði hver staða okkar væri í samningum við ESB og hvað við fengjum fram af því sem við leggjum áherslu á, þá yrði haldin þjóðaratkvæðagreiðsla um það hvort fara ætti í viðræður við ESB. Og síðan er náttúrulega skilda að leggja samning fyrir þjóðina að lokum svo hann öðlist gildi.

 

Þetta kjaftæði sem er í dag þjónar bara þeim tilgangi að halda aftur af raunverulegri umræðu um mál sem getur skipt almenning í þessu landi miklu máli. M..a væri gaman að einhver kannaði hvort og þá hvað hver fjölskylda er að borga í fórnarkosnað t.d. vexti, matarverði og hækkun lána vegna verðtryggingar og gengisfalls krónunar.

Eins eru flestir sem eru að tjá sig um þetta mál eru ekki að fjalla um þetta af þekkingu heldur tilfinningu. Það er ekki gott!

Íslenska krónan vænlegust

Held að Guðni sé ekki að skilja þetta með verðbólguna!

Manni hefur jú verið kennt það að verðbólga sé að stórum hluta komin til vegna þenslu. Á það var bent þegar ráðist var í Kárahnjúka og Reyðarál að því myndi fylgja þensla sem mundi leiða til verðbólguskots.

• Framsókn og Sjálfstæðismenn fóru um leið í aðgerðir eins og að aflétta öllum hömlum af bönkum. Þeir voru einkavæddir af þeim létt ýmsum skildum m.a. bindiskyldunni að stórum hluta. Af því leiddi að allir sem vildu gátu fengið eins há lán og þeir vildu og bankarnir óðu í lánsfé frá útlöndum sem brann á þeim að endurlána til fyrirtækja og einstaklinga. Sem leiddi til að fyrirtæki og einstaklingar offjárfestu í ríku mæli  og skuldsettu sig.

• Til að hamla á móti þenslunni reyndi Seðlabankinn að að hamla á móti eftirspurn eftir fjármagni og draga úr neyslu með því að auka stýrivexti. Þetta hefur svo aukið eftirspurn eftir krónubréfum þar sem að vaxtamunur er svo gríðarlegur.

• Get ekki með nokkru móti séð að það að við tökum 500 milljarða á óhagstæðum kjörum geri nokkuð til að bjarga þessum málum. Þetta mundi jú létta undir með bönkunum en um leið yrði þetta til þess að auka þensluna enn frekar og þar af leiðandi yrði verðbólgan enn meiri. 

• Eins ef að vextir yrðu lækkaðir um leið mundi það líka auka á þensluna og valda þrýstingi á aukinni lántöku einstaklinga og fyrirtækja og gera þau enn viðkvæmari fyrir verðbólgu. 

• Þetta mundi líka verða til þess að laun mundu hækka verulega nú á næsta ári þegar samningar eru lausir.
• Stóriðja strax mundi hafa sömu áhrif.

 

Það sem ég held að ríkið ætti að byrja á núna frekar er að

• Lækka tímabundið álögur á bensín, lækka tolla á matvöru og aflétta innflutningshöftum. Þetta mundi skila sér strax í lækkun verðbólgu.
• Síðan ætti ríkið af semja við aðila atvinnulífsins og verkalýðhreyfingu um hóflega samninga gegn því að vörur og þjónusta lítið bæði hjá ríki og einkaaðilum. 
• Síðan þegar að lánamarkaður leyfi þá á að taka þetta lán. En um leið að auka bindiskyldu bankanna. Og gera þá ábyrgari fyrir sínum útlánum.  
• Ekki flýta okkur í virkjunarmálum. Heldur leyta að nýtingu sem skilar okkur flestum störfum. Muna að nú eins og staðan er í dag er orka sífellt að verða verðmætari. Ekki gera samninga um gríðarlega orku til eins aðila til svo langs tíma eins og við gerum í dag. Hafa möguleika á að endurskoða samninga t.d. á 10 ára fresti.
• Stilla framkæmdir þannig af í tímaröð að þær valdi ekki umtalsverðri þenslu.

Þjóðin þarf festu í landstjórnina

Er engin leið að fá að vita hverjir það eru sem standa í viðskiptum með krónu upp á 75 milljarða?

Nú á þessum tímum þegar sífellt er verið að tala um gengi krónunar og viðskipti á gjaldeyrismarkaði finnst mér að það væri gaman að vita hverjir það eru sem eru í þessum viðskiptum. Er þá að meina þessa stærstu. Manni finnst það nú hálf skrýtið ef þetta er annað en brask vegna þess að menn séu að reyna að græða á falli krónunar og vaxtamun við útlönd.

Af hverju er þessi viðskipti ekki gefin upp?

Krónan veiktist um 2,2%

Bendi á flotta grein um brask og bókhaldsæfingar varðandi Sterling

Var að lesa grein á www.t24.is þar sem einmitt er verið að fjalla um brask íslendinga með þetta félag. Þar segir m.a.

8. júlí 2008

Hringekja Sterling og alltaf aukast verðmætin

Varla eru mörg fyrirtæki í heiminum sem hafa verið seld jafn oft á jafn stuttum tíma og Sterling Airlines. Og það sem meira er; seljendur hafa ekki gert mikið annað en græða milljarða (a.m.k. á bókum) þó aðeins nokkrir mánuðir hafi liðið á milli kaupsamninga. Ekki verður betur séð en að íslenskir athafnamenn séu öðrum fremri að selja fyrirtæki aftur og aftur, yfirleitt sín á milli, með verulegum hagnaði.

Kaup- og söluævintýrið hófst í mars 2005 þegar Fons, eignarhaldsfélag Pálma Haraldssonar og Jóhannesar Kristinssonar, keypti Sterling fyrir um fimm milljarða króna. Frá þeim tíma hefur flugfélagið gengið kaupum og sölu á milli tengdra aðila. Sjö mánuðum eftir kaupin seldi Fons, með smá fléttu, flugfélagið fyrir 14,6 milljarða króna til FL Group, sem rúmlega ári síðar seldi félagið aftur til nýs hlutafélag sem þar sem Fons var stærsti eigandinn fyrir 20 milljarða króna.

Síðar segir

En söluferlinu á Sterling var langt í frá lokið.

Northern Travel Holding (NTH) var stofnað undir lok ársins 2006 þegar allt lék í lyndi og engum datt í hug að íslenskir útrásarvíkingar gætu stígið feilspor. Í tilkynningu til Kauphallar greindi FL Group frá því að tekist hefði að snúa rekstri Sterling við og væri það því rökrétt framhald að selja flugfélagið inn í hið nýstofnaða félag NTH fyrir 20 milljarða króna. FL Group var meðal hluthafa NTH ásamt Fons og Sundi (sem síðar gekk út úr félaginu). Fons var stærsti hluthafinn og því aftur eigandi Sterling í gegnum NTH.

Og loks

En að minnsta kosti einu sinni enn hefur Sterling verið selt en í byrjun þessa mánaðar var tilkynnt að Fons hefði keypt FL út úr Northern Travel Holding - en FL heitir nú Stoðir. Þar með er fjórðu sölunni á Sterling á rúmum þremur árum lokið og flugfélagið aftur komið í eigu Fons, sem keypti flugfélagið upphaflega í mars 2005. Kaupverðið hefur ekki verið gefið upp en Fons greiddi með hlutabréfum í Stoðum (FL Group) og hringnum hefur því verið lokað - að minnsta kosti í bili. [af www.t24.is nánar þá hér]

Þetta er náttúrulega bara fyndið. Fyrrum eigendur að kaupa fyrirtækið  á mun hærra verði og á  sama tíma er fyrirtækið í djúpri kreppu.

Endilega lesa greinina á www.t24.is hún lýsir þessu vel

Uppsagnir hjá Sterling