Furðuleg þjóð!

Það eru um 11% sem treysta Bjarna Ben til að leiða þjóðina út úr kreppunni! En 33% sem segjast kjósa Sjálfstæðisflokkinn. Hverjir eru það í flokknum sem fólk hefur svona mikla trú á? Eru það:

• Árni Johnsen (ÁJ) 9. þm. Suðurk. Sjálfstfl.    Hefur sýnt sig hvaða siðferði hann hefur
• Ásbjörn Óttarsson (ÁsbÓ) 1. þm. Norðvest. Sjálfstfl.     Ég trúi því varla
  
• Birgir Ármannsson (BÁ) 11. þm. Reykv. s. Sjálfstfl.     Stuttbuxnaliði
  
• Bjarni Benediktsson (BjarnB) 2. þm. Suðvest. Sjálfstfl.   Þjóðin hefur sagt sitt álit á honum 
  
• Einar K. Guðfinnsson (EKG) 5. þm. Norðvest. Sjálfstfl.     Ég trúi því varla
  
• Guðlaugur Þór Þórðarson (GÞÞ) 5. þm. Reykv. s. Sjálfstfl.     Ég trúi því varla
  
• Illugi Gunnarsson (IllG) 3. þm. Reykv. n. Sjálfstfl.  formaður þingflokks SKiptir um skoðun eins og ég veit ekki hvað
   
  
• Jón Gunnarsson (JónG) 12. þm. Suðvest. Sjálfstfl.    Ég trúi því varla
  
• Kristján Þór Júlíusson (KÞJ) 4. þm. Norðaust. Sjálfstfl.   Sá sem ég hef mesta trúa á  
  
• Ólöf Nordal (ÓN) 2. þm. Reykv. s. Sjálfstfl.    Rökfastari en margir en gift yfirmanni Alcoa á íslandi
  
• Pétur H. Blöndal (PHB) 7. þm. Reykv. n. Sjálfstfl.    Hann er þó sjálfum sér samkvæmur
  
• Ragnheiður E. Árnadóttir (REÁ) 2. þm. Suðurk. Sjálfstfl.  varaformaður þingflokks Ekki eftirtektaverð
   
  
• Ragnheiður Ríkharðsdóttir (RR) 8. þm. Suðvest. Sjálfstfl.  1. varaforseti Held að hún sé ágæt
   
  
• Tryggvi Þór Herbertsson (TÞH) 9. þm. Norðaust. Sjálfstfl.     Maður sem sagði að allt væri hér í lagi 2006
• Unnur Brá Konráðsdóttir (UBK) 6. þm. Suðurk. Sjálfstfl.  6. varaforseti  Sáuð þið hana í Silfrinu 
  Þorgerður K. Gunnarsdóttir (ÞKG)  Hún lofaði góðu en lenti í Kaupþings raunum

Eru allir búnir að gleyma því hvað gerðist hér síðustu áratugi

Fylgi Sjálfstæðisflokks eykst

Um 10% af atvinnulausum að svindla

Þetta eru nú ekki góðar fréttir að það það skuli vera um 10% fólks sem hefur verið talið atvinnulaust hefur verið að þiggja bætur án þess að hafa rétt á því. Þetta er eitthvað sem við máttum ekki við núna.

Ef að allir þessir voru að fá fullar bætur þá svarar þetta til yfir 200 milljónum á ári eða meira úr sjóð sem er að verða tómur með þessu áframhaldi.

1100 af skrá vegna svika á atvinnuleysisbótum

-"Helvítis fokking fokk!"-

Þessi samtök LÍÚ eru gjörsamlega óþolandi!

Finnst það með ólíkindum hvað þessum samtökum er leyft að varað hér uppi. Það er alveg sama hvað ákveðið er að gera eða reynt nýtt, alltaf láta þeir eins og verði sé að slíta úr þeim hjartað. Eins þá er með öllu óþolandi að þessir menn hafi einkaaðgang að fiskveiðum hér án þess að þeir greiði eigendum auðlinarinar krónu í gjald fyrir það. En geta að sama skapi selt öðurm aðgang að sömu auðlind.

Misheppnaðar strandveiðar

Af hverju var Jón að leggja áherslu á þetta við útgerðarmenn

Í stað þess að vera að koma sér í mjúkinn hjá LÍÚ með því að láta þá vita að hann sé sammála í ESB umræðunni hefði hann átt að leggja áherslu á að kvótaeigendur ættu að fara að undirbúa sig fyrir að borga fyrir aðgang að auðlindinni. Jú eða lýsa því yfir að kvótaeigendur sem sannarlega veiða ekki 100% sjálfir af sínum kvóta yrðu að láta hann frá sér.  Og ekki yrði liðið að kvótaeigendur leigðu skip til að veiða fyrir sig gegn hlutdeild. Banna leigu á kvóta og fleiru þar sem menn eru sannarlega að græða á að selja örðum aðgang að auðlind sem þeir eiga ekki í raun.

Kominn tími til að kvótaeigendur fari að búa sig undir að þjóðin heimti arð af sinni auðlind. Það hefur sýnt sig að þeir margir kunna ekkert með hagnaðinn að gera. Þeir hafa notað hann í brask og fjárhættuverkefni sem ekki nýtist nú neinum. Og það er kominn tími til að fara að lækka í LÍÚ. Þeir hafa fengið að ganga allt of langt. Eins og fleiri hagsmunapotarafélög.

ESB-umsóknin þungbær

Örfáar spurningar til ASÍ

Nú þegar þið eruð komin í þetta líka ástríka samband við SA þá væri vert að fá svör hjá ykkur um eftirfarandi:

• Hafið þið látið svo lítið að kanna hvaða skatta og skyldur þessai álfyrirtæki borga í öðurm löndum? Áður en þið farið í barattu fyrir að koma í veg fyrir að þau taki þátt í uppbyggingu með okkur!
• Er öllu fórnandi til að fá þessa fjárfestingu?
• Ef að fyrirtæki sem reisa virkjanir koma erlendis frá þar sem laun eru lægri, væru þið þá í ljósi þess að gera vel við fjárfesta tilbúnir að semja um lægri laun fyrir Íslendinga til að tryggja að þeir fari ekki burt eða hætti við?
• Og hvað eigið þið við með að nú sé ekki rétti tímin til að huga að umhverfis og orkusköttum? Eru þið sem sagt að segja að þið séuð frekar tilbúinir til að láta þetta leggjast á ykkar félagsmenn í formi hærri tekjuskatta?
• Eru þið búnir að sjá tölur um hvað þessi gríðarlegu stóriðjur eru að skila í beinum sköttum til okkar.Þ.e. Þau greiða innan við 2 milljarða á ári?

"Gjaldárið 2008: Tekjuskattur 1.277 milljónir króna, tryggingagjald 419 milljónir; samtals 1.696 milljónir = 1,7 milljarðar.

Gjaldárið 2009: Tekjuskattur 1.335 milljónir króna, tryggingagjald 566 milljónir; samtals 1.901 milljónir = 1,9 milljarðar.

Þetta eru tölurnar fyrir: Alcan á Íslandi ehf., Alcoa á Íslandi sf.,  Alcoa á Íslandi ehf., Norðurál Grundartangi ehf., Norðurál ehf., Norðurál Helguvík ehf., Norðurál Helguvík sf. og Norðurál Helguvík Holding II ehf." (http://blog.eyjan.is/mordur/)

 

ASÍ: Ekki viðunandi grunnur

Djöfuls vitleysingar sem erum!

Ég hef verið bjartsýnn um að við sem þjóð náum að vinna okkur út úr þessari kreppu fljótlega. En nú er ég farinn að efast um það. Það eru finnst mér allir aðilar farnir að krefjast og heimta aðgerða sem miða að sama ástandi og var hér fyrir hrun.

• Skattar: Nú fara menn hamförum í að mótmæla hóflegum hækkunum á fyrirtæki og sér í lagi þau sem menga hér mest.
• Menn eru á móti öllum skattahækkunum þó menn viti að ríkið þurfi hærri tekjur
• Menn eru að mótmæla samdrætti í opinberum störfum en samt að mótmæla kostnaði við rekstur ríkisins
• Menn vilja ekki skattahækkanir á milli og hálaun.
• Menn vilja fá innspýtingu í byggingariðnaðinn þó að nú þegar séu til íbúðir sem duga næstu árinn. Og tómt iðnaðar og verslunarhúsnæði út um allt.
• Menn vilja fara að semja um að við getum haft hér halla á ríkisfjármálum lengur en við áætluðum í upphafi.
• Alveg sama hvað ríkið kemur með varðandi skuldir einstaklinga þá vill fólk meira. Alveg sama hvað það kostar ríkið.

Held stundum að fólk átti sig ekki á því að hér varð hrun. Og við það jukust sameiginlegar skuldir okkar sem við þurfum að borga á næstu árum. Það eru bara 2 leiðir fyrir ríkið:

• Skera niður í opinberum rekstri
• Auka tekjur sem eru skattar.

Í gær og dag er hægt að lesa um það að allir beinir skattar sem ríkið fær af öllum álverunum er nú 1,9 milljarðar. Eru menn að halda því fram að fyrirtæki sem velta upp undir hundrað milljörðum á ári geti ekki greitt umhverfis og auðlindagjald. Og ætlar einhver að segja mér að það stoppi t.d. varðandi Álveri í Helguvík? Það væri kannski þess virði að einhver kannaði á hvaða kjörum þessir fyrirtæki starfa í öðrum löndum t.d. varðandi orku og skatta. Og við höfum reynsluna eftir Kárahnjúka og Reyðarál að þessar framkvæmdir skapa tímabundina þenslu , verðbólgu og fólksflutninga, sem síðan þurrkast út á nokkrum árum. Og hvað á að gera þá?

Fer fólk ekki að átta sig á því að til að komast út úr þessu þurfum við að greiða upp skuldir. Við þurfum að hækka skatta sem við látum sem minnst lenda á  þeim sem lagast standa. Við þurfum að skera niður allt í opinberum rekstri sem við komumst af með en verjum sem mest grunnþjónustu. Við þurfum að gera þá kröfu að fyrirtæki sem í dag bera með lægstu sköttum í Evrópu borgi aðeins meira og við þurfum að gera þá kröfu að við sem eigum auðlindir landsins fáum af þeim beinar tekjur bæði orku og fisk. Þeir sem nýta það þurfa að borga okkur fyrir það. Síðna þurfum við að skapa okkur framtíðarsýn og vinna markvisst að henni. Hætta að trúa og treysta á einhverjar patentlausnir sem einhverjir misvitrir álitsgjafar og stjórnmálamenn sletta fram án þess að það hafi verið kannað að nokkru viti. Aðeins til að kaupa sér vinsældir.

Ágreiningur í skattamálum

Já Bjarni eins og við vorum dugleg að hjálpa þeim í sinni kreppu!

Mönnum væri kannski nær að skoða hvernig við höfum staðið okkur í að hjálpa öðrum! Það hefur komið upp kreppa hjá öllum þessum norðurlandaþjóðum nema Dönum af því þeir voru í ESB.

Buðum við þeim aðstoð á þeim tíma? Held ekki! Hér grenja margir yfri þeim milljónum sem við notum í þróunaraðstoð. En svo kvarta menn yfir að aðrir skuli setja skilyrði fyrir að aðstoða okkur með lánsfél

Og eins þá hafa þessar þjóðir bent á að helsta hjálp sem við þurftum var að einhverjir aðstoðuðu okkur að komast út úr þeirri vitleysu sem við vorum komin í. Hvað hefðu menn gert ef við hefðum fengið þessi lán öll skilyrðislaust. Menn hefðu farið í að heimta hér óbreytt ástand og notað lánin til að fjármagna það.

Og það er ómögulegt að þingmenn héðan fari um heiminn og helli sér yfir þjóðir sem þó eru að hjálpa okkur núna. Hann er sennilega búin að gleyma að það voru Svíar sem fengu önnur norðurlönd til að koma með að þessum lánapakka til okkar.

Ísland stóð eitt í hvirfilbylnum

Er ekki alveg að skilja SA og ASÍ

Eru menn sem sagt að hóta hverju? Að ef ríkísstjórnin leyfi ekki Helguvík á stundinni og taki völdin af Seðlabankanum varðandi vextin þá hvað? Ælta þessir aðilar þá að keppast við að koma hér öllu til andskotans?  Og fyrir hverja er það? Er þetta einvhver lausn á málum í dag? Hafa þeir t.d. skoðað hvaða áhrif það hefur að aðra uppbyggingu að setja svona framkvæmdir á fullt? Nú þegar erfitt er um fjármagn eru ekki líkur á því að þetta leysi kannski aðeins úr atvinnuleysi á Reykjanesi en valdi enn meiri vandræðum annarstaðar? Og hvaða vitleysa er það í ASÍ að fara að verja kvótakerfið?

Stjórn SA fundar í hádeginu

Hvernig skýra menn þetta?

Bíddu skv. bloggurum eru hér fleiri tugir þúsunda manna gjörsamlega ekki að ráða við lánin sín og á leið í gjaldþrot og Stöð 2 og Lóa Pind kynda undir þetta. Og allt er það ríkisstjórninni að kenna. En viti menn:

 

"Samkvæmt nýrri skýrslu Seðlabanka Íslands um fjármálastöðugleika er greitt með eðlilegum hætti af 85-90% allra fasgteignalána " 

Fólk hefur keppst við að tala hér um að ekkert sé að gerast og ríkisstjórnin ekki að standa sig! Hér séu tugþúsund fjölskyldna séu komnar í gjaldþrot og hér verði skriður af gjaldþrotum á næstu mánuðum. Reyndar byrjuðu menn á þessu sl. vor. Þá áttu þetta að skella hér á með haustinnu.

Þetta sýnir bara hysteriuna hér á landi. Það hefur verið svo að ríkisstjórnin hefur verið að koma með fullt af lausnum á skömmum tíma og nú hyllir undir varanlegri lausnir.

Hér voru menn líka síðasta vetur að spá 15 til 20% atvinnuleysi á þessu ári en hver er svo reyndin það er um 7,5% atvinnuleysi. Held að fólk ætti nú kannski að fara að sýna stjórnvöldum meiri samstarfsvilja til að flýta því að við komumst á fæturna aftur. Og sér í lagi þeir sem kreppan hefur hitt verst fyrir.

Greitt með eðlilegum hætti af meginþorra íbúðalána