6. mars 2010

Hef verið á því frá upphafi að tap okkar vegna frestunar sé meira heldur en að við þurfum hugsanlega að borga af Icesave. Enda treysti ég á að við fáum aukalega þau kjör sem verið er að semja um núna.

Óformleg samskipti við Breta

Mér líka illar við svona form á könnunum og það má lesa mismunandi úr þeim

Þegar skoðað er með svona möguleikum Þá má lesa úr þessari könnun að

9% eru alfarið hlynt aðild að ESB

7% mjög hlynt aðild að ESB

14% frekar hlynt aðild að ESB

10% er sama um aðild að ESB

14% eru freka andvígir

11% eru mjög andvígir

28% er alfarið á móti inngöngu í ESB

Þetta segir mér að t.d. að það eru aðeins um rúmlega 53% sem eru á móti og 14% af þeim eru svona frekar á móti sem gæti nú breyst þegar að samningur liggur fyrir . Þannig að meintur mikli meirihluti þjóðarinnar sem er alfarið á móti er minni en látið er að liggja.

En afhverju er ekki spurt bara ef að viðunandi samninga nást við ESB ert þú:

• Með inngöngu í ESB
• Á móti inngöngu í ESB
• Óviss

Meirihlutinn á móti ESB-aðild

Ekki vilja framsóknarmenn breyta neitt um stefnu í Kópavogi

Nú í þessu prófkjöri höfðu Framsóknarmenn öll tækifæri á að breyta eitthvað til. EN nei það á að keyra á Ómari áfram. Fólk er varla búið að gleyma að Ómar hefur verið bæjarfulltrúi síðastliðin tvö kjörtímabil og er formaður bæjarráðs á yfirstandandi kjörtímabili. Honum bauðst eftir síðustu kosningar að mynda stjórn með Samfylkingu og Vg en kaus að starfa áfram með Gunnari. Og sem formaður bæjarráðs átti honum að vera fullkunnugt um þau mál sem hafa nú dunið á Gunnari. En hann gerði ekkert í þeim fyrr en að þessi mál komust í fjölmiðla á síðsta ári.

Og þennan mann vilja Framsóknarmenn sem oddvita sinn i næstu kosningum! Þegar þeim bauðst t.d. Gísli Tryggvason sem ég veit að var t.d. mjög vel liðinn sem framkvæmdarstjóri BHM og hefur síðustu ár verið talsmaður Neytenda. En nei þeir vildu ekki sjá hann sem oddvita.

Jæja verði þeim að góðu!

Ómar efstur í Kópavogi

Hvernig væri nú að þetta fólk segði frekar hvað það vildi gera?

Fólk mætir þarna á Austurvöll og barmar sér og talar um vonlaus stjórnvöld sem gera ekkert. Fólk ýkir og segir að það sé verið að bera fólk út úr íbúðum í tuga eða hundruða, jafnvel þúsunda tilfella. En svo við sem fylgjumst aðeins með vitum að það er búið að fresta öllum nauðungarsölum og nú fram á haustið.

Minni fólk að hér hafa nauðungarsölur tíðkast um aldir. Fólk hefur verið borið út úr íbúðum sínum um aldir vegna skulda. 

Síðan talar fólk um hækkanir á lánum vegna verðtryggingar! Halló á árunum 1995 til 1991 var hér verðbólga sem fór upp í 80 til 100%. Fólk lifði það nú af. Ýmsir misstu íbúðir sínar þá. Ég m.a. gafst upp á 2 íbúðum og kom út úr öllu dótinu með skuldir á mér sem ég er nú loks að klára.  Það er ekki eins og verðtrygging og verðbólga sé eitthvað nýtt.

En það sem væri ágætt að Nýtt Ísland segði okkur varðandi nokkur atriði:

• Hvað vilja þeir að ríkisstjórnin geri?
  • Hverjir eiga að borga það?
  • Hverjir eiga að njóta þess?
  • Hvernig á að framkvæma það?

• Hvaða áhrif hafa aðgerðinar
  • Hrynja bankarnir aftur?
  • Þarf ríkið að borga og þá með hvað peningum?
  • Þarf að skera hér enn meira niður til hrynda þessum hugmyndum í framkvæmd?
  • Þarf að hækka skatta enn meira?

Og þar sem að m.a. Icesave er sannarlega að tefja hér alla endurreysn, af hverju eru þessi samtök ekki að berjast fyrir því að þetta mál sé klárað? Því fyrr sem endurreisn hefst hér þá aukast umsvif fólk fær hærri tekjur, fær atvinnu og hefur því auknar tekjur til að koma sér út úr þessum vandamálum.

Ég held að nauðsynleg lög núna séu að í framtíðnni megi enginn veðsetja íbúðarhúsnæði meira en 70%. Það er ekki hægt að treysta íslendingum til að fara með fjármuni. Ef að fólki bíðst lán þó varað sé við því ríkur fólk af stað. 

Ég gerði þetta og brendi mig á því. Nú bý ég í kaupleiguíbúð (búseta) og borga 92 þúsund fyrir á mánuði. Og inn í því er Hiti, þryf á sameign, fasteignargjöld, afborganir af lánum, tryggingar og viðhaldssjóðir sem sjá til þess að það safnast upp fyrir eðlilegu sliti á tækjum og gólfefnum og viðhaldi utanhús. T.d. var verið að skipta um rúður hjá mér án kostnaðar fyrir mig.

Þessi staða er flott fyrir mig sem hef sýnt að ég réð ekki við gylliboð um hærri lán hér áður fyrr. 

Síðan er það kafli út af fyrir sig að fara um hverfi og vekja þar saklaust fólk með látum. Algjörlega út í hött.

Vöktu Steingrím J. Sigfússon

Þorsteinn gefur Sjálfstæðismönnum og Framsókn á kjaftinn!

Þorsteinn Pálsson gefur Framsókn og Sjálfstæðismönnu hressilega á kjaftinn í pisli í Fréttablaðinu í dag.  Þar segir hann m.a.

Einhverjir í bandaríska stjórnkerfinu sáu ástæðu til að leka minnisblaði sem sendifulltrúi þess hér hafði skrifað eftir samtöl við nokkra diplómata í utanríkisþjónustunni. Minnisblaðið vakti athygli fyrir tungutak. Stundum er nauðsynlegt að diplómatar noti annað tungutak en lærist í forskriftarbókum hefðarsiðfræðinnar.

Þetta minnisblað hefði hins vegar átt að vekja umræðu um aðra og alvarlegri hluti en tungutak. Birting þess afhjúpar á afar einfaldan hátt pólitíska einangrun Íslands í samfélagi þjóðanna. Hún rifjar upp þá nöpru staðreynd að fulltrúar Seðlabankans gengu bónleiðir til búðar í Seðlabanka Bandaríkjanna fyrir tveimur árum. Á sama tíma fengu seðlabankar annarra Norðurlanda bæði áheyrn og úrlausn.

Ástæðan er ekki sú að umheimurinn hafi snúist gegn Íslandi og gert Íslendinga að óvinum sínum. Við þurfum að líta í eigin barm og spyrja hvort rétt stöðumat hafi ráðið afstöðu okkar til alþjóðasamskipta á liðnum áratug. Það á bæði við um Bandaríkin og Evrópu.

Og hann heldur áfram:

Það er oflátungsháttur að halda að með einu samtali sé unnt að stilla öðrum þjóðum upp við vegg þegar allt er komið í óefni og sagt þeim að koma til bjargar. Skilningur á sérstökum aðstæðum byggist aðeins upp með langvarandi gagnkvæmum samskiptum þar sem báðir aðilar leggja sitt af mörkum.

Aðeins með því að rækta þann jarðveg varðveitum við raunverulegt fullveldi þjóðarinnar í alþjóðasamfélaginu. Endurreisnin kallar á endurmat á því hvernig við nálgumst utanríkispólitísk viðfangsefni. Við þurfum að koma ár okkar betur fyrir borð á ný.

Og eins og ég hef sagt er þetta ein af megin ástæðum þess að okkur er lífsnausynlegt að sækja um aðild að samfélagi þjóða í Evrópu.

Times: Hætta á einangrun Íslands

Icesave í höndum stjórnaranstöðunar er að kosta okkur hundruð milljarða

Það er nokkuð ljóst að sú kyrrstaða sem icesave deilurnar hafa orsakað hafa kostað okkur gríðarlegar upphæðir. Menn hafa áætlað að endurreisn efnahagslífsins hafi tafist um allt að 6 mánuði. Hagfræðingur hefur átætlað að kostnaður okkar fyrir hvern mánuð sem þetta dregst séu um 75 milljarðar til framtíðar. Svo það er hægt að segja skv. þessu að máið sé farið að kosta okkur hundruð milljarða nú þegar umfram það sem við getum náð út úr samningum um að bætt greiðslu kjör á Icesave. Enda ljóst að við borgum þessar skuldir hvernig sem við hugsum þetta.

Það er með öllu ófært að fulltrúar 2 flokka sem eru fulltrúar minnihluta þjóðarinnar haldi þessu máli áfram í gíslingu. Þetta er mál sem við þurfum að koma frá okkur jafnvel þó það kosti einhverja milljarða meira. Því að tapi sem við verðum fyrir núna þessar vikurnar og mánuði er gríðarlegt og eins að við náum okkur ekki aftur af stað fyrr en þetta er afgreitt.

Bendi á ágæta grein í Fréttablaðinu eftir  Óla Kristján Ármannsson: Þar sem hann segir m.a.

Full ástæða virðist til að efast um vilja sumra þeirra sem hæst hafa talað gegn Icesave-samningunum til að komast að nokkurri niðurstöðu í málinu. Í það minnsta þykir undirrituðum ljóst að náist ekki niðurstaða á þessum dögum sem til stefnu eru fram að þjóðaratkvæðagreiðslu þá sé vandséð að stjórnmálaleiðtogar landsins geti nokkurn tímann komið sér saman um að ljúka málinu.

Í komandi þjóðaratkvæðagreiðslu gefst fólki fágætt tækifæri til að taka málið úr höndum misviturra stjórnmálamanna og leiða það til lykta með því að staðfesta lögin sem Alþingi setti í desemberlok. Vandséð er að einhver vaxtaprósentuábati fái vegið upp þann skaða sem frekari töf veldur.

Væri ekki óskandi að fólk reyndi að kynna sér þetta mál sjálf. Skoða lögin og reglurnar. Hætta að láta Sigmund, Davíð og Indefence mata sig á óáreiðanlegum upplýsingum. Mæta svo og snúa á þá og samþykkja Icesave 2 því Bretar og Hollendingar miða við þann samning þega þeir bjóða okkur nú mun betri kjör.

Yfir fimmtán hundruð hafa kosið um Icesave

Og allir saman nú: "Húrra húrra húrra!"

Þetta er nú nýr áfangi í baráttu okkar fyrir því að verða almennt í ruslflokki eins víða og við getum. Til hamingju Indefence og vinir ykkar í framsókn. Bendi á fyrri færslur mína síðan í í dag m.a. um herkostnað stjórnarandstöðu og indefence. Þar sem ég m.a. segi.

Óvissan um lyktir Icesave málsins hefur þannig seinkað efnahagsbatanum að minnsta kosti um hálft ár. Atvinnuleysi mun einnig aukast um tvö prósentustig og ná hámarki á næsta ári.

„En á bak við þessi tvö prósentustig erum við að tala um 3.500 manns þannig að þetta er verulega mikið áhyggjuefni og mikilvægt að allt sé gert til að koma í veg fyrir það að þessi spá gangi eftir," segir Ólafur Darri Andrason, hagfræðingur ASÍ.

"Og ef að síðan er lagt við þetta sú spá að hver mánuður hér í kyrrstöðu og seinkun á efnahagsbata kosti til lengri tíma um 75 milljarða á mánuði þá má segja að herkostnaður Indefence og stjórnarandstöðunnar sé búinn að kosta okkur um 420 milljarða til lengri tíma. Áætlaður kostnaður okkar eftir nýjustu tilboð Breta og Hollendinga er um 150 til 250 milljarðar . Var áður um 200 til 300 milljarðar. Þannig að það er hægt að segja raunverulegt tap okkar til lengri tíma á þessu kjaftæði og drætti á að ganga frá Icesave séu kannski  150 til 250 milljarðar í dag. Og svo bætist við fyrir hvern mánuð sem líður til viðbótar" Úr fyrri færslu

En ég veit að allir bloggarar hér fagna þessu og tala eins og við séum í einhverju stríði við Hollendinga og Breta. Ef það er rétt hjá þeim er þeim hollt að gera sér grein fyrir að stríð kostar og óvart erum við sem berum allan kostnaðinn hvernig sem Icesave fer. Það er á okkur sem allar tafir á endurreisn bitna á.

En bloggarar almennt sitja eins og sauðir og horfa í aurinn á meðan við eyðum krónum í stríð sem við vinnum aldrei. Og svo er talað um alla vondu útlendingana sem allir eru að ráðstafa á okkur sem gerðum ekkert af okkur nema að leyfa banka að stela fullt af innistæðum frá sumum viðskiptavinum Landsbankans.

Ísland á leið í ruslflokk

Eins gott að Indefence er á leiðinni til Hollands :)

Þessir strákar í áhugamannafélaginu Indefence eru búnir að telja þjóðinni trú um að það sé ekkert mál að redda þessu. þeir segja m.a. á síðunni sinni:

Íslendingar standa ekki einir

Núverandi Icesave samningur með viðaukasamningnum sem samþykktur var af Alþingi Íslendinga þann 30. desember er ótækur fyrir Íslendinga. Financial Times hefur líkt honum við skuldafangelsi.

Í kjölfar þess að forseti Íslands synjaði lögunum staðfestingar þann 5. janúar s.l. hefur skapast meðbyr erlendis með málstað Íslendinga sem ekki hefur áður sést í Icesave málinu.

Leiðandi fjármálablaðamenn og fjölmiðlar erlendis, t.d. Martin Wolf viðskiptaritstjóri Financial Times, hafa lýst eindregnum stuðningi við málstað Íslands.

Virtir erlendir sérfræðingar m.a. í skuldaaðlögun ríkja, hafa lýst áhyggjum af núverandi Icesave samningi og tekið skýrt undir sjónarmið Íslendinga í málinu. Meðal þeirra má nefna Sweder van Wijnberger prófessor og ráðgjafa hollenska fjármálaráðuneytisins, Ann Pettifor sem starfað hefur við skuldaaðlögun Afríkuríkja um áraraðir og Lee Buchheit, einn virtasta fjármálalögfræðings heims.

Ýmis alþjóðleg samtök styðja málstað íslendinga, enda á baráttan gegn því að almenningur taki á sig skuldir einkafyrirtækis sér marga málsvara um allan heim.

Lettland hefur lýst opinberum stuðningi við Ísland í Icesave málinu og virtir erlendir stjórnmálamenn hafa lýst áhuga á að aðstoða Ísland í deilunni, m.a. forseti Eistlands.

Stjórnmálaöfl í Noregi hafa lýst því opinberlega yfir að þau styðji Íslendinga og að þau hyggist berjast fyrir auknum skilningi og aðstoð við málstað Íslendinga, bæði í Noregi og á hinum Norðurlöndunum, og á vettvangi Alþjóða gjaldeyrissjóðsins. Norsk stjórnvöld hafa lýst því yfir að þau telji að Icesave málið skuli ekki tengt efnahagsáætlun Íslands.

Það er því rangt sem sumir hafa haldið fram að málstaður Íslands í Icesave deilunni njóti hvergi stuðnings í alþjóðasamfélaginu.

Nauðsynlegt er að nýta þennan meðbyr og vinna að nýrri lausn, sem byggir á lagalegum, og efnahagslegum staðreyndum málsins.

Furðulegt að "allir" þessir vinir þeirra hafi ekki reddað okkur. Minni svo á fyrri færslu mína um herkostnað okkar af málflutningi Indefence og framsóknar. ASÍ sammála mér um áhrif þess að leysa ekki Icesave! Þar tel ég að megi færa rök að því að þessar tafir og vitleysa varðandi Icesave kosti okkur til lengri tíma fyrir þessa 6 mánaða töf 250 til 400 milljarða umfram það sem við svo þurfum að borga

Telja litlar líkur á samkomulagi

ASÍ sammála mér um áhrif þess að leysa ekki Icesave!

Í frétt á www.visir.is segir m.a.

Óvissan um lyktir Icesave málsins hefur þannig seinkað efnahagsbatanum að minnsta kosti um hálft ár. Atvinnuleysi mun einnig aukast um tvö prósentustig og ná hámarki á næsta ári.

„En á bak við þessi tvö prósentustig erum við að tala um 3.500 manns þannig að þetta er verulega mikið áhyggjuefni og mikilvægt að allt sé gert til að koma í veg fyrir það að þessi spá gangi eftir," segir Ólafur Darri Andrason, hagfræðingur ASÍ.

Og ef að síðan er lagt við þetta sú spá að hver mánuður hér í kyrrstöðu og seinkun á efnahagsbata kosti til lengri tíma um 75 milljarða á mánuði þá má segja að herkostnaður Indefence og stjórnarandstöðunnar sé búinn að kosta okkur um 420 milljarða til lengri tíma. Áætlaður kostnaður okkar eftir nýjustu tilboð Breta og Hollendinga er um 150 til 250 milljarðar . Var áður um 200 til 300 milljarðar. Þannig að það er hægt að segja raunverulegt tap okkar til lengri tíma á þessu kjaftæði og drætti á að ganga frá Icesave séu kannski  150 til 250 milljarðar í dag. Og svo bætist við fyrir hvern mánuð sem líður til viðbótar

Og munurinn er sá að kostnaður sem seinkun á efnahagsbatanum lendir á okkur núna og næstu ár. Afborganir af Icesave lánum hefði ekki orðið fyrr en 2016 og næstu ár þar á eftir.

Og versta við þetta er að ASÍ telur að ríkið verði að mæta þessum seinkunum með enn meiri niðurskurði ef að aðrar áætlanir eiga að standast.

Segir viðræður enn í gangi

Og enn fagna menn!

Veit ekki alveg hverju menn eru að fagna við það að samninganefnd okkar gengur út. Finnst eins og menn hér álíti að atkvæðagreiðslan 6 mars skipti einhverju máli og við verðum fræg um allan heim. En hverju skilar hún okkur?

• Bretar og Hollendingar eru búnir að bjóða okkur betri kjör en þar er kosið um
• Deilan verður alveg jafn óleyst
• Við erum ekki að kjósa um hvort eigi að borga eða ekki.
• Ríkisábyrgð okkar er bundin í lögum frá því sumar (Icesave 1)

Kannski að við náum að gera Breta og Hollendinga reiða aftur og Jíbbý þá verður gaman hjá okkur að hugsa út hér á blogginu hvað þeir gera næst. Kannski fara þeir að innheimta upp í skulir.  Þeir geta líka beðið og horft á okkur velta okkur upp úr þessu máli næstu ár og tapa milljörðum á milljarða ofan vegna þess að hér verður algjör kyrrstaða

Íslendingar sagðir hafa gengið af fundi