Leita í fréttum mbl.is

Bloggfærslur mánaðarins, mars 2010

Tvískinnungur Íslendinga!

Hef verið að lesa blogg nú síðustu mánuði þar sem við erum að kvarta og kveina yfir hvað Norðurlönd eru ómerkilega að lán okkur ekki nema að við göngum frá Icesave og segja að þær þjóðir séu að ganga á bak sinna orða. Það er að þau hafi verið búin að lofa að lán okkur en séu að svíkja það. En hvað eru menn hér á blogginu að segja um Icesave? Þ.e. við vorum búin að samþykkja að greiða Innistæður upp að 20.88ö evrur en nú eru menn að segja að við þurfum ekkert að standa við  þau loforð.

Og finnst fólk það skrítið að þessi lönd séu treg að lána okkur áður en gengið er frá Icesave? Held að nokkrir bankar þeirra séu með útibú í örðum löndum. Og erlendir bankar með útibú hjá þeim. Ef að óvissa skapast um hvort að innistæður séu tryggðar er ekki líklegt að það verði gert áhlaup á bankanan og allar innistæður teknar út?


mbl.is Vilja lána óháð Icesave
Tilkynna um óviðeigandi tengingu við frétt

Spurning til Vinstri grænna?

Hef svona verið að velta fyrir mér hvernig þið hafið hugsað ykkur að byggja hér upp samfélag sem staðið getur undir góðum lífsskilyrðum í framtíðinni? Sem og að koma okkur út úr kreppunni?

Svona bara til að byrja með:

  • Vg leggst gegn uppbyggingu heilbrigðisþjónustu á Miðnesi
  • Gegn álveri í Helguvik
  • Gegn álveri á Bakka
  • Gegn stóriðju svona almennt
  • Gegn þessum æfinga herþotum á Keflavíkurflugvelli
  • Gegn AGS samvinnu
  • Gegn ESB viðræðum og aðildarumsókn
  • Gegn samningum um Icesave

Svona mætti lengi telja. Ég vissulega er ekki hrifinn af mörgu þessara mála en finnst að flokkur sem er í ríkisstjórn verði þá að koma með einhverjar raunhæfar lausnir sem tekur ekki áratugi að skila árangri.

Vinna með sprotafyrirtæki og frumkvöðla er náttúrulega fín en það er ekki víst að þetta skili okkur nokkru að ráði fyrr en eftir fjölda ára. Ég man að Össur var bara lítið fyrirtæki í mörg ár og eigandinn og hönnuður vinnandi þetta að mestu einn. Þannig er það með mörg sprota fyrirtæki að þau skila litlu sem engu í byrjun.

Finnst að menn verði nú að hugsa til nánustu framtíðar og gera einhverjar málamiðlanir. Annars verður hér engin viðsnúningur og kreppan á eftir að vara hér lengur og lífskjör hér að falla varanlega.

Ef það er það sem Vg vill þá eiga þeir að koma fram og segja það strax! Vera heiðarleg. Þ.e. að þeir telji að fólk eigi að temja sér nýjan lífstíl þar sem hlutir eins og menning, æðri menntun og fleira verður munaður því að ríkið getur ekki stutt það til lengdar ef að tekjur þess og þjóðfélagsins falla til framtíðar.


mbl.is Hafna algerlega her í Keflavík
Tilkynna um óviðeigandi tengingu við frétt

Ekki viss um að allir taki eftir þessu í fréttinni um ræðu Strauss Kahn

Ef við kíkjum aðeins á þessa frétt þá segir Strauss Kahn þarna eins og ég hef verið að segja: að því miður áttum við að hafa eftirlit með útibúum okkar banka erlendis. Eða eins og segir í frétt um sama mál á ruv.is

Sagði hann að þær reglur væru nú gagnrýndar eftir hrun banka í kreppunni væru helst að bönkum og fjármálafyrirtækjum hafi verið leyft að starfa utan heimalandsins og það með nokkuð auðveldum hætti. Bankar hefðu síðan þá lent í vandræðum og íslenska bankahrunið 2008 sorglegt dæmi um slíkt. Annað slíkt hrun mætti ekki eiga sér stað. Reglur sem leyfðu stofnun bankaútibúa erlendis væru þó ekki vandinn heldur eftirlitið og að það væri bunið við heimalandið. Þannig vantaði yfirsýn á starfsemi banka og því erfitt að greina kerfisáhættu. Sum fyrirtæki hafi skyndilega verið orðin það stór að illmögulegt var að bjarga þeim þegar í óefni hafi verið komið.

Strauss-Kahn sagði skattgreiðendur sitja eftir í súpunni en þeir væru fórnarlömb slakrar kreppustjórnunar og regluverks sem gætti ekki hagsmuna þeirra. Þörf væri á evrópskri eftirlitsstofnun með víðtækt umboð og heimildir til að grípa inn í rekstur þeirra banka sem störfuðu utan heimalandsins og væru í vanda.

Það sem hann er segja er það að þó regluverkið hafi reynst gallað þá var ábyrgð heimalands á útibúum bankana erlendis. Og eins þá hafi eftirlitskerfið okkar ekki ráðið við eða gert sér grein fyrir útþenslu bankana og hversu stórir þeir voru. Og um alla Evrópu eru skattgreiðendur að súpa seiðið af slöku eftirliti og úrvinnslu. Við gleymum því oft að flestar þjóðir hafa eins og við þurft að setja gríðarlegar upphæði í bankakerfi sín líka sem óvíst er að komi til baka hjá þeim. Þær hafa bara ólíkt okkur ráðið við það án þess að grípa til neyðarlaga.

 


mbl.is Hið sorglega dæmi frá Íslandi
Tilkynna um óviðeigandi tengingu við frétt

Og eru þetta fréttir?

Furðulegt ef að Morgunblaðið telur þetta fréttir. Þeir hefðu kannski átt að taka með í dæmið hvernig Sjálfstæðisflokkurinn vann að þessu Icesave samningum á fullu fram til kosninga en snérust svo þegar þeir afsöluðu sér allri ábyrgð af þessu við stjórnarskiptin. Það hefur nú iðulega verið vitnað í ræðu Bjarna Ben á þingi þann 5 des 2008 sem gekk út á að samningaleiðin væri best því að aðrar leiðir fælu í sér miklar hættur.

Ætli staðreyndin sé ekki sú að þegar Steingrímur kom í ráðuneytið þá sá hann og sagði að hann þyrfti sem ráðherra að framkvæma ýmislegt sem hann hefði staðið gegn. Því að aðrar leiðir byðust ekki í leysa úr brýnum málum.


mbl.is Steingrímur skiptir um skoðun
Tilkynna um óviðeigandi tengingu við frétt

Afskriftir hafa allaf verið skattskyldar - Því er einmitt verið að breyta

Finnst þessi fréttaflutningur með afbrigðum. Mogginn kemst í einhver drög að frumvarpi og blæs þetta út.Afskriftir hafa alltaf verið skattskildar. Því afskriftir þýða í raun að verið er að færa skuldurum peninga með því að færa niður skuldir. 

Í lausnum ríkisstjórnar frá því í fyrradag stendur:

7. Skatturinn spilar með Endurskoðaðar reglur um niðurfellingu skattkrafna:  

  • Skatturinn tekur þátt í sértækri skuldaaðlögun og í frjálsri greiðsluaðlögun.  Frumvarp væntanlegt um skattlagningu niðurfellinga skulda:  
  • Hóflegar skuldbreytingar skattfrjálsar. 
  •  Stórfelldar niðurfellingar skattlagðar.

 

Á www.ruv.is  má lest þetta


Minni afskriftir skattfrjálsar


Steingrímur J. Sigfússon Mynd: Getty Images.
Afskriftir af húsnæðis- og bílalánum verða að hluta skattfrjálsar samkvæmt hugmyndum sem fjármálaráðherra kynnti ríkisstjórninni í morgun. Ætlunin er þó ekki að efnafólk fái stórfellda niðurfellingu skatta.

Eftirgjöf skulda er skattskyld samkvæmt núgildandi lögum rétt eins og venjulegar tekjur enda batnar staða skuldarans. Á þessu vill fjármálaráðherra taka og samkvæmt drögum að nýju frumvarpi verða þessar afskriftir skattfrjálsar fari þær ekki yfir ákveðna upphæð. Síðan myndast skattskylda í þrepum allt eftir því hversu miklar afskriftirnar eru. Svipuðu kerfi á síðan að koma á varðandi fyrirtæki. Hugmyndirnar er enn í mótun og endanlegar tölur og hlutföll liggja ekki fyrir.

 Og minni fólk aftur á að drög að frumvarpi er ekki frumvarp til laga fyrr en það hefur verið lagt fyrir Alþingi. Drög eru bara vinnugagn.


mbl.is Afskriftir verða skattlagðar
Tilkynna um óviðeigandi tengingu við frétt

Fyrirsögn fréttarinnar segir allt um þetta mál!

„Langt gengið eða skammt?"

Það er gjörsamlega ófært að bjarga öllum eða gera öllum til hæfis. Menn eru tilbúnir að dæma aðgerðir vonlausar fyrirfram. Menn eru eru algjörlega búnir að fyrra sig nokkurri ábyrgð á því að hafa tekið lán. Jafnvel þeir sem áttu ekkert fjármagn til að kaupa í upphafi og hefðu hvort eða er misst húsnæði sitt eftir nokkur ár þó ekkert hrun hefði orðið. Menn láta nú eins og fólk hafi aldrei hér á landi misst húsnæði sitt á nauðungaruppboð. En svona til upprifjunar hefur fólk lent í þessu hér oft áður. Ég persónulega hef ekki misst íbúðir á nauðungaruppboð en 2x þurfti ég að selja þar sem ég hafði farið óvarlega með peninga og lenti í að kaupa þegar verðbólga var hér 80% 1989. Ég lifði þetta nú af og koma mér í búsetukerfið þar sem séreignakerfið átti ekki við mig. Ég sé fram á að nú um 15 árum eftir að ég hætti í að reyna að kaupa mér íbúð verð ég búin að borga síðustu skuldirnar af íbúðakaupa ævintýrum mínum. En ég hef síðustu ár haft það fínt. Viðráðanlega greiðslubyrgði

En ég fer að hafa áhyggjur af því að hér sé stór hópur sem reyni ekki einusinni að bjarga sér. Heldur þrammi niður á Austurvöll á laugardögum í stað þess að fara í bankana, íbúðarlánasjóð og önnur lánafyrirtæki og kanni almennilega hvað sé í boði fyrir þau til að létta greiðslubirgði sína núna. Fólk er allt í að bíða efti því að Ríkið reddi þeim og svo framvegis. Og svo þegar nú koma úrræði þar sem á að hjálpa fólki í verulegum vandræðum þá kemur allur hinn hópurinn sem getur vel staðið við skuldbindingar sínar og segir að aðgerði ríkisstjórnarinnar bitni á þeim sem geta staðið í skilum en þurfa að sleppa þá einhverju öðru.

Bendi fólk líka á að ef það verður svona í framtíðinni að allar sveiflur á gengi, verðbólgu og fleiru á að lenda á þeim sem lánar eingöngu þá verða engin lán nema með háum vöxtum og kostnaði. Því hver vill lána penginga til lengri tíma ef að allar breytingar á ytri aðstæðum leiðir til að peningar hans rýrna.

Það verður að finna lausnir sem henta flestum og gefur fólki möguleika á að vinna úr sínum málum. Auk þess sem að setja þarf fram Lyklafrumvarp þannig að ekki sé hægt að ganga að öðru hjá fólki en þvi veði sem eru fyrir láninu.

Það sem ég er að segja að það er hópur sem verður ekki bjargað öðruvísi en að bjóða þeim að komast í annað kerfi eins og kaupleigu kerfið


mbl.is Langt gengið eða skammt?
Tilkynna um óviðeigandi tengingu við frétt

Það væri nú gaman ef að þetta fólk gæti nú ákveðið sig.

Þetta sama fólk kvartaði hástöfum yfir hugmyndum Árna Páls vegna bílalána. Þetta ætti að bíða þar til að hæstiréttur er búinn að úrskurða. En hafa þessir menn velt því fyrir sér ef hæstiréttur segir að þessi lán séu lögleg?

  •  Ekkert er þar að finna um flýtimeðferð á þeim málum sem bíða úrlausnar Hæstaréttar.
  • Ekkert er þar að finna um hugmyndir einstakra þingmanna um svokallað lyklafrumvarp.
  • Ekkert er þar að finna um hugmyndir einstakra þingmanna um lækkaðan fyrningartíma gjaldþrots einstaklinga úr 10 árum í 4.

Veit ekki með þetta. Hvað á ríkistjórn að gera með flýtimeðferð? Á hún að taka völdin af hæstarétt? Veit ekki hvað menn kalla það að geta skilað annarri eigninni ef menn sitja uppi með 2 eignir. Ég sé það sem ákveðið þrep upp í "skila lyklum" leiðina.

Held að það væri þá lítið mál fyrir þingmenn að leggja frumvarp fram um lækkaðan fyrningartíma gjaldþrots. Sé ekki að ríkisstjórnin þurfi að gera þetta allt.

Síðan skauta þau alveg yfir ýmsa kafla eins og umboðsmann skuldara og fleira og fleira. Það er stundum eins og fólk sé búið að gleyma t.d. varðandi erlend lán að þau tóku þau þrátt fyrir að fólk væri varað við þeim af mörgum. Bankarnir spiluðu með í þessu en fólk var að sjá fyrir sér stórgróða vegna vaxta og að gengi krónunnar var hátt. Þau voru ekki þvinguð til að taka þessi lán. Það var varðað við að sveiflur í gengi gætu orðið rosalega og minnt á að krónan gæti falli hratt og væri yfirspennt.

Nú er verið að reyna að koma þessu fólki til aðstoðar og það svarar bara með skít og skömm. Hefðu þessir aðilar ekki t.d. getað fagnað þessum aðgerðum ríkisstjórnarinnar en bent á að það væru nokkur atriði sem Alþingi þyrfti að skoða betur. Nei það þarf að koma með svona yfirlýsingar:

Samtök lánþega harma máttleysi stjórnvalda við að taka á vandanum sem steðjar að íslenskum heimilum og hvetja ríkisstjórnina til að sýna mátt til að fara að þeim lögum sem þegar eru sett í landinu.

Og eins :

Yfirlýsing sú sem ríkisstjórnin sendi frá sér á að mati Samtaka lánþega meira skylt við illa unnið skólaverkefni sem gert var á handahlaupum rétt fyrir skil en að um sé að ræða marktækar aðgerðir sem hafa verið í smíðum undanliðna 18 mánuði. 

Það er eins og Sigmundur Davíð hafi skrifað þetta fyrir þau. Það liggur við að maður haldi að þau séu annað hvort ekki í raunverleikasambandi og haldi að það sé bara hægt að redda þessu þannig að allt verði eins og áður, eða lánin bara öll feld niður (af því að þau voru ólögleg) eða ég veit ekki hvað.

Og þegar þau líkja þessu við skólaverkefni þá veltir maður fyrir sér hvaða sérþekkingu hafa þau á þessum málum, stöðu ríkisins, rekstri banka og fleira?

Og ef lánskjörin verða dæmd ólögleg þá hljóta menn samt að þurfa að borga af þeim með einhverjum kjörum. Kannski breytilegum vöxtum og þeir hafa nú  það háir að afborganir af þeim væru líka gríðarlegi. Hefði haldið að aðalatriðið væri að gera fólki kleyft að búa í sínum Íbúðum og húsum með greiðslur sem væru þannig að fólk gæti lifað almennilegu lífi í dag. Ekki hvað þau borga næstu 40 árin. Það væri jú reiknað út hér 2007 að fólk væri að borga við þær aðstæður af verðtryggðu láni upp 20 millur til 40 ára 112.374.768 kr miðað við 4% verðbólgu. Þetta hefur fólk hér búið við síðan verðtrygging var setta hér fyrir 30 árum. Og fólk lifað ágætlega hér samt. Því að fólk gleymir því að laun og tekjur hækka líka á þessum 40 árum. Því er greiðslubirgði alltaf svipuð af kaupi nema á svona tímum eins og eru hér tímabundið. Ég vill gjarnan losna við verðtryggingu en veit að eftir það verður maður að reikna með sveiflum á vöxtum þannig að greiðslubirgði getur rokið upp á milli mánaða og ára.

 En í dag eru allir að reikna út hvað þeir borga eftir 35 ár. Málið er að fólk ætti fremur að horfa til þess að það geti lifað lífinu í dag. Og það miða flesta aðgerðir ríkisins að. Lækka greiðslubirgði, skaffa fólki möguleika á ódýrara húsnæði í kaupleigu og aðstoð við að vinna á skuldum sínum.

Síðan má benda á að í mesta góðærinu dró ekkert úr beiðnum um nauðungarsölum og þær hafa ekki aukist svo svakalega nú eins og menn láta. Það eru vonandi flestir að vinna í að bjarga sínum málum sem geta og aðrir að leita sér aðstoðar eða gera það nú þegar þessi mál komast af stað. Ef að Samtök lánþega leyfa það!


mbl.is Harma máttleysi stjórnvalda
Tilkynna um óviðeigandi tengingu við frétt

Hér halda bloggarar áfram að kvarta yfir öllu og áður en þeir kynna sér málið.

Það er ljóst að fólki hér á blog.is er ekki viðbjargandi. Hér er verið að kynna víðtækar lausnir fyrir fólk og viti menn þá koma snillingarnir og lesa ekki einu sinni viðhengt skjal í fréttini og dæma þetta ómögulegt og vitlaust og fundinn illa skipulagðan og svo framvegis.

  • Tryggvi Þórarinsson
    Mjög illa undirbúin fundur ríkisstjórnar.
  • Birgir
    Jóhanna, þinn tími er liðinn! FARÐU!
  • Asdis Sig
    Þá fá allir sitt og andskotinn ekki neitt!!
  • Jóhann Elíasson
    HVERNIG??????????
  • Axel Jóhann Axelsson
    Þessar tillögur þarfnast nánari skýringa
  • Magnús V. Skúlason
    Vandamálið er ekki verðtryggingin . . .
  • G. Valdimar Valdemarsson
    Nýtt embætti !!!!
  • Én svona til að hjálpa fólki sem ekki nenti að lesa tilkynninguna i heild þá er hér kaflinn um hvað stendur til:

    "2. Ný lög um greiðsluaðlögun á forræði félags- og tryggingamálaráðuneytisins Með nýjum lögum um greiðsluaðlögun er komið til móts við fjölmargar ábendingar og athugasemdir fjölmargra aðila, svo sem þverpólitísks samráðshóps um framkvæmd laga nr. 107/2009, Alþýðusambands Íslands, einstaklinga og hagsmunasamtaka. Það sem einna helst hefur verið gagnrýnt er að úrræðið hefur verið í sama flokki og gjaldþrotaúrræði, en hér er í raun mörkuð sú stefna að greiðsluaðlögun verður eftirleiðis félagslegt úrlausnarefni og heyrir undir félags- og tryggingamálaráðuneytið í stað dómsmála- og mannréttindaráðuneytið áður. Lög um greiðsluaðlögun hafa verið flókin og í fleiri en einum lagabálki. Verður nú um það að ræða að ein lög gildi um allar kröfur einstaklinga, þ.e. bæði samningskröfur og veðkröfur. Samhliða verður lagt fram frumvarp um umboðsmann skuldara og verður embættinu falið að afgreiða umsóknir um greiðsluaðlögun og sjá um allt ferlið fyrir einstaklinga. Þannig verður umboðsmaðurinn ekki hlutlaus heldur einungis talsmaður hagsmuna skuldara. 7 Að norskri fyrirmynd er lagt til að fyrst verði reynt að ná frjálsri greiðsluaðlögun með samningum við kröfuhafa, en gangi það ekki verði farið í þvingaða greiðsluaðlögun fyrir héraðsdómi sem svipar nokkuð til núverandi fyrirkomulags. Gert er ráð fyrir því í frumvarpinu að greiðsluaðlögun geti kveðið á um algera eftirgjöf krafna, hlutfallslega lækkun þeirra, gjaldfrest á þeim, greiðslu þeirra með hlutdeild í afborgunarfjárhæð sem greiðist með ákveðnu millibili á tilteknu tímabili, breytt form á greiðslu krafna eða allt framangreint í senn.

    3. Umboðsmaður skuldara Embætti umboðsmanns skuldara verður byggt á grunni Ráðgjafarstofu um fjármál heimilanna. Embættinu er ætlað að gæta hagsmuna skuldara, fremur en að sinna hlutlausri ráðgjöf eins og verið hefur. Það hefur sýnt sig á undanförnum misserum að starfsemi Ráðgjafarstofunnar er mjög mikilvæg og hefur umfang starfseminnar margfaldast.

    •  Með því að setja á stofn sérstakt embætti umboðsmanns skuldara er hugsunin að efla enn frekar aðstoð við fólk í fjárhagserfiðleikum. Starfsmönnum Ráðgjafarstofu hefur fjölgað úr átta starfsmönnum á fyrri hluta ársins 2008 í 30 á þessu ári og hefur ásókn í þjónustu stofunnar aldrei verið meiri.
    • Hlutverk umboðsmanns skuldara verður að veita einstaklingum sem eiga í verulegum greiðsluerfiðleikum endurgjaldslausa aðstoð við að öðlast heildarsýn á fjármál sín og leita leiða til lausna, hafa milligöngu um samskipti og samninga við lánardrottna skuldara, fara með framkvæmd greiðsluaðlögunar, taka við erindum skuldara og gæta hagsmuna þeirra, bregðast við þegar brotið er á þeim og veita alhliða ráðgjöf og fræðslu um fjármál heimilanna. Þessi verkefni stofnunarinnar snúa ekki eingöngu að því að leysa úr vanda sem einstaklingar og fjölskyldur hafa komist í vegna lánveitinga, en þó má segja að langflest verkefnanna muni snúast um ráðgjöf til einstaklinga um það hvernig best sé að haga greiðslu skulda og um það hvaða leiðir einstaklingum séu færar út úr skuldavanda.
    •  Í ljósi þessa þykir eðlilegt að þeir aðilar sem stunda lánveitingar greiði kostnað af starfsemi stofnunarinnar. Því er lagt til í frumvarpinu að fjármálafyrirtæki sem fengið hafa starfsleyfi sem lánastofnanir á grundvelli laga um fjármálafyrirtæki, nr. 161/2002, með síðari breytingum, greiði kostnað af rekstri umboðsmanns skuldara og er ekki gert ráð fyrir að kostnaður falli á ríkið vegna stofnunar embættisins. 

    4. Nýjar leiðir Tímabundin úrræði – bráðabirgðaákvæði í lögum nr. 50/2009

    4.1 Sérákvæði tímabundinnar greiðsluaðlögunar fasteignaveðlána fyrir fólk sem verður fyrir tímabundnu tekjufalli Fastar mánaðargreiðslur sem umsjónarmaður með greiðsluaðlögun á að reikna út miðist við hæfilega húsaleigu sem skuldari getur greitt í stað þess að greiðslan miðist við hæfilega húsaleigu á almennum markaði fyrir eign þá sem um ræðir eins og nú er. Með þessari breytingu er þess vænst að þetta úrræði nýtist fleirum. Til samræmis við ákvæði um greiðsluaðlögun einstaklinga er svo gerð tillaga um að 12. gr. laganna verði breytt þannig að til viðbótar við afmáningu veðréttindanna falli niður þær kröfur á hendur skuldara sem standa að baki þeim.

    4.2.Tímabundin aðstoð við einstaklinga er greiða fasteignaveðkröfur af tveimur fasteignum til heimilisnota Um nýmæli að ræða. Hér er komið til móts við þann hóp sem hafði fest kaup á fasteign til heimilisnota fyrir 7. október 2008 en hafði ekki náð á sama tíma að selja eldri fasteign sína. Meginskilyrði þess að greiðsluaðlögun verði veitt er að báðar fasteignirnar hafi verið nýttar eða ætlaðar til nýtingar sem heimili og að sömu aðilar hafi haft óslitið þinglýst eignarhald þeirra síðan hrunið varð en óháð byggingarstigi, til dæmis ef um kaup á byggingarlóð er að ræða. Umboðsmaður skuldara skipar umsjónarmann með greiðsluaðlögun. Í samstarfi við eiganda gerir umsjónarmaður frumvarp að greiðsluaðlögun sem miðar að því að ákveða markaðsverð beggja fasteigna og á grundvelli þess ákveða hvaða veðkröfur rúmast innan 80–110% af verðmæti hvorrar fasteignar fyrir sig. Úrræðið miðar að því að sem flestir geti losað sig úr þeirri stöðu að sitja uppi með tvær veðsettar fasteignir vegna ákvarðana sem teknar voru fyrir hrun um breytingar á húsnæði til heimilishalds.

    4.3. Aðgerðir vegna bílalána og bílasamninga Markmiðið er að ná fram meira samhengi milli skuldsetningar og greiðslugetu og verðmætis bíla · Unnið að útfærslum í samvinnu við eignarleigufyrirtækin · Markmiðið að tryggja sanngjarna lausn - allir lánveitendur verða að axla ábyrgð · Mikilvægt að þeir sem tóku áhættu beri hana – jafnt einstaklingar og fyrirtæki · Mikilvægt að þeir sem sýndu fyrirhyggjusemi í lántökum njóti hennar líka

    4.4. Ráðstöfun afborgana lánssamninga einstaklinga við fjármálafyrirtæki Breytingar á fyrirkomulagi ráðstöfunar afborgana inn á lánasamninga. Um nýmæli er að ræða. Samkvæmt dómvenju á Íslandi er innborgunum á peningakröfu ráðstafað fyrst til að greiða áfallinn kostnað og vexti og þegar kostnaður og vextir hafa verið greiddir að fullu er innborgun ráðstafað til að greiða niður höfuðstól kröfunnar.

    • Frá 1. júlí 2010 skal fyrst ráðstafað til lækkunar höfuðstóls, síðan til greiðslu áfallins kostnaðar og að lokum til greiðslu áfallinna vaxta.
    •  Í kaflanum er einnig að finna ákvæði um heimild skuldara, sem er í vanskilum samkvæmt lánasamningi við fjármálafyrirtæki, að gera kröfuhafa tilboð um tímabundin samning aðila er miði að því að lánssamningur verði í skilum í lok samningstímans. Slíkur samningur kann að fela í sér eftirgjöf krafna.
    • Hér er boðið upp á úrræði sem kann að nýtast þeim sem ekki eiga í miklum vandræðum og geta með þessum aðgerðum komist hjá frekari erfiðleikum. Styrkir ákvæðið réttarstöðu skuldara og hvetur fjármögnunarfyrirtæki til að leita leiða, enn frekar en orðið er, til að aðstoða viðskiptavini við að komast úr greiðsluvandræðum.

    5. Bætt réttarstaða við nauðungarsölu og gjaldþrot

    5.1 Ný úrræði við nauðungarsölur Hér eftir getur eigandi íbúðarhúsnæðis óskað eftir því að búa áfram í húsnæði í allt að tólf mánuði eftir nauðungarsölu. Fyrir þau afnot greiðir hann húsaleigu. Að auki er lagt til að markaðsverð eigna verði alltaf dregið frá veðkröfum við nauðungarsölu. Skiptir þá ekki máli á hvaða verði eignin seldist við nauðungarsöluna. Sú krafa er nú gerð að kröfuhafi verði að sýna fram á hvert er markaðsverð eignarinnar vilji hann innheimta eftirstöðvar veðkröfu sinnar.

    5.2 Nýtt úrræði við gjaldþrotaskipti Breyting verður á lögum um gjaldþrotaskipti þannig að skiptastjóri geti heimilað einstaklingum að búa áfram í húsnæði eftir gjaldþrotaskipti í allt að tólf mánuði. Skiptastjóri getur einnig heimilað einstaklingum að hafa áfram umráð einstakra lausafjármuna í allt að tólf mánuði eftir upphaf gjaldþrotaskipta. Fyrir þessi afnot á að greiða leigu, sem skiptastjóri ákveður hverju sinni. Innheimtukostnaður miðist við þann hluta höfuðstóls sem var í vanskilum við upphaf löginnheimtu. Lagt er til að dómsmálaráðherra setji reglur um þann innheimtukostnað sem má krefja skuldara um við innheimtu peningakrafna. Þá er jafnframt lagt til að innheimtukostnaður verði einungis reiknaður af þeim hluta kröfunnar sem var í vanskilum við upphaf innheimtunnar. 10

    6. Frekari breytingar á innheimtukostnaði – tekinn af vafi og hömlur settar á innheimtukostnað Í undirbúningi er í efnahags- og viðskiptaráðuneytinu breyting á reglugerð til þess að takmarka enn frekar hámarksfjárhæðir innheimtukostnaðar og þar með kostnað sem fellur á skuldara. Ráðherra ákvarðar hámarksfjárhæð innheimtukostnaðar með reglugerð á grundvelli innheimtulaga, nr. 95/2008, en brögð hafa verið að því að lagður sé á skuldara kostnaður við frum- og milliinnheimtu sem ekki er skilgreindur í reglugerð.

    •  Nú verður tekið fyrir að innheimtur sé annar kostnaður en sá sem skilgreindur er í reglugerð og innheimtulögum og þar af leiðandi tekinn af vafi að allur innheimtukostnaður áður en löginnheimta hefst verður bundinn við hámarksfjárhæðir ákvarðar af ráðherra. Með innheimtulögum, nr. 95/2008, voru settar ákveðnar meginreglur og draga úr óeðlilegum kostnaði skuldara. Efnahags- og viðskiptaráðherra setur á grundvelli laganna reglugerð um hámarksfjárhæðir innheimtukostnaðar.
    • Brögð hafa verið að því að innheimtur sé kostnaður af skuldurum við frum- eða milliinnheimtu sem ekki er skilgreindur í þessari reglugerð.
    •  Með reglugerðarbreytingu sem nú er í bígerð í efnahags- og viðskiptaráðuneytinu er ætlunin að þrengja enn svigrúm til þess að leggja á innheimtukostnað og eyða þar með öllum vafa um að óheimilt sé að leggja á skuldara annan kostnað en skilgreindur er í reglugerð sem sett er á grundvelli innheimtulaga og að um þann kostnað gildi ákveðnar hámarksfjárhæðir.

    Fyrsta reglugerð um hámarksfjárhæð innheimtukostnaðar var sett i ársbyrjun 2009, en þar kveður á um hámarksfjárhæðir við innheimtu gjaldfallinna peningakrafna. Nýjar hámarksfjárhæðir voru ákveðnar með reglugerð í febrúar síðastliðnum. Með fruminnheimtu er átt við innheimtuviðvörun skv. 7. gr. innheimtulaga. Reglugerðin gildir einnig um milliinnheimtu en með henni er átt við innheimtuaðgerðir sem hefjast eftir að skuldari hefur fengið innheimtuviðvörun skv. 7. gr. laganna og áður en löginnheimta hefst. Reglugerðin tekur ekki til löginnheimtu en með henni er átt við innheimtumeðferð á grundvelli réttarfarslaga. Reglugerðin tekur heldur ekki til innheimtu opinberra aðila á sköttum og gjöldum.

    7. Skatturinn spilar með Endurskoðaðar reglur um niðurfellingu skattkrafna:  

    • Skatturinn tekur þátt í sértækri skuldaaðlögun og í frjálsri greiðsluaðlögun.  Frumvarp væntanlegt um skattlagningu niðurfellinga skulda:  
    • Hóflegar skuldbreytingar skattfrjálsar. 
    •  Stórfelldar niðurfellingar skattlagðar.   

    Viðbót við reglur um skattlagningu vegna niðurfellinga á skuldum sem þegar eru í gildi og taka til skattalegrar meðferðar á niðurfellingu skulda samkvæmt lögum um greiðsluaðlögun.  Breytingar á skattalögum þar sem heimilt verður að fella niður tekjufærslu vegna hluta af eftirgjöf veðskulda einstaklinga í öðrum tilvikum og að þeirri fjárhæð sem eftir stendur verði dreift á þrjú ár.  Í stefnuskrá ríkisstjórnarinnar er sett fram það markmið að dregið verði úr vægi verðtryggingar í lánaviðskiptum samhliða auknu framboði óverðtryggðra íbúðalána.

    8. Dregið úr vægi verðtryggingar Efnahagsstefna ríkisstjórnarinnar miðar að því að ná stöðugleika og styðja við markmið peningastefnunnar að tryggja stöðugleika gengis og slá á verðbólgu til lengri tíma. Einnig hefur verið unnið að því að auka framboð af óverðtryggðu fjármagni og meta aðra kosti til þess að draga úr vægi verðtryggingar: 

    •  Unnið er að því á vegum félags- og tryggingamálaráðuneytisins að finna óverðtryggðum íbúðalánum farveg innan núverandi íbúðalánakerfis.
    • Viðskiptabankarnir hafa aukið framboð á óverðtryggðum lánum vegna íbúðakaupa en eftirspurn eftir nýjum lánum er dræm og fáir hafa valið óverðtryggða kostinn. Eftir því sem verðbólgan lækkar og meiri stöðugleiki kemst á í efnahagsmálum aukast möguleikar á því að óverðtryggð langtímalán verði raunhæfur kostur.  
    •  Seðlabankanum var falið að meta hvernig best verði dregið úr vægi verðtryggingar í íslensku efnahagslífi. Í júní 2009 skilaði Seðlabankinn skýrslu að beiðni forsætisráðherra um kosti og galla þess að breyta umgjörð peningastefnunnar og mat á leiðum til þess að draga úr verðtryggingu (http://www.sedlabanki.is/lisalib/getfile.aspx?itemid=7217).   Í skýrslunni er farið yfir ýmis álitaefni varðandi leiðir til þess að draga úr vægi verðtryggingar. Meginniðurstaða Seðlabankans er að þrátt fyrir að minna vægi verðtryggingar á lánsfjármarkaði gæti aukið virkni peningastefnunnar myndi afnám verðtryggingar með lagasetningu við núverandi aðstæður ekki hafa tilætluð áhrif. Lánskjör kynnu að versna og efnahagsbatanum gæti verið ógnað. Afnám verðtryggingar með lagasetningu gæti þannig haft skaðleg áhrif yrði slíkum úrræðum beitt áður en verðbólguvæntingar hafa fengið næga kjölfestu. Til að koma böndum á verðbólguvæntingar til lengri tíma þarf annaðhvort að reka aðhaldssama peninga- og efnahagsstefnu eða taka upp alþjóðlegan gjaldmiðil með stöðugt innra virði og lága vexti.  
    •  Seðlabankinn stefnir að því að næsta haust liggi fyrir önnur og ítarlegri skýrsla um fyrirkomulag peningamála þar sem lagt verður mat á reynslu Íslendinga af sjálfstæðri peningastefnu og fljótandi gengi.   
    • Efnahags- og viðskiptaráðuneytið vinnur einnig að skýrslu um verðtryggingu og þá kosti og galla sem fylgja afnámi hennar. Ráðherra mun kynna niðurstöður skýrslunnar á opnum fundi með viðskiptanefnd Alþingis síðar í þessum mánuði.  
    9. Heildstæð húsnæðisstefna til framtíðar – húsnæði fyrir alla

    Um þessar mundir er unnið að mótun heildstæðrar húsnæðisstefnu hjá félags- og tryggingamálaráðuneytinu og er stefnt að útgáfu grænbókar um efnið síðar í marsmánuði. Er vinnan grundvölluð á því markmiði stjórnvalda að tryggja landsmönnum fjölbreytta og örugga valkosti í húsnæðismálum. Sérstök áhersla er lögð á að efla varanlega leigu- og búseturéttarkosti og gera þau að raunhæfum langtímavalkosti við séreignarformið. Enn fremur er lögð áhersla á að auka aðkomu Íbúðalánasjóðs að fjármögnun samfélagslegra byggingaverkefna og endurbóta á notuðu íbúðarhúsnæði. Meðal atriða sem litið hefur verið til við mótun stefnunnar eru:

    • Stóreflt búseturéttarkerfi: Lögum um húsnæðissamvinnufélög verði breytt og félögunum gert kleift að bjóða upp á hagstæðan og öruggan húsnæðiskost fyrir einstaklinga og fjölskyldur sem vilja hvorki leigja né eiga.
    • Eitt kerfi húsnæðisbóta: Stefnt verði að sameiningu vaxta- og húsaleigubóta í eitt kerfi húsnæðisbóta. Markmiðið verði að tryggja jafnræði milli eigenda og leigjenda og jafnframt að stuðningurinn taki mið af þörfum heimila á hverjum tíma, en hvetji ekki til skuldsetningar.
    • Íbúðalánasjóði verði heimilað að bjóða óverðtryggð lán. Stefnt verði að því að bjóða lántakendum Íbúðalánasjóðs möguleika á því að velja á milli verðtryggðra og óverðtryggðra vaxta við lántöku.
    • Íbúðir í eigu Íbúðalánasjóðs verði boðnar einstaklingum og fjölskyldum á kaupleigu. Komið verði á tímabundnu kaupleigukerfi, sem gerir einstaklingum og fjölskyldum kleift að leigja íbúðir Íbúðalánasjóðs til nokkurra ára, með möguleika á kaupum síðar."

mbl.is Dregið úr vægi verðtryggingar
Tilkynna um óviðeigandi tengingu við frétt

Held að spaugstofan hafi haft rétt fyrir sér.

Held að margir bloggarar hér á blog.is séu bara ekki með réttu ráði. (sbr. 5% þjóðarinnar eru fávitar) Nú þegar eru hér 2 búnir að setja færslur með fyrirsögnunum:

  • Birgir
    Bestu Icesave-fréttir sem ég hef heyrt!
  • Gunnlaugur I.
    GOTT MÁL - NÚ ÞARF BARA AÐ AFTURKALLA ESB…
  • Svona fyrirsagnir valda því að ég get varla lesið færslur þessara manna.

    • Hvaða lausn halda menn að það sé að draga Icesave?
    • Hvaða hag gætum við hugsanlega haft af því?
    • Vita þessir menn að áætlanir sem við vinnum út frá varðandi endurreisn landsins gang allar út á að við fáum aðgang að lánum sem eru stopp út af icesave.
    • Eins þá er ljóst að kostnaður við seinkun er í það minnst ekki mikið minni en af því að ganga frá þessu sem fyrst?

    Síðan væri gaman að vita hvaða framtíðarsýn svona bullukollar hafa. Hvernig sjá þeir Ísland til framtíðar? Því þeir fara alltaf að tala um ESB í kjölfarið! Eru þetta menn sem dreymir um að við verðum við svipaðar aðstæður hér á landi og eftir stríð. Með gjaldeyrishöft, skömmtunarseðla og fleira? Eða eru þeir að vona að hér verði allt eins og fyrir hrun?

    Ef við breytum hér engu og erum á móti öllum samskipum og samningum við útlönd þá hljótum við að lenda í svipaðri stöðu og lífskjörum og voru hér fyrir 50 árum. Eða við tökum aftur upp bólukerfið sem hefur verið hér síðustu áratugi með hruni reglulega. Eins og var 1970, 1990, 2000 og svo 2008. Má ég þá heldur biðja um að við reynum eitthvað nýtt. T.d. að reyna á næstu árum að koma okkur upp gjaldmiðli sem fellur ekki stöðugt eins og krónan hefur í raun gert síðan 1920. En krónan hefur fallið um 2000% síðan 1920 miðað við Dönsku krónuna. 


mbl.is Icesave á ís
Tilkynna um óviðeigandi tengingu við frétt

« Fyrri síða | Næsta síða »

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband