Björgvin kemst í sögubækurnar!

• Hann vildi segja af sér í október 2008 en var talinn á að sitja fram í janúar 2009 þegar hann axlaði ábyrgð með því að segja af sér ráðherraembætti sem og að telja Jón Sigurðsson og Jónas Fr. á að segja af sér í FME.
• Hann sagði af sér þingflokksformannsembætti.
• Og nú víkur hann af þingi á meðan hans mál eru rannsökuð.

Í skýrslu Rannsóknarnefndar er mjög skýrt að honum var haldið utan við nær allar ákvarðanir og upplýsingar sem ríkisstjórn fékk fyrir og meðan hrunið varð. Og hann þvi í ömurlegri stöðu.

Bloggarar landsins hafa dæmt hann fyrir löngu fyrir mál sem síðan hefur komið í ljós að hann hafði ekkert um að segja. Alveg ömurlegt hvernig talað hefur verið um hann. En svo samt sem áður er hann eini maðurinn sem hefur virkilega axlað ábyrgð.

Held að menn ættu nú að skoða hvað menn láta frá sér á prenti áður en þeir ráðast svo að mönnum. Og verður gaman að sjá hvort að sömu menn snúa sér nú að Þorgerði Katrínu, Einari Guðfinns, Illuga sjóðstjórnarmanni í sjóð 9 og fleirum.

Björgvin víkur af þingi

Hollráð til samfylkingarinnar og þjóðarinnar!

Hvernig væri nú að við létum atvinnumenn um fortíðina. Þeir virðast vera að ná tökum á þessu. Held að almenningur, stjórnmálaöfl og í raun þjóðin ætti að láta nú að láta:

• Sérstakan saksóknara
• Skattrannsóknar stjóra
• Efnahagsbrotadeild Lögreglunar
• Nefnd Alþingis um meðferð niðurstöðu Rannsóknarnefndar í skýrslunni góðu

um að vinna úr sekt eða sakleysi fólks.

Aðrir íslendingar ættu að beina kröftum sýnum í að vinna að uppbyggingu, nýjum lögum og reglum sem koma í veg fyrir svona hörmungar (eða draga úr líkum á því) komi fyrir aftur.

Alveg ótrúlegur kraftur sem fer hjá fólki í að finna einhverja sökudólga þó það bjargi ekki heimilum fólks í skuldum eða skaffi fólki hærri tekjur.

Hef aldrei lesið Æðruleysisbænina en held að fólk ætti dálitið að kynna sér hana. Því að hér er t.d. orðinn hópur manna sem hefur nærri atvinnu af því að mæta í fjölmiðla og draga allt sem gert er hér í skítinn og gera allt sem er gert tortryggilegt. Hér eru t.d. menn sem eru að halda því fram að allir þingmenn ættu að hætta sem hafa einhverja reynslu. En ég spyr í ljósi síðustu kosninga þar sem var skipt um helming Alþingismanna - Finnst fólki þingi hafa batnað við það? Hvernig væri að fólk færi nú frekar að hvetja fólk til dáða! Þrýsta á góða hluti að fagna því sem næst fram. Ekki vera alltaf að röfla yfir því sem þó er gert. Vitandi það að því verður ekki breytt. En endilega lesið eftirfarandi (Ég persónulega sleppi Guði úr þessu dæmi.:

(Guð) gefi mér æðruleysi

til að sætta mig við það,

sem ég fæ ekki breytt

kjark til að breyta því,

sem ég get breytt

og vit til að greina þar á milli

Og svo bara að drífa sig í að fara af stað að byggja upp. Setjum ströng lög og reglur sem þó leyfa fyrirtækjum að dafna. Verum með strangt eftirlit og stofnanir til að sinna því. Setjum stjórnmálamönnum og flokkum skýran ramma um ábyrgð og leiðir til að láta þá sæta ábyrgð á störfum sínum. Förum yfir öll lög landsins og bætum þau. Förum yfir stjórnarskrá okkar og lögum hana eða setjum nýja. Komum upp kerfi svo að almenningur fái að taka þátt í ákvörðunum um öll meiriháttar mál.

Finnum almennilega lausn á skuldavanda heimila.

Stefnum að því að Ísland verði til fyrirmyndar.

Þetta getum við vel gert ef að fólk er ekki fast í fortíðinni og neitar að horfa fram á við eða trúa á leiðir og vill alltaf reyna einhverjar aðrar.

Við þurfum hugrakka Alþingismenn sem sem ekki láta þrýstihópa hafa áhrif á sig heldur taka saman höndum og vinna að þeim bestu lausnum sem þeir finna.

Treysti um of á fyrirliggjandi upplýsingar

Davíð er dálítið eins og rauði þráðurinn í þessu öllu!

• Hann lagið niður þjóðhagstofnun
• Hann stóð ásamt öðrum sjálfstæðismönnum að fjársvelta allar eftirlitsstofnanir
• Hann og Halldór fóru fyrir einkavæðingunni og ákváðu hverjir mættu kaupa bankana
• Hann og Halldór sömdu um áframhaldandi stjórn 2003 með því skilyrði að 90% húsnæðislán og skattalækkunum. Sem var búið að var við að væru óráð í þenslunni. Sér í lagi þegar byrjað var að byggja Kárahnjúka og álverið á Reyðarfirði.
• Hann gerist síðan Seðlabankastjóri en hættir ekki að skipta sér af stjórnmálum. Hann lendir í rifrildi við Björgvin viðskiptaráðherra og hættir að upplýsa hann um þau mál sem snerta verksvið Björgvins sem og að koma með mögulegar lausnir.
• Hann sem seðlabankastjóri heldur áfram að lána bönkum sem hann þó var búinn að vara við að væru allt of skuldsettir.
• Hann rýkur í að taka yfir Glitnir án þess að kanna málið nægjanlega eða kanna afleiðingarnar.
• Hann fer í allskonar æfingar með vexti eftir hrunið sem hafði slæmar afleiðingar. Eins og "Fastgengis stefnuna" sem ekkert var á bakvið, vaxtalækkun í 12% sem þurft síðan að hætta við því það var engin grundvöllur fyrir því.
• Hann hringlaði með t.d. fréttir af Rússaláni og fleiru sem átti ekki við rök að styðjast.

Síðan eru lýsingar af hræðslu Gers Haarde og flein við viðbrögð og reiðikasta hans náttúrulega kafli út af fyrir sig. T.d. þegar hann hótar Tryggva Þór að honum verði ekki líft hér á landi ef hann ráðleggur Geir að hafna hugmyndum um kaup á Glitni. Og eins hræðslu Geirs við að segja Davíð að Samfylkingin samþykkti ekki Davíð sem yfirmann neyðarstjórnar.

Eins þá er ömurleg þessi hefði sem Davíð vann eftir og síðan Geir að ásamt þeim flokkum sem voru með þeim í stjórn að allar ákvarðanir voru teknar af þeim sem leiddu flokkana. Þ.e. Davíð og Halldór og síðar Geir og Ingibjörg. Þetta hlýtur að hafa orðið til þess að aðrir ráðherrar voru ekki upplýstir sem skildi og að stjórnin sem heild gat ekki brugðist við eins fljótt og ef um samheldna stjórn væri að ræða. Því flestir ráðherrar voru ekki almennilega inn í þessum alvarlegu málum

„Valdarán Davíðs Oddssonar"

Sigmundur og furðulega ræða

Hann byrjaði einmitt á því að segja:

Sigmundur sagði hættu á því að ef þjóðin festist í innbyrðis deilum og skaðinn af því geti verið meiri en af hruninu sjálfu. Þá sé ákveðin hætta á að við sveiflumst úr einum öfgum yfir í aðrar

Síðan kom hann með kafla um að framsókn væri búin að fara yfir sín mál og axla ábyrgð og færa sig til vinstri. Síðan kom kafli sem ég náði illa. Jú það var fjármálakerfi heimsins sem brást en Íslendingar algjörlega saklausir nema þeir sem áttu bankana. Og síðan einhver kafli um að þjóðin beri enga ábyrgð á þessu. Kafli sem ég skil ekki! Hvernig má það vera að allar þjóðir lögðu mikla upphæðir í að halda bönkunum gangandi? Ef að það voru bara áhættufjárfestar sem orsökuðu hrunið og ættu því að bera skaðann. Svona miðað við að hann var að vara við innbyrðis deilum þá fannst mér þessi ræða ekki skýra hvernig ætti að fara að því

Margt þegar vitað

Nú hef ég ekki hundsvit á golfi ennnnn................!

Þar sem ég starfa höfum við útsýni yfir nokkrar brautir í Grafarholti. Nú er verið að segja að GR sé alveg búinn að spengja af sér núverandi aðstöðu. Það vekur furðu mína miðað við það sem við horfum á hér út um gluggann hjá okkur. Það er vissulega mikið að gera suma daga yfir sumartímann en oft er þetta bara einn maður á stangli heilu og hálfu dagana. Eins skemmtum við okkur konunglega yfir því að þarna virðast vera menn sem mest fá út úr því að keyra þarna um á golfbílum sínum. Oft mæta þeir á þessum bílum í flottum golffötum með flottar græjur en síðan er kunnátta þeirra ekki í nokkru samræmi við alla múnderinguna.  Sumir eru hins vegar á röltinu með pokana sína og mættir kannski klukkan 7 á morgnana. En maður veltir fyrir sér tilgangi manna sem þurfa að keyra á eftir boltanum hvert sem þeir slá hann. Á kannski hálifrarmilljóna bíl?  Spurnging hvort það að hoppa út og inn í gólfbíl 70 til 100x telst vera sport. Ekki mikil hreyfing í því.

Finnst að fólk sem hefur getu til að eina hundruðum eða milljónum í þetta gólfdót eigi þá bara líka að kosta að mestu til varðandi þessa gólfvelli. Sér í lagi nú þegar þarf peninga í margt annað þarfara.

Heitar umræður oddvitanna

Kópavogur: Ekki ástæða til að örvænta út af svona könnun!

Ef ég heyrði rétt á stöð 2 áðan þá voru 800 manns spurðir og aðeins um 55% tóku afstöðu! Og þar sem að Sjálfstæðismenn hafa alltaf sitt fasta fylgi þá á það eftir að lækka í kosningum þegar fleiri taka afstöðu. Líka hjá framsókn. Annað væri nú furðulegt eftir allt sem á undan er gegnið hér í Kópavogi. Um 40 milljarðar í skuldum eftir feigðarflan Gunnars og félaga t.d. varðandi Knattspyrnuakademíuna, Glaðheimaklúðrið og fleira og fleira. Held að fólk hljóti að hugsa til þessa áður en þeir greiða atkvæði í næstu kosningum.

Meirihlutinn myndi halda

Æi greyin látið ekki eins og þetta komi ykkur á óvart!

Það er ekkert sem á að koma þarna á óvart!

• Hollendingar og Bretar eru á móti því að gengið verði frá endurskoðun á áætlun AGS og okkar. Þar sem að þau vita að það setur þrýsting á okkur að ganga frá Icesave.
• Norðurlönd og Eystrasaltsríkin eru á móti þessu vegna þess að ef ekki er gengið frá Icesave er réttaróvissa um alla banka sem eiga útibú í öðrum löndum
• Norðurlönd vilja ekki lána okkur fé sem vegna Icesave gætu verið í hættu á að verða ekki greitt til baka.
• Allar þjóðir Evrópu telja að okkur beri að greiða Icesave og því eru þau ekkert að auðvelda okkur lífið.
• Flestar þjóðir sem ætla að lán okkur eru með í lánsloforði sínu ákvæði um að áður þurfi að ganga frá Icesave.

Því miður hafa þessar þjóðir völd og ítök m.a. í stjórn AGS og beita þeim. Svipað og við myndum gera ef að við ættum í deilum við eitthvað land. Ef við hefðum ítök einhverstaðar myndum við beita þeim. Við erum ekki þróunarland og því fáum við enga samúð nema hjá einstökum mönnum. Við erum jú ekki að svelta hér almennt nú um stundir.

Íslandslán ekki á dagskrá AGS

Jú víst þetta er vondu útlendingunum að kenna!

Það er nokkuð ljóst eftir lestur á sumum blogganna við þessa frétt að þó nokkur hluti bloggara hér er enn á þeirri línu að:

• Það séu vondu útlendingarnir sem eru aðal gerendurnir í okkar ógæfu.
• Erlendu bankarnir sem lánuðu okkar bönkum allt of mikið
• Sem varð til þess að heimilin þurftu að taka há lán vegna þess að bankarnir sögðu þeim að gera það.
• Síðan vondu útlendingarnir sem eru að rukka okkur um innistæðutryggingar fyrir innistæðueigendur í Landsbankanum.
• Síðan vondu útlendingarnir í AGS sem ætla að matreiða Ísland fyrir útlenda glæpamenn
• ESB sem ætlar að stela hér allri orku og fiski og flytja það allt til útlanda. (sé fyrir mér Geysir um borð í flutningaskipi)
• Og vondu útlendingarnir á Norðurlöndum sem vilja að við fylgjum áætlunum ef þeir eiga að lána okkur
• Og vondu þjóðirnar í EES og Schengen.

Og harðir Sjálfstæðismenn hvetja meira að segja að við skiptum frekar við Kína og fleiri ríki sem þeir hingað til hafa hvatt til að við hefðum sem minnst samskipti við.

Og svo er rifist yfir því að hér sé allt strand þó að Samtök atvinnulífsins, orkufyrirtæki, samtök flestra launþega og í raun flestir segja að við fáum engin lán til framkvæmda á viðráðanlegum kjörum fyrr en Icesave er leyst. En ný það má ekki semja um Icesave við þessa vondu útlendinga. VIð eigum frekar að hverfa til lífsskilyrða sem við bjuggum við um miðja síðustu öld. Þá verða þessir besservissar loks kannski ánægðir. Við förum bara öll á sjóinn eða í sveitirnar og lifum á landsins gagni og nauðsynjum.

Ekki vondum útlendingum að kenna

Væri gaman að heyra núna lausnir Sigmundar/Indefence og Þjóðarheiðurs varðandi endurfjármögnun!

Landsvirkjun, OR, sveitarfélög  og ríkið þurfa að endurfjármagna lánin sín á þessu og næstu 2 árum. Hundruð milljarða. Það væri gaman að sjá hvaða leiðir spekingarnir sem berjast á móti Icesave leggja til? Sem og að það yrði reiknað út hvað lækkað lánshæfismat kostar okkur aukalega? Sem og hvaðan við fáum gjaldeyrir til að borga afborganir. Manni skilst að lítið verði eftir af gjaldeyrisvaraforða næsta ár ef við fáum ekki ný lán.

Alþjóðlega greiningarfyrirtækið Moody's tilkynnti í morgun að það hefði breytt horfum fyrir lánshæfiseinkunn íslenska ríkisins, Landsvirkjunar og Orkuveitu Reykjavíkur, úr stöðugum í neikvæðar, aðallega vegna óvissunnar um Icesve-málið. 

En þeir segja að það sé ekkert að marka þessi lánshæfisfyrirtæki. Sorry af hverju halda menn að þau séu til? Það er vegna þess að til þeirra er horft áður enn menn lána t.d. þjóð eins og okkar.

 

Svo halda menn því fram að við séum að græða svo á að draga að ganga frá Icesave!

Engir Icesave-fundir ráðgerðir

Og allir bullukollarnir búnir að blogga við þessa frétt!

Og allir á því að ekkert eigi að semja og manni sýnist að þeir telji jafnvel að Bretum og Hollendingum beri að borga okkur sumir. Þeir tala allir eins og við eigum að fara borga sjálf þjóðin hundruð eða þúsundir milljarða. En vita að eignir Landsbankans dekka mest af þessu. Nota svo einhverjar vafasamar lagatúlkanir sem eru slitnar úr samhengi. Í tilefni Páska þá nenni ég ekki að segja meira um Icesave nema að ég tal að þessi dráttur á frágangi þessa máls hafi kostað okkur hundruð milljarða til framtíðar og þó við náum betri samning núna þá sé tapið okkar bundið í að fleira fólk er og verður næstu ár atvinnulaust.

Hér er listinn eins og hann var þegar þetta var skrifað.

Bloggað um fréttina

Fleiri

• Benedikta E
  Æsseif málið verður í frosti hjá Bretum og…
• Jón Valur Jensson
  Umboðslausi Bjarni Ben., "ásættanlegt" er það eitt…
• Torfi Kristján Stefánsson
  Hvaða einhliða skilmálar?
• Loftur Altice Þorsteinsson
  Ræðum beitingu hryðjuverkalaganna við Breta
• Gunnar Heiðarsson
  Gott ef satt er
• Haraldur Haraldsson
  Falla frá einhliða skilmálum/sennilega bara gildra…
• Gunnlaugur I.
  Þeir munu þurfa að gefa enn meira eftir - Enginn…
• Jóhann Elíasson
  LYMSKUBRAGÐ!!!!!!!!!!!!!!!!!!!!!
• Víðir Benediktsson
  Bömmer
• Kristinn Pétursson
  Forgangsatriði í Icesave málinu - er mat…
• Axel Jóhann Axelsson
  Eru fjárkúgararnir farnir að skammast sín?

Þvílíkir spekingar. Og það væri nú umhugsunarvert fyrir þessa spekinga af hverju allir sem raunverulega vinna að þessu máli og hafa kynnt sér það eru að reyna að semja fyrir okkar hönd. Sbr VG-Samfylking- Sjálfstæðisflokkur og hugsanlega Hreyfingin.? 

Falla frá einhliða skilmálum