Einhverja stefnu til framtíðar - Takk!

Vissulega margt nú sem bendir til batnandi stöðu á Íslandi! En finnst ekki fleirum en mér að það sé farið að hlaða í þessa venjulegu ofurbjarsýni sem einkennir okkur. Nú t.d. þegar einhver hjón eru talin vera að standa að byggingu íbúða fyrir um 8400 manns. Það er verið að breyta húsnæði hægri og vinstri í lúxus íbúðir. Nú eða hótel um allar jarðir í öllum kofum sem mögulegt er að koma þeim í eða byggja ný. Og svo eru menn með blauta drauma um virkjanir og stóriðju. Og svo eru skattar lækkaðir á met hraða en samt er ólíkt t..d fyrir hrun að ríkið er stórskuldugt. Held að það gæti stefnt í næsta hrun t.d. ef að ferðamönnum fækkar vegna efnahagsástands í heiminum nú eða vegna deilna við kröfuhafa. Nú eða lækkunar á álverði eða blanda af þessu öllu. Og sérstaklega innan gjaldeyrishafta.

Hvenær ætlum við að læra að sígandi lukka er best. Gera áætlanir til framtíðar og standa við þær.

Man eftir t.d. umræðu í Noregi þar sem þeir vildu eyða olíusjóðum sínum í að lækka skatta og auknar framkvæmdir ríkisins en þeir héldu sig við áætlanir og allir sennilega fegnir í dag.

Ósk stjónarinnar um að Íslenska þjóðin sýni meðvirkni!

Það virðast margir búnir að gleyma að hinn að mörgulelti held ég ágæti stjórnmálamaður Hanna Birna reyndist í þessu máli ekki valda því að leysa það. Henni hefði verið i lófa lagið strax i upphafi að taka á þessu og vísa strax viðkomandi auðstoðarmanni eða báðum frá störfum tímabundið eða varanlega í ljósi þess að engin viðurkenndi lekan og ljóst viðrist hafa mátt vera að lekinn var kominn þaðan. Eins að setja skýrar reglur í ráðuneytinu um meðferð svona upplýsinga. Eins hefði yfirlýsing í upphafi um að ljóst væri að þetta skjal hefði lekið úr ráðuneytinu og hún segði sig því frá dómsmálum strax á meðan þetta væri rannsakað. Og skipti sér ekki af rannsókn þess.  Þá væri hún í betri stöðu í dag í stað þess að vasast í rannsókninni og láta það líðast að hinum og þessum öðrum væri kennt um lekan.

Nú er ætlast til að fólk bara sé glatt með þetta og málið sé í raun vonda fólkinu sem gagnrýndi og kom með nýjar upplýsingar um málið að kenna! Og þjóðin eigi að læra að vera bara ekkert að skipta sér af þessu eða tala um það sem henni kemur ekki við.

Eins þá finnst mér með afbrigðum að ekkert sé verið að gera til að fá upplýsingar um jafnvel á annað þúsund Íslendinga sem hafa verið í stöðu til að flytja peninga fram hjá skatti hér til skattaparadísa. Þessar upplýsingar eru nú í boði og aðrar þjóðir hafa keypt þær en hér draga ráðherrar lappirnar og engin veit af hverju? Vilja þeir ekki upplýsa þetta? Væri ekki hægt að bjóða þessum mönnum að koma með féð til baka og borga af því skatt fyrir ákveðin tíma áður en þeir verið ákærðir? Það er náttúrulega engin von til þess ef við höfum ekki þessar upplýsingar.  Og eigum við hinir skattgreiðendur bara að sætta okkur við þetta?

Eins hræðist ég nú þegar að menn eru komnir með dollaramerki í augun vegna hugsanlegs afnáms gjaldeyrishafta og útgönguskatts! Þá hræðist ég að tækifærið verði notað til að einkavinavæða t.d. bankana aftur og svo er það fiskveiðifrumvarpið! Þ.e. það er verið að segja okkur að vera bara jákvæð við fáum fullt af peningum en í staðinn svona í rólegheitunum færum við útvöldum fiskistofnana að gjöf til kannski 50 ára eða svo og svo fái útvaldir að kaupa bankana!

P.s. Minni á hvernig var talað um á sem vöruðu við á árunum fyrir hrun. Þeir voru óferjandi svartsýnis menn sem gátu ekki sætt sig við að Íslenska þjóðin væri sú besta í heiminum og allt sem ráðamenn segðu væri rétt. Það var engin leið að bólan gæti sprungið!

Mótmæli og aðhald að skila árangri?

Ef þetta er rétt hjá Sigmundi Davíð:

Þannig munu heil­brigðis- og mennta­stofn­an­ir fá auk­in fram­lög en einnig aðrar grunnstoðir eins og Land­helg­is­gæsl­an og mik­il­væg verk­efni á borð við lýðheilsu­átak og byggðamál,“ sagði Sig­mund­ur.

þá er eitthvað mikið breytt frá því í september þegar þeir lögðu fram frumvarpið til fjárlaga fyrir 2015.

Ef að þessar aðgerðir eru raunveruleg aukning til mennta- og heilbrigðismála og fleira þá undrast ég hvaðan fjármunir streyma til ríkisins. Því skv. því sem ég hef kynnt mér hefur ekki fjölgað á vinnumarkaði og í raun fækkað úr um 177 þúsund manns 2013 niður í 175 þúsund. Það var samið um 2,8% launahækkun sem skilar því ekki hárri aukningu á tekjuskatti. Á þessu ári er tekið einskiptis arður með að breyta skuldabréfum við Seðlabanka og svo arður á bönkunum sem nú stendur til að selja að hluta til. Engin ný stóriðja er komin í gang. Hvaðan eru þessir peningar allir að koma?

En það getur verið að það hafi fundist peningar á móti lækkun á veiðigjöldum, auðlegðarskatti og fleira. Eins getur verið að menn sjái núna peninga í vændum við útgreiðslur úr þrotabúum. Hvernig sem það er þá haf ég á tilfinningunni að eitthvað sé í pípunum sem þessi boðskapur á að sætta fólk við. Dettur í hug að það sé fiskveiðifrumvarpið og eitthvað meira. Það rímar líka við að Sigmundur Davíð boðaði að fólk ætti að vera jákvætt við stjórnvöld og ekki vera að horfa í hluti eins og lekamálið. Og því verður fólk að vera vakandi fyrir að það verði ekki gert hér aftur að einkavinavæða banka og jafnvel heilbrigðiskerfið af því að hér verði tímabundin vöxtur.

Mestu fjárframlög til LSH frá 2008

Aðeins um minnkandi atvinnuleysi - er það vitleysa?

Var að kíkja á hagsstofa.is og skoða tölur yfir starfandi fólk í september síðast liðinn. Þáð kom mér virkilega á óvart að sjá að starfandi þá voru um 3500 færri en á sama tíma í fyrra! Þannig að starfandi á Íslandi nú hefur fækkað um 3500 þó að atvinnuleysi hafi minnkað eitthvað. Þannig að annað hvort hefur fólk flutt eða hætt að leyta út á vinnumarkaðinn. Þannig að störfum hefur fækkað í tíð Sigmundar og co.

Hér má sjá þetta eftir árum

 

2003	163200
2004	156300
2005	161900
2006	171900
2007	180700
2008	184100
2009	176800
2010	179900
2011	174600
2012	180300
2013	186700
2014	183200

Smá hugleiðing varðandi útgönguskatt á slitabúin

Svona ef ég man rétt þá eru um 2500 milljarðar í búum gömlu bankana og þar af um 94% í eigu erlendra kröfuhafa! Og um 2000 milljarðar af þessu í erlendum eignum og kröfum!

Þetta sýnist mér að sé um það bil sama og lifeyrissjóðirnir eiga!

Segjum svo að kröfuhafar kjósi í stað þess að greiða 35% útgönguskatt að fá þetta greitt út í krónum. Og ákveði síðan að fjárfest þeim þeim hér enda ágætir vextir hér á landi og hagvöxtur.  Þá sýnist mér að þeir gætu svona um það bil einir eða í samstarfi við Íslenska fjárfesta keypt upp nokkurnveginn allt hér á landi og sett hagkerfið á hliðina með svona risa innspýtingu í hagkerfið. Um leið þá færi verðbólgan hér á flug og öll innlend lán myndu hækka. Síðan gætu þeir beðið rólegir eða selt eignarhald í þessu á markaði erlendis og við hefðum lítið um það að segja!  Og um leið þá halda þeir okkur í höftum um ókomna tíð!

Bara svona vangavelta!

Fullkomlega óraunhæf skattlagning

Mótmæli og skrif eru að bera árangur!

Nokkuð ljóst að ýmislegt hefur breyst frá því að þessi ríkisstjórn kom fram fyrst eftir að hún var mynduð með yfirlýsingar um takmarkalausan niðurskurð í ölllum ríkisrekstri og það yrði engum hlíft!

Svona ber enn á þessu en bæði nú við fjálagagerð og í eins í fyrra þá kemur í ljós mikil andstaða við t.d. niðurskurð í heilbrigðiskerfinu og í bæði skiptin þá koma stjórnaliðar og byrja á að engu verið breytt og bla bla. En síðan líða einhverjar vikur og fólk sér að áætlanir fjármálaráðuneytis standast ekki skoðun og milljörðum er bætt við!

Eins er þetta með vaskinn! Allir stjórnarliðar búnir að halda ræður um að þetta sé allt til hagsbóta fyrir neytendur. En nú sitja þeir við að finna nýjar mótvægisaðgerðir hér og þar og enginn talar um að einföldun á kerfinu sem var jú ástæða fyrir matarskattshækkuninni er að kalla á fullt af mótvægisaðgerðum sem ég held nú að flæki málinn enn frekar en að hafa ástandið óbreytt.

En ljóst er að þar sem að meirihlutinn þráir að vera elskaður eins og öll skrif þeirra nú og ræður um að allir eigi að vera glaðir með lánalækkanirnar sýna, gefa okkur sem erum hrædd við að í burðarliðnum sé sama ástand og var fyrir hrun kost á að hafa áhrif með því að hafa hátt um þau atriði sem við erum ósátt með.

Við sjáum að þeim sárnar ef að þeim er andmælt og ef gert er nóg af því þá lippast þeir niður og breyta málum.

En þar sem ekki er hægt að treysta þeim fyrir horn þá verður fólk að halda vöku sinni.

Það eru hugsanlega að skapast hér möguleikar á að ríkið fari að innheimta útgönguskatt og ef það gengur gætu komið inn í hagkerfið milljóna tugir eða hundruð. Og það þarf að passa að þetta verði þá nýtt í góða hluti eins og að greiða niður skuldir ríkisins og í spýtala. Ekki til að lækka skatta frekar á auðmenn og fyrirtæki.Við viljum jafnan vöxt hér ekki einhver stökk sem við ráðum ekki við.