Er þetta ekki bara lygasaga úr ógeðslegu ESB landi?

Egill Helgason hlýtur að vera að ljúga að fóllki. Svona getur staðan í Danmörku verið! Þeir hafa jú verið í ESB í marga áratugi!

Miðvikudagur 27.05.2015 - 15:14 - 

Allt í kalda koli?

Ég dvaldi mikið í Kaupmannahöfn þegar ég var unglingur. Þá var eins og allar leiðir lægju þangað.

En það er langt síðan ég kom síðast til Hafnar til annars en að millilenda.

Nú er ég hérna út af vinnu og fer víða um bæinn. Það er merkilegt að sjá breytingarnar.

Það er ekki bara búið að byggja ótal ný hús, grafa neðanjarðarlest heldur er líka merkilegt að sjá hvað öllu er vel við haldið, gömlum byggingum og hverfum.

Það sem blasir við manni alls staðar er í raun ótrúlegt ríkidæmi og velmegun.

En Danir eru auðvitað í Evrópusambandinu, svo þetta hlýtur að vera missýning – það er auðvitað allt í kalda koli.

Með þessa stuðningsmenn ríkisstjórnarinnar þarf stjórnaranstaðan ekki að hafa áhyggur!

Held að ég hafi bara ekki lesið meiri vitleysu en þetta blogg sem finna má hjá Páli Vilhjálmssyni. Og ekki skánar það þegar bloggið er að mestu tilvitnun í Vigdísi Hauksdóttur

Þriðjudagur, 26. maí 2015

Vigdís hafnar ríkissósíalisma Eyglóar

Tilraunir Eyglóar Harðardóttur félagsmálaráðherra að ríkisvæða heimili landsmanna með allsherjarmillifærslum úr ríkissjóði mæta andstöðu samflokksmanna Eyglóar. Vigdís Hauksdóttir skrifar í fésbókarfærslu

ríkisstyrktar bætur út á húsnæði - hverju nafni sem þær nefnast - koma ekki okkur til góða = húsaleigubætur fara í vasa fjárfesta/þeirra sem eiga margar íbúðir til að leigja út - í formi hækkaðrar leigu og vaxtabætur eru "verðlaun" fjármálastofnana hér á landi sem haf vexti í botni - til að landsmenn geti réttlætt það fyrir sér að taka húsnæðislán. Vaxtabætur og húsaleigubætur eru ríkisstyrkir til fjármálaaflanna og hafa ekkert með velferð að gera.

Stórfellt millifærslukerfi fyrir öll heimili landsins er algerlega út úr kú. Til að slíkt kerfi mismuni ekki yrðum við að hafa ríkisverktaka sem byggðu ríkishúsnæði handa öllum landsmönnum. Sósíalismi af þessari sort rann sitt skeið á síðustu öld.

Væri nú gaman að einhver skýrði út fyrir Vigdísi eftirfarandi:

• Ef að ekki kæmu til vaxtabætur eða húsaleigubætur þá gætu þeir sem eru á lágum og millilaunum ekki keypt né leigt.
• Hér á landi eru vextir svo háir að fólk á lágum launum gæti ekki greitt af húsnæðislánum og geta ekki í dag þrátt fyrir vaxtabætur
• Vaxtabætur og húsaleigubætur eru í raun aðferð til að fólk á lágum launum og milliháum geti lifað við krónuna!

Þó að Vigdís sé með sæmileg laun í dag þá eru flestir sem jafnaldrar hennar og yngri að basla við að kaupa sér húsnæði nú eða leigja og þetta eru kaldar kveðjur til þeirra. Fjármálastofnanir fá ekki vaxtabæturnar eða hússleigubætur heldur er það fólkið sem borgar. Nú annars þyrfti hér að borga helmingi hærri laun.

En aðallega er þetta kjaftshögg frá henni til Eyglóar og verður Vigdísi ekki til framdráttar enda þarf hún hvort eð er að éta þau ofan í sig þegar hún í fjárlagnefnd þarf að samþykkja nýju lögin og útgjöldin þegar þar að kemur. Hún gerir það alltaf.

Um Pál þarf ekki að fjölyrða. Hann hefur ekki minnsta áhuga á hag annarra! Það er bara hann!

Þveröfug áhrif húsaleigufrumvarps

Vigdís segir að þetta séu allt aðgerðir Samfylkingar!

Vigdís Hauksdóttir hefur nú ítrekað komi á Stöð 2 og á Bylgjuna er búin að finna eftirfarandi út:

• Öll stéttarfélög eru í aðgerðurm af því að Samfylkingin sagði þeim að gera það.
• Flestir fjölmiðlar eru málgögn Samfylkingar
• Á síðasta kjörtímabili þá sagði Samfylkingin stéttarfélögum að boða ekki til verkfalla. Þetta vissu allir sagði hún og hafi m.a. komið fram á Alþingi
• Tæknimenn hjá RUV sömdu svo ekki væri hægt að slökkva á boðskap Samfylkingarinnar
• BHM er bara í aðgerðum af þvi að Samfylkingin vill að þeir geri það. Og auðvita hlýða allir sem kjósa um verkföll Samfylkingunni. Voru þau ekki samþykkt með um 80 til 90% af þeim sem greiddu atkvæði.

 

Veit ekki alveg hvernig framsóknarmenn í Reykjavík tala á sínum fundum en ef þetta bull væri rétt þyrfti Samfylkingin ekki að hafa áhyggjur því allir í verkalýsðfélögunum mundu þá styðja þá. Það rýmar ekki alveg við fylgið í augnablikinu en skv. Vigdísi þá hefur Samfylkingin svo mikil völd um allt að það þarf kannski ekki fleiri Alþingismenn því Samfylkingin er búin að leggja landið undir sig.

Enda sagði Vigdís í dag að það ætti að leggja verklýðsfélög niður eða fólk að ganga úr þeim og semja bara á hverjum vinnustað.

 

 

„Velferð dýranna er stefnt í voða“

Það logar allt i verkföllum og stjórnvöld og almenningur bara gera ekki neitt

Það er eins og fólk geri sér ekki gren fyrir stöðunni hér á landi! Það logar allt í verkföllum og allir bara sultuslakir! Fólki bara sama á meðan það getur keypt sér mat og þarf ekki að nýta sér heilbrigðisþjónustu!

Hef aldrei áður séð svona mikil rólegheit áður. Minni á að BHM er búð að vera í verkfallsaðgerðum í mánuð núna og stjórnvöld gera ekki neitt til að ná samnngum.

Svona eins og ég man stofnun nýju bankana þá skil ég þetta ekki!

Ef ég man rétt þá voru nýju bankarnir stofnaðir m.a. með eignum gömlubankana! M.e. til að verja innistæður sem annars hefðu lent í þrotabúunum. Þannig að ef við heðfum ætlað að stofna nýja banka óháð kröfuhöfum og þrotabúum þá hefðum við væntanlega þurft að kaupa innstæðurnar úr gömlu bönkunum! Og við áttum nú ekki auðvelt með að fá hagstæð lán. Nú svo værum við einnig enn skuldsettari þá í dag.  Nú þurfti ríkið að leggja Landsbankanum nýja  til um 300 milljarða Sem við áttum ekki. Það var gert til að kaupa innistæður íslendingar út úr Gamal bankanaum og redda Icesave. Nú hefðum við þá ekki þurft að leggja hinum 2 bönkunum til annað eins!

Held að það sé líka hæpið að vitna í bækur sem heimildir sem hafa jú verið gagnrýndar fyrir að byggja ekki á staðreyndum. Og svo væri gaman að vita hvað menn ætlar að fá út úr rannsókn á þessu máli.

Væri svo ekki líka tilvalið að rannsaka afhverju að BM Vallá fékk öll þessi lán sem setti það svo á hliðina? Og eins að rannsaka einkavæðingu bankana upp úr aldamótum?

Afhenti ríkisbanka án heimilda

Gott á Framsókn og Sjálfstæðismenn!

Á meðan að þeir hafa verið uppteknir nú í 6 ár að ráðast á Samfylkingu og reyndar Vg líka þá kom bara annar flokkur á meðan og tætir til sín fylgi. Margt sem maður getur stutt hjá Pírötum þannig að maður bara fagnar þessu!

Þannig að bloggarar góðir haldið áfram ykkar góða starfi að tryggja að Framsókn og Sjálfstæðismenn eiga ekki séns eftir næstu kosningar!

Píratar lang vinsælastir

Svona gjörning á þjóðinn ekki að láta bjóða sér!

Það gengur ekki að fáum útvöldum sem gefinn bara heill fiskistofn til afnota fyrir slikk!

Skrifa undir takk fyrir!

http://www.thjodareign.is/

14.700 vilja makrílkvóta í þjóðaratkvæði

Hin vinnandi stétt

Veit ekki alveg hvaða herferð er í gangi nú. En held að sjálfstæðismenn séu að eyða peningum í vitleysu!

Nú síðustu vikurnar streyma út bækur sem skrifaðar eru af sjálfstæðismönnum eða gefnar út af stjálfstæðismönnum nema hvoru tveggja sér. Þetta eru bækur eins og Bylting - og hvað svo og núna bókin hans Eggerts And­er­senskjöl­in, rann­sókn­ir eða of­sókn­ir? þar sem kerfisbundið er unnið að því að skíta út alla sem komu að málum hér í og fyrir hrun.

Þetta er svo augljóslega tilraun til að skrifa söguna upp á nýtt og ótal atriði sem strax hafa verið hrakin sem þarna koma fram. En það sem undrar mig er að menn séu tilbúnir að eyða í þetta peningum að koma út þegar að fólk nú til dags getur googlað þetta og komist að því strax að upplýsingar þarna séu í besta falli vafasamar. Þetta er auðssjáanleag skipulögð herferð sem er í gangi og má reikna með að hún magnist næstu misseri.  Ekki viss um að þetta gagnist þeim neitt. Guðlaugi Þór tóks nú ekki að nýta sér stríðið sem hann fór í við Gunnar Andersen. Jú hann náði að hrekja hann í grípa til aðgerða sem síðoan hröktu hann frá starfinu en Guðlaugur er áfram bara lítill sjallastrákur sem hefur ekkert vægi.

En ef þetta er byrjunin á einhverju flóði frá peningaköllunum í sjálfstæðisflokknum til að endurrita söguna þá verða þeir að kaupa google.com og loka því. Nú í dag geta allir kannað mest af sögunni sjálft og menn komast ekki upp með að endurskrifa hana.

Skýrslur „peninga- og tímaeyðsla“