Nú fer að verða gaman! Davíð fengið nokkur góð högg í dag!

Mér er alveg sama hvað fólki finnst! Mér finnst að Björgólfur geri rétt í að halda á lofti sinni hlið á þessum málum. Veit að Mogginn verður næstu daga að reyna að draga úr vægi þess sem Björólfur segir en í dag hefur Davíð fengið mörg högg:

• „Á þessum tíma (maí 2008) voru taldir ýmsir meinbugir á því að slá stórt erlent lán. Til að mynda töldu hérlendir ráðamenn að kjörin væru of óhagstæð og sömuleiðis að það bæri merki um veikleika að taka lánið. Raunin varð sú að kjörin versnuðu hægt og bítandi. Þá mun ekki hafa verið full samstaða um þessi mál milli Seðlabankans og ríkisstjórnarinnar. Ríkisstjórnin kallaði stöðugt eftir upplýsingum um málið frá Seðlabanka og hafði bankinn ýmsar skýringar á því hvers vegna ekki gengi að útvega lán. Drógu menn því lappirnar og vildu skoða aðra möguleika,“ segir í skýrslunni. Einnig er haft eftir Björgvini G. Sigurðssyni, þáverandi viðskiptaráðherra, að tregða Seðlabankans til að svara kalli ríkisstjórnarinnar og taka „umrætt þrautavaralán, séu ein af stærstu ráðgátunum í aðdraganda bankahrunsins
• Tryggvi Þór Herbertsson, efnahagsráðgjafi forsætisráðherra, hélt því fram um líkt leyti að Davíð væri ómögulegur seðlabankastjóri sem þyrfti að víkja. Tryggvi talaði á þessum tíma um að þörf væri á að „slátra“ einum 2500 bankamönnum, þar á meðal ætti Sigurður Einarsson að „fórna“ Hreiðari Má Sigurðssyni. Ljóst er að ráðamenn, jafnt í stjórnarráðinu sem í Seðlabankanum, höfðu á þessum tíma hverfandi lítinn vilja til samstarfs við bankamenn. (www.eyjan.is )

• Að kvöldi 7. október ítrekaði Davíð Oddsson, þáverandi seðlabankastjóri, andstöðu sína við aðkomu Alþjóðagjaldeyrissjóðsins í viðtali í Kastljósi Sjónvarpsins. Í skýrslunni segir hins vegar, að það hafi verið á færra vitorði að ríkisstjórnin hafði um líkt leyti tekið ákörðun um að leita á náðir sjóðsins og átti að tilkynna á blaðamannafundi Geirs H. Haarde og Björgvins G. Sigurðssonar í Iðnó. (www.eyjan.is )

• Haft er eftir Björgvin í skýrslunni, að hann hafi undrast það á umræddum fundi að Geir minntist ekki á umsókn um aðstoð til  Alþjóðagjaldeyrissjóðsins. Eftir fundinn hefði hann komist að hinu sanna. Á leiðinni frá Stjórnarráðinu og út í Iðnó muni Davíð hafa hringt til Geirs og tjáð honum að alls ekki mætti leita til Alþjóðagjaldeyrissjóðsins. Hann hefði
  tryggt lán hjá Rússum og að auki myndu Norðurlöndin einnig lána Íslendingum. Hefði Davíð síðan sjálfur sent úr fréttatilkynningu um málið. mbl.is

Byggt á veikustu örmynt veraldar

Athugasemdir

[JR (IP-tala skráð) 19.8.2010 kl. 22:48]

Best væri að þú segðist ekki hafa lesið eitt né neitt, því það er skrifin frá Björgúlfi að þau eru lygi til að upphefja hann sjálfan !

Allir þeir sem sköpuðu okkur þessi örlög eru á fullu að kast skít út allt og reyna afvegaleiða umræðuna , og þetta gleypir þú bara sí svona !

En nema von þú tilheyrir þessu handónýta gjörspillta pólitíska liði sem getur ekkert gert af viti , nema að hlaða umdir eigið rassgat !

[Brynjar Jóhannsson, 20.8.2010 kl. 04:11]

Auðvitað má Björgin halda uppi sinni vörn. Mín upplifun er samt sem áður sú að hann sé að reyna að endurskrifa söguna. Rétt eins og Davíð með Morgunblaðinu. Ég held lika að tímasettningin er hálf furðuleg... Því á þessum tímapunkti er svo margt að gerastí fréttum. Ég velti fyrir mér hvort það hafi verið gert með ásettu ráði eða ekki.

[Bjarni (IP-tala skráð) 20.8.2010 kl. 05:59]

Ef maður lítur á þetta hrun í heild sinni, og les t.d. rannsóknarskýrslu alþingis, þá verður það ljóst að hrunið er mörgum aðilum að kenna. Bæði bankamönnum og ráðamönnum. Davíð Oddson og Björgólfur Thor, og fleiri eru þar lykilmenn, sem allir klúðruðu málunum. Það sem er fáránlegt, er að enginn þessara aðila telur að þeir hafi gert neitt rangt. Enginn hefur beðist afsökunar á sínum þætti í aðdraganda hrunsins.