Bíddu er Þór Saari enn á ný með samsæriskenningar

Sé ekki alveg hvað hann hefur fyrir sér í að fólk vilji koma Lilju út úr Vg. Finnst það nú frekar vera Lilja sem vill koma sér út úr Vg. Hún er ekki sammála þeim leiðum sem meirihlutinn í stjórnarmeirihlutanum hefur valið.

Held að málið sé að menn fara ekki að breyta stefnu sem tekin var 2008 með samstarfi við AGS. Og sér í lagi þegar að samningi við AGS líkur í ágúst á næsta ári. Þ.e. það eru 8 mánuðir eftir. Og flest sem spáð var í upphafi þessarar stefnu hefur staðist og rúmlega það.

Held að hún þó hámenntuð sé í Hagfræðum geri sér litla grein fyrir pólitískum afleiðingum þess að ganga gegn öllum yfirlýsingum og samningum. Alveg eins og hún gerði sér ekki grein fyrir afleiðingum þess að sitja hjá við fjárlagafrumvarpið fyrir næsta ár. Þ.e. að hún og félagar hennar voru að lýsa því yfir að þó þau segist styðja ríkisstjórnarsamstarfið þá eru þau á móti því sem það gengur út á skv. stjórnarsáttmálanum.

En svo er þetta röfl Þórs Saari alltaf kapituli út af fyrir sig. Hann er alltaf til í að koma með yfirlýsingar varðandi málefni annarra flokka. Ætti að lýta í eigin barm. T.d. að hann gekk úr flokknum sem hann var kosinn á þing fyrir um leið og hann var kominn á þing nærri því.

„VG gera allt til að losna við Lilju“

Athugasemdir

[Einar Guðjónsson, 22.12.2010 kl. 01:26]

Þú ert alveg að tapa þér og áttar þig ekkert á því að kreppan er bara rétt að byrja hér með ÞESSU fjárlagafrumvarpi. Því miður sannaðu til.

[GG (IP-tala skráð) 22.12.2010 kl. 07:07]

Þórsaari óttast að Lilja verði sjálf að neyðast til að segja sig úr VG. 

Ef hún fer þaðan þá hefur stjórnarandstaðan ekkert gagn af henni því hún hefur ávallt lekið upplýsingum til þeirra 

Fyrir nú utan að fjölmiðlar myndu missa áhugann á Lilju og það væri skelfileg tilhugsun fyrir hana sem nærist á því að láta fjalla um sig.

[Ólafur Ingi Hrólfsson, 22.12.2010 kl. 09:41]

Þór er að vilta því fyrir sér hvert sé Íslandsmetið í golfi.

Kanski vill hann í ríkisstjórn - það vantar stuðning - frábært að fá Hreyfinguna þangað inn - þá gæti Þór S. fetað í fótspor Steingríms og farið að gleypa.

[Gummi (IP-tala skráð) 22.12.2010 kl. 11:05]

Einar, þessi Magnús er svo vitlaus að við hlægjum okkur alltaf máttlausa hérna í vinnunni af pistlunum hans, einn orðaði það vel, ef Samfylkingin myndi setja það á stefnu skrá sína að taka ætti Magnús af lífi þá myndi hann samt styðja það og finna einhver hörmuleg rök með því eins og öllu öðru.

Ótrúlegt eftir allt 2007 ruglið að til sé fólk eins og hann, gerilsneytt allri sjálfstæðri hugsun heldur fer í ákveðið pólitísk lið og til í að verja það, sama hversu fáranlegt það er, maður hélt að þetta væri nánast hætt en greinilega ekki.

[Magnús Helgi Björgvinsson, 23.12.2010 kl. 01:34]

Gott að ég skemmti ykkur félagar. Sé ekki alveg hvað Gummi á við með 2007 ruglið. Ég hef mjög einfelda stefnu. Ég tel að það hafi verið eina færa leiðin fyrir okkur. Byggi það m.a. á því að sú ætlun er vottuð af AGS sem hefur yfir að ráða um 700 hagfræðingum og sérfræðingum sem hafa unnið í löndum sem hafa lent í svipuðu og við. Finnst að fólk sem er að kaupa rök um að hér sé hægt að sleppa við að skera niður eða minnka niðurskurðinn án þess að draga þessa kreppu á langinn. Sem sagt af því að ég styð stefnu stjórnarinnar þá er ég vitlaus. Ef svo er þá verður svo að vera.

Flestir sem setja út á mig eru á því að það sé hægt auðveldlega að

• Lækka skuldir heimila
• Sleppa öllum niðurskurði
• Sleppa öllum skattahækkunum
• Að við berum enga ábyrgð á Icesave

Sorry ég er ekki að kaupa þetta. Halda menn að ríkisstjórnin væri ekki búin að gera þetta fyrir löngu ef þetta væri svona létt. Þeir sem halda þessu fram hafa fæstir nokkurntíma komið að stjórn áður. Þetta fólk hefur ekki þurft að reyna að ná samningum við bankana og fjármálafyrirtæki, kröfuhafa, önnur ríki og svo framvegis. Orði eru mjög ódýr og sér í lagi ef menn þurfa ekki að bera ábyrgð á þeim. Alveg víst að Jóhanna og Steingrímur hefðu kosið að eiga aðra arfleið en þessar þrengingar sem þau verða að leggja á þjóðina. En hjá því verður ekki komist og nú þegar farið er að sjá til botns í þessu er stjórnarandstaðan loks farin að vinna kerfisbundið að því að koma stjórninni frá vegna þess að fjárlög 2012 verða auðveldari en nú. Og þá geta þeir ef þeir komist í stjórn slegið sig til riddara því aðrir eru búnir að vinna skítverkin.

[Magnús Helgi Björgvinsson, 23.12.2010 kl. 01:54]

Svona til að upplýsa mína skoðun þá vil ég segja eftir farandi

• Ég tel að við eigum að klára samning okkar við AGS sem lýkur í ágúst n.k. við höfum ekki betri leið. Og græðum ekkert á því að breyta bara um stefnu vegna þess að nokkrir þingmenn stynga upp á því.
• Ég er á móti því að við skattleggjum séreignarsparnaðinn nú bæði vegna þess að ég held að fólk haldi ekki áfram að safna í séreignarsparnað ef að ríkið tekur 3,7 krónur af hverjum 10 sem fólk leggur inn til ávöxtunar sem og ekkert er öruggt að þetta verði ekki skattlagt aftur þegar að úttekt kemur. Og svo náttúrulega að við erum að draga úr tekjum ríkisins í næstu framtíð. Og því væri þetta í raun skuldfærsla á afkomendur okkar.
• Við eigum að ganga í ESB með sérákvæðum um fiskiauðlindir okkar. Og í framhaldi af því eigum við að taka upp evru.

Og svona til að minna fólk á þá hafa íbúðaeigndur áður lent í verðbólgu og lán þeirra hækkað. Það var t.d. 1989. Og til að upplýsa það þá lenti ég í þeirri verðbólgu og rétt náði að losa mig við íbúð 1994 þegar ég var orðiin tæknilega gjaldþrota. Og er nú fyrst að klára að greiða upp mín lán. Hef samt átt gott líf og getað stutt  börnin mín dyggilega.  Það er eins og fólk haldi að þetta hafi bara komið fyrir fólk núna. Ég man eftir staðgreiðsla var minnir mig um 42% Og það var fyrir ekkert svo löngu kannski 15 árum. Og viti menn þó fullt af fólk hafi misst íbúðir áður þá hafa flestir komist ágætlega af.