Leita í fréttum mbl.is

Ef að bændasamtökin ætla að láta svona finnst mér rétt að hætta að semja við þá um framleiðslustyrki

Finnst rétt að í næstu samningum við bændur um greiðslur frá ríkinu verði tekin upp greiðsluviðmið ESB sem ganga út á að bændur fái styrki fyrir fjölda skeppna og stærð lands. Síðan verði innflutningur gefin að mestu frjáls á kjöti. Þetta er hópur kannski 4 bænda og ef að þeir telja að hagmunir þeirra eigi að ganga fyrir hagsmunum okkar hinna þá bara eigi þeir sig. Það er óþolandi að bændur og útgerðamenn ráði hér öllu um framtíð okkar. Nú í dag erum við að borga þeim á annan tug milljarða í styrki um leið og við erum að borga sem neytendur hátt verð fyrir afurðir þeirra sem og að reka Bændasamtökin fyrir þá.

Þróun sem þeir hræðast við inngöngu í ESB er þegar í gangi hér á Íslandi. Lögbýlum hefur fækkað um 30 til 40% minnir mig síðustu áratugina og önnur býli hafa stækkað. Hér á landi eigum við neytendur ólíkt flestum öðrum löndum ekki möguleika á að kaupa kjöt eða aðrar afurði frá öðrum nema á ofurtollum eða einhvern smá slatta sem er leyft að flytja inn á ári. Og fyrirtæki bænda kaupa oft upp þá kvóta þannig að ekkert er flutt inn. Man t.d. eftir osti.

Fyrst að bændur í öllum öðrum ESB ríkjum geta framleitt nóg fyrir innanlandsmarkað og meira en það þá skil ég ekki af hverju bændur hér á landi ættu ekki að geta það.


mbl.is Ítreka andstöðu við ESB-aðild
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Valur Jensson

ESB-sinnum ferst nú ekki að gagnrýna framleiðslustyrki ...

Menn fórna ekki sjálfstæði þjóðar sinnar fyrir svolítið ódýrari kjötbita.

Þar að auki hefur verið haldið uppi miklum blekkingum um samanburð á matvöruverði hér á landi og í ESB. Verðið er reyndar mun lægra í Bandaríkjunum en meðalverð í ESB. Menn horfa að því er virðist viljandi fram hjá smæð markaðarins hér og miklum flutningskostnaði. Okurtilhneiging er hér einnig á ýmsum sviðum verzlunar og myndi ekki hverfa með ódýrari innkaupum kaupmanna.

Það er líka gersamlega óraunhæft fyrir okkur að miða við "meðalverð í ESB", því að stór hluti þess er í S- og A-Evrópu, þar sem ríkir allt annað verðlag en í NV-Evrópu.

Og nú þegar er helmingur matvæla tollfrjáls.

Svo er matarkarfan ekki nema um 16% af útgjöldum meðalfjölskyldu ...

Jón Valur Jensson, 9.3.2011 kl. 23:58

2 Smámynd: Anna Sigríður Guðmundsdóttir

Magnús Helgi. Þetta eru einungis fá sjónarhorn á þessu máli. Það yrðu lagðar niður allar mjólkurstöðvar, kjötiðnaðarstöðvar og vinnustaðir bænda.

Hvar eigum við að færa allt þetta til svo vel gangi fyrir alla, og með tilheyrandi gjaldeyristapi?

 Sumir bændur eru ekkert í vandræðum með að flýja frá landinu þegar atvinnan hefur verið tekin frá þeim, en aðrir þurfa aðra atvinnu á Íslandi eða atvinnuleysisbætur sem einhver verður að skaffa með sínum sköttum?

 Og ekki getum við enn flutt gjaldeyri ókeypis inn í landið svo ég viti til? Alla vega ekki á löglegan hátt? Og gjaldeyrir er nauðsynlegur til að flytja inn landbúnaðar-vörur eins og aðrar vörur.

 Eftir því sem ég hef komist næst getum við Íslendingar sjálfir lækkað innflutnings-tolla ef við komum einhverntíma sanngjörnu og réttsýnu fólki í allra æðstu embættis-valdastöður Íslands.

 Þetta eru bara vangaveltur mínar sem þarfnast opinnar, sanngjarnar og gagnrýnar umræðu.

 M.b.kv.

Anna Sigríður Guðmundsdóttir, 10.3.2011 kl. 00:21

3 Smámynd: Jón Valur Jensson

Flott hjá þér, Anna Sigríður.

Já, "Fyrir hvaða gjaldeyri eigum við að kaupa landbúnaðarvörur?" (þ.e.a.s. allan þennan auka-innflutning sem kæmi með "aðild"), eins og Helga nokkur spurði á Útvarpi Sögu að morgni baráttudags kvenna. Vita menn ekki, að erlendur gjaldeyrir er dýrkeyptur? Neyzla á innanlandsvörum eykur hins vegar veltu landsmanna sjálfra.

PS. Maggi, svakalegur er hann þessi blogghaus hjá þér! "Ég segi já við Icesave," segir þar, ásamt öðru slæmu. En sagðir þú ekki já líka við Icesave-I og Icesave-II?! Eigum við þá að trúa þér núna?

Jón Valur Jensson, 10.3.2011 kl. 00:53

4 identicon

Þvergirðingsháttur er þetta. Það er bara eitt IceSave. Allt blaður um iceSave I, II, III og MCMXII er bjánatal.

Páll (IP-tala skráð) 10.3.2011 kl. 00:58

5 Smámynd: Helga Kristjánsdóttir

     Ísland þarfnast fæðuöryggis,bændur geta vonandi rekið sín bú á landinu,um ókomna tíð. Vonandi eykst grænmetis og ávaxtarækt með tíð og tíma.

Helga Kristjánsdóttir, 10.3.2011 kl. 01:37

6 Smámynd: Jón Frímann Jónsson

Anna María, þetta er ekkert nema hræðsluáróður. Enda munu hvorki mjólkurstöðvar verða lagðar niður (þær sem er ekki nú þegar búið að leggja niður í dag) eða kjötvinnslustöðvar (þær sem er ekki búið að leggja niður nú þegar í dag).

Gjaldeyrir verður ekki vandamál þegar íslendingar taka upp evruna sem gjaldmiðil.

Jón Frímann Jónsson, 10.3.2011 kl. 01:49

7 Smámynd: Anna Sigríður Guðmundsdóttir

Jón Frímann. Ég býst við að þú hafir verið að svra mér hér. Það var síður en svo meiningin að hræða neinn, enda kemst enginn að málefnanlegri og raunhæfri niðurstöðu með hræðsluáróðri og hótunum.

 Mjólkurstöðvar hafa verið sameinaðar, sumar lagðar niður og vinnslan þá flutt í aðrar, líklega til hagræðingar. Ég tel að kjötvinnslustöðvar megi færa beint á býlin til að hagræða og lækka vöruverð og milliliðum, en einhver ógnar-embættismanna-öfl standa gegn því eftir því sem mér hefur sýnst og hvaða valda-öfl skyldu það vera? Ekki veit ég það. Við þurfum að vita það til að geta tekið upplýsta og réttláta afstöðu.

 Þér er kannski  kunnugt um hvert þessir landbúnaðarstyrkir fara? Mér er alla vega ekki kunnugt um hvert þeir fara? Ég veit bara að flestir bændur neyðast til að vinna aðra vinnu með landbúnaðinum til að geta lifað, því tekjur þeirra eru ekki háar.

 Hvert fara landbúnaðar-styrkirnir? Eru ekki einhverjir bankar sem eiga fullt af búum og jörðum? Gott væri að fá greinargóða skýringu á því?

 Það væri gott að skilgreina það áður en stóru ákvarðanirnar eru teknar. Mér finnst við Íslendingar vera nógu oft búin að framkvæma fyrst og spyrja svo.

 Það er með þetta eins og Icesave, að fólk á rétt á að vita hvert og hvers vegna peningarnir hafa farið, til að geta tekið hlutlaust upplýsta afstöðu um málin.

 Ég er mjög hlynnt sanngirni, réttlæti og málnefnanlegri rökræðu um málin til að fólk geti skilið og myndað sér skoðun á sönnum og réttátum grundvelli. Hræðsluáróður er ekki neinum til gagns og sanngjörn skiljanleg rök verða að fylgja með ef eitthvað á að virka til góðs fyrir okkur öll, bæði já og nei fólk.

 M.b.kv.

Anna Sigríður Guðmundsdóttir, 10.3.2011 kl. 08:31

8 Smámynd: Anna Sigríður Guðmundsdóttir

svara, átti þetta að vera í efstu línu. M.kv.

Anna Sigríður Guðmundsdóttir, 10.3.2011 kl. 08:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband