Skúbb varðandi samskipti við kröfuhafa?

Var að vafra um netið og rakst á pistil eftir Vilhjálm Birgisson sérlegan vin Framsóknar, sérfræðing í afnámi verðtryggingar og verkalýðsleiðtoga á Akranesi. Hann segir í pistli frá því gær hluti sem ég er hissa á að engin fjölmiðill hafi kannað nánar. Þarna talar jú maður sem fundar með Sigmundi og Eygló:

Ég er algjörlega sannfærður um að við munum sjá þessi merki í komandi fjárlagafrumvarpi að stjórnvöld ætla að taka á kröfuhöfum föllnu bankanna og ég spái því að það verði gert með því að skattleggja þá hressilega.

Um leið og það liggur fyrir munu kröfuhafar föllnu bankanna koma á fjórum fótum og óska eftir samningum og það strax! 

Á ég að trúa að allir blaðamenn séu svon þreyttir á lofræðum Vilhjálms um Sigmund og Framsókn að þeir séu hætti að lesa pistla hans. Þarna  segir hann að í fjárlögum verði tekið til við að skattleggja kröfuhafa fölnu bankana. Án þess að reynt hafi verið að semja við þá. Þetta kemur mér mjög á óvart.  Og full ástæða fyrir fréttamenn að skoða þetta. 

Frumkvæði kröfuhafanna ekki mikið

Athugasemdir

[Gunnar Heiðarsson, 18.9.2013 kl. 08:15]

Það er nú gott að þú skulir vera farinn að lesa skrif Villa, Magnús. Það er öllum hollt, enda skrif hans betri og skynsamari en flestra annara. Það sem meira er, hann lætur ekki duga að skrifa um hlutina, eins og við flest hin, heldur fylgir hann sínni skoðun eftir.

Varðandi pólitíska afstöðu Villa þá er rétt að láta koma skýrt fram að hann er utan allra stjórnmálaflokka. Hins vegar hefur hann ákveðnar skoðanir á málefnum fjölskyldna landsins og launþega. Því leitar hann samstarfs hjá þeim sem líklegastir eru til að hjálpa honum á þeirri braut. Áður hallaði Villi sér að Samfylkingu, enda sá flokkur sem lofaði varðstöðu um láglaunafólkið og fjölskyldurnar, auk afnámi verðtryggingar. Á síðasta kjörtímabili kom síðan í ljós að þar fór fram orðræða en engar efndir.

Fyrir síðustu kosningar var það Framsókn sem var með málflutning til varnar fjölskyldum landsins og boðaði að auki afnám verðtryggingar. Því hallaði Villi sér þangað, í von um efndir. Vel getur svo farið að úrtölufólkinu takist að koma í veg fyrir áætlanir Framsóknar og fari svo mun Villi sannarlega gangrýna þann flokk, á sama hátt og hann gagnrýndi aðgerðarleysi Samfylkingar á síðasta kjörtímabili.

Um þann titil að hann sé "sérfræðingur í afnámi verðtryggingar" er það eitt að segja að ef hægt væri að titla einhvertn sérfræðing á því sviði, þá væri Villi sennilega einn fárra Íslendinga sem gæti borið þann titil. Villi hefur skoðað þetta mál til margra ára, frá flestum eða öllum sjónarhornum. Fáir geta staðist hann í rökræðum um verðtrygginguna. Það væri betra að flestir þeir sem galgopa um verðtrygginguna og þátt hennar í hagkerfi landsins kynntu sér málið, þó ekki væri nema til hálfs við Villa.

Allur málflutningur Villa Bigg byggir á því einu að standa vörð um sína umbjóðendur. Þurfi hann að halla sér að einhverjum stjórnmálaflokki til að koma málum áfram, skoðar hann málflutning þeirra, ekki bókstaf. Hann er líka grimmur þegar hann finnur að hann hafi verið svikinn.

Flestir aðrir sem tjá sig, hvort heldur er um vanda heimila landsins eða almenna pólitík, eru blindaðir af flokkshollustu eða eigin hagsmunum.

Það er undarlegt að hlusta á forystu Samfylkingar mótmæla aðgerðum sem ætlaðar eru til hjálpar alþýðu landsins. Þessi flokkur kallar sig þó jafnaðarmannaflokk!!

[Gunnar Heiðarsson, 18.9.2013 kl. 08:21]

Varðandi spá Villa um að í fjárlögum verði lagður skattur á kröfuhafa föllnu bankana, þá á ég bágt með að trúa að einhver hafi á móti slíkri skattheimtu. Þetta er að vísu hugrenningar Villa, kannski vegna þess að hann skynji eitthvað í þessa átt í sínum samtölum við forystu Framsóknar.

En fjármálaráðherra er illu heilli ekki innan þess flokks og það er jú hann sem leggur fram fjárlagafrumvarpið.

Um spekúleringar þínar Magnús, að fjölmiðlar ættu að skoða þessi ummæli Villa, þá er það eitt að segja að slík skoðun er vart möguleg fyrr en við framlagningu fjárlagafrumvarpsins. 

Öll umræða fram til þess er bara ímyndum og til þess eins fallin að hræra í skítnum. Skítkast fjölmiðla er nægt fyrir.

[Ragnhildur H. (IP-tala skráð) 18.9.2013 kl. 18:53]

þakkir Gunnar fyrir góða pistala og svo innilega sammála þer og að sjálfsögðu Vilhjálmi Birgis ,sem er eins og þú segir sá sem fólk ætti að lesa og hlusta til að kynna ser hlutina áður en það  blaðrar !!

[Sigurður (IP-tala skráð) 18.9.2013 kl. 20:28]

Gylfi Magnússson, höfundur kúbu norðursins kom með snilldarlausn í dag.

tökum erlent lán, og notum það til að greiða niður erlendar skuldir ríkisins.

Ólýsanlega eigum við gott að hafa svona hámenntaðan hagfræðing sem kennara í Hí.