Svona að velta fyrir mér hvað yrði um landið ef að 2000 milljarðar af krónum kæmu hér á markaðin?

Er ekki talað um að eignir gömlu bankana séu um 2000 milljarðar í erlendum eignum og svo um 800 milljarðar í krónueignum sem m.a. eru báðir bankarnir. En er svona að velta fyrir mér hvað þessi dómur þýðir. Er verið að tala um þessa 800 milljarða sem við vissum öll að væru í krónum? Eða er verið að tala um allan pakkan?

Eins þá væri gaman að vita hvað ríkisstjórnin ætlar að gera til að koma í veg fyrir verðbólgu ef við segjum að við fáum um 3 til 400 milljarða af krónueignum beint eða óbeint inn í hagkerfið snögglega. Síðast þegar það gerðist var þegar Kárahnjúkar voru byggðir og lán tekin fyrir því. Það fylgdi því einmitt verðbólguskot sem stóð nærri til 2008.

Hvati fyrir kröfuhafa að semja

Athugasemdir

[Jósef Smári Ásmundsson, 28.9.2013 kl. 10:56]

Ég held að skilningur þinn á orsökum verðbólgu sé af ansi skornum skammti.

[Ómar Bjarki Kristjánsson, 28.9.2013 kl. 11:58]

Jú, þetta er alveg rétt ábending hjá þér Magnús. Umræðan hérna uppi í fásinni er að verða algjörlega fáránleg.

Umræðan er að verða það fáránleg og það er það mikið bull í gangi - að maður verður verulega hugsi.

[Guðmundur Ásgeirsson, 28.9.2013 kl. 12:31]

Einfaldasta ráðið til að koma í veg fyrir sífellda verðbólgu er að afnema heimildir til verðtryggingar útlána bankakerfisins.

Hinsvegar hefur maggi (aldrei þessu vant) rétt fyrir sér, að það getur líka verið varasamt ef krónur flæða í umferð í þeim mæli sem hann leggur til grundvallar sem forsendu. Einfaldasta ráðið við því er líka mjög einfalt: að hleypa þeim ekki í umferð. 

[Oddur zz (IP-tala skráð) 28.9.2013 kl. 14:28]

Nokkur hundruð milljarðar sem ekki komast úr landi munu leita í  öruggasta skjólið og hæstu ávöxtunina. Hvert þessar krónur fara ráðum við engu um enda enginn munur á þeim krónum og krónunum í veskjum landsmanna. Þar munu sennilega fjármálastofnanir og ríkið keppast um að bjóða hagstæðustu kjörin. Þær fara í umferð, verða látnar vinna, og það gæti orsakað verðbólguskot en það sem verra er er að upphæðin sem vill úr landi hækkar og hækkar og verður erfiðari með hverjum deginum. Spurningin er hvort við kippum plástrinum af snöggt og höldum áfram eins og menn eða tökum okkur nokkur ár eða áratugi í það að kroppa í hann, væla og vorkenna okkur. En endalausar pælingar um hvernig við getum stolið þessum krónum eða kúgað þær útúr útlendingunum eru siðspillandi og ekki sæmandi neinni þjóð.

Hér var sífelld verðbólga í áratugi áður en verðtrygging lána eins og við þekkjum hana kom til. Þannig að við sem eldri erum höfum reynsluna af því að verðbólgan er ekkert minni eða viðráðanlegri án verðtryggingar lána. Í besta falli hefur verðtryggingin dempað verðbólguskotin síðan hún var tekin upp, í versta falli hefur hún engin áhrif haft.

[hehe (IP-tala skráð) 28.9.2013 kl. 17:13]

Þær eru nú þegar í umferð, hvort heldur sem slitastjórnir eða kröfuhafar halda á þessum krónum.

[Ásgrímur Hartmannsson, 28.9.2013 kl. 17:15]

Við töpum líklegast á því. Sama hver vinnur, við töpum alltaf.

[Jósef Smári Ásmundsson, 28.9.2013 kl. 19:30]

Sýnist nú hehe hafa rétt fyrir sér.Þessir peningar eru nú þegar í veskinu og bíða þess að verá borgaðar út.Það koma engir peningar inn í landið.Spurningin er einungis hvort það þarf að tæma veskið eða semja um að halda einhverju eftir. En það verður líka að semja um að borga þetta í áföngum á löngum tíma,annars lækkar gengi krónunnar og það veldur verðbólgu-hækkarverð innnfluttrar vöru.

[Ómar Bjarki Kristjánsson, 28.9.2013 kl. 19:40]

Sammála Oddi zz.

Líka sammála því sem hann bendir á um miðbik pistils.

Þessar endalausu pælingar um hverig hægt sé að svinala og fokka á útlendingum - það hefur siðspillandi áhrif.

Þessi eilífa hálfvitaþjæla um hvernig hægt sé að, í raun stela, peningum af útlendingum, seytlar sífellt útí þetta samfélag hérna og hefur smám saman siðspillandi áhrif í heildina séð.

Þetta hugsa ekki margir útí eða veita enga etirtekt - en ég hef tekið eftir því að sennilega er umrætt þegar farið að hafa áhrif.

Ef þessu fer ekki að linna gætum vð horft uppá annað hrunn innan skamms.

[Ómar Bjarki Kristjánsson, 28.9.2013 kl. 19:59]

Ps. Er nefnilega alveg sérumræða.

Það er alveg með ólíkindum hve margir íslendingar eru allt í einu orðnir sérfræðingar í fjármálatrixum og fixum allt í einu. Þ.e.a.s. hvernig eigi að fokka og svindla fjármálalega á útlendingum.

Það er bara eins gott að útlendingar kunni ekki íslensku og enginn fylgist með umræðu hér uppi í fásinni.

Þessi eilífa umræða um hvernig beisiklí eigi að stela peningum af útlendingum er í rauninni hneykslanleg og skammarleg fyrir innbyggja.

Fyrir utan það að - það er akkúrat ekkert vit í henni.

Sem sést best á fíflaganginum með Icesaveskuldina. Allur sá fíflagangur varð til einskis - nema að kalla fram aukaskaða sem leggst á landið og lýðinn.

[Guðmundur Ásgeirsson, 29.9.2013 kl. 11:41]

Oddur: Hér var sífelld verðbólga í áratugi áður en verðtrygging lána eins og við þekkjum hana kom til. Þannig að við sem eldri erum höfum reynsluna af því að verðbólgan er ekkert minni eða viðráðanlegri án verðtryggingar lána. Í besta falli hefur verðtryggingin dempað verðbólguskotin síðan hún var tekin upp, í versta falli hefur hún engin áhrif haft.

Þarna snýrðu því miður orsök og afleiðingu á hvolf. Verðtrygging hefur ekki dempað nein einustu verðbólguskot? Ef þú ætlar að halda slíki endaleysu fram verðurðu að útskýra það hvernig verðtrygging hefur áhrif á verðbólguna til lækkuna, þegar niðurstöður fyrirliggjandi rannsókna á háskólastigi sýna fram á hið öndverða. Hversu mikið hefur þú annars rannsakað þetta? Greinilega ekki mikið.

Áður fyrr var mikil verðbólga hér af völdum heimskra stjórnmálamanna sem prentuðu alltaf bara fjárlagahallann þegar ríkissjóður var kominn í þrot, og kölluðu það "gengisfellingu" án þess að hafa hugmynd um hvað þeir voru í raun að gera eða hverskonar tjóni þeir voru að valda þjóð sinni og sér sjálfum með þessu háttalagi. Á áttunda áratugnum toppuðu þeir svo vitleysuna þegar tekið var upp fyrirbæri sem gerir þetta sama, nema bara alveg á sjálfvirkan og þar af leiðandi stjórnlausan hátt: verðtryggingu útlána bankakerfisins. Hún tók við af stjórnmálamönnum að prenta peninga fyrir bankana og offramleiða þá, sem gat auðvitað bara leitt til rýrnunar krónunnar og verðbólgu eins og peningaprentun fyrri áratuga af hálfu stjórnmálamanna. Þessu til sönnunar er nóg að líta til þess að peningamagn í umferð fjórfaldaðist bókstaflega á aðeins þremurárum fyrir hrun. Það gerðist vegna magnandi meðsveiflunaráhrifanna (resonance) sem verðtrygging útlána bankakerfisins hefur á peningakerfið.

P.S. Ómar Bjarki / Oddur eða hvað sem þú heitir, það er ekki klókt að byggja strámann úr sjálfum sér, og gera hann að viðmælanda sínum. Það væri mikill akkur í því ef þú tækir upp málefnalega umræðu og létir af þeirri hatursfullu sem hér er leyft að þrífast.