Ok svona lítur dæmið þá út eins og ég skil það

Stefnt er að því að allir fái lækkun á höfuðstól upp á 13% en þó aldrei hærra en 4 milljónir.

Þeir sem hafa fengið 110% leiðréttingu og annað eiga bara rétt á mismuni þess sem þeir fengju skv. 13% leiðréttingu og svo því sem þeir ættu að fá skv. þessum nýju útréttingu.

Auk þess geta menn óskað eftir því að greiða séreignarsparnað sinn inn á lánin næstu ár og fengið það skattfrjálst þannig að það dregst frá tekjuskatti. 

Ok 13% leiðin lítur þá þannig út:

 

 

Höfuðstóll	13% lækkun	Eftirstöðvar
1.000.000	130.000	870.000
2.000.000	260.000	1.740.000
3.000.000	390.000	2.610.000
4.000.000	520.000	3.480.000
5.000.000	650.000	4.350.000
6.000.000	780.000	5.220.000
7.000.000	910.000	6.090.000
8.000.000	1.040.000	6.960.000
9.000.000	1.170.000	7.830.000
10.000.000	1.300.000	8.700.000
11.000.000	1.430.000	9.570.000
12.000.000	1.560.000	10.440.000
13.000.000	1.690.000	11.310.000
14.000.000	1.820.000	12.180.000
15.000.000	1.950.000	13.050.000
16.000.000	2.080.000	13.920.000
17.000.000	2.210.000	14.790.000
18.000.000	2.340.000	15.660.000
19.000.000	2.470.000	16.530.000
20.000.000	2.600.000	17.400.000
21.000.000	2.730.000	18.270.000
22.000.000	2.860.000	19.140.000
23.000.000	2.990.000	20.010.000
24.000.000	3.120.000	20.880.000
25.000.000	3.250.000	21.750.000
26.000.000	3.380.000	22.620.000
27.000.000	3.510.000	23.490.000
28.000.000	3.640.000	24.360.000
29.000.000	3.770.000	25.230.000
30.000.000	3.900.000	26.100.000
31.000.000	4.030.000	26.970.000

Þeir sem ná 4 milljónum fá þá 20 þúsund króna lækkun á mánaðargreiðslum sínum og geta svo lækkað það enn meir með að greiða séreignarsparnað inn á höfðustólin. En þeir sem skulda um 15 milljónir lækka aðeins um 10 þúsund á mánuði við höfðustólslækkun. 

Smá viðbót

Sko eins mér sýnist þá væru þessar tillögur allt í lagi ef að ekki væri að fjármögnun þeirra er á ábyrgð ríkisins. Þ.e. með ríkisábyrgð. Og ríkið ætlar svo á næstu 4 árum að ná í þessa peninga með skattlagningu banka og þrotabúa þeirra. En er ekki viss um að það gangi. Veit ekki nema að það sé bort á ýmsum lögum og því verði það hörð barátta að ná í þessa peninga. Og ef það tekst ekki falla þessar greiðslur jú á ríkið. 

„Skuldaleiksýningin var tilkomumikil“

Athugasemdir

[Jóhann Kristinsson, 30.11.2013 kl. 22:41]

Ekki vera svona svartsýnn og svo kemur afnám verðtryggingu.

Þetta hefði JoGrima getað gert en af þvi að þau er fyrir auðmannaelituna en ekki launþega þá gerðu þau ekki neitt.

Hvað ætli Arni Pall geri núna, þetta verður ekki hægt nema að ganga i ESB og taka upp evru?

Goð byrjun hjá Sigmundi og Bjarna, áfram með smjörið, so to speak.

Kveðja fra Houston

[Halldór Guðmundsson (IP-tala skráð) 30.11.2013 kl. 22:48]

Held að þetta sé ekki réttur skilningur hjá þér.

"Verðtryggð húsnæðislán verða færð niður um fjáhæð sem samsvarar verðbótum umfram 4.8% sem féll til á tímabilinu des.2007 til ágúst 2010"

Þeir sem borga mikið í séreignasparnað fara vel út úr þessu, og gott að leigjendur fái skattaafslátt líka til að leggja fyrir.

En það er með öllu óásættanlegt, að miða við 4.8% verðbólgu, því verðbólgu markmið Seðlabankans hefur verið 2.5% verðbólga, það er það sem lánþegar stóluðu á þegar lánin voru tekin, það væri hægt að sætta sig við 3.0% verðbógu markmið en enganvegin 4.8%,þess vegna er ég mjög ósáttur við þessa lausn,því 4.8% verðbóga er næstum 100% hærra en verðbólgumarkmið Seðlabankans, sem lánþegar urðu að stóla á, og reikna með þegar lánin voru tekin.

[Magnús Helgi Björgvinsson, 30.11.2013 kl. 22:57]

Sko ég er bara að skoða það sem gerist strax. Það er að öll lán lækka um 13% af höfuðstól sbr.

"Þetta samsvarar um 13% leiðréttingu á vísitölu neysluverðs til verðtryggingar. Hámarksfjárhæð niðurfærslu á heimili verður 4 m.kr. Um 90% heimila sem rétt eiga til leiðréttingar verða ekki fyrir skerðingu vegna hámarksins, þ.e. lán sem stóðu í allt að 30 m.kr. í lok árs 2010. Til frádráttar koma fyrri úrræði til lækkunar höfuðstóls sem lántakandi hefur notið. Þau lán sem skapa rétt til leiðréttingar eru verðtryggð húsnæðislán vegna kaupa á fasteign til eigin nota. Leiðrétting er að frumkvæði lántaka og þarf að sækja um hana hjá lánveitanda sem er með húsnæðislán á fremsta veðrétti á umsóknardegi. Lagt er til að sá lánveitandi verði umsjónaraðili leiðréttingar og annist framkvæmd hennar í samræmi við þá aðferðafræði sem lýst er í skýrslu sérfræðingahóps um höfuðstólslækkun verðtryggðra húsnæðislána."

Hámark lækkunr vegna leiðréttingarsjóðs verður 4 milljónir. 

En síðan kemur að þeir sem hafa séreignarsparnað verður heimlit að láta greiða hann inn á höfuðstól og lækka lánin enn frekar.  Og það gæti dugað þannig að á 4 árum gæti höfuðstóllinn lækkað um meira en 20% með atgerðunum saman.   

[Óskar Guðmundsson, 30.11.2013 kl. 23:42]

Lántakandinn er sá sem ber ábyrgð á ALLRI upphæð lánsins uns skuldin er að fullu greidd.

Það er ekkert öðruvísi hér enda á að koma í veg fyrir að menn "hlaupist undan". Eini munurinn er að ríkið er að taka þátt í niðurgreiðslu lána.

[Halldór Guðmundsson (IP-tala skráð) 30.11.2013 kl. 23:43]

Tímabilið er des 2007-ágúst 2010

Lán tekið 1. jan 2010 lækkar ekki um nein 13%, heldur aðein það sem er umfram 4.8% verðbólgu, það eru aðeins nokkrar krónur.

[Halldór Guðmundsson (IP-tala skráð) 30.11.2013 kl. 23:52]

Tímabilið er des 2007-ágúst 2010

Lán tekið 1. jan 2010 lækkar ekki um nein 13%,heldur aðeins um það sem er ufram 4.8% verðbólgu, sem eru aðeins nokrar krónur.

[Ómar Bjarki Kristjánsson, 1.12.2013 kl. 01:03]

Þetta er auðvitað rétt hjá magnúsi. Á hvern einstakling verður oftast ekki um neitt að ræða sem skiptir máli. Jú jú, verður allt í lagi sporsla fyrir þá sem eru ekki í neinum greiðsluvanda. Þeir fá auka neyslueyri. En þetta leysir nánast engan vanda fyrir þá sem eru í vanda augljóslega.

Vandamálið við aðgerðina er að skuldsetning ríkis eykst um mitt næsta ár um 80 milljarða ef af verður (sem eg efast alveg um) auk þess sem þetta laskar tekjuhlið ríkis og það verður einhversstaðar að koma niður. Og þá liggja hinir verst settu sennilega fyrst við höggi miðað við reynsluna af eítuflokkunum.

Hitt er svo annað, að sviðsmyndin og propaganda fjölmiðla frmsjallaflokkanna er auðvitað brosleg í besta falli. Og al-tómasta hægra liðið auðvita fellur í yfirlið eins og smápíur á bítlatónleikum 1965.

[Bjarni Gunnlaugur (IP-tala skráð) 1.12.2013 kl. 02:20]

Halldór segir:

"En það er með öllu óásættanlegt, að miða við 4.8% verðbólgu, því verðbólgu markmið Seðlabankans hefur verið 2.5% verðbólga"

Þú gleymir því Halldór að tekjur manna hafa líka hækkað á tímabilinu, þó að um forsendubrest og stökkbreytingu hafi verið að ræða þá er samt ekki svo að verðbólgan hafi verið öll á hlið lántakenda.

Ef t.d. meðaltekjur þessa hops sem leiðréttinguna fær hefðu hækkað um 4.8% þá væri þetta ekki ósanngjarnt.

Hitt er annað mál að það verður að taka á vaxtaokrinu líka.

[Brynjólfur Tómasson, 1.12.2013 kl. 03:10]

Þetta átti að gerast á 4 árum svo 13% / 4 = 3,25% á ári. Verðbólgan er ca4% svo lækkunin heldur í við verðbólguna svo lánið hækkar allavega ekki mikið. Ég skil þetta svona.

[Brynjólfur Þorvarðsson, 1.12.2013 kl. 09:38]

Magnús, mér sýnist að mánaðarlegar afborganir lækki um c.a. 10.000 krónur fyrir hverja milljón sem höfuðstóll lækkar (sbr. http://www.islandsbanki.is/einstaklingar/lan/husnaedislan/reikna-husnaedislan/)

Ríkið verður af tekjum einhverjum tekjum vegna breytinga á séreignasparnaði. Ef allir sem geta hækka framlag úr 2% í 4% minnka tekjur ríkissjóðs um c.a. 10 milljarði (1/3 af 40% af 70 milljörðum). Það er þó alveg óljóst hversu margir munu taka upp séreignarsparnað til þess að greiða niður húsnæðisskuldir - miðað við tölurnar sýnist mér gert ráð fyrir að allir lántakendur nýti sér réttinn til fulls (miðað við að lántakendur séu helmingur þjóðarinnar, og meðaltekjur séu 500.000 á mánuði, þá er heildarframlag á 3 árum c.a. 1 milljón að meðaltali, sem dreifist á 70.000 heimili). Stóra spurningin hér er þá hversu margir sem ekki nýta sér séreignarsparnað í dag munu taka hann upp. Tekjuskerðing ríkissjóðs verður meiri eftir því sem fleiri fara þessa leið.

Uþb. 70.000 heimila eru með fasteignalán, og viðbótarlánið skilar því uþb. 1,1 milljón að jafnaði. Full nýting séreignarsparnaðar skilar annarri milljón í lækkun höfuðstóls. Gróft reiknað gerir það um 20.000 lægri mánaðargreiðslu til frambúðar að jafnaði.

Alls sýnist mér ábyrgð ríkissjóðs vera upp á c.a. 100 milljarði í þessu dæmi (80 milljarðir í aukalán + vextir og tekjuskerðing).

[Halldór Guðmundsson (IP-tala skráð) 1.12.2013 kl. 10:37]

Bjarni 02:20

Á tímabilinu des 2007-ágúst 2010 urðu mjög margir að taka á sig mjög mikla launalækkun, aðrir mistu vinnuna og fóru á atvinnuleysisbætur. Og ef ekkert mark er takandi á verðbólgumarkmiðum Seðlabankans,ætti bankinn að hætta að gefa út einhver verðbólgumarkmið sem ekkert er að marka,sammála það verður að taka á vaxtaokrinu, því annars mun ástandi verða orðið eins eftir 3-4 ár.

Hefði getað sætt mig við þetta ef miðað hefði verið við 3% verðbólgi en ekki 4.8%.

[Ómar Bjarki Kristjánsson, 1.12.2013 kl. 12:24]

Sérstakar vaxtabætur drgast frá.

Svona mun fylgja í kjöldfarið. Síðan mun án efa verða farið að fikta í vaxtabótunum almennt.

Þessar tillögur eru auvitað hneyksli miðað við undanfarann og framkoma SDG er mjög furðuleg.

[Anna Sigríður Guðmundsdóttir, 1.12.2013 kl. 12:36]

Það er ekki auðvelt að skilja til hlítar þessar tillögur, svona fljótt á litið. Ég þarf allavega aðeins lengri tíma til að melta og skilja þetta almennilega.

Það er vert að velta fyrir sér hvernig verðbólgunni er jafnvel ætlað, á þessum fjórum árum, að eyða þessari leiðréttingu?

Og það er líka vert að velta fyrir sér, hvers vegna bankar og aðrar lánastofnanir eigi að fá lífeyris-séreignarsparnað almennings inn í sína glæpahít? Sumir eiga engan séreignarsparnað, og hann var jafnvel notaður síðustu fjögur árin í þessa bankaglæpa-hít. Til að viðhalda glæpastofnunum, sem ræna ríkissjóðstekjum, heimilum og eignum saklauss og kaupmáttarsvikins almennings, með aðstoð sýslumanna og lögmanna.

Hér er allt í lausu lofti, og ríkissjóður skattpínds og kaupmáttarsvikins láglaunaalmennings, eldri borgara og öryrkja er jafnvel ætlað að greiða þennan fyrirhugaða "greiða", í hækkuðu vöru og þjónustugjaldi. Þetta getur verið enn einn bjarnargreiðinn, ef fyllsta gagnrýni-aðhalds verður ekki beitt! 

Ég skil til dæmis ekki hvers vegna Sigmundur Davíð Gunnlaugsson forsætisráðherra sé látinn svara fyrir Bjarna Benediktsson fjármálaráðherra, um þessar aðgerðaráætlanir. Og fjármálaráðherrann Bjarni Benediktsson er tæplega í einu einasta viðtali fjölmiðlanna? Fjármálaráðherra ber ábyrgð á fjármálum ríkissjóðs landsins, eftir því sem ég best hef skilið.

Fyrsta grein laganna um stjórnarráð Íslands: "Ráðherrar fara með og bera ábyrgð á stjórnarframkvæmdum öllum, hver á sínu málefnasviði."

Vert að rifja þessa staðreynd upp, í ljósi þess hvernig stefnu landsdómsmálið hefur skiljanlega tekið, og þess hvernig hegðun fjölmiðla er þessa dagana, að sleppa Bjarna Benediktssyni alveg við spurningar.

Ríkisfjölmiðillinn hefur skyldum að gegna, og má ekki draga taum ákveðinna stjórnmálaklíka landsins.

Hvað á að bjóða upp mörg heimili á aðfangadag á Íslandi, árið 2013?

Hvers konar samfélag er á Íslandi? Hvað finnst ofur-valdaklíkum sem ráða öllu á Íslandi, á bak við svörtu tjöldin? Hvernig á að forgangsraða?

M.b.kv.

[Ómar Bjarki Kristjánsson, 1.12.2013 kl. 14:09]

Er svokallaður ,,marinó njálsson" búinn að skrifa já, amen og hallúja pistil um svik framsóknarmanna?

[Bjarni Gunnlaugur (IP-tala skráð) 1.12.2013 kl. 15:39]

Halldór @10:37

Ég er út af fyrir sig alveg sammála því að ábyrgð seðlabankanns var mikil í aðdraganda hruns.  Maður tók íslensk lán og trúði fyrirheitum hans um að vextirnir yrðu einungis tímabundið háir til að halda niðri verðbólgu, þetta var auðvitað allt tóm vitleysa, verðlag stökkbreyttist og lánin með og vextirnir ógnarháir í kjölfarið. Semsagt forsendubrestur.

En eins og verðbólgan var hér á arum áður þá drösluðust nú tekjur manna í kjölfar verðhækkanna, enda stafaði sú verðbólga mest af víxlverkunaráhrifum verðlags og launa, þ.e. pólitíkusar og vinnuveitendur lofuðu upp í ermina til að friða launalýðinn og allt endaði með prentun peninga.

Stökkbreytingin eftir hrun var aðeins annars eðlis, þar var hagkerfið að dragast saman og verðgildi þess (og þar með krónunnar) að minka miðað við önnur hagkerfi. Launin/tekjurnar sátu að mestu eftir, en að því litla leyti sem þau hafa þó hækkað líka, er skaði verðbólgunnar minni, slíkt er sanngjarnt að reikna inn í niðurfærslurnar. 

Það er afar mikilvægt eins og Már og svo líka S.A. benda á að heildarlaun hækki ekki til að halda niðri verðbólgu.

Ég fæ ekki betur séð en ef koma á til móts við réttmætar kröfur þeirra launamanna sem ekki hafa notið launaskriðs eða sjálftöku, um að halda í við verðlagshækkanir síðustu ára, þá verði launaskriðs og sjálftökuhópurinn (t.d. Már og S.A. liðið) að gefa eftir af sínum hækkunum til hinna.

Annað hvort gerist þetta með samningum og tilstilli góðra manna (eins og  í gömlu þjóðarsáttinni) eða með aðkomu ríkisvaldsins, nú eða sitt lítið af hvoru.

Þar gæti verið um að ræða hátekjuskatt á annað borðið en hækkun persónuafsláttar á hitt.   Spurning þó hvernig slíkt rímar við nýjasta útspil.

[petur þormar (IP-tala skráð) 1.12.2013 kl. 20:28]

Allt gerist þetta á framsóknarvaktini ,,,,????