Einhverja stefnu til framtíðar - Takk!

Vissulega margt nú sem bendir til batnandi stöðu á Íslandi! En finnst ekki fleirum en mér að það sé farið að hlaða í þessa venjulegu ofurbjarsýni sem einkennir okkur. Nú t.d. þegar einhver hjón eru talin vera að standa að byggingu íbúða fyrir um 8400 manns. Það er verið að breyta húsnæði hægri og vinstri í lúxus íbúðir. Nú eða hótel um allar jarðir í öllum kofum sem mögulegt er að koma þeim í eða byggja ný. Og svo eru menn með blauta drauma um virkjanir og stóriðju. Og svo eru skattar lækkaðir á met hraða en samt er ólíkt t..d fyrir hrun að ríkið er stórskuldugt. Held að það gæti stefnt í næsta hrun t.d. ef að ferðamönnum fækkar vegna efnahagsástands í heiminum nú eða vegna deilna við kröfuhafa. Nú eða lækkunar á álverði eða blanda af þessu öllu. Og sérstaklega innan gjaldeyrishafta.

Hvenær ætlum við að læra að sígandi lukka er best. Gera áætlanir til framtíðar og standa við þær.

Man eftir t.d. umræðu í Noregi þar sem þeir vildu eyða olíusjóðum sínum í að lækka skatta og auknar framkvæmdir ríkisins en þeir héldu sig við áætlanir og allir sennilega fegnir í dag.

Athugasemdir

[Toro (IP-tala skráð) 30.11.2014 kl. 21:03]

Skattar á miklar eignir felldir niður eða lækkaðir verulega, sérstakt veiðigjald nánast fellt niður, hátekjuskattur felldur niður, en svo eru skattar á lágar tekjur hækkaðir, matarskattur hækkaður um 57% og svo mætti lengi telja. Heilbrigðiskerfið lagt í rúst, menntað fólk hrakið úr landi, ljóst að það á ekki að halda í aðra en þá sem ekkert geta farið, eiga ekki annars kost en sætta sig við fátæktargildru meðan stóreignamenn spóka sig á sólarströndum og í Sviss, þar sem ekki þarf að greiða neina skatta eða gjöld til samfélagsins.