Það logar allt i verkföllum og stjórnvöld og almenningur bara gera ekki neitt

Það er eins og fólk geri sér ekki gren fyrir stöðunni hér á landi! Það logar allt í verkföllum og allir bara sultuslakir! Fólki bara sama á meðan það getur keypt sér mat og þarf ekki að nýta sér heilbrigðisþjónustu!

Hef aldrei áður séð svona mikil rólegheit áður. Minni á að BHM er búð að vera í verkfallsaðgerðum í mánuð núna og stjórnvöld gera ekki neitt til að ná samnngum.

Athugasemdir

[Jón Ingi Cæsarsson, 6.5.2015 kl. 16:53]

Mér er til efs að nokkur þjóð í Evrópu sýndi jafn mikið tómlæti og við sjáum hér þessar vikurnar.  Menn segjast bara ætla að kjósa Pírata og halda svo áfram að sofa.

[Anna Sigríður Guðmundsdóttir, 6.5.2015 kl. 17:41]

Það verður að setja eitthvert löglegt siðmenntað og mennskt lágmark kaupmáttar launa á Íslandi.

Það verður að setja eitthvert löglegt siðmenntað og mennskt hámark kaupmáttar launa á Íslandi.

Ofurlaunað valdakerfisfólk getur ekki réttlætt sínar óréttlátu ofurkröfur, á meðan valdalaust láglaunakerfisnotaða fólkið hefur ekki möguleika á lífsnauðsynlegum grunnþörfum.

Hvar eru mörkin á milli óverjandi skattpíningar-þrælahalds, og eðlilegrar framfærslu og tilveruréttar, á Íslandi og víðar á jörðinni?

Ekki veit ég hverjir raunverulega stjórna Íslandi í dag.

Ég trúi ekki að það séu Íslendingar sem þekkja raunveruleikans þræla-aðstæður á landinu, sem fara með völdin. Ég ætla engum svo illt, að vilja vísvitandi, í raun og veru, hafa samfélagið áfram á þessu spillingarstýrða verkafólks-þrælastigi.

M.b.kv.

[Íris Geirdal (IP-tala skráð) 7.5.2015 kl. 13:00]

Í dag eru margir hlutir sem ekki er hægt að gera í þessu "velferðar þjóðfélagi" á grunnlaunum. 

Grunnlaun er eitthvað sem ég hef alltaf talið, og tel að aðrir telji, vera millistétt á íslandi. Er það ekki annars það sem á að kallast millistétt annars?

Millistétt ætti að geta lifað á dagvinnulaunum (þýtt sem það að geta eldað á hverju kvöldi,nestað í skóla og eða vinnu,nestað börnin í skóla og  eða vinnu og einnig gæludýr ef einhver eru) og geta lagt fyrir líka og samt átt eftir nóg fyrir áhugamáli og samverustundum fjölskyldu. Einnig að geta án taps komið sér í vinnu eða skóla með strætó eða bíl. Allavega í mínum huga.

Ég ætla því að telja upp nokkur útgjöld sem erfitt er að fá í hausinn þegar fólk lifir á lágmarkslaunum. Semsagt (raunveruleg staða fólks á lágmarkslaunum)

Tannlæknareikningar. Útgjöld vegna heilbrigðisþjónustu. Leikskólagjöld. Matar áskrift fyrir afkvæmin sem eru í skóla. Bíll. Sund. Strætó. Sumar afþreyjing, hvort sem það eru ferðir innanlands eða erlendis. Veikindi. Dagmamma. Afmæli. Fermingar. Fataendurnýjun. Sundkort.

þetta er pottþétt ekki allt sem erfitt er að eiga fyrir.

Ekki gleyma að á grunnlaunum er ekki einu sinni hægt að versla vel í kvöldmatinn 30 daga mánaðarins.

Ekki gleyma að heimili þarf einnig að eiga fyrir ýmsum nauðsynjum s.s Hreinlætisvörum/klósettpappír,tannburstar,klósettburstar,þvottaefni, mýkingarefni, sjampó,sápu,og s.f.r og s.f.r. (bleyjur, dömubindi....og margt fl sem ég er ekki að muna þessa stundina)

Ekki gleyma lyfjum og eða vítamínum.

Liggur við að maður svitni við að lesa þetta vegna þess að ég veit að krafa grunnlauna er einhverra hluta vegna "hófsöm" En það er eitthvað sem er tuggið ofan í samningsaðila og almenning eins og við eigum að láta þeim líða betur með þessar mjög svo hógværu kröfur.

Þær eru ekki einu sinni hógværar heldur skammarlegar ef ekki glæpsamlegar. Afhverju?

Vegna þess að ef fólk á ekki fyrir góðum kvöldmat hið minnsta 30 daga mánaðarins, hvað gerist?

Hver eru langtímaáhrifin? Þau eru, járnskortur,þreyta,offita og fleira neikvætt.Gleymið skiptunum sem við foreldrar höfum leyft börnum okkar að fara í bíó án okkar-því við eigum ekki nægan pening til að gera þetta með þeim-Munið eftir skiptunum sem foreldrar grípa samloku á meðan börnin borða kjötbollurnar( vegna þess að kjötvara er dýr, vegna þess að fjárhagurinn fer í rúst ef alltaf yrðu keyptir 2 bakkar af ,hakki,kjöti,farsi.kjúlla og svo framvegis)

Hver hefur ekki gert þetta sem á að lifa á venjulegum launum?

Persónulega er ég líka mjög þreytt á að íslendingar kalli íslendinga fífl. Að þessir hálfvitar hafi nú kosið sömu heimskuna yfir sig aftur og aftur.

En vitið þið hvað. Fólk kýs kosningaloforð en ekki svik. Því miður þá hefur vonin horfið og loforðin hafa verið brotin og virt að vettugi.

En það er ekki okkur almenningi að kenna. Þeir sem berjast fyrir almenningi í háglaunuðum nefndum og störfum bera ábyrgð. Verkalýðsfélögin t.d.

Við höfum lifað undanfarinn áratuginn af í gegnum sviksemi,frændhygli,kreppu og fall bankanna,settum met í fjölda fólks á svörtum listum og einnig met í að fjölskyldur missi heimili sín, mótmælum og fleiru.

Ég sem borgari og manneskja á venjulegum launum með venjulegt líf(hvað er venjulegt þegar launahagurinn er svona?) Hef eiginlega ekki hugmynd um hvað næsta skref er. Nema að ég mæti á mótmæli, ætla að kjósa pírata og vona svo það besta.

Hinsvegar veit ég eins og allir heilvita aðilar að 300.000 króna laun á þremur árum er ekki einu sinni raunhæf.

Þannig ég veit líka að allir munu standa í sömu sporum bráðlega.