Slysið í Hveragerði og umfjöllun Stöðvar 2

Vettvangi Magga barst aldrei þessu vant tölvupóstur þar sem einn sem þekkir til í Hveragerði er að benda mér á þá fáránlegu umfjöllun um slysið sem verið hefur í fjölmiðlum þar sem látið var hálft í hvoru að um óhæfuverk hefði verið að ræða. Hér er hluti póstsins:

Hræðilegt slys varð í Hveragerði,  Maður sem er á blóðþynningarlyfjum datt á fyllirýi og nefbraut sig, virðist hafa geta staðið upp aftur og ráfað um íbúðina og vegna lyfjana dreift blóði um húsið.  Svo virðist sem að hann hafi svo dottið út af og blætt í lungu hans, sem að líkum varð hans banamein.  AF HVERJU ÞURFTI AÐ SÝNA HÚSNÚMERIÐ MJÖG VEL Á STÖÐ 2.  Þetta var slys, þrátt fyrir að hræðilegt væri.  Aðstæður ( blóðið) gæti hafa gefið til kynna að morð hafi verið framið en óþarfi að sýna húsnúmerið í nærmynd þar til að annað kæmi í ljós.

Auk þess að þurfa að vera á blóðþynningarlyfjum var karlinn með MS og jafnvægið ekki gott,  og batnaði ekki við áfengi. Þess utan átti konan sem að veitti honum húsaskjól (fyrrverandi eiginkona) hund sem hafði þann leiða ósið að flækjast fyrir fótunum á fólki,  getur verið að hundurinn sé óbeint morðingi.  Hundar eru varasamir [þetta síðasta var víst skot á Gutta hundinn minn- Innskot Maggi]

Athugasemdir

[Kolbrún Jónsdóttir, 29.4.2007 kl. 11:08]

Sæll Maggi,

Þetta eru upplýsingar sem ég er að heyra í fyrsta sinn núna.  Fréttaflutningurinn gaf til kynna að hugsanlega væri um morð að ræða.  Ég er alveg sammála þér um húsnúmerið, hvaða tilgangi átti það að þjóna að sýna það?

[Guðrún Olga Clausen, 29.4.2007 kl. 15:13]

Sammála því að það skal varast að falla í þá gryfju að dæma fyrirfram og ákveða um málavexti. Láta lögreglu og rannsóknaraðila  um að klára sitt verk en ekki vera með getgátur í svona viðkvæmum málum. Bloggarar þurfa líka að passa að missa sig ekki og ákveða atburðarás eins og gerðist í a.m.k. einu tilfelli. Sá sá að sér og baðst raunar afsökunar á fljótfærninni.  Olga Clausen Hveragerði