Væri gaman að einhver benti Gunnari Braga á eftirfarandi:

Þegar hann talar um að aðrir þurfi ekki að borga fyrir að nýta aðrar auðlindir þjóðarinnar. Þetta er bara ekki sambærilegt. Ríki eða sveitarfélög eiga nær öll raforkufyrirtæki sem nýta vatnsaflið. Hagnaður af því fer því til almennings.  Það er talað um að setja skatt á þá sem eru að skoða nátturuperlur sem á að renna í ríkissjóð. Það er nær alveg sama hvar borið er niður menn eru að borga fyrir að nýta sér auðlindir í eigu þjóðarinnar.

Veiðigjöld ekki sanngjörn

Athugasemdir

[Gústi (IP-tala skráð) 17.5.2016 kl. 16:12]

Ísland er land þitt, fiskurinn í sjónum, grasið á túninu, laxinn í ánum og vatnið heitt úr iðrum jarðar. Landbúnaðarmafían sem upprunalega fékk ár, vötn og jarðir ókeypis getur greitt fyrir afnotin eins og kvótagreifarnir sem fengu kvótann ókeypis. Fólkið er auðlind sem við höfum alið og menntað en fyrirtækin nota og greiða ekkert auðlindagjald. Gróðurhús og álver greiða ekkert auðlindagjald af orkunni okkar. Og vegakerfið er auðlind sem ekki er greitt fyrir og ferðaþjónustan notar óspart frítt.

Að rukka sérstakan auðlindaskatt bara fyrir fiskinn er eins og að leggja sérstaka skatta á rauðhærða. Okkur þætti það undarlegt, jafnvel þó þeir hafi verið notaðir í beitu hér áðurfyrr og séu sálarlausir.

[Mofi, 17.5.2016 kl. 16:41]

Kvótagreifunum dettur ekki til hugar að leifa einhverjum að nýta þeirra auðlind án þess að borga þeim fyrir. 

[Ásmundur (IP-tala skráð) 17.5.2016 kl. 17:58]

Hvaða aðrar auðlindir þjóðarinnar er úthlutað ókeypis til sömu aðila ár eftir ár þó aðrir séu tilbúnir að greiða fyrir hana hátt verð? 

Þetta er brot á jafnræðisreglu stjórnarskrárinnar. Eina leiðin til að allir sitji við sama borð er að menn bjóði í þessa auðlind.

Um slíkt útboð þarf að sjálfsögðu að gilda vissar reglur til að tryggja hag þjóðarinnar.

Ég kannast ekki við aðrar auðlindir sem eins háttar til um en endilega bendið á þær ef þið vitið um þær.

Gunnar Bragi er ómarktækur í þessum efnum enda er hann sérstakur hagsmunagæslumaður sægreifans Þórólfs Gíslasonar.  

[Borgþór Jónsson, 17.5.2016 kl. 18:41]

Reyndar er auðlind sem oft er kölluð stæðsta aulðind þjóðarinnar,en það er menntunin.

Öll fyrirtæki hafa ókeypis aðgang að þessari auðlind ,sem er svo sannarlega mín af því ég hef borgað fyrir hana síðan ég var 14 ára unglingur.

Mér fyndist ekki úr vegi að ég færi að fá einhverja rentu af þessaari auðlind.

Mér finns ekki við hæfi að ég sé endalaust látinn borga fyrir aukin lífsgæði annars fólks ,en fái ekkert í staðinn.

[Predikarinn - Cacoethes scribendi , 17.5.2016 kl. 22:32]

Ósköp grunnhyggin athugasemd hjá þér síðuhafi. Nánast öll útgerð hagnast og greiðir því griðarlegar fjárhæðiir í skatt til ríkissjóðs sem þú kallar að þú sért að fá. Þá vinna fjöldamargir hjá útgerðarfuyrirtækjunum sem greiða mikið í skatt því flestir eru hálaunamenn sem þar vinna miðað við flest fólk. Þá hefur aragrúi fyrirtækja vinnu við að sinna útgerðinni með viðhald og nýsmíði og af því er einnig greiddur skattur sem og af launum þeirra sem hjá þeim fyrirtækjum vinna. Ekki gleyma útsvarinu af öllu þessu sem rennur til viðeigandi sveitafélaga.
Þjóðin er að fá mikið fyrir þessa auðlind. Það var fyrir daga kvótakerfisins þá voru útgerðarfyrirtækin flest á kúpunni og  skattgreiðendur greiddu þeim öllum styrki. Kvótakerfið gerði útgerðina sjálfbjarga og stórgreiðendur í skatti.
Svo kemur um fjórðungur eða þriðjungur af gjaleyristekjunum inn í landið frá viðskiptum útgerðarinnar.

[Ásmundur (IP-tala skráð) 17.5.2016 kl. 23:43]

Predikarinn (Jón Valur?), er þér alvara?

Skattgreiðslur eiga ekkert skylt við auðlindargjald enda gilda lög og reglur um skatta um öll fyrirtæki en ekki bara þau sem hafa einkaafnot af auðlind þjóðarinnar. Við erum að tala um greiðslur fyrir þessi einkaafnot.

Ég tel víst að þú sért fjarri því að teljast auðmaður. Það er sérlega aumingjalegt að geta ekki staðið með sínum líkum en sleikja í stað þess rassa auðmanna í fullkominni meðvirkni með græðgi þeirra.

Vegna einokunar útgerðarmanna á ókeypis kvóta hafa þeir hagnast gífurlega á kostnað almennings. Það rýrir ekki bara lífskjör þeirra sem eiga auðlindina heldur ýtir undir mikla spillingu í þjóðfélaginu.

Það er forgangsmál að greitt verði markaðsverð fyrir afnot af kvóta sem allra fyrst.

[Predikarinn - Cacoethes scribendi , 17.5.2016 kl. 23:51]

Ásmundur

Skattgreiðendur losnuðu viðð útgerðina úr vösum sínum með tilkomu kvótakerfisins.
Hvert er tjón almennings vegna þessa kerfis ? Áður en það var tekið í notkun greiddu skattgreiðendur með þáverandi fyrirkomulagi með skattfé sínu. Eftir kvótakerfið komst á þá greiða útgerðarmenn fúlgur fjár í ríkissjóð/til almennings. Einungis hagræði fyrir þjóðina.

Opna augun ´Ásmundur og hættu þessari nánasarlegu öfund.

[Ásmundur (IP-tala skráð) 18.5.2016 kl. 08:12]

Það er engin reynsla af því hér á landi að láta útgerðina greiða fullt afnotagjald fyrir auðlindina.

Á síðasta kjörtímabili var þó greitt hóflegt veiðigjald með góðum árangri. Núverandi veiðigjald nægir aðeins fyrir kostnaði rikisins af útgerðinni.

Færeyingar prufuðu okkar kerfi en snarhættu við það fljótlega og prísa síg nú sæla fyrir það enda nýtur almenningur þar auðlindarinnar i mun ríkari mæli en hér. 

[Árni Gunnarsson, 18.5.2016 kl. 10:13]

"Skattgreiðendur losnuðu við útgerðina úr vösum sínum með tilkomu kvótakerfisins"!

Og ég hélt að ég væri fyrir löngu búinn að sjá alla toppana í þeirri sturlun sem einkennt hefur umræðuna um þetta kerfi sem leitt hefur mengun tortímingarinnar yfir landsbyggðina.

Og sem hrakið hefur ungt og dugmikið fólk frá óseldum og óseljanlegum fasteignum.

Og haldið niðri afrakstrinum af mikilvægustu auðlind þjóðarinnar um langt árabil svo milljarðatugir af útflutningsverðmætum hafa tapast ásamt öllu því tapi sem reikna má í ársverkum og vinnutengdum ábata.

Var útgerðin baggi á þjóðinni fram að dögum kvótakerfisins og framsalsins þú nafnlausi bjálfi sem kallar þig predikara?

Hvaðan komu fjármunirnir í skóla, vegi, sjúkrahús, flugvelli, hafnir og rekstur stjórnsýslu, utanríkisþjónustu og blátt áfram allt það sem gerði Ísland að vel megandi þjóð meðal þjóða á fáum áratugum?
Ef við höfum byggt þetta land svona vel upp með tapi á útgerð, ættum við þá ekki að halda því áfram í sama farvegi?

Hefur þú séð mannlausu húsin vanhirt og andvana hnípa hvert utan í öðru í starndbyggðunum þar sem kvótinn hefur verið seldur til sægreifa sem eru heilagir í þínum augum? Ég sá bíla, hlaðna fiskverkafólki akandi kvöld og morgna og í hádegi í sjávarþorpunum þar sem allir voru á fullu við að vinna fiskinn sem togarin eða togararnir komu með og þó var þetta á þeim tíma sem enginn sjómaður kunni að meðhöndla fisk svo sómasamlegt mætti kalla og fiskverkendur töpuðu yfirleitt á rekstrinum. Þrátt fyrir það urðu til þau verðmæti sem báru uppi hagsæld byggðarlagsins.

Væri slíkur rekstur ekki orðinn glæpur í dag að tilhlutan allra stjórnvalda eftir kvótakerfið, þá væri blússandi hagslæd um gervalla landsbyggðina. Það er nægur fiskur í sjónum og við höfum ekki veitt nálægt því helming þess þorskafla sem unnt hefði verið. Það MÁTTI nefnilega ekki veiða meira en svo að verðið héldist nægilega hátt á kvótanum og bankar gætu fengið tryggt andlag fyrir lánunum sem margir þeirra reyndar afskrifuðu svo vegna góðra tengsla við útgerðirnar sem SUMAR voru STÓRIR HLUTHAFAR.
Tillaga Oddnýjar Harðardóttur í gær á Alþingi var vitrænasta innlegg í þessa útgerðarumræðu sem heyrst hefur síðan fulltrúar Frjálslynda flokksins yfiráfu þingsali.

Bæri Alþingi gæfu til að samþykkja tillögu Oddnýjar færi brátt að hilla undir nýja tíma hagsældar á Íslandi.

Sú hagsæld yrði raunveruleg og hún yrði jafnt efnahagsleg og huglæg. Það yrði hagsæld sem byggi til heilbrigt hugsandi og hamingjusamt fólk.

[Predikarinn - Cacoethes scribendi , 18.5.2016 kl. 10:13]

Ásmundur

Það er ólögmætt að innheimta skatt eða gjald bara á rauðhærða eða útgerð en ekki aðra. Eðlilegt að rukka það sem kostnaðurinn af Hafrannsóknarstofnun er enda mun hafa verið gengið út frá því að svo ætti að vera frá upphafi. En það má bara rukka jafn mikið og það kostar að reka þá stofnun.

Svo er það brandari í sjálfu sér að þú skulir kalla eitthvað „fullt afnotagjald“   Hvar er sú gjaldskrá klöppuð í stein ?

[Ásmundur (IP-tala skráð) 18.5.2016 kl. 14:10]

Predikari hættu þessu bulli. Ríkið getur að sjálfsögðu rukkað alla sem hafa afnot af auðlind þjóðarinnar. Þar væri ekki um neina mismunun að ræða. 

Fullt afnotagjald er það gjald sem verður til við útboð sem fer fram skv ákveðnum reglum til að tryggja hagsmuni þjóðarinnar. Aðeins þannig næst jafnræði.

Mér sýnist þú vera einn af þessum vesalingum sem finnst þeir vera komnir í hóp með auðmönnum með því einu að tala máli þeirra.

[Predikarinn - Cacoethes scribendi , 18.5.2016 kl. 16:13]

Ásmundur

Já ef ALLIR eru rukkaðir, en það hefur þú ekki eða meðreiðarsveinar þínur gert.

Þú gleymir samt að eignarrétturinn er friðhelgur í stjórnarskránni, en það virðist ekki koma ykkur við?

[Predikarinn - Cacoethes scribendi , 18.5.2016 kl. 16:18]

Þú sem einhver kallaði Árna og hefur haldið þig við það síðan greinilega!

Þú ert dæmi um bullukolla sem ekki horfa á raunveruleikann. Þvílík steypa er sem þú skilar af þér í löngu máli. Þú ert greinilega kominn til ára þinna en miðað við skrifin þá manstu lítt eða ekkert af því sem fram fór.

Eigum við ekki að setja beykina aftur í vinnu? Er ekki skelfilegt að þeir fá ekki lengur neitt að gera? 
Hættu þessu bulli og reyndu að lesa þig til í gögnum hagfræðideildar HÍ og hagstofunnar þá kemstu að raun um að rausið í hinum langa pistli þínum á ekki við rök að styðjast.

[Sigurður K Hjaltested (IP-tala skráð) 18.5.2016 kl. 17:20]

Eignarrétturinn er bara friðhelgur fyrir suma. Fólk sem átti fyrir hrun, 40 til 50% í sinni eign, missti sinn eignarhluta vegna verðtryggðra lána sem ruku upp úr öllu og gerðu þetta fólk eignarlaust. Engin var stjórnarskrár varinn réttur þeirra. Þá má ganga á fólk og hirða allt af því, vegna þess að verðtryggining gengur fram fyrir stjórnarskrárs bundin eignarrétt. Þetta finnst öllum sjálfsagt. Er þetta lagi..? Veit að þessi athugasemd er ekki varðandi þennan pistil og biðst afsökunar á því. En langaði samt að koma þessu á framfæri.

[Ásmundur (IP-tala skráð) 18.5.2016 kl. 20:23]

Predikarinn, eignarrétturinn friðhelgur? Ertu að halda því fram að útgerðarmenn eigi fiskinn í sjónum?

Það er þjóðin sem á fiskinn í íslenskri landhelgi. Í því felst að hún á sjálf að fá arðinn af auðlindinni eins og menn fá af öðrum eignum.

Þú ert löngu kominn út í horn með þessa umræðu kaffærður af eigin öfugmælum og öðru bulli um spillingu og sérhagsmuni annarra sem þú reynir að réttlæta. 

[Predikarinn - Cacoethes scribendi , 19.5.2016 kl. 06:22]

Ég hef sagt það að þjóðin á miðin og fiskinn, enda mega allir veiða sér til matar sem það vilja.
Hitt er annað að þeir sem hafa lagt til fjármagn að sækja afla úr sæ og gera úr honum verðmæti sem aflar þjóðinni gjaldeyri og vinnu og hagsæld hafa unnið sér inn veiðiréttinn/kvótann. Flestir þeirra upphaflegu hafa þó horfið til annarra starfa eða hætt rekstri og selt þann rétt sinn til þeirra sem hafa hann núna.

Arðinn fær þjóðin við það að þessar útgerðir skila hafgnaði sem aftur skilar þjóðinni tekjuskatti bæði af útgerðinni sem og fyrirtækjum sem sinna þeim og sömuleiðis af starfsmönnunum þessara allra.
Opna nýrun fyrir staðreyndunum!
Ekki lemja höfðinu við steininn í öfundinni.

[Mofi, 19.5.2016 kl. 12:33]

Predikarinn, þannig að það var bara í góðu lagi að á ákveðnum tíma þá var rétturinn til að veiða gefinn til ákveðna aðila og núna munu þeir og þeirra afkomendur njóta góðs af? Núna þurfa aðrir sem vilja verða sjómenn að greiða þeim sem fengu þetta á sínum tíma gjald fyrir að fá að veiða. Við erum hreilega komin aftur á miðaldir þar sem útvaldir eiga auðlindina og eftir þrjú hundruð ár þá eru enn einhverjir kvótaeigendur að ekki þurfa að lyfta fingri af því að þeirra forfeður fengu auðlindina gefins og sauðsvartur almúgurinn þarf að borga þeim fyrir að fá að veiða.

[Gústi (IP-tala skráð) 19.5.2016 kl. 19:46]

Á ákveðnum tíma þá var rétturinn til að stunda landbúnað gefinn til ákveðna aðila og núna munu þeir og þeirra afkomendur njóta góðs af. Núna þurfa aðrir sem vilja verða bændur að greiða þeim sem fengu þetta á sínum tíma gjald fyrir að fá að rækta land og halda húsdýr.

Útvaldir hafa átt auðlindina í tólfhundruð ár og eftir  tólfhundruð ár þá verða enn einhverjir landeigendur sem ekki þurfa að lyfta fingri af því að þeirra forfeður fengu auðlindina gefins og sauðsvartur almúgurinn þarf að borga þeim fyrir að fá að fá að rækta land og halda húsdýr.

[Predikarinn - Cacoethes scribendi , 19.5.2016 kl. 22:28]

Kæri Mofi

Gústi segir nánast það sem segja þarf.

Hitt er annað að þeir sem fengu veiðiréttindi útgefin í upphafi þessa kerfis eru nánast ekki til lengur. Þeir sem eru handhafar kvöta/veiðiréttinda úr auðlind þjóðarinnar núna hafa nærri allir keypt þau réttindi.

Þessu var ekkert úthlutað ókeypis í reynd. Þessu var úthlutað eftir veiðireynslu margra ára  á undan. Það var til þeirra sem kostuðu fjármunum sínum í að kaupa skip og veiðarfærii og ráða til sín starfsmenn. Núna kosta slík skip 3-7 milljarða króna eftir stærð sagði mér einhver. Margra ára veiðireynsla réð hlutfalli hverrar og einnar útgerðar í hverri fiskttegund á þeim tíma. Að  öðru leiti vísa ég í fyrri skrif mín, en það gerist ekki af sjálfu sér eða án svita og tára sem hægt er að fara og sækja fisk úr sjó. Við hin njótum góðs af áræðni og hugrekki þeirra sem stunda veiðarnar og kosta til þess sem þarf, allt eins og bóndinn í sveitinni.

[Mofi, 20.5.2016 kl. 08:38]

Gústi, akkúrat, miðalda rugl þar sem við búum til útvalda aðalstétt sem liggur á einhverju sem þjóðin ætti að eiga en einhverjir örfáir aðilar eiga og njót góðs að. Við njótum góðs af alvöru mönnum sem leggja alvöru vinnu að mörkum en við njótum ekki góðs af sólarlandaferða kvótagreifa sem fá gífurlegan auð fyrir ekki neitt.

[Predikarinn - Cacoethes scribendi , 21.5.2016 kl. 17:49]

Kæri Mofi.

Ætlar þú í bankann, eða koma með sparnaðinn þinn, og kaupa þér lítið skið á einhverjar hundruðir milljóna, viða að þér búnaði og olíu ásamt tryggingum og ráða mannskap og skella þér á veiðar? Það er það sem hinir sem upphaflega fengu úthlutað veiðiréttindum gerðu og flestir um áratugi .

Í ljósi þeirrar veiðireynslu var veiðiréttindum útdeilt. EKkert óeðlilegt við það.

Auðlindina á þjóðin og skattleggur þennan rekstur eins og annan og hefur af því miklar skatttekjur auk gjaldeyris.

Þeir sem eiga veiðiréttindin/kvótann núna hafa að 97% til keypt hann. Ekki fengið hann fyrir ekki neitt. Þjóðin hefur af þeim gífurlegar tekjur sem fyrr segir og þú getur skoðað í popnberum tölum.
ÞÞjóðin er ekki lengutr að greiða með útgerð eins og var um áratugi fyrir þetta kerfi. VIð erum þaðr að auki í hópi örfárra þjóða í heiminum sem ekki borgar með útgerðinni. 

Þökkum Guði fyrir að hafa leitt okkur inn í svona farsælan og réttlátan farveg með þetta mál sem raun ber vitni, heldur en að öfundast út í þá sem tekst að skapa þjóðinni og sjálfum sér arð og hagsæld. Öfundin hjá mörgum ríður ekki við einteyming hjá ótrúlega stórum hópi hjá þessari þjóð og er ekki kristilegt né í anda stjórnarskrár Guðs.

[Mofi, 26.5.2016 kl. 09:50]

Ekkert óeðlilegt við að búa til stétt sem á fiskinn í sjónum næstu árhundruði og aðrir verða að borga þeim fyrir að fá að vinna fyrir þá... já, þessi skemmtilega skoðun þín er komin á framfæri.

[Predikarinn - Cacoethes scribendi , 26.5.2016 kl. 10:15]

Kæri Mofi

Þú ert að snúa út úr eða skilur ekki.

Þú ert ekki að borgsa fyrir neitt, heldur nýtur dugnaðar þeirra sem veiða í skatttekjum úr öllum áttum og gjaldeyrisforða.

[Mofi, 26.5.2016 kl. 10:26]

Þeir sem vilja veiða fiskinn þurfa að borga þeim sem eiga kvótan fyrir að mega veiða. Fyrir utan geðveikina að gefa ákveðnum aðilum fiskinn í sjónum af því að þeir voru að stunda veiðar á ákveðnum tíma þá var kvótanum ekkert úthlutað milli þeirra sem voru að veiða fiskinn heldur aðeins þeirra sem áttu bátana.

[Predikarinn - Cacoethes scribendi , 26.5.2016 kl. 10:39]

Kæri Mofi

Skiljanlega til þeirra sem lögðu aleigu sína í það að kaupa skip, olíu, veiðarfæri og ráða mannskap og gerðu út bátana. Er það eitthvað óeðlilegt? Eigendur auðlindarinnar, íslendingar, njóta nú afrakstursins í formi mikilla skatttekna sem ekki var fyrir tilkomu þessa kerfis. Þá voru skattgreiðendur að niðurgreiða taprekstur stærsta hluta útgerðarinnar og sömuleiðis taka á sig skerðingar vegna gengisstillingar stjórm´´alamanna til að bjjarga fallít útgerð.

Við eigum að þakka Guði fyrir að leiða okkur inn í kerfi sem skilar þjóðarbúinu ómældum arði en ekki fjárútlátum eins og áður var, og tíðkast meðal flestra ríkja sem við berum okkur saman við ef ekki allra.

[Predikarinn - Cacoethes scribendi , 26.5.2016 kl. 10:41]

Og p.s. kæri Mofi.

Ekki gleyma því að um áratugi var einhver best launuðustu launþegarnir einmitt sjómenn, sem er vel og er svo enn.

[Mofi, 30.5.2016 kl. 18:03]

Heldur þú að íslendingar og ríkið voru ekki að fá miklar skatttekjur fyrr en kvótakerfið var sett á? Ísland var hreinlega byggt upp á tekjum af sjávarútvegi svo þetta stenst engan veginn.
Þú mannst að lögin um fiskveiðar segja að kvótakerfið er ekki að gefa eignarrétt og ríkið er ekki skuldbundið að bæta upp einhvern skaða þegar kemur að taka þennan rétt til baka.

[Mofi, 30.5.2016 kl. 18:18]

Ekki gleyma heldur að þessir menn sem keyptu kvótan keyptu hann af mönnum sem fengu hann gefins. Ég þekki menn sem voru sjómenn megnið af þeirra lífi en fengu lítinn sem engan kvóta.

[Predikarinn - Cacoethes scribendi , 31.5.2016 kl. 09:48]

Kæri Mofi.

Hwld þú hafir ekki skoðað það sem ég hef skrifað um þetta né staðreynt það í gögnum.

Genginu var handstýrt til að haldaútgerðinni og fiskvinnslunni ofan við gjaldþrot og það skerti lífskjör allra íbúa landsins. Þá voru afskriftir tíðar og miklar í ríkisbönkunum á þessi fyrirtæki sem flest voru við eða undir hungurmörkum og skattgreiðendur urðu að greiða inn í bankana óælda fjármuni sem hefði verið betur varið í annað.

Togarar voru niðurgreiddir sem og einnig gefnir eftir atvikum með fjármunum skattgreiðenda í því augnamiði að halda uppi fiskveiðum. Svona var þetta í áratugi.

Þetta erum við laus við. Síðan kvótakerfið komst á og veiðireynsla lá til grundvallar hlutfalli kvóta/veiiðiréttinfda í hverri tegund. Já sjómennirnir/launþegarnir fengu ekki veiðiréttindin heldur útgerðarmaðurinn að sjálfsögðu.  Þeir voru enn margir hverjir með offjárfestingu eða vanbúnir eftir atvikum og því seldu þeir sem þannig var statt um smám saman frá sér skip og réttindi. Núverandi eigendur veiðiréttindanna/kvótans eru nánast allir þeir sem hafa keypt þau en ekki fengið úthlutað. Nema strandveiðikvóti sem ríkið úthlutaði og hirti því af réttmætum eigendum aukningarinnar undanfarna einn eða ríflega það áratug og gert með handafli stjórnmálamanna. Þeir kvótar hafa einnig verið seldir í nokkrum mæli til þeirra sem eru með hagkvæmustu rekstrareiningarnar í útgerð. Þannig erum við líklega einasta þjóðin sem ekki niðurgreiðir fiskveiðar heldur tökum við skatti af hagnaði útgerðarinnar og útgerðin greiðir kostnaðinn við hafrannsóknirnar sem ríkið rekur fyrir það framlag útgerðarinnar.

Sjómennirnir sem þú ert að gráta yfir eru í hópi hálaunamanna, sem betur fer og verðskuldað, hjá þessari þjóð okkar um marga áratugi. 

Kv´´otakerfiið gefur ekki eignarrétt á sjálfri auðlindinni, fiskinum í sjónum, sem er þar og dafnar ekki fyrir aðkomu þína kæri Mofi að því. EN ráðherra getur ákveðið að setja 0 veiði á einstaka tegund á hverju ári (og gerir það reglulega) án þess að neitt komi fyrir það í staðin því ráðherrann heldur utan um auðlindina sem þjóðin/ríkið á. EN þegar síðan aftur er leyft að veiða úr viðkomandi tegund þá heldur hlutfalll veiðiréttar handhafanna sér á nýjan leik að sjálfsögðu.