-Gula hættan- og fleiri hættur sem hafa steðjað að okkur Íslendingum

Þegar ég var lítill að alast upp í Kópavogi fréttum við krakkarnir af manni sem stóð lönguum í fjörunni því hann vildi vera fyrstu til að vara okkur við þegar að Japanir mundu koma í skipsförmum að leggja landið undir sig. Því þá var sagan þannig að Japan væru mjög landlítil þjóð og því væri það bara árs spursmál hvenær þeir þyrftu að leggja undir sig önnur lönd bara til að búa á.

Áður en þetta var þá var varað mjög við að þeldökkir bandarískir hermenn fengju að fara út út herstöðinni því það yrði hræðilegt ef þeir myndu valda einhverjum skemmdum  á hinu hreina erfðaefni Íslendinga.

Í áratugi höfðu menn nær algjöra vissu fyrir þvía ð helsta markmið Sovétríkjana væri að leggja undir sig Ísland.

Fyrir hvað 30 árum voru menn að vara við að taka við flóttamönnum frá Vietnam því þeim mundu fylgja gríðarlegur fjöldi ættingja og óskyldra sem mundu leggja undir sig Ísland.

 

Fólk sem var á móti EES sagði að innan fárra ára yrðu Evrópumenn búnir að kaupa hér upp öll fyrirtæki og allar jarðir og við yrðuum bara leiguliðar.

Fyrir árum eða áratugum þá höfðu menn gríðarlegar áhyggjur af því að austur evrópubúar myndu leggja undir sig Ísland af því hér væri svo gott að búa. En staðeyndin er að við værum sennilega ekki að vinna allan þennan fisk, sum byggðarlög væru aflögð og ekki væri hægt að byggja allt þetta atvinnuhúsnæði og íbúðahúsnæði ef þeir kæmu ekki til.

Nú fyrir nokkrum árum voru menn vissir um að Kínaverjar ætluðu að leggja undir sig Ísland t.d. með því að kaupa Grímsstaði.

Og nú er það hræðsla við múslima sem þarf ekki að skýra.

Hvenær ætla menn að hætta að trúa þessu um að við Íslendingar  og Ísland séu svo eftirsóknarverð að allur heimurinn vilji helst af öllu flytja hingað?  Og hefur reynslan ekki sýnt okkur að þeir útlendingar sem hingað hafa flutt hafa bara komist nokkuð vel af? Og hræðslan við þetta hefur reynst bull.

Athugasemdir

[Helga Kristjánsdóttir, 21.5.2016 kl. 12:27]

Hvaða karl var þetta í Kópavogsfjöru? Ég á að vita um öll slík munnmæli. En það sem þú ættir að vita Maggi minn,að viðhorf breytast í réttu hlutfalli við framþróun. þess vegna eru börn ekki hrædd við Grýlu lengur.En það steðjar vissulega hætta af Islam sem við ættum að sjá hvernig vindur fram á norðurlöndum,þarf að skýra það frekar? Það er rétt að útlendingar sem hingað hafa flutt hafa auðgað þjóðfelagið.--Það er ekki sambærilegt við fjölskyldur í hundraða vís,sem krefst umpólunar í flestum grunnþáttum byggðarlaganna. "Hætta að trúa að við séum eftirsóknarverð" ja hérna og þið sem ekki trúið því,viljið bjóða skjólstæðingum ykkar upp á það.- Ég hirði ekki svo mikið um umtal í útlöndum,nema þegar íþróttafólkð okkar er að slá í gegn,eins og núna í sundi bravó!.En við munum halda áfram að "stríða,vinna vorri þjóð".----