Dágóður hluti hagnaðar Glitnis fer í laun og bónusa til stjórnenda bankans

Það er náttúrulega athuganavert að svona stór banki eins og Glitnir er skuli eyða allt að 3 til 4% af arði sínum í laun og kaupauka fyrir forstjóra og stjórn bankans.

Af ruv.is

Fyrst birt: 31.01.2008 18:10

Síðast uppfært: 31.01.2008 20:09

Forstjórar Glitnis vel launaðir

Bjarni Ármannsson fékk 100 miljónir króna í starfslokasamning þegar hann hætti sem forstjóri Glitnis á síðasta ári. Arftaki hans, Lárus Welding, fékk 300 milljónir króna fyrir það eitt að ráða sig til bankans.

Bjarni Ármannsson hætti sem forstjóri Glitnis í lok apríl á síðasta ári. Við starfinu tók Lárus Welding. Þrátt fyrir að Bjarni hefði gegn forstjóraembættinu í fjóra mánuði síðasta árs en Lárus átta fékk Bjarni 90 miljónir króna í laun frá Glitni í fyrra en Lárus 76 miljónir.

Við miljónirnar 90 bætast 100 miljónir króna sem Bjarni fékk í starfslokasamning. Þá hagnaðist Bjarni um 381 miljón króna þegar hann nýtti sér forkaupsrétt á hlutabréfum.

Lárus fékk hins vegar 300 milljónir króna fyrir það eitt að ráða sig til Glitnis.

Alls greiddi Glitnir stjórnarmönnum og forstjórum 646 miljónir króna í laun árið 2007 og 357 miljónir króna í bónusgreiðslur eða starfslokasamninga

Þetta hlýtur að vera áhyggjuefni fyrir aðra eigendur bankas því þetta hlýtur að draga úr arðgreiðslum til þeirra. Held að bankinn hefði nú geta fengið hæfa stjórnendur fyrir kannski  svona 1/6 af því sem hann spreðar í þá nú.

Forstjóralaun hjá Glitni 266 milljónir

Athugasemdir

[KátaLína (IP-tala skráð) 1.2.2008 kl. 00:26]

Mér finnst sorglegast við þetta allt saman að fyrirtækið horfir ekki Langt fram á við og byggir veldi sitt á því að líka litlir viðskiptavinir séu ánægðir viðskiptavinir, þeim finnist þeir hafi líka möguleika á að fitna, þ.e. hafi möguleika á því að greiða niður skuldir sínar og byrja að spara. Lægri vextir lána myndu strax hafa áhrif á vísitöluna, þannig að það væri hægt eftir nokkur ár að sleppa því að vísitölubinda lán almennra borgara.

Spáðu í hvaða áhrif það myndi hafa á lánshæfi Íslands ef borgararnir ættu 60% af fasteignum landsins. Jón og Gunna gætu fjármagnað yfirtöku Coca Cola!