Fjármunir lífeyrissjóðana verða að vera vel tryggir

Ef að þessi hugmynd að lífeyrissjóðir flytji eignir sínar heim og kaupi ríkisskuldabréf fyrir þann gjaldeyri sem hingað mundi þá flytjast verða að vera vel tryggir þ.a. verðtryggðir og bera sæmilega vexti. Ef það er hægt sæi ég ekkert þessu til fyrirstöðu. Þetta gæti verið til skemmri tíma þar til að lánamarkaðir og lánshæfi ríkissjóðs yrðu komin í fyrri stöðu.

Það eru náttúrulega hagsmunir okkar eigenda þessa fé að ástandið hér verði lífvænlegt.

Lífeyrissjóðir komi að lausn

Athugasemdir

[Halla Rut , 3.10.2008 kl. 18:20]

Algjörlega sammála þér. Auðvitað eru þetta hagsmunir okkar allra að þetta skelfilega ástand lagist. Þetta er góð hugmynd og vonast ég svo sannarlega að hún gangi eftir.

Lífeyrissjóðirnir koma nú inn í landið með gjaldeyririnn og stórgræða á lágu gengi krónunnar. Við þetta styrkist krónan og þá geta þeir byrjað að fjárfesta aftur í útlöndum. Lífeyrissjóðirnir eiga eftir að stórgræða á þessu.

[Brjánn (IP-tala skráð) 3.10.2008 kl. 20:40]

Látið lífeyrissjóðina í friði.

Þetta er það sem kallast að vera komin út á hálan ís.

Næst verður það eitthvað annað, og svo enn annað og áður en þú veist af er farið að nota þessa sjóði okkar í allskonar reddingar hingað og þangað.

[Magnús Helgi Björgvinsson, 3.10.2008 kl. 21:07]

Það er ekki verið að tala um áhættu fyrir lífeyrissjóðina. Það er verið að tala um að í stað þess að þeir fjárfesti erlendis þá kaupi þeir ríkisskuldabréf. Þau bréf eru ein tryggustu sem fást. Hér áður þá keyptu lífeyrissjóðir húsbréf hægri og vinstri og enginn kvartaði.