Leynireikningar í Luxemburg

www.dv.is er að benda á eftirfarandi atrið og fannst mér að ég yrði að líma það hér inn .Ég vona að þetta sé satt og upp um þessa menn komist.

"Umtalaðir leynireikningar Íslendinga eru nú komnir undir forræði Fjármálaeftirlitsins í Luxemburg. Talið er að ótaldir milljarðar króna hafi verið færðir í svokallaðar skattaparadísir á aflandseyjum í því skyni að fela þá fyrir augum yfirvalda og losna undan skattagreiðslum. Hingað til hafa menn talið sig vera með fyrirtæki sín örugglega falin í gegnum allt að þrjú lönd en nú er komið á daginn að það ómögulega hefur gerst. Íslensku bankarnir í Luxemburg eru komnir í þrot og yfirvöld þannig með óheftan aðgang að leyniskjölum varðandi skattaparadísir. Tiltölulega auðsótt ætti að vera fyrir Fjármálaeftirlitið íslenska að sækja umrædd gögn með dómsúrskurði. Til útskýringar á því hvernig hægt er að koma upp fyrirtæki í skattaparadís er sögð eftirfarandi dæmisaga. Bör Börsson eignast peninga sem hann vill ekki láta vita af eða lenda í skattgreiðslum. Hann hittir sína bankamenn, til dæmis í Luxemburg og ber upp vandræði sín. bankamenn taka erindinu vel. „Ekkert mál. Við skulum fela þetta fyrir þig, kæri vinur.“ Það eina sem Bör þarf að gera er að stofna fyrirtæki á aflandseyju sem er með bankaleynd. Cayman eyjar, Kýpur, Malta eða Gurnsey eru kjörnar. „Þetta verður eingöngu heimilisfang fyrirtækisins þíns. Peningarnir geta verið allsstaðar í fjárfestingu í gegnum okkur í nafni þessa fyrirtækis sem þú stofnar. Og þú þarft ekki að óttast að neinn komist ekki að neinu. Þú vilt eflaust nota okkar póstfang hér í Lúxemburg þangað sem yfirlitin frá hinum ýmsu fjárfestingafyrirtækjum sem þú ert að nota og auðvitad frá okkur. Bör er með efasemdir: „Já, þetta er skynsamlegt en get ég fengið betri vörn svo enginn komist að neinu?“ „Já audvitað geturðu það. Við stofnum fjárfestingasjóð í Lichtenstein sem á fyrirtækið sem þú stofnar á aflandseyjunni. Þá þurfa stjórnvöld á Íslandi að fara i gegnum þrjú lönd, Luxemburg, aflandseyjuna og Lichtenstein með dómsúrskurði frá Íslandi til þess að fletta ofan af þér. Og það er audvitað mjög torsótt. Bör er enn efins: „Þanning að ég er alveg öruggur?“ Já, Já, nema að við förum á hausinn, " segir bankamaðurinn og skellihlær. „Fjármálaeftirlitið hér í Luxumburg tekur yfir bankann,“ segir bankamaðurinn á milli hláturrokanna. „Og færir íslenskum yfirvöldum aðgang að öllum yfirlitunum þínum. Fyrr mun frjósa í helvíti en að það gerist. Það getur aldrei gerst!!!“."

Bresk líknarsamtök að tapa meira en 22 milljörðum á íslensku bönkunum

Athugasemdir

[Guðmundur Jónas Kristjánsson, 10.10.2008 kl. 21:41]

Vonandi tekst að hafa upp á öllum þessum leynireikningum þessara
glæpamanna sem keyrt keyrt hafa íslenzka þjóð nánast í þrot með
allskyns blekkingum. Viðurkenni Magnús eins og ótal fleiri að útrásin
á sínum tíma væri byggð á traustum grunni en ekki á sandi og spilaborg er
hryndi á einni nóttu. Nú ríður á að við, hinn almenni Íslendingur, stöndum
saman í uppbyggingarstarfinu, og lærum af þessari bitru reynslu.
Held raunar að í ljósi þessarar alþjóðlegu kreppu skapist nýtt og manneskjulegra gildismat. Kannski á SAMVINNUHUGSJÓNIN eftir að springa
út aftur, þó  í breyttri mynd?