Leita í fréttum mbl.is

Ég er svona að velta fyrir mér hvað Hagsmunasamtökin ætla að gera fyrir mig?

Nú bý ég í búsetuíbúð.

Ég borga um 100 þúsund á mánuði í búsetugjald.

Vegna fyrri íbúðakaupa og fleira skulda ég

Eitt lífeyrissjóðslán sem ég tók 1989 og var upp á 1. milljón. Ég hef borgað af því í rúm 20 ár og reiknast til að ég sé búinn að borga af því um 2,5 milljónir.  Og enn eru 500 þúsund eftir af því

Annað lífeyrislán sem ég tók fyrir nokkrum árum upp á 1. milljón og stendur nú í um 1,2 milljónum

Loks er ég með bankalán sem er óverðtryggt og stendur í 400 þúsundum í dag.

Svo keypti ég notaðan bíl á 690 þúsund á kaupleigu í erlendri körfu og er búinn að borga um 600 þúsund og lánið stendur í 600 þúsundum.

Á móti þessu á ég búseturétt upp á 1,5 milljón og 2 bíla sem eru að virði um 500 þúsund saman í dag.

En formlega séð á ég ekki íbúð á ég þá ekki að fá neina leiðréttingu á mínum lánum aðeins að borga hærri tekjuskatt til að hægt sé að lækka lán á þá sem eiga íbúðir?

Ég væri gaman að vita hvað með alla sem leigja íbúðir í dag. Dóttir mín er að leigja rúmlega 100 fm íbúð á 150 þúsund. Og það eru tugir þúsunda sem búa í leigu og búsetuhúsnæði í dag og eru margir að borga dýra leigu. Á ekkert að gera fyrir þau? Hvað með bændur sem hafa verið að taka há erlend lán til endurbóta hjá sér? Á ekkert að gera fyrir þá? Nú og svo öll fyrirtæki og aðrir sem skulda. Á ekkert að gera fyrir þá?

Hvar halda menn að þetta endi? Ef að allir fengju flatan niðurskurð þá þýðir þetta mörg hundruð milljarða. Og a.m.k. öll lán íbúðarlánasjóðs og lífeyrissjóða sem verða lækkuð þarf að bæta viðkomandi. Og það þýðir hækkun á tekjuskatti hjá okkur því að allur niðurskurður og skattahækkanir nú fara í að tækla fjárlagagatið nú upp á 200 milljarða..

Og hvað með unga fólkið sem ekki skuldar neitt og útskrifast úr skólum næstu árin. Halda menn að þau endist hér á landi þar sem þau þurfi að borga kannski 65% í beina og óbeina skatta næstu áratugina. Það eru væntanlega um 5000 skuldlausir einstaklingar sem koma á atvinnumarkaðinn á ári næstu ár. Og þau fara væntanlega ekki að kaupa hér húsnæði ef að skattar verða eins og þeir gætu orðið ef við eyðum mörg hundruð milljörðum núna í viðbót við allt.

Nú tala menn um að þessar leiðréttingar eigi að greiða t.d. með skuldabréfum frá ríkinu til 30 - 40 ára sem væntanlega verður til þess að tekjuskattur verður hærri sem því nemur næstu áratugina. Er það ekki þá einmitt það sem fólk sagði við Icesave að þessir kynslóð sé að setja sínar skuldir yfir á næstu kynslóðir.

Væri nú ekki ráð að breyta hér á landi um hugsun? Af hverju rekum við hér svona harða stefnu um að allir eigi sitt húsnæði? Nú hef ég prófað bæði og segi það að ég kann betur við búsetukerfið heldur en að eiga íbúðir. Og ég veit að svo væri um marga ef að leigu og búsetukerfinu væri gert hærra undir höfði. Og eins að aðstoð við heimilin tryggi að fólk geti búið áfram í húsnæði sínu á viðráðanlegum kjörum. Fólk finnur jú ekkert fyrir því þó eignarhluti þeirra sé tímabundið lítill ef það er ekki að hugsa sér að flytja úr húsnæðinu.


mbl.is Troðfullur salur í Iðnó
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Þú gleymir einu stóru atriði Maggi. Það er þegar búið að henda inn í bankana 200 milljörðum (mínir skattpeningar og þínir) til handa fjármagnseigendum - var notað til að hægt væri að greiða fólki út úr peningamarkaðssjóðum skilst mér. Þarna er því þegar búið að mismuna fólki og skuldarar vilja að að sjálfsögðu ekki una því.

Ég hef sett þetta svona upp: ég skulda lífeyrissjóði húsnæðislán sem hefur hækkað mjög mikið vegna hrunsins auk þess sem húseignin sem er veðsett fyrir láninu hefur hrunið í verði. Mér þykir eðlilegt að ég og viðkomandi lífeyrissjóður deilum tjóninu af hruninu í stað þess að sjóðurinn hagnist á því og ég sitji í súpunni.

Annað mjög mikilvægt atriði sem gleymist líka að gera ráð fyrir er að ef stór hluti fólks er settur í þær aðstæður að rétt hanga í því að greiða af lánum og eiga í sig að éta er ekkert eftir til að setja út í hagkerfið. Hefur hagkerfið efni á að tapa segjum 10 ára neyslu þessa fólks? Ég held ekki.

 Mér líst best á tillögu Einars Árnasonar hagfræðings; 25% afskrift með 7mkr. þaki. Að sögn Einars yrði þetta litlu dýrara en 200 milljarðarnir sem þegar er búið að láta fjármagnseigendur fá og þar með skapa fordæmi.

 Bestu kveðjur,

 Unnur Á.

Unnur (IP-tala skráð) 17.9.2009 kl. 21:41

2 identicon

þú getur labbað út úr leiguíbúðinni hvernær sem þú vilt, ég sett 10.000.000 í íbúðarkaup fyrir 3 árum og það eina sem ég vill er að losan við eignina en ef ég geri það þá þarf ég að borga 13.000.000... eða haldið áfram að borga af erlenda láninu þetta er  85 fm íbúð fyrir sama penning get ég leigt 150 fm íbúð og slepp við viðhald á húsinu.

lalla (IP-tala skráð) 17.9.2009 kl. 21:41

3 Smámynd: Magnús Helgi Björgvinsson

Lalla ég er búinn að gera það áður. 1988 setti ég allt sem ég átti í íbúðir sem ég varða að selja og sat uppi með skuldir. Og ég get ekki flutt út hvenær sem er, því að ég þarf að selja þennan búseturétt eins og með aðra íbúðir. Og í peningamarkaðssjóðum voru einmitt margir af þeim sem höfðu tekið hærri lán á íbúðir sínar til að ávaxta í sjóðunum. Þekki nokkra. Það hét að taka lán og láta peningana vinna fyrir sér. Þannig er það með marga. Þeir töpuðu þrátt fyrir að ríkið lögðu í í þessa sjóði fé, um 25 til 35% af því sem þeir höfðu lagt þar inn.

Og Lalla ég held að allir séu sammála um að gengistryggð lán verði að leiðrétta. Það eða að krónunni sé komið á skrið upp á við. Ég er aðallega að horfa í verðtryggðu lánin. Og lausnir sem gera fólki kleift að greiða af sínum lánum og lifað sæmilegu lífi.

Unnur

Búsetugjaldið mitt hefur hækkað nú á 1 ári úr 77 upp í 100 þúsund og því hlýt ég að eiga rétt á því að fá það bætt eins og aðrir því gjaldið er auðsjáanlega verðtryggt og Búseti er að borga hærra af sínum lánum. Og eins þá bendi ég á að fyrir fólk sem er að leigja hlýtur að muna ef að ofan á lægri laun, koma auknir skattar og leigan er enn jafn há. Og þeir sem leigja er mjög oft með lægstu launin.

Unnur ég hef nú líka verið að velta fyrir mér ef að við segðum að lán mundu lækka um 25%. OK upp að 7 milljónum. Hvað heldur þú að mundi gerast. Jú fólk mundi skuldsetja sig til að klára að borga af bílum og á endanum vera komin í 100% veðsetningu aftur og lánin verðtryggð. Og verðbólga hér enn í gangi og viti menn þá á fólk aftur minna en ekkert í sínu húsnæði og hvað þá?

Held að leggja ætti áherslu á gengistryggðu lánin því þau voru jú öll hjá bönkunum og þeir hlóta að sá sér hag í að koma þeim í greiðsluhæft ástand þannig að tekjur þeirra séu tryggðar af þessum skuldum en ekki eins og nú þar sem fólk ræður ekkert við lán sem hafa hækkað um 100%. Það eru hamfarir. Verðtryggð lán hafa áður hækkað vegna verðbólgu.

Vegnir vextir 6,50%Fjöldi afborgana  300
Fyrsti vaxtadagur 17.9.2009Mánuðir á milli gjalddaga 1
Fyrsta afborgun  17.10.2009Meðalgreiðsla  132.488 kr.
Meðalgreiðsla fyrsta árið  69.456 kr.Árleg hlutfallstala kostnaðar 12,36%
Höfuðstóll 10.000.000 kr.Lántökugjald 100.000 kr.
Opinber gjöld 151.350 kr.Greiðslukostnaður 36.000 kr.
Vaxtakostnaður 16.986.132 kr.Afgreiðslugjald 1.900 kr.
Útborguð fjárhæð
Ígildi í íslenskum krónum
 9.748.100 kr.Heildar lántökukostnaður 29.998.243 kr.
Verðbólga 5%Alls er greitt 39.746.343 kr.

 Sló svona upp á grín inn 10 milljónir verðtryggðar í 25 ár miðað við 4% verðbólgu og viti menn maður greiðir tæplega 40 millónir af því. Þannig hefur þetta alltaf verið. Ég var að kaupa mína íbúð 1989 þegar að verðbólga rauk upp í minnir mig 100% þannig að fólk getur ekki látið eins og þetta hafi ekki komið fyrir áður.

Magnús Helgi Björgvinsson, 17.9.2009 kl. 22:09

4 identicon

Eftir stendur aðalmálið: að fordæmið er komið - með 200 milljarða inngreiðslu í peningamarkaðssjóðina og þar með mismunun sem er algerlega óviðunandi - skuldarar voru ekki spurðir þá. Það er vitað mál að stjórnvöld létu þarna undan þrýstingi fjármagnseigenda. 

Við sem erum komin á miðjan aldur munum svo alveg hvernig hlutirnir voru hér, ég seldi íbúð 1985 eftir að hafa greitt af henni í ca 3 ár (þetta var þegar verðtryggðu lánin voru nýtilkomin). Kom út á núlli og mátti víst þakka fyrir það. Þetta eru einfaldlega ekki boðlegar aðstæður og ekki hægt að afsaka stöðu verðtryggðra lána nú með því að svona hafi þetta verið áður! Greiðsluplanið mitt gerði ekki ráð fyrir hruni, það gerði hins vegar ráð fyrir allnokkurri verðbólgu - að sjálfsögðu. Þarna liggur hundurinn grafinn og ríkisstjórnin (sem ég reyndar styð) verður að horfast í augu við að það verður ekki sátt um málið nema eitthvað verði að gert - annað en að hengja draslið allt aftanvið höfuðstólinn!

Gengislánin eru svo kapítuli útaf fyrir sig - spurning hvernig dómur fellur í því máli sem nú er á leiðinni fyrir dómstóla. Veit um konu sem átti slatta af evrum á gjaldeyrisreikningi og vildi fá að greiða með þeim inn á evruhlutann af láninu sínu en fékk ekki!! Hvað er þar í gangi?

Til í debat um þessi mál hvenær sem er yfir kaffibolla í Síðumúlanum:)

 Kv.

unnur (IP-tala skráð) 17.9.2009 kl. 22:25

5 Smámynd: Sigurður Þorsteinsson

Hann Maggi er alveg dásamlegur. Hvað eiga Hagsmunasamtök heimilanna að gera fyrir hann. Fjölskylduhjálpin er líka að hjálpa fólki, og hverning hjálpa þeir Magga vini mínum. Það skemmtilega við þetta að í morgunkaffinu í vinnunni hjá mér í morgun var þessi sama spurning sett fram af konu á vinnustaðnum. Hverning ætla Hagsmunasamtök heimilanna að hjálpa mér. Ég spurði, "og hvað skuldar þú".

 ,,Ekki neitt" sagði samstarfskona mín brött.

,, Hvaða hjalp vildir þú þá frá frá Hagsmunasamtökum heimilanna" spurði ég

,, Jú, ég vil fá góðan kall" svaði hún.

Nú veit ég ekki hvaða hjálp Maggi vill fá.

Sigurður Þorsteinsson, 17.9.2009 kl. 22:37

6 Smámynd: Magnús Helgi Björgvinsson

Nú Sigurðu skulda ég um 4 milljónir rúmar. Og og þarf að eins og aðrir að eiga heimili fyrir mig og mína. Ég átti engar innistæður í október sem þurfti að tryggja. Ég átti ekki peninga í peningamarkaðssjóðum. Á hvaða forsendum þarf ég að borga hærri tekjuskatt næstu áratugi til að mynda eign hjá þeim sem enn eiga eignir sem eru ekki yfirveðsettar? Og nei takk ég hef ekki áhuga á góðri konu. Hef klárað þann pakka í bili næstu árinn?

Það sem ég er að deila á er að ég get skilið að margir sem hafa tekið lán síðust ár út á verð á íbúðum sem var blásið út. Og lán sem voru gegnistryggð voru slæm og þarf að laga. En þetta er ekki í fyrst skipti sem hér verður verðbólga það hef ég gengi í gegnum og það voru flestir sem héldu greiðsluvilja þá. En nú er umræðan komin út um víðan völl og allir vilja fá eitthvað. En hvað með þá sem hafa kosið að fara varlega? T.d. hvað með mig sem hef lágar meðaltekjur og hef í 20 ár verið að koma mér út úr skuldum. Er í dag farinn að hafa það nokkuð gott. Nú er verið að hækka skatta hjá mér eins og öðrum til að koma skikki á fjármál ríkisins og svo vilja menn bæta aukalega við til að allir hvort sem þeir ráða við sínar skuldir eða ekki fái niðurfærlur á íbúðarlán svo þeir mynid eign í þeim. En ég hef nú 15 ára reynslu að búa í íbúðum í kaupleigu/búsetaformi. Og get fullyrt að eignarhluti fólks í húsi hefur andskotans ekkert hlutverk nema að fólk ætli að taka sér hærri lán. Það er aðeins þegar fólk ætlar að selja íbúðarhúsnæðið sitt að eignarhluti skiptir mál. Það er greiðslubirgði sem skiptir miklu meira máli.

Magnús Helgi Björgvinsson, 17.9.2009 kl. 22:55

7 Smámynd: Sjóveikur

Jæja Mangi minn, er liturinn að fölna hjá þér ? kanski rétt að hugsa til þess að þið eruð á fyrsta hlekk í keðjuverkun sem er á "dead slow" en ferðin eykst að muna þegar fram sækir, vertu viss, bara forsmekkurinn af því sem koma skal er í sjónmáli ! viltu semja ennþá ?

www.icelandicfury.com verður með "kynningu" bráðlega

kveðja, sjoveikur

Ps. mannstu eftir sögunni um "sandkornagönguna" ?

Sjóveikur, 17.9.2009 kl. 23:27

8 Smámynd: Sigurður Þorsteinsson

Sæll Maggi. Ég gagnrýndi ríkisstjórn Sjálfstæðisflokks og Framsóknarflokks fyrir efnahagsstjórnina og síðar efnahagsstjórn Sjálfstæðisflokks og Samfylkingar. Forysta þessara flokka ber mikla ábyrgð. Síðan tekur við ríkisstjórn Samfylkingar og VG og því miður verður að segjast að ríkisstjórnin hefur haldið illa á spilunum. Þeim er að vísu vorkunn, þar sem verkefnið er mjög erfitt, en flestir eru farnir að sjá það sem öllum hefði átt að vera ljóst að þetta var ekki verkefni fyrir tvo flokka. Hér hefði þurft samstillta þjóðstjórn. Stjórn sem hefði samstillt með fólkinu í landinu tekist á við þann vanda sem við er að eiga þannig að hagur þinn og hagur þeirra sem nú skulda mikið lagaðist.  

Sigurður Þorsteinsson, 17.9.2009 kl. 23:59

9 identicon

Gísli Tryggvason (IP-tala skráð) 18.9.2009 kl. 01:26

10 Smámynd: Magnús Helgi Björgvinsson

Flott Gísli! Kominn tími til að þróa hér leigumarkað og þó fyrr hefði verið!

Magnús Helgi Björgvinsson, 18.9.2009 kl. 12:20

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband