Svona má eyða tíma ráðuneyta af þingkonu sem vill skera þar niður alveg hægri og vinstri.

Rakst á þessa fyrirspurn á althingi.is sem var svarað í dag:

Fyrirspurnin hljóðar svo:
    Hefur verið skoðað að innheimta hærri gjöld fyrir heilbrigðisþjónustu af þeim sem eru búsettir utan Evrópska efnahagssvæðisins?

    Þeir sem eru búsettir utan Evrópska efnahagssvæðisins og njóta heilbrigðisþjónustu hér á landi greiða fullt gjald fyrir þjónustuna, sbr. reglugerð nr. 1101/2012, um heilbrigðisþjónustu við þá sem ekki eru sjúkratryggðir samkvæmt lögum um sjúkratryggingar og greiðslur þeirra fyrir heilbrigðisþjónustuna. Reglugerð þessi er endurskoðuð árlega og gjöldum breytt með hliðsjón af verðlagsbreytingum. Þeir sem eru búsettir utan Evrópska efnahagssvæðisins greiða því nú þegar hærri gjöld en þeir sem búa innan svæðisins.

Spurning hvaða þingmaður vissi þetta ekki? Þetta vissi ég og sennilega flestir Íslendingar. Þ.e. að þeir sem eru utan EES og ESB þurfa að borga hér fullt gjald fyrir heilbrigðisþjónustu.  En það var ákveðinn þingmaður sem þurfti að spyrja að þessu? Gott að hún hefur ekki farið hamförum út af því að þarna væri hægt að græða. 

Hvað gerir Gunnar Birgisson núna?

Guðríður Arnardóttir og Hafsteinn Karlsson sem skipuðu 2 efstu sæti Samfylkingar í Kópavogi hafa ákveðið að bjóða sig ekki aftur fram.

Nú hlýtur Gunnar Birgisson að geta hætt líka því manni fannst á tímabili að hans helst hlutverk væri orðið að hefna sín á Guðríði sem manni fannst hann kenna um allt sem úrskeiðis fór hjá honum sjálfum sem bæjarstjóra síðastu kjörtímabil.