Þetta er meiri aumi málflutningurinn!

Það væri gaman að vita af hverju að einkabankarnir afskrifuðu ekki þá bara lánin. Því ég man ekki betur en hér hafi verið stíf fundahöld milli ríkisstjórnar og fjármálafyrirtækja um þessar afskriftir þar sem að beita þurfti þrýstngi til að fá þessar fjármálastofnanir til að samþykkja 110% leiðina. En ég efast stórlega um að Jóhanna hafi fyrirskipað bönkunum um að lækka lán ekki meira en 110%.

Eins var það augljóst öllum að afskriftum íbúðalánasjóðs hefði ríkið þurft að mæta með því að bæta honum það upp. Þetta var öllum ljóst.

Og þetta að taka Sigríði Ingu alþingismann eina fyrir held ég sýni hversu vitlaust þetta er hjá Guðmundi Andra. Hversu mikil völd heldur hann eiginlega að hún hafi varðandi þetta mál?

En þetta er svona svipaður málflutningur eins og hjá Ögmundi. Bullukollur sem koma nú og hafa svona eftir á skýringar á öllu um að málin hefðu verið hér svo miklu betri og fólk skuldlaust ef að þetta og hitt hvefði verið gert. 

En eðlilegt að GUðmundur Andri vilji skapa sér aftur stöðu eftir ófarir hans sem talsmanns Borgarahreyfingarinnar.

 

Jóhanna vildi ekki afskriftir

Segir maður "í hrauni"?

Er það ekki þegar maður lendir í fljótandi hrauni? Á ekki að segja "á hruni"?

Ók út af og hafnaði í hrauni

Vildi nú að fólk hætti þessu bulli. Skoðum tímabilið 1986 til 2010

Vissulega hafa fleiri flutt tímabundið eða alfarið hér af landi síðustu misseri. En svo hefur þó verið nærri óslitið síðan 1986. Fólk fer erlendis í nám og vinnu. Sér í lagi þegar hér er hart í ári. En þetta jafnar sig fljótt aftur og óþarfi að búa til vandamál. Það er að draga úr brottflutningi.

Og það var nær öll árin sem Sjálfstæðisflokkur var hér við völd að fleiri fluttu frá landinu en til þegar horft er til íslenskra ríkisborgara.

Eina leiðin að auka hagvöxt

Kannski rétt að einhver bendi Sigmundi á þetta

Í tíð drauma stjórnarinnar hans Sjálfstæðis- og framsóknarflokks þá komu líka svona tímabil þar sem hér var viðvarandi atvinnuleysi. Skoðum t.d. þetta tímabil frá ágúst 1995 til maí 1997

Held að menn ættu nú að kynna sér málin. Þetta var nú á tímum Davíðs Oddsonar. Sem fólk heldur fram að sé frelsari Íslands. Og á tímum flokka sem gáfu hér algjört frelsi. Menn gleyma bara að hér voru mjög erfiðir tíma þar sem atvinnleysi var gríðarlegt í langan tíma. 2008 varð hér hrun og mikið atvinnuleysi en það hefur þó verði ört að síga niður. þ.e. varð mest um 9% en er komið niður í 6%.

Þannig að Sigmundur ætti kannski að kynna sér söguna aðeins. Hvaða aðferðum var beitt og árangur af þeim. Á þessum tíma voru skattar á einstaklinga hækkaðir en lækkaðir á fyrirtækjum og ríku fólki og hvert leiddi það okkur? Við fengum einstaklinga og ættir sem ryksuguðu til sín allar eigur fyrirtækja, banka og ríkisins. Fjárfestu eins og brjálæðingar og skildu okkur eftir í skuldasúpunni eftir þá. Þar komu ætt Bjarna Ben og fjölskylda Sigmundar sterkar inn.

„Það er ekkert eftir til að ná endum saman“

Er ekki rétt að ríkið stöðvi allar greiðslur til bændasamtakana sem ætlaðar eru sauðfjárbændum

Ef að menn í Samtökum Sauðfjárbænda ætla að fara að beita þvingunum til að stöðvar hér frjálsa umræðu þá er rétt að ríkið endurskoði alla búvörusamninga og láti taka út þær greiðslur sem bændasamtökin eru að fá fyrir þjónustu sem þau taka að sér fyrir ríkið. Mér skilst að BÍ fá hálfan milljarða fyrir að halda utan um búfjármark og kvóta sem og ráðgjöf. Og þann styrk á bara að taka út strax. Þessi samtök eru að styrkja Heimssýn og beita þeim í svna þöggunar tilraunum og þessum peningum því betur varið í annað.

Bændur óánægðir með skrif prófessors

Ég styð leikskólakennara í þeirra baráttu! En........

Um leið og ég lýsi yfir stuðningi við leikskólakennara í þeirra baraáttu vill ég benda þeim á eitt sem fer í taugarnar á mér.

Mér finnst það með öllu óþolandi að þegar þau eru að skrifa máli sínu til stuðnings sem og að koma í viðtöl þá staglast þau á að þau séu með þessi eða hin launin "eftir skatt og launatengd gjöld" Þetta fer gífurlega í taugarnar á mér. Það borga allir skatta af sínum launum. Og launagreiðandi borgar launatengd gjöld ofan á launin. Þetta hljómar eins og leikskólakennarar séu þeir einu sem borga staðgreiðslu á skatta. En svon er ekki. Það gera allir launþegar. 

Fundur klukkan 11

Kannski að Sigurður Kári vit þetta ekki. Þá verður einhver að segja honum það

Þó að hinn mikli leiðtogi hans Davíð Oddsson hafi kannski sagt honum annað, þá verður einhver að fræða þennan mikla galgopa að ríkisstjórn hefur ekkert valdboð varðandi ákvarðanir Seðlabanka og nefnda á vegum hans. Það er einnmit talið mikilvægt að það sé ekki mögulegt fyrir stjórnmálamenn að stjórna Seðlabanka með valdboðum.

Allt gert til að lengja kreppuna

Held bara að SIgmundur Davíð sé ekki í lagi

Maðurinn er uppfullur af patent lausnum sem hann veit ekkert hvort virka en er tilbúinn að láta þjóðina vera tilraunadýr.

Svona væri gott að einhver benti honum á t.d. að það eru ekki nokkrar líkur á öðru en að ESB komist út úr þeim þrengingum sem það á í um þessar stundir enda eru það ekki nema 3 til 5 ríki af 28 sem eiga í miklum erfiðleikum. Eins er ekki nokkur von til annrs en að EVRAN lifi því annars væru líkur á að hagkerfi heimsins færu á hliðina svona almennt. Þá er eins og hann og fleiri gleymi því að í ESB eru nú nærri 500 milljónir manna. Nærri helmingi fleiri en í USA. Heldur hann virkilega að þjoðir ESB væru ekki löngu farnar að huga að slitum á ESB ef þær hefðu ekki trú á ESB hugmyndinni?

Það verður að svara þessum bullukollum Bjarna og Sigmundi Davíð því að fólk almennt sem hefur ekki kynnt sér málið trúir þessari vitleysu sem þeir láta frá sér. Því þeir gera út á fáfræði í baráttu sinni við að koma núverandi stjórnvöldum frá.

Vill ESB-umsóknina á ís

Kannski rétt að benda Bjarna Ben ruglukolli á eftirfarandi

• Utanríkismálanefnd sem að hann vill kalla saman gerir ekkert í vanda Evrunar og Evrópuríkja.
• Eins væri gott að benda honum á eftirfarandi af vef Egils Helgsonar:

Samfélagsrýnirinn og fjárfestirinn George Soros er í merkilegu viðtali við Der Spiegel.

Soros segir meðal annars að það sé engin leið að hætta að nota evruna nema með skelfilegum afleiðingum – skipbrot evrunnar gæti orsakað heimskreppu eins og þá sem hófst 1929. Evran sé veruleiki.

• Heldur Bjarni virkilega að við séum svo vitlaus að trúa því að nokkrar af öflugustu þjóðum heims sem eru með Evru myndu láta hana rúlla.
• Og er hann svo vitlaus að halda að Íslendingar myndu sleppa áfalla laust ef að Evran myndi hrynja? Og hverju værum við þá bættari að vera án Evrunar? Krónan myndi hrynja með henni því að annars myndi útflutningsfyrirtæki hrynja vegna tekjusamdráttar vegna lægra verðs.
• Nú þegar eru hugmyndir t.d. í Sviss að binda Svissneska frankan við Evru. Því að misgengi gjaldmiðla veldur þeim vandamálum þar sem að bankar þar eru að fyllast af fjármunum sem engin leið er að ávaxta. Og nýtast ekki í fjárfestingar.
• Af hverju ætti þessi tímabundni vandi Evrunar að stoppa viðræður okkar við ESB þegar við vitum að ef til samnings við ESB kemur verður það ekki fyrr en eftir 2 ár og staðan í Evrópu verður þá væntanlega allt önnur sem og að þá verður það þjóðarinnar að meta hvort að ávinningur af inngöngu í ESB sé ásættanlegur.

Finnst að Bjarni Ben fái að bulla gjörsamlega óheft í fjölmiðlum án þess að þurfa að skýra málið sitt almennilega.

T.d. þegar hann ræðst alltaf á ríkisstjórnna með að það þurfi að auka hér fjárfestingu, lækka skatta og fleira án þess að skýra fyrir fólki hvernig að ríkð eigi þá að fjármagna þjónustu við almenning, borga af lánum og fleira. Sem og að skýra hvar ríkði eigi þá að ná í aukið fé. Því að það er ljóst að í upphafi fær ríkið ekki mikið í auknar tekjur af verkefnum sem fara af stað. Til þess nægir að benda á Kárahnjúka og Reyðarál sem fóru held ég ekki að skila hér tekjuaukningu fyrr en á síðari stigum. M.a. deilt um tekjuskatt sem starfsmannaleigur borguðu ekki í ljósi þess að þetta voru erlendir starfsmenn. 

Sé ekki hvernig að ríki sem nánast var í greiðslufalli getur bara lækkað hér skatta og gjöld upp á von og óvon. Það er ekki hægt að taka svona áhættur með heilt þjóðríki. Væri líka gott fyrir Bjarna að lesa grein Waren Buffet þar sem segir:

„ og á meðan flestir Bandaríkjamenn berjast við að láta enda ná saman höldum við hinir ofurríku áfram að fá okkar stórfurðulegu skattaívilnanir."

Buffett lýkur greininni á þeim orðum að hann og vinir hans hafi verið dekraðir nægjanlega af vinum milljarðamæringa á þingi. Það sé kominn tími til fyrir stjórnvöld að ræða af fullri alvöru um að deila ábyrgðinni." (www.eyjan.is ) Síðan gæti Bjarni haldið ættarnót  í Engeyjarættinni og ákveðið að þeir borguðu hærri skatta.

Vilja ekki ræða efnahagsvanda evruríkja