Er þetta ástæðan fyrir því að leyfðar voru hvalveiðar?

Af www.jonas.is

02.11.2006
Mótmæla prófkjörspriki
Þá er kjaftshöggið komið. Tuttuguogfimm vestræn ríki og Evrópusambandið hafa mótmælt sameiginlega hvalveiðum Íslendinga. Þessu fylgja að vísu engar hótanir um framhaldið, enda er Evrópa friðarálfa. En þetta sýnir pólitíska samstöðu vestrænna ríkja gegn Íslandi í máli þessu. Samstöðu, sem rýrir virðingu Íslands á fjölþjóða vettvangi. Til hvalveiða var stofnað fyrirvaralítið í haust. Það var án samráðs við mikilvæga aðila og án undirbúnings af hálfu ráðuneytis og Hvals. Einar K. Guðfinnsson ráðherra var bara að ná sér í prik á Vesturlandi og Vestfjörðum fyrir prófkjörið.

Þetta finnst mér alveg ágætis skýring á þessu.

Svo mælir Björn Bjarnason:

Af www.bjorn.is

Egill Helgason og Jónas Kristjánsson hafa komist að þeirri niðurstöðu á vefsíðum sínum, að ómaklegt sé hjá mér að tala um „andstæðinga“, þegar ég ræði um þá, sem styðja mig ekki í stjórnmálum. Jónas kallar það „vænissýki“, að ég skuli nota þetta orð.

Þessar aðfinnslur í anda pólitísks rétttrúnaðar styðja aðeins þá kenningu mína, að framlag svonefndra álitsgjafa til stjórnmálaumræðna hér á landi sé hjákátlegra en annars staðar. Kannski er þetta einhver tegund af póst-módernisma, þar sem allt er lagt að jöfnu og flatneskjan ein virðist mega móta umhverfið.

Mér finnst það merkilegt að með þessum og fleiri ummælum er Björn að slá um sig og þykist betri, fróðari og merkilegri en aðrir. Spurning ef honum finnst þetta um stjórnmálaumræðuna hér, þá ætti hann kannski bara að fara til Bandaríkjana þar sem að kosningabarátta snýst að mestu um auglýsingar sem halda því fram að andstæðingar séu barnamoðingjar, dópistar og hvað eina sem hægt er að ljúga um. Þetta finnst honum væntanlega málefnalegra.

Þetta er það sem eldriborgarar kusu yfir sig

Það er nú gamalkunn staðreynd að eldra fólk kýs Sjálfstæðisflokkinn. Enda var Sjálfstæðisflokkurinn við völd í áratugi hér áður í Reykjavík. Því er nú hægt að segja ykkur var nær:

NFS, 02. Nóvember 2006 19:03

Hækkun gjalda vegur að eldri borgurum

Félagar í Félagi eldri borgara í Reykjavík eru æfir vegna hækkunar þjónustugjalda sem samþykkt var af borgarráði og gerir í einu vetfangi að engu einu hækkun á kjörum þeirra á 11 árum.

Borgarráð samþykkti nýverið að hækka þjónustugjöld til eldri borgara um tæplega 9%. Hækkunin nær til heimaþjónustu, félagsstarfs, fæði og veitinga í félagsstarfi og þjónustugjalda fyrir þjónustuíbúðir aldraðra.

Í sumar tók gildi leiðrétting á kjörum aldraðra. Sú hækkun kom til vegna verðbólgu og mun hverfa samstundis vegna þessarar hækkunar á gjaldskrá segir Félag eldri borgara í Reykjavík.

Ólafur Ólafsson hjá landssambandi eldri borgara segir hækkunina koma verulega á óvart og ganga þvert á það sem borgarráð hefur gefið til kynna í málefnum aldraðra. Hann segir enn og aftur vera vegið að öldruðum sem í 70% tilfella eru lágtekjufólk, jafnan með mikla skattbyrgði.

Mómæli hafa verið send til borgarráðs og munu félagsmenn funda frekar um málið á næstu dögum

Ég deili þessum áhyggjum með borgarfulltrúanum

Stefn Jón segir í viðtali við Útvarpið:

......Einnig bendir Stefán Jón á að ráðherrar Sjálfstæðisflokksins hafi lýst því yfir að einkavæða beri Landsvirkjun og landsfundur flokksins hefur ítrekað ályktað í þá átt. Á það geti Samfylkingin ekki fallist.

Ég deili þessu áhyggjum með honum. Sérstaklega þar sem að Landsvirkjun hefur gert samninga við áverin og fleiri um sölu á stærstum hluta orku sinnar á mjög hagstæðu verði. Og því finnst mér líklegt að einkaaðilar kæmu til með að velta á okkur hærra orkuverði til að hafa af fjárfestingunni almennilegan arð. Álverin eru jú með fasta samninga næstu áratugina.

Er þessar refsiaðgerðir nokkuð að virka?

Frétt af mbl.is

  Fundað um refsiaðgerðir gagnvart N-Kóreu í næstu viku
Erlent | AP | 2.11.2006 | 19:05
Tveir háttsettir embættismenn bandaríska utanríkisráðuneytisins munu funda með japönskum, kínverskum, rússneskum og suður-kóreskum embættismönnum varðandi útfærslu á þeim refsiaðgerðum sem Sameinuðu þjóðirnar hafa samþykkt að beita Norður-Kóreu

Ég hef verið að velta fyrir mér refsiaðgerðum. Er þær að virka? Þeim hefur verið beitt áður eins og í Írak í áratugi. Eina landið þar sem þetta virkaði eitthvða var Lýbía en þar voru menn með svo mikinn auð í olíu að þeir á endanum sömdu við alþjóðasamfélagið. Í Noður Kóreu er þegar nærri hungursneið þannig að þeir þola ekki allsherjar viðskiptabann. Mig rekur minni til að þetta eigi að vera bann við að selja þeim efni og áhöld sem þeir gætu notað í sprengjur, en er hræddur um að þeir séu búnir að koma sér upp þannig búnaði nú þegar.

Því er það að ég efast um þessar aðgerðir gagnvart þjóð sem leyft hefur verið að þróast þannig að hún er einangruð frá samfélagi þjóðana og stjórnað af einvaldi.

Ef að aðgerðinar eru víðtækar þá Þjappar það bara Norður Kóreubúum á bakvið stjórnvöld og aðgerðir þeirra.

Mín skoðun er að réttara sé að miða við hverning mál eru að þróast í Kína. En þar eru mál sífellt að þróast í átt að meiri mannréttindum og samskiptum við aðrar þjóðir. Þetta var gert með því að þjóðir sóttust eftir að eiga samskipti, viðskipti og önnur tengsl við þá.

Fundað um refsiaðgerðir gagnvart N-Kóreu í næstu viku

Einar! Þeir gætu kannski borgað Kristjáni Loftssyni

Frétt af mbl.is

  Engar heimildir fyrir því að kaupa hvali líf að sögn sjávarútvegsráðherra
Innlent | mbl.is | 2.11.2006 | 11:53
Einar K. Guðfinnsson sjávarútvegsráðherra segir engar lagalegar heimildir hér á landi til þess að greiða íslensku ríkisstjórninni fyrir að veiða einni langreyði minna, eins og dýraverndarsamtökin WSPA hyggjast gera og safna nú fyrir hvalnum á eBay uppboðsvefnum.

Það er jú hann sem er eini aðilinn sem veiðir stórhvali í atvinnuskyni  hér við Atlandshaf. Ríkistjórnin veiðir engan hval og hefur varla af þessu tekjur.

Engar heimildir fyrir því að kaupa hval líf að sögn sjávarútvegsráðherra

Óvönduð fréttamennska?

Er þetta ekki dálítið óvandað:  

Frétt af mbl.is

  Ari Edwald segir sameiningu 365 miðla og Skjásins skynsamlega hugmynd
Innlent | mbl.is | 2.11.2006 | 11:57
Ari Edwald, forstjóri 365 miðla, segir að sameining Skjásins og 365 sé ekki í spilunum eins og málin standa, en á bloggi sínu fullyrðir Sævar Ólafsson blaðamaður og fyrrverandi fréttamaður á Stöð 2 að leynilegar viðræður hafi átt sér stað á milli fyrirtækjanna

Til að byrja með heitir bloggarinn Steingrímur Sævarr Ólafsson. Og var m.a. síðast upplýsingafulltrúi Halldórs Ásgrímssonar. Og langt er síðan að hann var fréttamaður. (Uppfært sé núna 14:30 að það er búið að laga nafnið hans)

En hann hefur oft verið fyrstur með fréttirnar og þær oft reynst réttar.

 

En ef satt er þá eigum við ekki von á góðu. Þá hækka afnotagjöldin hjá þessum miðlum væntanlega upp úr öllu valdi. Mér líst alls ekki á þetta hjá þeim

Ari Edwald segir sameiningu 365 miðla og Skjásins skynsamlega hugmynd

Héldu menn að hann léti Rumsfeld og Cheney fara

Það var nú vitað mál að þegar Bush komst til valda þá kallaði hann einmitt í Rumsfeld og Cheney  vegna þess að þeir í hópi öfgahægrimanna höfðu einmitt sett fram í skýrslum og ritum þessa leið að fara með hernaði gegn völdum Asíuþjóðum til að knýja á að þær tækju upp lýðræði að hætti Bandaríkjamanna. Þeir höfðu einmitt haldið því fram að þessu væri hægt að koma í kring á stuttum tíma. Þeir áttuðu sig alls ekki á að í þessum löndum er menning og skipulag sem oft hefur verið í mótun frá því löngu áður en Bandaríkin urðu til. Og eins að það finnst kannski ekki öllum að Bandaríkin séu fyrirheitna landið.

Bush: Rumsfeld og Cheney munu starfa áfram í ríkisstjórn

Sögðu Bandaríkamenn varnarsamningnum upp?

Var að lesa frétt á ruv.is. Þar er Valgerður að tjá sig um að henni finnist að Bandaríkjamenn geti ekki verið með leiðindi í viðskipasamningum við okkur, því við hefðum brugðist svo vel við þegar þeir sögðu Varnarsamningnum upp einhliða. EN bíddu við sögðu þeir honum upp? Ég hélt að þeir hefðu bara farið burtu með þotur og liðið. Var ekki verið að skrifa undir viðauka við samninginn nú um daginn? Kannski er ég bara svona vitlaus! En svona hljómar fréttin á ruv.is

Fyrst birt: 01.11.2006 17:59

Síðast uppfært: 01.11.2006 18:43

Ráðherra: Efi um að hvalveiðar hafi áhrif á samninga við BNA

Valgerður Sverrisdóttir utanríkisráðherra

Valgerður Sverrisdóttir utanríkisráðherra trúir því ekki að hvalveiðar Íslendingar hafi áhrif á fríverslunarsamninga Íslands og Bandaríkjanna þótt þeim mislíki. Skilja má á ráðherranum að Íslendingar eigi betra skilið af hálfu Bandaríkjamanna eftir að hafa sýnt kurteisi við einhliða uppsögn varnarsamnings þjóðanna.

Valgerður segist ekki trúa því að Bandaríkjamenn láti hvalveiðar Íslendinga bitna á viðskiptasamningum milli þjóðanna, þótt þeir styðji ekki ákvörðun íslenskra stjórnvalda um að hefja veiðarnar á ný. Íslenska ríkisstjórnin hafi ekki látið einhliða ákvarðanir Bandaríkjamanna í varnarmálum bitna á samstarfi landanna og hún væntir þess að Bandaríkjamenn sýni samskonar afstöðu gagnvart ákvörðun sem Ísland hafi tekið nú. Ýmislegt getur komið upp í samstarfi þjóða, segir ráðherrann.

Kannski eru þetta mistök ruv manna! Sennilega hún virðist ekki segja að samningi hafi verið sagt upp.

En einhvernveginn finnst mér það að Bandaríkin fari með her í burtu frá okkur og semja svo um aðrar varnir sé sambærilegt við það að villja ekki gera fríverslunarsamning við okkur. Hún gleymir að forseti USA hefur leyfi skv. lögum til að beita okkur viðskiptaþvingunum vegna hvalveiða.

Kemst Jón Sig. á þing?

Samkvæmt Þjóðarpúlsi Gallups þá er famsókn með um 5% í hvoru Reykjavíkurkjördæmi. Það yrði nú agalegt ef að formaður flokksins kæmist ekki á þing. Á von á því að kosningamaskína framsóknar verði sett snemma í gang þennan vetur og gangi á fullu.

Þetta verður að venju fjölmiðlafár þar sem að frambjóðendur framsóknar fara til stílista og brosa meira í vetur en þeir hafa gert alla ævina hingað til. Við munum fá nokkrar velvaldar lækkanir og gjafir frá ríkisstjórninni þennan vetur en þó sérstaklega þeir sem búa þar sem að atkvæðin vega meira.

Það eru nú ýmsir sem hafa notið góðs af framkvæmdum framsóknar og sjálfstæðisflokksins. Og því held ég að fjármagn streymi til þeirra fá þeim sem fengu banka og tryggingarfélög nærri gefins. Það verður ekki tugum heldur í hundruðum milljónirnar sem fljúga úr Framsóknarbatteríunu í vetur. En skildi það skila einhverju? Við Íslendingar höfum jú gullfiska minni. Því er auðvelt að slá ryki í augu okkar.