"Fatlaða deildin "

Alltaf gaman að lesa það sem Jónas Kristjánsson skrifar hann er ekki að skafa af hlutunum

Af www.jonas.is

17.12.2006
Fatlaða deildin
Fatlaða deildin í vinnumiðlun Framsóknar varð fræg fyrir að leggja Hummer í bílastæði fatlaðra, þaðan kemur nafnið. Nú er hún orðin enn frægari af að hafa Óskar Bergsson aðalmann í eftirliti borgarinnar með verktakanum Óskari Bergssyni. Það þykir Birni Inga Hrafnssyni, smjörklípara fötluðu deildarinnar, líkjast því, að Dagur Eggertsson borgarfulltrúi sé stundakennari við Háskólann í Reykjavík. Kringum Björn Inga í máli þessu er bandalag í skjallbloggi nokkurra fyrrverandi aðstoðarmanna Halldórs Ásgrímssonar. Og svo auðvitað Björn Bjarnason, sem fagnar, að Björn Ingi nuddi smjörklípum sem víðast.

Eitt slysið enn!

Var að sjá þetta á visir.is

Fréttir » Innlent     Letur

MYND/Vilhelm Gunnarsson

Vísir, 17. des. 2006 10:15

Fékk á sig steypuklump

Kínverji slasaðist á Kárahnjúkum í gær, þegar hann fékk á sig steypuklump. Hann var fluttur á slysadeild í gær og er enn haldið þar til eftirlits.

Samkvæmt vakthafandi lækni er maðurinn ekki alvarlega slasaður, og verður líklega útskrifaður seinna í dag.

Vona að þessum slysum fari að linna og að þau séu ekki vitni um gæði framkvæmdanna til framtíðar.

Er Árni á leið af lista?

Var að lesa eftirfarandi á www.visir.is

Fréttablaðið, 17. des. 2006 08:15

Vilja ekki staðfesta fundinn

Geir H. Haarde forsætisráðherra og Árni Johnsen, fyrrverandi alþingismaður, hittust á óformlegum fundi á föstudag samkvæmt heimildum Fréttablaðsins. Árni Johnsen vildi aðspurður ekki staðfesta að fundurinn hafi farið fram.

Hann vildi heldur ekki tjá sig um hvort einhverjar breytingar hefðu orðið á fyrirætlunum hans um að bjóða sig fram á lista Sjálfstæðisflokksins í Suðurkjördæmi fyrir alþingiskosningarnar í vor. Aðspurð um fundinn sagði Ragnheiður E. Árnadóttir, aðstoðarmaður forsætisráðherra, að Geir hitti fjölmarga einstaklinga á degi hverjum og að hann vildi ekkert tjá sig um slík fundarhöld.