Verði ykkur að góðu Reykjavíkurbúar: Leikskólagjöld hækka um áramót

Sé ekki alveg að almennar verðlagshækkanir kalli á þessa hækkun. En einhvernveginn fannst mér að Sjálfstæðisflokkurinn og örflokkurinn sem þeim fylgir hafi lofað allt öðru síðasta vor.

 

Fyrst birt: 23.12.2006 19:04

Síðast uppfært: 23.12.2006 21:29

Rvk: Leikskólagjöld hækka um áramót

Leikskólagjöld í Reykjavík munu hækka um tæp 9% um áramótin. Þorbjörg Helga Vigfúsdóttir, formaður Leikskólaráðs, segir hækkunina koma til vegna almennra verðlagshækkana.

Mikið var rætt um lækkun leikskólagjalda fyrir borgarstjórnarkosningarnar í vor. Eftir að nýr meirihluti komst til valda voru gjöldin lækkuð um 25% frá og með 1. september sl. En nú hafa gjöldin hækkað aftur um 8,8%. Þorbjörg Helga bendir einnig á að laun leikskólastarfsfólks hafi hækkað um 16-20% á þessu ári og hluti hækkunarinnar nú komi til vegna þess. Fyrir lækkunina í september voru hjón með tvö börn að borga tæpar 40.000 krónur á mánuði í leikskólagjöld fyrir átta klukkustunda vistun fyrir tvö börn.

Björn Bjarnason telur að lækkað lánshæfismat S/P á lánshæfi sé hugsanlega stjórnarandstöðunni að kenna.

Það er með ólíkindum hvað ríkisstjórnin ber alltaf fyrir sér ókunnugleika erlendra matsfyrirtækja á Íslenskum aðstæðum á sæmum spám og mötum frá þeim. Það mætti halda að þessi virtu fyrirtæki kýkji bar við á mbl.is og setji síðan fram spár. Ætli þessi fyrirtæki séu ekki með fleiri fræðinga í vinnu en íslenska Fjármálaráðuneytið í heild sinni. Og svo les ég færslu á blogginu hans Björns Bjarnasonar þar sem hann líkur greininni með því að kannski sé S/M að reikna með slæmum áhrifum ef að stjórnarandstaðan komist til valda.

Af www.bjorn.is

Efnahagsþróun ræðst ekki síður af sálarástandi en hagfræðilegum kröftum og takist að fóðra þá skoðun, að ekki sé unnt að treysta á efnahagslega velgengni Íslendinga eða hún standi á veikum grunni, leiðir það eitt til ófarnaðar. Afstaða til íslensks efnahagslífs ræðst auðvitað af þekkingu á því - ef allir, sem best þekkja til mála hér, eru þeirrar skoðunar, að niðurstaða S/P komi á óvart, kunna hinir fávísu að spyrja: Byggist niðurstaða S/P á sömu þekkingu og reynslu þeirra, sem eru undrandi?

Að útgjöld ríkisins aukist við afgreiðslu alþingis á fjárlagafrumvarpi er ekkert einsdæmi og gerist, hvort sem kosningar eru á næsta leiti eða ekki.  Hafi sérfræðingur S/P hrokkið við vegna þessa, ber það ekki vott um djúpstæða þekkingu.

Kannski hefur hugtakið „kosningafjárlög“ ruglað einhvern í ríminu, en stjórnarandstaða notaði það talsvert í umræðum á alþingi. Hitt kann einnig að vera, að sérfræðingur S/P telji hugsanlegt, að stjórnarandstaðan nái sér á strik á kosningaári og komi að því eftir kosningar að móta efnahagsstefnuna - þess vegna sé talin ástæða til að bæta hag lánveitenda með ákvörðunum, sem leiði til verri lánskjara fyrir Íslendinga.