Enn eru Ísraelar við sama heygarðs hornið

Þeir bjóða fram sáttahönd en um leið gera þeir eitthvað svona:

Frétt af mbl.is

  Bandaríkjastjórn fer fram á skýringar Ísraela
Erlent | AFP | 27.12.2006 | 19:38
Talsmaður bandaríska utanríkisráðuneytisins segir ráðuneytið hafa farið fram á skýringar frá Ísraelum vegna frétta af því að ísraelska varnarmálaráðuneytið hafi heimilað uppbyggingu nýrrar byggðar gyðinga á palestínsku landi á Vesturbakkanum. Þá segir hann útlit fyrir að um brot gegn svokölluðum friðarvegvísi sé að ræða og skuldbindingum Ísraela samkvæmt honum.

Það er að verða fastur liður að þeir bjóði fram sáttarhönd eins og í vikunni þar sem þeir fjarlægðu eitthvað af eftirliststöðvum og einhverju af peningum sem þeir hafa stolið af Palestínu en um leið þá kemur ný bylgja af nýbúabyggðum á svæðum Palestínu.

www,ruv,is

Fyrst birt: 27.12.2006 17:16

Síðast uppfært: 27.12.2006 17:16

Ísrael: ESB hefur áhyggjur af gyðingabyggð

Evrópusambandið lýsti í dag yfir áhyggjum vegna áforma Ísraelsmanna að breyta gamalli herstöð á vesturbakka Jórdanar í byggð fyrir um 30 gyðingafjölskyldur sem fluttar voru frá Gaza-ströndinni í fyrra.

Í yfirlýsingu frá Finnum, sem nú eru í forsæti Evrópusambandsins, segir að þetta brjóti í bága við alþjóðalög og Vegvísinn svonefnda, friðaráætlun Bandaríkjamanna, Rússa, Evrópusambandsins og Sameinuðu þjóðanna. Þetta stefni í hættu áformum um tvö ríki Ísraelsmanna og Palestínumanna.

Bandaríkjastjórn fer fram á skýringar Ísraela

Egill Helgason ekki hrifinn af nýjum Lögreglustjóra

Ekki beint að Eglill Helgason sé að hrósa nýjum lögreglustjóra Höfuðborgarsvæðissins. Takið sérstaklega eftir þeim köflum sem ég hef breytt letri á.

Það er eins gott að vera ekki að mótmæla hér á næstunni, það gæti verið tekið hart á manni.

 Af Silfri Egils

Maður man aðallega eftir Stefáni sem aðalgaurnum í Falun Gong málinu hérna um árið. Þá fannst manni hann fara langt út fyrir verksvið sitt - eins og honum þætti sérstaklega mikið varið í að djöflast í þessum söfnuði, stofna fangabúðir og passa kínverska einræðisherra. Eða kannski var Stefán bara fall guy í málinu, sá sem þurfti að taka skellinn vegna þess að ráðherra hans var annars staðar. En vinsæll getur Stefán varla talist eftir þessa atburði.

En altént hefur Stefán komið sér svo vel í mjúkinn hjá yfirmönnum sínum að hann fær þetta háa embætti þrátt fyrir ungan aldur og þrátt fyrir að hafa ekki starfað í lögreglunni. Samkvæmt Vef-Þjóðviljanum er þetta skoðun Stefáns á mótmælum - hún hefur greinilega ekki breyst mikið síðan á tíma Falun Gong látanna:

"Það er að sjálfsögðu ekki boðlegt við skipulagningu löggæslu, eða mat á því hvort stöðva eigi ólögmæta háttsemi, að horfa til þess í hvaða tilgangi tiltekið lögbrot er framið og miða ákvörðun um að stöðva hið ólögmæta ástand við það. Lögreglan getur ekki og má ekki bregðast öðruvísi við rúðubroti, skemmdarverki, frelsissviptingu eða annarri ólögmætri háttsemi eftir því hvort tilgangurinn er að mótmæla framkvæmdum við Kárahnjúka, ákvörðunum Alþjóðabankans eða einhver önnur ótilgreind skemmdarfýsn. Ef opnað er fyrir slík sveigjanleg viðbrögð eftir því hver tilgangurinn að baki lögbroti er, þá fyrst erum við farin að nálgast atriði sem vega að rótum þess lýðræðisskipulags sem við viljum og eigum að varðveita."

Nú er ég ekkert sérlega vel að mér um löggæslu, en held að sé mikilvægt að yfirmenn í lögreglunni séu vitrir, þolinmóðir og umburðarlyndir - gott er líka ef þeir hafa reynslu af mannlegum samskiptum og breyskleika og njóta virðingar samborgaranna. Voru virkilega engir innan lögreglunnar sem hægt var að setja í þetta djobb?

Svo mörg voru þau orð hjá Agli.

Tíu ökumenn teknir ölvaðir í höfuðborginni

Það er auðsjáanlega mikið mál að fá að stækka álverið í Straumsvík

Það er nú alveg á mörkunum þegar fyrirtæki fer að færa bæjarbúum í Hafnarfirði svona gjafir rétt áður en kosið verður um álverið. Hefði kannski verið réttara hjá þeim að beina þessum peningum til góðgerðarmála eða t.d. færa öllum Sambýlum fatlaðra heitan pott. Eða kaupa nokkra bíla fyrir þau.

Þetta minnir nokkuð á smsið frá Dominos á Jólunum

Frétt af mbl.is

  Alcan sendir geisladisk á hvert heimili í Hafnarfirði
Innlent | mbl.is | 27.12.2006 | 17:06
Alcan á Íslandi hefur sent öllum hafnfirskum heimilum geisladisk með tónleikum Björgvins Halldórssonar og Sinfóníuhljómsveitar Íslands í haust. Segir á heimasíðu Alcan, að í bréfi, sem fylgi disknum sé einnig greint frá þeirri ætlun fyrirtækisins, að kynna með margvíslegum hætti á næstu misserum starfsemi sína fyrir bæjarbúum og gefa fólki þannig tækifæri til að mynda sér skoðun á fyrirhugaðri stækkun álversins í Straumsvík, sem væntanlega verði kosið um með einhverjum hætti á næstunni.

Alcan sendir geisladisk á hvert heimili í Hafnarfirði

Sjálfvirk þjófavörn á náttúru Íslands

Þarf að vara túrista sem hingað koma við þessu. Alveg frábær Þjófavörn:

Frétt af mbl.is

  Óttaðist reiði guðanna og skilaði hraunmolunum aftur
Innlent | mbl.is | 27.12.2006 | 16:10
Ferðamálastofu barst á Þorláksmessu lítill pakki frá konu í Kanada. Þegar pakkinn var opnaður komu í ljós tveir litlir hraunmolar og bréf frá konunni, sem sagðist hafa tekið hraunmolana á Íslandi í sumar en síðan hafi ógæfan elt hana. Henni hafi verið sagt að á Hawaii séu ferðamenn varaðir við að taka með sér hraunmola því það reiti guðina til reiði og valdi ógæfu.

Óttaðist reiði guðanna og skilaði hraunmolunum aftur

Sjávaútvegsráðherra hvað ert þú að segja?

 Gaman væri að sjávaútvegsráðherra segði okkur hvaða afurðarverð þessi hvalir væru að skila okkur. Og hvað ríkið væri að borga með þessu hvalveiðum

af www.visir.is

Fyrst birt: 27.12.2006 12:34

Síðast uppfært: 27.12.2006 12:39

Sjávarútvegsráðherra: Bandaríkjamarkaður lítt fýsilegur kostur

Sjávarútvegsráðherra segir ekki stórmannlegt að kenna hvalveiðum um vanda íslenskra afurða á Bandaríkjamarkaði. Vandi þeirra felist í of lágu afurðaverði sem hafi ekkert með hvalveiðar að gera.

Baldvin Jónsson, framkvæmdastjóri kynningarfyrirtækis í Bandaríkjunum, sagðist í kvöldfréttum útvarps í gær þegar sjá neikvæð áhrif hvalveiða á kynningu íslenskra afurða í Bandaríkjunum. Whole Foods verslunarkeðjan hafi hætti við kynningu á íslenskum vörum í Virginíu fylki sem vera átti í janúar.

Þessu eru Einar K Guðfinnsson sjávarútvegsráðherra ósammála. Hann segir að menn ættu að snúa sér að hinu raunverulega vandamáli, sem sé að bændur fái ekki það afurðaverð sem dugar til að gera Bandaríkjamarkað að fýsilegum kosti, raunar telji framleiðendur að þetta lakasti markaðurinn.

Bíddu er FL Group ekki að kaupa Sterling líka aftur

Mér sýnist við lesturinn að FL Group sé líka eigandi að þessu nýja félagi. Væntanlega ekki miklir peningar sem koma inn fyrir þetta.

Frétt af mbl.is

  FL Group selur Sterling fyrir 20 milljarða
Viðskipti | mbl.is | 27.12.2006 | 10:54
FL Group hefur selt lággjaldaflugfélagið Sterling fyrir 20 milljarða króna. Kaupandi félagins er nýstofnað fyrirtæki í ferðaþjónustu sem fengið hefur heitið Northern Travel Holding. Hluthafar nýja fyrirtækisins eru íslensku fjárfestingafélögin Fons, FL Group og Sund. Innan Northern Travel Holding verða einnig Iceland Express, 51% hlutur í breska leiguflugfélaginu Astraeus, 29,26% hlutur í sænsku ferðaskrifstofunni Ticket sem skráð er á sænska hlutabréfamarkaðinn og allt hlutafé í dönsku ferðaskrifstofunni Hekla Travel.

FL Group selur Sterling fyrir 20 milljarða

Bíddu var ekki FL group að kaupa í þessu fyrirtæki í gær eða dag?

Ekki endilega það fysta sem maður vill heyra þegar maður kaupir 6% í einhverju fyrirtæki.

Frétt af mbl.is

  Rekstarkostnaður móðurfélags American Airlines eykst
Viðskipti | mbl.is | 26.12.2006 | 23:13
AMR Corp., móðurfélag bandaríska flugfélagsins American Airlines, tilkynnti eftir lokun markaða í kvöld, að rekstarkostnaður hefði hækkað á síðustu mánuðum ársins vegna aukinna viðhaldsútgjalda og truflana, sem urðu á flugáætlun vegna veðurs í nóvember og desember. Er þetta sagt benda til þess að kostnaður sem hlutfall af sætaframboði verði hærri en sérfræðingar höfðu áður spáð. FL Group tilkynnti í dag að það hefði eignast 5,98% hlut í AMR.

Rekstarkostnaður móðurfélags American Airlines eykst

Slúður um Árna Johnsen.

Var að heyra að það sé umtalað á Suðurlandi að á fundi Geir Haarde og Árna Johnsen hafi Árna verið boðið einhver staða eða verði boðin einhver staða fyrir að láta af framboði til þings. Það verður gaman að sjá hvort það kemur í ljós að Sjálfstæðisflokkurinn reyni að kaupa manninn frá framboði.

Sjávarútvegsráðherra hvað hefur þú gert?

Var okkur svo nauðsynlegt að leyfa Kristjáni Loftsyni að nota þessi úreltu tæki sín að öllu væri fórnandi fyrir það.

Frétt af mbl.is

  Segir herferð gegn íslenskum vörum í undirbúningi í Bandaríkunum
Innlent | mbl.is | 26.12.2006 | 18:37
Baldvin Jónsson, framkvæmdastjóri Áforma, sagði í kvöldfréttum Ríkisútvarpsins, að erlend umhverfisverndarsamtök undirbúi nú herferð gegn hvalveiðum Íslendinga. Þegar gæti áhrifa af þessu því hætt hafi verið við kynningu á íslenskum vörum við opnun stærstu matvöruverslunar í Bandaríkjunum í Fairfax í Virginíuríki.

Segir herferð gegn íslenskum vörum í undirbúningi í Bandaríkunum