Þetta er nú ekki frumlegt!

Kennarar hina ýmsu grunnskóla voru í haust að minna á sig. Það er sjálfsagt fyrir þá að berjast fyrir bættum kjörum en mér finnst óþarfi fyrir þá að miða sig við t.d. þroskaþjálfa þar sem þeir eru með hærra kaup en þeir þrátt fyrir sambærilegt  nám.  Og mér finnst ósmekklegt að taka út nokkrar stéttir í og stilla þeim upp eins og þær hafi fengið ógurlegar hækkanir og séu nú hátekjustéttir. Kannski rétt að bjóða þeim þá bara að fá leikskólakennaralaun.

sbr:

í ályktun kennaranna segir, að með hliðsjón af verðbólgu og leiðréttingu, sem gerð var á launum félagsmanna ASÍ, leikskólakennara, þroskaþjálfa, bankamanna og æðstu ráðamanna þjóðarinnar, þyki þeim full ástæða til að laun þeirra verði leiðrétt í samræmi við aðra

Og eins finns mér að þeir geti nú samið ályktanir sínar sjálfir og ekki vera að kópera ályktanir frá hverjum öðrum. Sbr hér og hér má finna fullt af þeim

Er búinn að lesa þessa ályktun í haust frá nokkrum skólum. Kennarar hafa kosið að semja á örðum tímum en aðrir koma því til með að lenda í því að aðrar stéttir fái leiðréttingar á milli.

 

Annars óska ég þeim góðs gengis.

Kennarar krefjast leiðréttingar á launum

Glæsilegt framtak- En lyktar af því að kosningar eru í nánd

Ekki ætla ég að setja út á þessi auknu framlög til HÍ það var kominn tími til að viðgerðum vel við hann og áttuðum okkur á að allur þessi fjöldi háskóla dreyfir kannski fullmikið kröftum hér á landi og veldur því að líkur á fúski og peningaplokki þessara minni og einkareknu verður meira. Ég fagna því líka að Kennaraháskólinn er að sameinast HÍ. Ég furða mig hinsvegar afhverju að HÍ hefur verið hafður í svelti síðasta áratug og stjórnvöld horft til allara hinna háskólana frekar. EN nú 2007 kosningaárið eru allt í einu til milljarðar. Ingvi Hrafn einn ákafasti sjálfstæðismaður landsins og Davíðssinni orðar þetta skemmtilega á sinni síðu:

Ef ég hefði ekki verið í notalegu valiumrússi eftir magaspeglun á Landsspítalanum hjá lækninum Sunnu og hennar aðstoðarkonum í morgun,hefði ég gubbað yfir helgislepjunni og marklausu upphafi kosningaloforðahamfaraflóðs frá Háskóla Íslands síðdegis.

Frú Þorgerður Katrín Gunnarsdóttir hæstvirtur menntamálaráðherra sögð hafa framkallað tár á hvörmum fjárþyrstra deildarforseta með rektor í fararbroddi í sjálfum hátíðasalnum.Hvergi minnst á þá staðreynd að eina vitræna leiðin til að Háskóli Íslands komist í hóp þokkalegra menntastofnana í nágrannalöndum,er að láta nemendur greiða skólagjöld, eins og gert er í öllum öðrum háskólum landsins.Báðar þessar ágætu frúr eru svo veruleikafirrtar að halda það að HÍ geti verið stykkfrí, er kemur að skólagjöldum.

Ég ætla bara að vona það að Sjálfstæðisflokkurinn með nýjan og ungan framkvæmdastjóra ætli ekki að bjóða okkar upp á einhverjar raðuppákomur,þar sem ráðherrar flokksins lofa einhverjum andskotanum fram yfir þar næstu kosningar, árið 2011.

Blessaður karlinn hittir naglann á hausinn. Nú eru Sjálfstæðismenn og Framsókn að reyna að kaupa sér 4 ár í viðbót við kjötkatlana. Og þeim er sama hverju er kostað til. Nú er kannski lag fyrir þrýsihópa að vekja athyggli á málefnum sínum. Það eru kosningar! Hverning væri nú að náttúrufræðingar og unnendur náttúru Íslands færu að vekja frekari athygli á stöðu Náttúrufræðistofnunar og Náttúrugripasafnsins. Það má finna milljarða á kosningaári.

Nýr samningur skapar forsendur fyrir að HÍ komist í fremstu röð í heiminum

Hörmulegar afleiðingar aftöku Saddams

Ég get bara ekki sagt neitt um þessa frétt sem ég las á www.visir.is. Nema að þetta var náttúrulega fyrirséð. Súnnitar telja að það hafi verið andstæðingar sínir sem dæmdu Saddam til dauða. En þetta er ógeðslegt. 

Vísir, 11. jan. 2007 14:40

Yfir 100 hengdir til að hefna fyrir Saddam Hussein

Yfir eitthundrað sjía múslimar hafa verið hengdir í ljósastaurum og símastaurum í Bagdad, í hefndarskyni fyrir aftöku Saddams Hussein. Hinir hengdu eru venjulegir óbreyttir borgarar, sem súnní múslimar safna saman í stóra hópa til að hengja opinberlega.

Eitt slíkt fjöldamorð var framið á Haifa stræti í Bagdad, síðastliðinn sunnudag. Í þann mund sem verslunareigendur voru að opna dyr sínar komu þrjár smárútur á mikilli ferð og stoppuðu á miðju strætinu. Út úr þeim stukku byssumenn sem drógu svo út úr rútunum fjölda fólks sem var með bundið fyrir augun.

Köðlum var kastað yfir ljósastaura og rafmagnsstaura og snörur bundnar um háls fólksins. Sumir börðust um og reyndu að flýja. Þeir voru skotnir og svo hengdir upp. Þeir sem ekki sýndu mótspyrnu voru hífðir upp á hálsinum og sprikluðu þar og spörkuðu þartil þeir köfnuðu.

Einn verslunareigendanna sagði að hann hefði talið tuttugu og þrjú lík. Hann sagði að hann sjálfur væri súnní múslimi, eins og flestir íbúar strætisins, og hann styddi því þessar hengingar

Hefði ekki verið betra að geyma karl helvítið hann Saddam í fangelsi þar til hann dræpist.

Varað við áhrifum klofnings Íraks á olíubirgðir og heimsfriðinn

Ef að Flugstoðir eiga þessa vél- Hverja voru þeir þá að flytja?

Spurningar sem vakna. Hvaða farþega voru Flugstoðir að flytja? Hafa Flugstoðir leyfi til farþegaflugs? Ef þetta voru ráðherrar, þingmenn eða starfsmenn ráðuneyta, hverjir borga þá Flugstoðum? Og þá hvað mikið?

Nú eru Flugstoðir ohf. orðið að hlutafélagi. Hef hvergi séð getið um að þeir annist farþegaflug.

Frétt af mbl.is

  Flugvél Flugstoða fór útaf flugbrautinni
Innlent | mbl.is | 11.1.2007 | 12:29
Flugvél Flugstoða ohf. hlekktist á í flugtaki og rann útaf flugbrautinni við Öskjuhlíð klukkan 19 mínútur yfir 12. Átta manns voru borð en engan sakaði og vélin er ekki mikið löskuð. „Hún er enn á öllum fótum," sagði starfsmaður á Reykjavíkurflugvelli í samtali við Fréttavef Morgunblaðsins. Vélin var á leið til Akureyrar á austur/vestur braut flugvallarins þegar óhappið varð. Það er nú til rannsóknar.

Af www.visir.is

"....Átta manns voru um borð en ekki fæst gefið upp hverjir það voru. "

Flugvél Flugstoða fór útaf flugbrautinni

Hva er hann ekki geislavirkur?

Kannski bara með geislabaug? Eftir atburði síðustu vikna er skrítið að finna ekki geislavirkni í kring um þennan mann.

Frétt af mbl.is

  Rússneskur auðmaður fannst látinn í London
Erlent | mbl.is | 11.1.2007 | 11:07
Yury Golubev, 65 ára meðeigandi hins fangelsaða Mikhail Khodorkovskís í rússneska olíurisanum Yukos fannst látinn í íbúð sinni í London. Dánarorsök er ókunn.

Rússneskur auðmaður fannst látinn í London

Eða eru Bandaríkamenn bara morðingjar líka?

Er í lagi að USA myrði hundruð eða þúsundir saklausra borgara í fjarlægu landi til að ná hugsanlega einhverjum Al-Qaeda liða?  Eða eru Bandaríkamenn bara morðingjar líka?

Frétt af mbl.is

  Telja að yfir 100 óbreyttir borgarar hafi fallið í Sómalíu
Erlent | AFP | 11.1.2007 | 10:06
Embætti öldungaráðs í Sómalíu segja að um eitt hundrað óbreyttir borgarar hafi fallið í árásum Bandaríkjahers og hers Eþíópíu á meinta Al-Qaeda liða í vikunni í þorpum við landamæri Kenýa. Segir öldungaráðið að ekki sé hægt að segja nákvæmlega til um mannfall en að það hafi fengið staðfest að rúmlega eitt hundrað séu látnir en margir séu særðir.

Vísir, 11. jan. 2007 11:35

Hryðjuverkamaður enn á lífi

Eitt helsta skotmark Bandaríkjamanna í sprengjuárás í Sómalíu á mánudag er enn á lífi að því er BBC segir frá. Fazul Abdullah Mohammed, sem tilheyrir Al Kaída samtökunum, var sagður hafa látist í sprengjuárásinni á mánudaginn en sendiherra Bandaríkjamanna sagði í dag að hann væri enn á lífi. Mohammed er talinn hafa átt þátt í sprengjuárásum á bandarísk sendiráð í Afríku árið 1998.

Telja að yfir 100 óbreyttir borgarar hafi fallið í Sómalíu

Ekki beint góð nýting

Var ekki verið að segja að samtals hefðu þessi hvalir vegið c.a. 400 til 500 tonn?  Og svo er aðeins um 100 tonn af kjöti eftir. Þá er væntanlega búið að urða um 300 til 400 tonn. Þetta er nú ekki beint umhverfisvænn iðnaður.

Svo er kannski óvíst að þetta kjöt sé nýtanlegt og/eða seljanlegt.

Þetta er nú meira ruglið.

Um 100 tonn af hvalkjöti enn í frystigeymslum

Þetta minnir mig á Palestínu og Ísrael

Þessi hótun Bush er alveg stórkostleg. Hverning eiga Írakar að stöðva þetta? Heldur Bush að þessir hriðjuverkamenn gangi með skilti þar sem stendur ég er hryðjuverkamaður? Þetta er eins og Ísrael notar gegn Palestínumönnum. Þe. að þeir semji ekkert við þá nema að þeir komi í veg fyrir allar árásir. Til þess að finna alla hryðjuverkamenn þyrfti væntanlega í Írak leyniþjónustu upp á marga tugi þúsunda. Landið er stórt og fólkið margt. Helda að þess verði langt að bíða að það takist.

Málið er þegar USA og co réðust inn í Írak þá var það vitað fyrirfram að þeir mundu setja af stað ríg og illdeilur milli ólíkra hópa. Og með því að taka á þeim með hörku eftir innrás þá verða þeir enn forhertari.

Ég held að það væri réttara að horfa til Norður Írlands og hvernig að líkur á langvarandi frið var komið á með því draga úr hörku og fara að horfa til samningaviðræðna.

Ég held að þetta sé reyndar trix hjá Bush. Þ.e. fjölga hermönnum og lýsa því svo yfir að Írakar sé ekki að standa sig og fara þá með herinn.

Frétt af mbl.is

  Bush varar Íraka við að þeir kunni að missa stuðning Bandaríkjamanna
Erlent | AP | 10.1.2007 | 23:53
George W. Bush, Bandaríkjaforseti, segir í ræðu, sem hann mun flytja í nótt, að írösk stjórnvöld eigi á hættu að missa stuðning bandarísku þjóðarinnar ef þeim tekst ekki að stöðva ofbeldið í landinu. Þá sagði Bush, að ef dregið yrði úr hernaðaraðstoð Bandaríkjamanna í Írak nú sé hætta á að stjórnkerfið þar hrynji og átökin dragist enn ferkar á langinn.

Bush varar Íraka við að þeir kunni að missa stuðning Bandaríkjamanna