Framkvæmdasjóður aldraðra m.a. notaður til að kosta kosningaáróður

Miðað við alla þörfina á hjúkrunarplássum og íbúðum fyrir eldirborgara. Er skrítið að fjármagn sé notað úr honum m.a. til að borga eitthvað um áherslur Sivjar Friðleifsdóttur í öldrunarmálum. Og fleirí útgjöld sem manni finnst að ætti að vera borgað af öðrum tekjustofnum:

 www.visir.is

Ráherrar farið frjálslega með framkvæmdasjóðinn

Stjórn Landssambands eldri borgara ætlar á morgun að ræða, á fundi sínum, fréttir um að Siv Friðleifsdóttir heilbrigðisráðherra hafi notað fé úr Framkvæmdasjóði aldraðra til að prenta og dreifa bæklingi um framtíðarsýn sína í öldrunarmálum.

Ráðherrar heilbrigðismála hafa sótt fé í framkvæmdasjóð aldraðra. Meðal annars notaði Siv Friðleifsdóttir fé úr sjóðnum til að greiða fyrir prentun og dreifingu bæklings um áherslur sínar í öldrunarmálum. Þá hefur sjóðurinn greitt fimm milljónir á ári fyrir stöðu lektors í öldrunarfræðum við Háskóla Íslands um nokkura ára skeið, en samningurinn er til fimm ára, og staðið straum af launum ritara í hálfu starfi á öldrunardeild á Landakoti.

Ég er svo vitlaus í viðskipta og rekstarfræðum - Getur einhver skýrt þetta.

Í þessari frétt er Kaupþing að gefa út skuldabréf til 3 ára með 4,7% föstum vöxtum. Sem þýðir væntanlega að þeir eru að taka þessa peninga að láni. Þeir þurfa því að greiða þessi lán eftir 3 ár með 4,7% vöxtum. Það sem ég er að velta fyrir mér hvernig þeir hagnast á þessum skuldabréfum. Er það vegna þess að þeir geta lánað okkur þetta á 11 till 15% vöxtum? Eða treysta þeir á að þeir geti lánað þetta hér með verðtryggingar hagnaði þar sem að þetta lán er án verðtryggingar?

Frétt af mbl.is

  Tæplega 30 milljarða króna skuldabréfaútgáfa Kaupþings í Kanada
Viðskipti | mbl.is | 4.2.2007 | 15:57
Kaupþing banki hefur gefið út skuldabréf í Kanada fyrir 500 milljón Kanadadali, eða sem svarar til tæpra 30 milljarða íslenskra króna. Þetta er í fyrsta sinn sem Kaupþing gefur út skuldabréf í Kanada, að því er segir í tilkynningu frá bankanum

Tæplega 30 milljarða króna skuldabréfaútgáfa Kaupþings í Kanada

Hvað er Jónína Ben að segja?

Nú fer Jónína Ben hamförum á öllum stöðum sem hún kemst á til að ráðast á Ingjibjörgu Sólrún. Nú síðast í Silfri Eglis. Hún segir fullum fetum að Ingibjörg hafi komið í veg fyrir að hægt hafi verið að koma böndum á þessa glæpamenn sem Baugur er. Og síðan segir hún:

Sjálfstæðismenn í ríkisstjórn hafa litlar þakkir fengið fyrir að reyna að stöðva þessa framþróun í viðskiptaheiminum en um leið sjá kjósendur að flokkurinn er sá eini sem gæti hugsanelga ráðið við fákeppnisvandann. Því þurfa landsmenn að gefa Sjálfstæðisflokknum það vald sem til þarf og sjálfstæðismenn að sýna pólitískt þrek til þess að láta ekki veisluhöldin villa sér sýn.

Þó ég sé trúleysingi þá segi ég bara o. my God! Hvað er konan að meina. Sjálfstæðisflokkurinn hefur verið við völd í 16 ár. Það er flokkurinn sem meðvitað hefur haldið Samkeppnisstofnun og öðrum eftirlitsaðilum í fjársvelti. Og þegar hún er spurð hvað hún sé að meina með að stjórnarandstaðan hafi gert til að koma í veg fyrir að þessar valdablokkir kæmust til valda nefnir hún fjölmiðlafrumvarpið.  Og það vita allir að málið komst á fullt skrið vegna reiði t.d. Forsætisráðherra þáverandi og fleiri út í Baugsfeðga. Og sennilega af því að allt kerfið fór í gang út af einni kretitnótu og frásögn eins manns þá var því klúðrað frá upphafi. Hefði kannski verið betra að undirbúia sig meira áður en þeir réðust inn í Baug.

Síðan í sífelltu spyr hún hvernig póstar sem komu upp um olíumálið komust til samkeppnisráðs. Og hún hafi séð þessa pósta. Og tengir það við plott við að ná Skeljung undir Baug. Ég verð nú að segja að mér er sama hverning upp komst um þetta olíusamráð.

Ég er eiginlega vonsvikin yfir þessu gassagangi í Jónínu því margt annað sem hún segir er mjög vitrænt og merkilegt eins og hvernig bankarnir ráða öllu hér á landi. Í krafit eigna í fyrirtækjum  og skulda fyrirtækjana og eigenda við bankana. Vildi að hún ræddi meira um það.

En að halda að það sé Sjálfstæðisflokkurinn sem gæti komið í veg fyrir fákeppnisvandan er út í hött. Og gott væri að einhver minnti Jónínu á það að það voru Sjáflstæðismenn sem seldu bankana.

 

Þessi frétt er nú dálítið slitin úr samhengi við sjálft viðtalið í Mogganum

Ég las þetta viðtal við Guðrúnu Ögmunds í Mogganum í dag. Hún fer þar nokkuð yfir sviðið en er mjög jákvæð í heildina sem mætti ekki ætla við lestur þessarar frétta hér á mbl.is

EN vissulega er það rétt hjá henni að talsmannakerfið er eitthvað sem ekki hefði átt að detta út nema eitthvða kæmi í staðinn. Ég geri ráð fyrir að þingmenn sem ekki voru í talsmannahlutverki fyrir flokkinn hafi verið á móti því. Þetta hefði verðið hægt að leysa með því að hafa fleiri en einn í hverjum málaflokk.

Hún er þó í þessu viðtali um að Samfylkingin safni saman vopnum sínum og að fylgið eigi eftir að vaxa á ný.

En svona úrdráttur er náttúrulega vatn á þá sem vilja skjóta á Samfylkingunna.

Frétt af mbl.is

  Allt undir 32% fylgi óviðunandi
Innlent | Morgunblaðið | 4.2.2007 | 5:30
"ÉG viðurkenni að ég er með dálítinn beyg," segir Guðrún Ögmundsdóttir, alþingismaður Samfylkingar, um stöðu flokksins fyrir þingkosningarnar í vor, í samtali við Árna Þórarinsson í Morgunblaðinu í dag.

Allt undir 32% fylgi óviðunandi

Björn Bjarnason heldur áfram að skjóta á Útvarp Sögu og færist í aukana!

Þetta fer að verða skemmtilegt. Maður les bloggið hans Björns og hlustar daginn eftir á Arnþrúði Karsl á Útvarpi Sögu öskureiða.

Nú segir Björn:

Tvisvar hef ég notað heitið niðstöng nútímans um útvarp Sögu hér á síðunni í tilefni af því, hvernig stöðinni var beitt gegn Margréti Sverrisdóttur í varaformannskjöri frjálslyndra. Sverrir Hermannsson, stofnandi Frjálslynda flokksins og faðir Margrétar, ritar grein um ill örlög flokksins í Morgunblaðið í dag. Þar minnist hann á þessa sérkennilegu útvarpsstöð og kallar hana útvarp Lygasögu.

Sendingar í útvarpi Sögu fara fram hjá mér en mér er sagt, að Arnþrúður Karlsdóttir, eigandi stöðvarinnar, flytji hverja skammarræðuna eftir aðra yfir mér á stöðinni og þeir Sigurður G. Tómasson og Guðmundur Ólafsson taki einnig syrpur í sama dúr. Allt er þetta líklega undir sömu formerkjum og annað á þessari makalausu stöð - óhróður af þessu tagi höfðar vafalaust til einhverra en Sverrir Hermannsson segir, að þeir, sem stöðin studdi í valdabaráttunni innan Frjálslynda flokksins hafi kostað starfsemi stöðvarinnar þá daga með auglýsingum. Þetta er sem sagt allt á sömu bókina lært.

En þetta er náttúrulega dómsmálaráðherra landsins og spurning hvort hann sé ekki komin langt út fyrir það sem eðlilegt er að maður í slíkri stöðu láti frá sér.

Þetta hafa menn gert áður - En það er ekkkert hlustað á þá.

Bush hefur nú ekki verið þekktur fyrir að hlusta á ráðleggingar manna sem vita betur. Það var varað við innrás í Írak en hvað gerðist? Þetta virðist vera einhver ógurleg klíka sem er í kring um blessaðan manninn sem er svo gjörsamlega úr tenglsum við allt sem heitir skilningur á heiminum. Sem og að þeir halda að ofbeldi og yfirgangur sé lausn allra vandamála.

Það sem ég hef sérstakar áhyggjur af er að fleiri og fleiri eru að reyna að vara hann við. Það finnst mér merki um að innrás í Íran sé yfirvofandi. Hef heyrt að það sé stefnt að því að hún gæti orðið í apríl. Heimurinn verður að fara að taka í taumana og stöðva þennann ofbeldismann sem Bush er.

Frétt af mbl.is

  Þrír fyrrverandi hershöfðingjar vara við því að ráðist verði á Íran
Erlent | mbl.is | 4.2.2007 | 10:10
Þrír fyrrverandi háttsettir yfirmenn Bandaríkjahers hafa varað bandarísk yfirvöld við því að gerðar verði árásir á Írana. Þeir segja að slíkt myndir hafa „hörmulegar afleiðingar“ fyrir öryggi í Mið-Austurlöndum sem og fyrir hersveitir bandamanna í Írak.

 

Þrír fyrrverandi hershöfðingjar vara við því að ráðist verði á Íran

Ákvað að halda þessu til haga hér. Bara svona af því það styður hugmyndina um upptöku Evru og svo af því sem hann segir um Davíð og þá í seðlabankanum.

 

Fréttablaðið, 04. feb. 2007 09:00

Steve Forbes hinn þekkti ritstjóri Forbes-tímaritsins og fyrrverandi forsetaframbjóðandi heldur fyrirlestur á Hótel Nordica næsta þriðjudagskvöld.

Leggur til tafarlausa upptöku evru

Miðað við verðbólgu og stýrivexti ættu Íslendingar að kasta krónunni, segir Steve Forbes í viðtali við Fréttablaðið í dag.

Forbes gagnrýnir efnahagsstjórn Íslendinga harðlega. Hann leggur til að evra eða dalur verði tekin upp í stað krónunnar. Því fylgi meiri stöðugleiki. Öðrum kosti ættu Íslendingar að skipta um æðstu menn Seðlabankans, „því þeir vita ekki hvað þeir gera".

Nýtt hægra framboð?

Var að lesa bloggið hennar Margrétar Sverrisdóttur. Og ég get ekki skilið hana örðuvísi en að það sé unnið að því að stofan nýtt framboð. Eða hvernig ber að skilja þetta:

3.2.2007 | 23:24

Laugardagur til lukku og Spaugstofan

Nýtt afl (grín ) er að koma fram á sjónarsviðið í íslenskri pólitík.  Fundað var í dag og á næstunni verða sett fram skýr markmið framboðs sem er hægra megin við miðju í pólitísku litrófi stjórnmálanna.  Bíðið spennt eftir framhaldinu - dokið við - hér rétt handan við hornið verða æsispennandi tíðindi...

"framboðs sem er hægra megin við miðju" það getur maður ekki skilið örðuvísi en nýtt framboð. Ætli það sé hægra grænt framboð með Ómari og fleirum. Þetta er spurning.

Kosningavixlar

Ég hef m.a. talað um það í síðustu færslum að nú fari ríkisstjórnarflokkarnir að setja fram loforð um framkvæmdir sem koma eiga til framkæmda eftir kosningar. Og tryllingurinn er virkilega byrjaður. Samgönguráðherra lofar nú og lofar framkvæmdum út um allt og Guðni skrifar stóra víxla til bænda langt fram í tímann. Egill Helgason tekur þetta upp á svæði sínu Silfri Egils og segir:

Loforðasúpa ráðherra fyrir kosningar er gengin langt út í öfgar. Hví leggur samgönguráðherra fram samgönguáætlun þremur mánuðum fyrir kosningar? Er það ekki í hæsta máta óeðlilegt? Býst einhver við því að Sturla Böðvarsson verði ráðherra eftir kosningarnar? Eru loforð hans einhvers virði?

Og Guðni Ágústsson. Hví er hann að undirrita risasamning við sauðfjárbændur rétt fyrir kosningar? Væri ekki eðlilegra að nýr ráðherra skoðaði málin, gerði slíkan samning eða gerði hann ekki?

Hið sama gildir um Þorgerði Katrínu Gunnarsdóttur og loforð hennar um auknar fjárveitingar til Háskóla Íslands, Siv Friðleifsdóttur sem lætur prenta bækling um sýn sína í öldrunarþjónustu - og svo skilst manni að ríkisstjórnin ætli að fara að kynna umhverfisstefnu.

Svona breytast ráðuneytin í kosningaskrifstofur. Þetta kallast kosningavíxlar og eru alsiða í pólitíkinni. En ekkert betri fyrir það.

Síðan heldur hann áfram að pirra sig út í Samgönguráðherra og segir:

Annars tók ég eftir því að í samgönguáætlun Sturlu er gert ráð fyrir peningum til mislægra gatna á mótum Kringlumýrarbrautar og Miklubrautar. Þetta er einhver mesta óþurftarframkvæmd sem um getur, eftir að þarna komu tvöföld beygjuljós. Svo mun þetta mannvirki útheimta annað eins niðri í Lönguhlíð þar sem hinn raunverulegi flöskuháls er. Framtíðin er nýjar leiðir út úr borginni - Hlíðarfótur og vonandi líka brú yfir Skerjafjörð en með henni væri hægt að komast á örskotsstundu milli Reykjavíkur og Hafnarfjarðar.

Svo brúum við þaðan yfir í Straumsvík og þá er ekkert mál að flytja innanlandsflugið til Keflavíkur. Nema að við komum því fyrir á Álftanesi.