Skrautleg þjóð.

Held að Ólafur hafi ekki verið að vitna í marktækar skoðanakannanir þegar hann rökstuddi ákvörðun sína. Eða hvað segir fólk þegar að svona sveifla verður á einum degi:

Fyrst birt: 06.01.2010 18:00

Síðast uppfært: 06.01.2010 18:13

 

Ríflega helmingur ósammála forseta

Ríflega helmingur þeirra sem svöruðu spurningum Gallups er ósammála ákvörðun Ólafs Ragnars Grímssonar, forseta Íslands, að skrifa ekki undir lög um ríkisábyrgð á Icesave.

Gallup beið ekki boðana eftir að ákvörðun forseta lá fyrir og spurði 1200 Íslendinga um álit á niðurstöðunni. Spurt var: Ertu sammála eða ósammála ákvörðun forseta Íslands um að staðfesta ekki lög um ríkisábyrgð vegna Icesave-skuldbindinga sem Alþingi samþykkti 30. desember 2009?

51% aðspurðra er ósammála ákvörðun forsetans en 41% sammála. 8% voru hvorki sammála né ósammála.

Sé rýnt nánar í tölurnar kemur í ljós að 16,5% stuðningsmanna ríkisstjórnarinnar eru sammála ákvörðun forsetans, en 64,5% þeirra sem ekki segjast styðja stjórnina. Í greiningu Gallups segir að niðurstöðurnar bendi til þess að eftir því sem lengra hafi liðið frá tilkynningu forsetans hafi þeim fjölgað sem séu ósammála ákvörðun hans.

Svarhlutfall í könnuninni var 63,5% en þessi könnun var gerð á netinu. Nánar verður fjallað um niðurstöðurnar í sjónvarpsfréttum klukkan sjö.

www.ruv.is

Meirihluti andvígur ákvörðun forsetans