Er þetta ekki maðurinn sem fyrir nokkrum dögum sagði allt annað?

Sögðu Bjarni og Sigmundur Davíð ekki fyrir nokkrum vikum eða dögum jafnvel að það væri með öllu óeðlilegt af stjórnvöldum að tengja Icesave og líf stjórnarinnar saman? Og hvað segir hann nú:

„Í víðu samhengi þá mun hún snúast um líf ríkisstjórnarinnar," segir Bjarni. „Ríkisstjórn sem getur ekki leyst þetta vandamál getur ekki haldið áfram.

Og í því samhengi þá undra það mann að Bjarni og eftir atvikum Sigmundur hafa ekki farið erlendis t.d. til Hollands og Bretlands og talað máli okkar þar við kollega sína í systur flokkum þar. Af hverju skildi það nú vera? Af hverju hamast þeir í stjórnvöldum fyrir skort á kynningu en hafa svo ekki sjálfir dug í að vinna að sínum góðu lausnum sem þeim finnast svo auðvelt að hrinda í framkvæmd? Maður hefði nú haldið að þeir vildu sína okkur efasemdarmönnum að við hefðum rangt fyrir okkur.

Er þetta kannski bara ekki ætlun þeirra. Getur verið að þeir séu bara vísvitandi að skapa hér falsvonir hjá þjóðinni og skapa hræðslu og ringulreið til að grafa undan núverandi stjórnvöldum. Nú þegar að búið er að ganga í skítverkin eins og hækka skatta og koma bönkunum af stað þá sé alveg þess virði að gera úrslitatilraun að koma stjórnvöldum frá.

Síðan væri gott fyrir Bjarna að átta sig á að hann sem talar um að við þeir segja að verðum að koma saman sem sterk heild gagnvart viðsemjendum, gerum það varla þegar að menn segja svona við Reuters:

 „Ríkisstjórn sem getur ekki leyst þetta vandamál getur ekki haldið áfram. "

Bjarni er að sýna sig sem tækifærisista sem segir bara það hentar í hvert skipti þó það stangist á við orð hans daginn áður.

Bjarni: Snýst um líf ríkisstjórnarinnar

Athugasemdir

[Ingibjörg Guðrún Magnúsdóttir, 12.1.2010 kl. 22:13]

Hann er bara að segja það sem Ríkistjórnin er búin að segja sjálf. Núna síðast frá Gylfa Magnússyni sem sagði það að ef þessi samningur no.2 verði felldur af okkur þá fari Ríkistjórnin frá, svo hann er bara að segja það sem Ríkistjórnin er MARG búinn að segja okkur sjálf.

[Magnús Helgi Björgvinsson, 12.1.2010 kl. 22:31]

Og þú heldur að það styrki málstað okkar erlendis' Að hér séu líkur á að stjórnin falli?

Hafa þeir ekki sagt að við þurfum að koma fram að festu og sameinuð? Hver heldur þú að vilji semja við stjórn sem hvort eð er að falli komin skv. formanni stærsta stjórnarandstöðuflokksins?

[Hólmfríður Bjarnadóttir, 12.1.2010 kl. 22:31]

Bjarni er bara að segja okkur að það hefur frá upphafi verið eini tilgangurinn með þessu málþófi og öllu upphlaupinu, að koma ríkisstjórninni frá. Svo koma "þessir frelsandi englar" og segja okkur að útreikningurinn hjá þeim um þjóðargjaldþrot sem átti að vera yfirvofandi, hafi einfaldlega verið rangur og það sé bara allt í lagi að samþykkja samninginn, enda sé bara ekkert annað í boði.

Besta ráðið til að halda Hrun-flokkunum utan ríkisstjórnar er að segja JÁ Í ÞJÓÐARATKVÆÐAGREIÐSLUNNI OG STAÐFESTA ÞANNIG LÖGIN

[Auðun Gíslason, 12.1.2010 kl. 22:33]

 

skarfur

12.1.2010 | 20:47

Samningar ríkisstjórnar Geirs H. Haarde fyrir hönd þjóðarinnar 10. október 2008 og 16. nóvember 2008! Þannig hófst samningaferlið!

Samkomulag milli Hollands og Íslands um IceSave

11.10.2008

Að loknum uppbyggilegum viðræðum hafa hollensk og íslensk stjórnvöld náð samkomulagi um lausn mála hollenskra eigenda innstæðna á IceSave-reikningum Landsbankans.

Fjármálaráðherra Hollands, Wouter J. Bos, og fjármálaráðherra Íslands, Árni M. Mathiesen, tilkynntu þetta.

Ráðherrarnir fagna því að lausn hafi fundist á málinu. Wouter J. Bos kvaðst einkum ánægður með að staða hollenskra innstæðueigenda væri nú skýr. Árni M. Mathiesen bætti við að aðalatriðið væri að málið væri nú leyst.

Samkomulagið kveður á um að íslenska ríkið muni bæta hverjum og einum hollenskum innstæðueiganda innstæður að hámarksfjárhæð 20.887 evrur. Hollenska ríkisstjórnin mun veita Íslandi lán til að standa undir þessum greiðslum og hollenski seðlabankinn mun annast afgreiðslu krafna innstæðueigendanna.

Samkomulag næst við Evrópusambandið fyrir hönd Hollendinga og Breta - Greiðir fyrir láni frá Alþjóðagjaldeyrissjóðnum (IMF)

16.11.2008

Mikilvægur áfangi hefur náðst til lausnar deilunnar um innstæðutryggingar vegna íslenskra bankaútibúa á Evrópska efnahagssvæðinu og stöðu sparifjáreigenda í þeim. Viðræður Íslands við nokkur Evrópusambandsríki, sem komust á fyrir tilstilli Frakklands sem nú fer með formennsku í Evrópusambandinu, leiddu til samkomulags um viðmið sem lögð verða til grundvallar frekari samningaviðræðum.

Samkomulagið felur í sér að íslensk stjórnvöld ábyrgjast lágmarkstryggingu þá sem EES-reglur mæla fyrir um til innstæðueigenda í útibúum bankanna erlendis. Endanlegur kostnaður ríkissjóðs vegna þessa mun ráðast af því hvað greiðist upp í innstæðutryggingar af eignum bankanna. Einnig er kveðið á um að Evrópusambandið, undir forystu Frakklands, taki áframhaldandi þátt í að finna lausnir sem gera Íslandi kleift að endurreisa fjármálakerfi og efnahag.

Aðilar eru ásáttir um að hraða fjárhagslegri aðstoð við Ísland, þar með talið samþykkt lánafyrir­greiðslu sem beðið hefur samþykktar stjórnar Alþjóðagjaldeyrissjóðsins (IMF) undanfarnar vikur. Erindi Íslands hjá IMF verður tekið til afgreiðslu hjá sjóðnum miðvikudaginn 19. nóvember.

Umsamin viðmið

1. Ríkisstjórn Íslands hefur átt viðræðufundi með stofnunum Evrópusambandsins og hlutaðeigandi aðildarríkjum þess um skuldbindingar Íslands samkvæmt samningnum um Evrópska efnahagssvæðið að því er tekur til tilskipunar um innstæðutryggingar 94/19/EB. Aðilar komu sér saman um að tilskipunin um innstæðutryggingar hafi verið felld inn í lög­gjöf­ina um Evrópska efnahagssvæðið í samræmi við samninginn um Evrópska efnahags­svæð­ið og gildi því á Íslandi með sama hætti og hún gildir í aðildarríkjum Evrópusambandsins.
2. Viðurkenning allra aðila á þessari lagalegu stöðu greiðir fyrir skjótri niðurstöðu samninga­viðræðna þeirra sem nú standa yfir um fjárhagsaðstoð við Ísland, þ.m.t. við Alþjóða­gjald­eyris­sjóðinn. Þessar samningaviðræður skulu fara fram með samhæfðum og samræmdum hætti og skal þar tekið tillit til hinna erfiðu og fordæmislausu aðstæðna sem Ísland er í og knýjandi nauðsynjar þess að ákveða ráðstafanir sem gera Íslandi kleift að endurreisa fjármála- og efnahagskerfi sitt.
3. Stofnanir Evrópusambandsins og Evrópska efnahagssvæðisins munu taka áframhaldandi þátt í þessu ferli sem fer fram í samráði við þær.

Reykjavík 16. nóvember 2008

Kannski ekki úr vegi, að minna á þessar samninga ríkisstjórnar Geirs. H. Haarde nú þegar ásakanirnar  dynja á núverandi ríkisstjórn.  Svona hófst í raun þessi samningaruna.  Svona var ríkissjóður skuldbundinn í byrjun þessa leiðindamáls!  Nú virðist stór hluti þjóðarinnar telja að Jóhanna og Steingrímur J. eigi sök á hvernig komið er, og þau sæta ásökunum um hin villtustu svik við land og þjóð.  Munið að Icesave-myllan fór af stóð 2006 með vilja og vitund íslenskra yfirvalda!

[Jón Steinar Ragnarsson, 12.1.2010 kl. 22:39]

Það er í hendi þeirra hvort stjórnin blívur og það vita Steingrímur og Jóhanna. Þeir eru hreinlega að bjóða þeim grið ef þau snúast á sveif með þjóðinni. Ekki von að þú skiljir svona. 

Steingrímur heldur samt áfram eins og séra Jim Jones í Jonestown: "Drink the Cool Aid and our troubles will be over."

[JR (IP-tala skráð) 12.1.2010 kl. 22:45]

Auðvitað hefur þetta alltaf snúist um sjálfstæðisflokkinn og ekkert annað !

Því miður eru allir fjölmiðlar á fullu með þessari klíku sjálfstæðismanna !

Ef fólk fer ekki að hugsa um þetta ICESAVE mál, sem einkavina mál sjálfstæðisflokksins, þá endar þetta illa !

ICESAVE er einkavinamál sjálfstæðisflokksins , og þeir eiga að gera þessu máli skil !

Það gerir sjálfstæðisflokkurinn með því fá ICESAVE liðið til að borga sínar skuldir !

Allir í ICESAVE liðinu hafa haft viðkomu í Vlahöll sem félagar í sjálfstæðisflokknum !

[ASE (IP-tala skráð) 12.1.2010 kl. 23:17]

Don't worry, hann verður örugglega búinn að skipta aftur um skoðun á morgunn :-o   En án gríns, þá fannst mér erindi Sigurbjargar Sigurgeirsdóttur í Silfri Egils síðasta sunnudag mjög áhugavert og upplýsandi um stöðu mála í íslenskri pólitík.  Týndist svolítið innan um það sem fólk vildi heyra en mæli eindregið með því að hlusta á hennar innlegg.

[G. H. (IP-tala skráð) 13.1.2010 kl. 02:30]

Skarfur, gott inlegg og þarft .

Það er nefninlega þannig að  allt á sér  eitthvað upphaf . Örsök og afleiðing heitir það víst.

Ég hef rekið mig alltof oft á það í umræðum fólks á milli að það man ekki,vill ekki muna eða var lítið að velta icesafe samningunum fyrir sér á sínum tíma. Vaknar svo upp við vondan draum og heyrir í þeim sem öskra hvað hæst, lýðskrumurum og yfirklórurum.

Ég varð fyrir vonbrigðum í sumar þegar stjórnarandstaðan sat hjá sínum eigin fyrirvörum og stóð ekki með sjálfri sér. Kom svo með einhverja hallærislega afsökun. Ég var farin að trúa að þingmennirnir okkar ætluðu sér að vinna saman í þessu ;ömurlega; máli, en annað kom á daginn.

Ef við hinn almenni launþegi myndum haga okkur svona í vinnunni þá væri löngu búið að reka okkur.

Það á að vera krafa okkar, vinnuveitenda þessara manna að þeir sýni samstöðu,hætti að setja fótinn fyrir hvern annan og leysi þetta mál. 

Sjálfsstæðisflokkurinn  fékk sitt tækifæri, við munum hvernig það fór , við sjáum hver staðan er í dag og nú er tími til kominn að hátt og hæstvirtir fari að vinna saman.

Vér mótmælum öll.

Sameinaðir stöndum við, sundraðir föllum við. 

[Helga Kristjánsdóttir, 13.1.2010 kl. 03:02]

 Skarfur skilur ekki enn muninn á samkomulagi og samningi.  

          Er ekki alveg með á hreynu hverjir þessir hrunaflokkar eru
               eru þeir enn við völd?

[Óskar, 13.1.2010 kl. 07:42]

þessi rugludallur hann Bjarni skiptir um skoðanir oftar en venjulegt fólk skiptir um nærbuxur.  Helga, bíddu við , hvaða flokka kallar þú hrunflokka ?  Allir vita að sjálfstæðisflokkurinn ber 90% ábyrgð á hruninu.  Núverandi stjórn er að reyna að taka til eftir þetta pakk.  En pakkið á greinilega ennþá stuðning nokkurra einfeldninga eins og Helgu.

[G.H. (IP-tala skráð) 13.1.2010 kl. 11:23]

Úr hinni íslensku orðabók: Samningur, 1. samkomulag,sætt,sáttmáli osfrv,

                                          Samkomulag, 1 samningur, sáttmáli, osfrv,

Orðhengill,    maður sem hangir í þrengstu merkingu orða , sem snýr útúr     

                    orðum  =  Orðhengilsháttur.

    Bara svona upprifjun á okkar ylhýra máli.